|
قصيدة في سامي الجابر بمناسبة اعتزاله اقدم هذه القصيده بمناسبة اعتزال نجم النجوم واسطورة الكره العربيه والاسيويه سامي الجابر يومن قبل نصف الشهر ينتظرنا ... يومن مهم ويكتمل لا حضــرناه واجب ودين أنسدده لأحضـرنا ... للاعب اللي لو رحل ما نسيــناه في اعتزال اللي بحبه سحــرنا ... أسطورة الكوره وللعبه عشقنــاه سامي وغيره بالاسم ما جهـرنا ... والذيب هو سامي وكلن تمنـــاه بقيادته للمنتخب كم نصـــرنا ... وجاب الخليج اللي هجرنا و جبناه عشرين عامن لا بغينا ظهــرنا ... في كل دوره ما ذكر قد كســبناه وللعالمية بالتأهل عبـــــرنا ... وسجل حضوره بالهدف لين شفناه ومن قبل لا نذكر ولحدن ذكـرنا ... ولا نعرف العالم ولا قد سمعــناه ومع الزعيم أسنين فيها ازدهرنا ... أمجاد تحسب له وبسمه مسمـــاه ياكم من انجازن بجهده ظفـرنا ... ما فيه كاسن ينذكر ما ملكنــــاه نذكر ونذكر كم فريقن قهــرنا ... من سبت اهدافن تسجل بمرمـــاه يبهرهم الجابر وفيه ابتهــرنا ... ما قد سمعنا حارسن قد تحـــداه ويوم احترف برى بذكره شهرنا ... في انجلترا كلن هتف له وحيـــاه باسم العرب سامي وبسمه فخرنا ... مصنفن في مركزن ما حدن جـاه تشهد له الفيفا مصدر خبــرنا ... ما هيب مدحة معجبن يقصد أطـراه عشرين عامن بالسعادة غمـرنا ... واليوم نادانا ولابد ننصـــــاه وعن ليلته لو نعتذر ما عـذرنا ... كيف ان تعذر عن وداعه و لقــياه نروح وان وادع بفنه نظــرنا ... ونشهد نهاية معجزه محدن اســواه حنا اهل وقفات كلن خبــرنا ... صالح ويوسف حفلهم ما تركنــاه عشرين بيت ومعذرة لو قصرنا ... بغيتها حسبة سنينه وذكـــــراه |
روووووعه ,, فالم البيرق .... ههههههه تسلم عالموضوع |
قصدي فالك ( من جد حراره عااااليه ) |
صح لسانك ياغالي ويستاهل الاسطورة سامي الجابر |
wow wonderful |
صح لسانك وفالك رضى الله ووالديك |
الله يعطيك العافية على القصيدة وصح لسانك بس يالغالي لو تنقلها لمنتدى أعتزال سامي يكون أحسن ولك جزيل الشكرررررررررر آآآآآآآآآآآآآه أأأأأأأأأأأأأأأأأأأأأأأه أأأأأأأأأأأأأأه ياسامي ياأسطورة http://www.saudifree.com/up/pic16/saudifree_ed53b.jpg |
صح لسانك و ما قصرت و بإذن الله الموعد يوم الأثنين لحضور مباراة إعتزال الأسطورة و ذئب الملاعب سامي الجابر الي خدم الهلال و المنتخب عشرين سنه من العطاء و يجب أن يكون الملعب ممتلئ على أخرة أمتنان و عرفان لما قدمه سامي الجابر للهلال و المنتخب السعودي و كم فرحة و بسمة سببها لنا |
صح لسانك و ما قصرت |
يسلمو على القصيدة الرائعة |
مشكووووور على القصيدة الروووعة |
إقتباس:
|
كبيرررر والله كبيرررر |
مشكور أخوي على القصيدة صح لسآنك ومآعليك قصور وسآمي الله يصبرنآ على فرآقه بس ..,, إقتباس:
وأنآ أشهـد صـح لسآنـ ك يآالغآلي ..,, |
إقتباس:
هلا وغلا ومراحب بمرورك يستاهل الجابر وانتم تستاهلون يا ذوقيين |
| الوقت المعتمد في المنتدى بتوقيت جرينتش +3.
الوقت الان » 05:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd