بـيــــــــع الـتـذاكــــــر وســــــــوء التنظيـم
 

يسعد مساكم يا زعماء ،،

اليوم قبل صلاة العشاء ذهبت لاستاد الملك فهد ووجدت زحمه لدى البوابة الشماليه والتي اعتقد لا يوجد غيرها مفتوح ،،

المهم انه لا يوجد سوى موظف واحد فقط لبيع التذاكر مع وجود زحمه وعدم تنظيم من قبل حراس الامن وبزارين النظيم الله لا يوريكم ،، ما يعرفون شي اسمه نظااااااام ،،

المهم انني انتظر اكثر من خمس واربعين دقيقة في البرد من اجل شراء التذكرهـ

واللي طفشني هو عدم فتح اكثر من شباك من اجل تنظيم الناس وسرعة حصولهم على التذكرهـ خصوصاً ان الجو لا يساعد ابداً في الانتظار ،،

والوعــد يوم الاثنين في الاستـــاد بإذن الله ،،، ودمتم سالمين

الله يعين ويعطيك العافيه

ياويلو ياويلو يامانشستر خخخخ

انا رايح العصر و فيه زحمه بس قعدت ربع ساعه و شريت التذكره

ياخي عندهم اكثر من 5 شبابيك و حاطين موظف واحد ما يصلح كذا

والله مشكلة المفروض وزعوها في اكثر من منطقة

ياليتها وقفت على عيال النظيم والحمد لله إنهم هلالية وسعوديين
المشكلة بني هنود اشترى كمية كبيرة عشان يستغلها ويبيعها عن طريق السوق السودا

نفس الحكايه صارت معي عند استاد الملز وبعد الزحمه ومسك السراء الصبح وما فيه الا شباك واحد وموظف واحد بعد نصف ساعه من الوقوف والانتظار قالوا التذاكر خلصت ورجعت بدووووون تذكره والعصر رحت لم النادي وشريت تذاكر واستفد اني حضرت التمرين

الله يعين
بس

يا رجال والله أني رايح بعد المغرب لم النادي وشريت التذاكر وما قعدت إلى 5 دقايق بالكثير

بقلم ((هلالي و محد يتحداني))

الله يعيينكم

طيب اذا ما قدرو ينظمون بيع التذاكر وشلون بينظمون المهرجان

اقول الله يعيين بس

والله اللحين في استاد الملز مهزله
كل العالم مجتمعين ويبيعون تذاكر الي ب100 او 120 او 90 على كيفهم كانها اسهم ترتفع وتنخفض

بس ابنتظر بكرا بروح للاستاد الملك فهد باذن الله القى بستين

والله ما راح نتطور وحنا كذا !!

انا محرك بإذن الله من المدينة بكرة ويارب نلحق على التذاكر ومايروح تعبنا


لعيووووووون سام 6 كل شي يهون وانثبروا في بيوتكم يالله مستخسرين ال 60 ريال وانتو قادرين عليها

ايه والله هالبزران ما ادري وش يبون
انت لو سويت الحركة اللي هي سااقط تعيش :)
انا خويي اللي معي ساقط وخلصنا عالسريع
اهم شي شريت التذاكر

يارجال لو شفت الفوضى عند نادي الهلال الصبح,,وش تقول,,ساعه ونص عشان اخذ تذكره,,وحق موبايلي يلعب علينا كل شوي يودينا مع بوابه