|
الفروه Vs المدرسه (موضوع للنقاش) السلام عليكم ورحمه الله وبركاته ياحي الله الشباب ..حي الله البنات.. حي الله الباردين والبردانات..علوم الأخبار واااااااااااااوك والله يأنا..منذ مبطي مانزلت موضوع..اشتقت أني أنزل موضوع لكم..:smilie47: فبدين أفكر..وأفكر..وأفكر..ألين جت..في بالي الفكرهs60s الفروه Vs المدرسه نظرا لبرووده الأيام السابقه وبأذن الله الأيام القادمه كان طلاب المدارس يحضرون للمدرسه اللبس المعروف بجامه..شراب..كنادر(وانتم بكرامه)..ثوب شتوي..شماغ صوف..جاكيت..قفازات كل ماذكر سابقا أحضرته شخصيا الى مدرستي الموقره لكن..! ولا شي من هالأشياء نفع أو حسسني بالدفئ بالعكس والله تقول اني مالبست شي بررد.بررد يعني لدرجه خياليه والكل منكم جرب هالشي..المهم..لفت نظري واحد بالمدرسه جايب فروه والرجال ماخذ راحته ولاهوب ينتفض ويرقص دسكو مثل باقي العيال:d رحت لمه وسولف معه واخذت الي عنده بالعربي قال الفروه أحسن من قراشيعكم بـ1000مره جزمت أني أجيب الفروه بكرى وفعلا جبت الفروه لم المدرسه وش أقول بس وش تبونن أقول تبي دفئ تبي كل شي بالفروه موجود كلش سولفت أنا واحد من العيال الي بحارتنا وأشتكالي الوضع وبدى يفضفضلي قال الفروه عندنا بالمدرسه ممنوعه..!؟ سؤالي هنا ليش وبأي حق يتم منع الفروه بالمدرسه..؟ والي زاد أعجابي أن مديرنا الفاضل الله يجزاه خير مامنع الفروه بس فيه بعض الأستقعادات من بعض الوكلاء بأسل ليه المدرس يدخل علينا لابس بشت ولا فروه ويبدأ يشرح الدرس بمأن الطلاب ميتين برد..؟ بآخر شي أتمنى ان هالموضوع أعجبكم وأنكم أن شاء الله ماتمرضون بالبرد هالجاي هذا جدتي تصوت لي تقول قلهم يتمرخون بفكس قبل ماينامون ..وش تبون بعد جدتي تحبكم..:d:smilie47: يالله تأمرون شي..لاحد يستحي..الي يبي شي يقولي يالله بمان الله تحياتي !!هلالي الرس!! |
انا من رأي اكثر شي يدفي الملابس الداخليه... وبالنسبه للفروه مدرستنا سامحين فيها الفتره هاذي حتى المدرسين لابسينها ومافي طابور صباحي.. واتمنى من ادارة التعليم انهم يشيلون الطابور ويسمحون بلبس الفروه لأن في اربع طلاب ماتوا يوم الثلاثاء بالسعوديه... وشكرا لك |
ياهلا والله ,, والله موضوع فكرته رائعة جداً والله الفروة عندنا مباحة :d انا يوم كنت في الحكومية ممنوع الفروة عندهم والله البرد بخليك تلبس اي شئ لو فيه خيمة ع قد الأنسان كان شريناها :d لاهنت يالغالي ع الموضوع البارد :d تحياتي :smilie47: |
هلابك يالغالي وموضوع جا بوقته صدقني أني مع حضورك بأي شيء لو تحضر ببطانية وتتلحف بالمدرسة بس انه يتم منع دخولك ترا المدير ماله حق في هذا الشيء مطلقا وهي من خصوصيات الطالب التي لايجب التدخل فيها وان حدث ذلك مديروا المدارس للأسف بعضهم طاف عليه الزمن ويجب ان يذهبوا غير مأسوف عليهم اذا كانت تلك قراراتهم البرد يالغالي قد يسبب السكته القلبية ولذلك يجب ان نحافظ على أبنائنا في المدارس من ذلك الضيف الذي سمعت في قناة العربية انه قد تصل الى سقوط الثلج بالرياض والله يعينكم على البرد صدقني أتوضا للصلاه بمسج يدي بالموية من البرد ولا ادري هذا الشيء جائز ولا مو جائز اما المدرس يدخل عليك ببشت لانه مدرس وانت طالب وهذا اكبر خطأ يتعامل معه مدراء المدارس مع إحترامي الشديد |
ارحب عزيز الساعة المباركة اللي نزلت بوها موضوع بالنسبة لي أنا من نفسي ما أحب الفروه بالمدرسه لأني باختصار أبنااااااااااام صاحي أنت فروه وما تنام لكن الحقيقه إن الشاورما أزين من الفروهـ :D |
إقتباس:
