متى نشوف بعض على الهواء مباشرة ؟؟
 

هلا يا أخوان وياأخوات ....


من زمان وحنا نلتقي هنا بهالمنتدى لقاء شبه يومي
ونتدابج بالردود ونتزاحم بالمواضيع وكل شوي موضوع فوق موضوع

ونعقب على بعض ونعلم بعض ونتعلم من بعض ..

تصدقون اني دايم اتخيل انه يبي يجي يوم ونلتقي ونتشواف برا النت ..

طبعا الرجاجيل مع بعض والحريم مع بعض الاختلاط ممنوع ..:D :D


تصدقون اني كل ماقريت رد حداكم اني اتخيل شكله وشلون عايش
{ لا أحد يزعل تراه مجرد خيال }

مثلا :
نبدأ بسعادة البية الاعصار :

ــ أحس انه مايلبس شماغ دايم الا في المناسبات :D

ــ يشرب شاهي بكاس مهوب ببياله :D

ــ مايحب النور القوي لذلك دايم يشغل الاباجورة .


كوكتيل باشا :

ــ يلبس نظارات أكييييييييييييد :D

ــ انواع السيديات عنده ..

ــ يشغل التلفزيون وهو خاش النت ويحط قناة عمان

ــ يحب الكولا الجديدة القزاز ..


سلمان ابو تسعات: الله يسعده ان شاء الله بزواجه ويجيب لنا تسعات صغار

ــ راعي بر .. وبالشتاء البشت ماينزل من سيارته .

ــ يحب المكرونه بالبشاميل ..

ــ يسمع الأخبار دايم .

ــ يكاسر واجد إذا جاء يشتري.:D



المشرفين المحترمين :

ابو سليمان

ــ عنده سيارتين ....كابرس 97
وهايلوكس 84 للكشتات الاصطب القدامي منكسر .:D

ــ يعشق مجلة اليمامة ويحتفظ بالاعداد القديمة

ــ يشرب زنجبيل بشراهة :D


البارق 2000

ــ طوووووووووووويل ويلبس نظارات :D

ــ يكره شراريب العائلة

ــ يتابع برنامج الفخ متابعة غير طبيعية ..

ــ يشرب القهوة مع هيل خفيف :D


حبي تيماوي :

ــ راعي الكترونيات
فيديوهات روادو مسجلات بلاي ستيشن DVD كاميرافيديو كاميرا ديجتل
ويحب يفكفكهن ويخربهن بعد :D .

ــ يعشق الشاهي من الدرجة الأولى .

ــ الفصفص ضروري عنده في وقت المباريات .


هلالي الجوف :

ــ معه جيب شيروكي توه مطلعة من الورشة بسبب الاديتر يخر .

ــ بجنب فراشه ساعتين خراشيات لان نومه ثقيل :D

ــ يحب كيك لوزين بالفراولة

ــ جواله سيمنس ..


الغريب : انا حاط هالموضوع علشانه ==>ياحبي له بعد :D :D :D

ــ يلبس نعال زبيريات :D

ــ يحب برنامج الاتجاه المعاكس بل انه يسجل الحلقات

ــ يتابع هايدي ==>والعهده على الراوي بروقي :D

ــ جواله عائلي :D

ــ مايحب يمسك سرا بالمخبز :D

ــ يقرأ الجريدة وهو يتغدى



عاشق الثنيان 15:

ــ بمخباته 3 قلامه ازرق واحمر واخضر

ــ يلبس قبوع أكثر الاحيان:D

ــ يحب سنتوب

ــ رقمه السري حق بطاقة الصراف 1515==>اتوقع لاتصدقون :D ;)


سهل 888

ــ مخباته دايم مليانة مفاتيح + بوك كبير + جوال + بيجر + مفكرة
+ دليل تلفونات + قلامه + مسواك + نظارات شمسية

ــ يقرأ الجرايد بالبقالة مايشتريها:D

ــ يحب الحبحر ==> شيء طبيعي :D


عاشق النمر :


ــ يتابع المسلسلات المصرية

ــ راعي دوران بالسيارة

ــ ينبسط اذا وصلته رسالة بالجوال


وبس .........:D :D :D :D .


أنا داري اني نسيت ناس واجد
بس تقدرون تقولون هذولا اللي امون عليهم مادري يمكن أمون؟؟؟ ==> شكلي ابنجلد وانسجن بسجن المجلس العام بالحاير:D :D

أخاف اتخيل الباقين يزعلون ...

وحتى اللي تخيلتهم ترى الزعل مرفوض
الدعوة فرفشة ..:D :D

واللي يبغاني اتخيله يسجل اسمه لدى أقرب مكتب استقدام :D :D :D


قولوا آمين الله يجمعنا بدار كرامته أجمعين

:yes:

لا تستعجل على رزقك :eek: بس عندي موعد مع حبي الشين وبعدين افضالك:rolleyes:

انت عارف شلون هماك حاس بشي اصبر علي بس :laugh:

حبي حبي تيماااااوي جهز البلاي ستيشن والشاااااااهي المنعنش ;)

اجل جرايد جمجوم :D :D :D :D :D

ملاحظه جوالي مفصول وتلفون البيت على النت :rolleyes:

السلام عليكم 0000

هلا بالجمجمة صاحب الافكارالمنلجمة اللي يحب يلعب طجمة وبالسوني لا لعب

ما يضيع ولا هجمة00000000000000000:D :D


ابيك تكفى تتخيل انا وشلون حياتي؟؟؟؟؟؟؟؟؟؟؟


مع تحياتي00000000000000


ولا تنسى تسلملي على مفقع كفرات البناشر00000000000:upset: :upset:

‌$ اخوي ابو الجماجم انا عندي شك كبير انك كنت حولي او عندي قبل يومين ‍‍‍‍‍‍‍‍‍‍!!!!:confused: :confused: :confused:

$ يا راقل دنت كنت اوريب اأأأوي مني ,,,,:bigeek: :bigeek:

$ ابو ثمانيات على مهلك بس لا تطيح منك ثمانيه ,,,:D :D :D

يا كثر احلامك يا جمجمة

تبي تطيح كل الثمنيااااااااااات:eek:

بشوفتك يالشين;) ;) ;) ;) ;) ;) ;) ;)

بس تعاااااال كيف جمجوم اوريب ( اوربيت ) :eek:

لايكون سااااااكن جنب مقبره:D

موضوع حلو مررره,,,


وابسجل في أقرب مكتب إستقدام,,,


بس تكفى,,


...توقع شخصيتي...

ودنا بس انت فديرة وانا بديرة و قلبي ب حيرة....!!

و انا كيف تتوقعني يا الطبيب النفساني....!!:D :D :D

الغريب إن خيالك واسع ........... بس ما تقدر تكتب قصيدة .... يا الله العمش ولا العمى !!!!!!!!!!!!!!!!!!!!!!!!!!!!!!!!!!!! تسلم اخوي ...

ردوووود بلا حدوووووود

ابو ثمنيات
أجل جوالك مفصول وتلفون البيت على النت

يعني زي حالتي ؟:D :D ;) ;)

شفرة :
ليه الفيتني ضاح ؟؟
ياستر ....

تحياتي:)

ــــــــــــــــــــ
حبيبي الهدف :)

ــ معك كورلا مصدومة مع الرفرف اللي ورا يسار;) :D

ــ حاط كمبيوتك بالمجلس ومزعج أخوك الصغير ماتخليه ينام .:D

ــ فتيت كورة بس الاصابات تلاحقك :D

وش رايك مهوب تسني عندك ؟؟:D

ـــــــــــــــــــ
الغالي حبي تيماوي وفي رواية حتوم :D

يمكن توارد خواطر ==> واحد مايعرف يعبر:laugh:
أجل اوريب اوي اوي...
يخرب بيتك يابوثمنيات :D :laugh:

هلا وغلا بحبي :)
ــــــــــــــــــ
الغالية السلطانة :)

الشكوى لله ياخيتي بس ان شاء الله تحقق:)

هلا فيك :)
ــــــــــــــــــ
الغالي العـــــابــــر:)
ــ تكتب باليسار

ــ مشغلن ابوك بكثر الاسئلة :D

ــ بيتكم بجنب المسجد ;)

ــ تطق خواتك الصغار:D ;)

تحياتي:)

ــــــــــــــــــ
الغالي Blue Lagoon:)

بما أنك خارج السعودية فالتغطية ماتاصل لكم
بس ابحاول :D

ــ تحب الكبسة بشكل خيالي :D

ــ عندك الظاهر فوق المية شريط فديو .

ــ يازين الديرة اللي انت فيها ==> هذي مالها دخل بتخيل شخصيك :D

ــ تقدر شيء اسمه نظارات شمسية :D

تحياتي ياغالي:)

اخوي الجمجمة
 

انا ابغى اعرف ليه الشباب (اخوياك) مسمينك الجمجمة؟؟؟؟؟؟؟؟؟؟؟؟؟؟
_ اكيد شكلك شين
_ راسك كبير
_ ما فيك لحم ( رايح زي الماصورة)
_ تلبس شماغ وتسوي فيها بنت البكارة
_ مسوي سكسوكة علشان تطلع حلو ( بس الشين شين لا تحاول)
_ معاك ددسن( عراوي) واذا جيت تفحط تقعد بعدها ساعة تلملم بودي السيارة
_ تشجع الهلال بس ( مسكين) ما عندكم تلفزون بالبيت وتروح لصديقك عظمة تشوف عنده المباراة
_ معك بيجر ( يا قدمك ) واذا رقد ابوك تاخذ جواله تكشخبه مع الشباب
_ انا الى الحين ما ادري انت شلون تدخل على النت شكلك كل يوم بمقهى تقعد ساعتين او ثلاث وتنحاش ( انتبه لا تنصاد )

[c]بسم الله الرحمن الرحيم[/c]

والله منتب بسيط يالجمجمة قاعد تخيل في أشكال هالعالم:rolleyes:

عاد انا شف وش اتخيل شكلك :yes:

- معك ددسن 84 ومن زود حبك لابو عزيز قلت هالبيت :rolleyes:

ياددسن شفته على الخط ساري *** من سرعته عيت عيوني تشوفه


- تلبس طاقية مثل اللي لبسها عبدالمحسن النمر في طاش يعني مثل هذي

http://www.tash9.com/tash9//backend/...ctures/139.jpg



- اعصل وزنك 30 كيلو <== حلوة ثلاثين :laugh:

- ما تفطر إلا على اندومي مع كاس توت :blueroll: <=== ياويلي على المزاج :D


- إذا قعدت قدام الانترنت تقعد وانت فاق خشتك :smilewink


- تلبس كنادر كبار
http://images.animfactory.com/animat...ill_md_wht.gif



- هذي سيارة ابو جيرانكم :D

http://www.oldcars.com/classifieds/e...evy_belair.jpg


هاه يمديك على الوصف ;) ;)



ملاحظة اي صوره ما تطلع اضغط اللي على اليمين ثم اظهار صور

سجل اسمي يا جمجوم المرجووووووووووووووج

شكل ما ينفع
لا ترصيص
ولا وزن اذرعة
ولا غيره

هاهاهاها

اخوي جمجمه اوصافك جدا رووووعه وفكرتها حلوه..

يكفي انها تزيل الرسميات بيننا ..

من جد شكرا .. وياليت القى نصيب من اوصافك وتخيلاتك ..

باالله وش تخيل شكلي ..

بسرعه قبل مااحط صورتي هاهاها لأنها جاهزه ..

________________________________________________

ملاحظه ..

اخي العاصوف ..

اوصافك وتخيلاتك قمة الروووووعه.. ماشاء الله عليك

توصيف بدقه هاهاهاها انت متأكد ان هذه اوصاف ( جمجمتنا الغالي )
____________________________________________

شكرا جمجمه..

اخوك ..

( رااي )

ههههههههههههه
انا اتوقع البارق ..
ابيض بس انه شين :)
ويلبس نظارات
رسمي مره :)
يحط قلم باركر في جيبه

وسلامتكم :)