والله أ،ا معك بالنقطه هذي بس برد هالأيام ماتدفيه لاملابس داخليه ولا خارجيه ولادالفاع وةالطيران >>مصخها ع العموم شاكر لك مروورك |
أما بالنسبه للباقين لي عوده للتعقيبات |
أما لو يسمحوون بالفروه كان ياسلااام يعني تخيلووا فروه مع شاهي أنوااع الفلله أحسن كشته وبعدين غريبه مدرستكم سامحين بالفروه المعروف انه ممنووع والطابور عندنا ألغووه |
ولله موضوع فله .. ونا كل يوم ميت برد لو البس الطاوله والكرسي وبالنسبه للفروه في المدرسه مدري هي ممنوعه ولا لا |
شاكر للجميع المرور وأقول لهلاليه حره حنى عدنا بالمدرسه مسموح الفروه والشاهي والحليب بس انا كاتب الموضوع للمدارس الثانيه الي مو مسموح عندهم |
ممنوعه الفروه على اساس ان المكيفاات حقت الفصول فيها حــاار يشغلونه لك .. ليش الفروه ..!! تخلف مابعده تخلف .. والله ماراح نتطور ابــدا .. اقسم بالله العضيم اني رحت لمدرسة اخوي على شان ذاك اليوم مادخلوا اخوي بالفروه .. وقلتلهم مولابس فرووه ( اجل مو داارس ) وهذا من حقي .. ياخوي انا خايف على اخوي لايجيه شيء .. كل يوم نسمع ان فيه طلااب يموتوت من البرد .. وادارة التعليم مافكرة حتى تخلي هاليومين الي فيها برد زيــاده ( إجاازه ) العيال يموتون واحد ورى الثاني وهذولي يتقهوون في مكاتبهم ولا يدرون وش الطبخه .. اداره تعليم فااشـــله .. :upset: المهم .. طبعا انا ماادرس الحين .. ولا قد درسة في زي البرد هذا .. ولاكن لو كنت ادرس اكيد ياالبس فرووه يا (مافيه روحه للمدرسه ) :) اشكرك اخوي على موضووعك :) |
إقتباس:
|
بأسل ليه المدرس يدخل علينا لابس بشت ولا فروه ويبدأ يشرح الدرس بمأن الطلاب ميتين برد..؟ يوووه الله يعينكم :d سؤالي هنا ليش وبأي حق يتم منع الفروه بالمدرسه..؟ سؤال صدع راسي وانا ادور له جواب لكن للأسف ما لقيت :upset::d هذيك المره كنا هنا البنات <<<<<<<احلفي :d المهم كنا قاعدين بالسااحه وكنا نسولف ونرتجف البنت تتكلم من البرد مدري وش تقوول :d وقررنا قراار ان نجيب فروه بكراا :clap: وترووح صديقتي لأستاذه الاستاذه هذي مدري كأننا ضابحين احد من اهله حاقده حقد مو طبيعي مع اننا مؤدبات بسم الله علينا :stoned: وتقول له نبي نجيب فروه بكرا وتقوول لاااااااا :wallbash: ليييه لا وش بنسوي فرووه ميتين بررد ما اقوول الى الله يعين على الاختبارات والله يوفق الطلااب والطالبات .،.،.، |
ياهلا وغلا بولد الرس ترى مدير فرع العثيم اللي على طريق الملك فهد في الرس أعرفه اذا تبيني اكلمه يخفض لك بالجبن والزيتون << الله يالدنيا بعد غلا الاسعار صرنا نتوسط بالمواد الغذائيه بالنسبه للموضوع اذكر قبل تقريبا 5 سنوات كنت في الثانويه وجبت معي فروه طبعا ممنوعه سمحوا لي الاداره ذاك اليوم وقالوا لاعاد تجيبها وإلى اليوم ما ادري وش السبب وليه ممنوعه والله تدفي بس تبي الصراحه تجيب النوم وانا اتوقع ممنوعه على شان مايفلونها الطلاب ويقلبون الفصل فندق إقتباس:
ياشيخ مجرد ريحته تقفل اخلاقي :D اجل لو اتمرخ به شكلي بقلب تايسون :D عوافي ياولد الرس على طرحك الجميل وتقبل مروري |
الفروة ممنوعة في جميع المدارس ولكن بعض مدراء المدارس يتسامحون مع الطلاب مثل مدرستكم ,, كما أنها أيضاً ممنوعة أن يدخل بها المدرس للفصل حسب علمي طبعاً وأعتقد أن سبب المنع كون من يلبسه يجيه النوم 0000000 هلالي الرس من طول الغيبات جاب المواضيع السنعة , الله يعطيك العافية وماقصرت 000000000 |
| الوقت المعتمد في المنتدى بتوقيت جرينتش +3.
الوقت الان » 06:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd