تجربتي مع موبايلي بعد ان كنت عميل تميز مع الجوال
 

اعرف انه هذا المكان غير مناسب لطرح هذا الموضوع لكني اطرحه هنا لسببين :

1- انه عرض موبايلي ( الاعفاء من الرسوم لمدة سنه للمحولين الجدد من الاتصالات لموبايلي او اللي يطلعون جوالات جديده مفوتره من موبايلي) ينتهي في يوم 18 / 1/ 2008 وهذا الموضوع للتذكير وحتى لاتضيع عليكم الفرصه.

2- وفاء مني لشركة موبايلي واللتي تدعم الزعيم ... في ظل الحمله الشرسه من الجمهور النصراوي والاتحادي لمقاطعة الشركه بسبب دعمها للهلال.

طبعا هذي خلاصة تجربتي والرقم اللي تم تحويله رقم مميز وفي نفس الوقت عميل تميز لدى الجوال:

1- اعفاء من الرسوم مدة سنه = توفير 540 ريال .
2- خدمة موجود اكسترا مجانا لدى موبايلي = توفير 96 ريال سنويا حيث انها ب 8 ريال شهريا لدى الجوال.
3- تقارير التسليم مجانا لدى موبايلي = توفير 10 ريال شهريا ( على افتراض ارسال 100 رساله شهريا.. وسعر التقرير عند الجوال 10 هللات ) اي 120 ريال سنويا.
4_سعر الدقيقه في باقة مدى 20 هلله لموبايلي و الهاتف الثابت = اترك لكم تقدير التوفير.
5-في موبايلي لايوجد لديك رقم حساب مثل الجوال حيث ان رقم حسابك هو نفسه رقم جوالك ( تروح الصراف وتكتب رقم جوالك وتسدد اللي تبي).
6_ لدى موبايلي جهاز موزع في 500 فرع في جميع انحاء المملكه تقوم بادخال المبالغ نقدا وتسدد جوالك مباشره.
7- في حال صدور الفاتوره فانت غير مجبر على تسديد الفاتوره بالكامل كما لدى الجوال .. حيث تستطيع تسديد اي مبلغ في مده اقصاها 25 يوم من صدور الفاتوره.
8-عند وصولك للحد الائتماني اثناء المكالمه تسمع نغمة تنبيه وبعدها بدقيقه تقطع المكالمه ... وتستطيع بعدها الحصول على مهله من خلال 1100 ( في نظري هذا افضل من الجوال بكثير حيث انك في الجوال قد تتفاجأ بتجاوزك للحد بمبلغ كبير)
9-اذا كان الجوال باسم مراءة فان خدمة العملاء اللي يردون عليك يكونوا نساء ( هذي في نظري احترام للعميل ) جوالي باسم الوالده عشان كذا عرفت هذي النقطه... ودايم اطلب تحويلي لخدمة عملاء الرجال.
10- في حالة تحويل جوالك لجوال اخر فان التكلفه تحسب على المتصل فقط ...بعكس الجوال اللي يحسب عليك وعلى المتصل التكلفه.
11- تغطية الجيل الثالث في مدينة الرياض لموبايلي اكبر من الجوال وحتى الان لم اجد حي في الرياض غير مغطى بالجيل الثالث من موبايلي .. على عكس الجوال ( على سبيل المثال حي المربع غير مغطى من الجوال بالجيل الثالث وكذلك مقهى المسافر على طريق القصيم وكذلك كلية اليمامه).
12- تستطيع مشاهدة القنوات التلفزونيه ب 50 ريال شهريا بشكل غير محدود على عكس الجوال حيث يحسب عليك بالدقيقه.
13-في برنامج نقاطي لدى موبايلي يحسب لك كل ريال بنقطه... بعكس الجوال كل 10 ريال بنقطه.
14-الاعتراض على الفواتير مجانا ... وفي الجوال ب 10 ريال.
15 _ خدمة كلمني وخدمة مفقود يظهر لديك الاسم مثل ماهو مخزن بجهازك بعكس الجوال.
16- المكالمه المرئيه قليلة التعليق بعكس المكالمه المرئيه من الجوال( الى الحين تحديت 4 من الشباب معهم الجوال وعلق معهم المكالمات المرئيه ... وسوف يحاسبني الله ان كنت اكذب في هذي النقطه).

ملاحظه مهمه: الاعفاء من الرسوم الشهريه يوفر عليك 45 ريال شهريا وبالتالي تستطيع الاشتراك بموبايلي الهلال ب 3 قنوات بسعر 36 ريال ... وتكون انت مستفيد والهلال ايضل مستفيد:clapping:.

كلامك صحيح وانا مشترك من زمان في موبايلي

وخل الاتصالات تخيس

مشكووووووور

يعطيك العافيه ... وا لله من الكسل مارحت أغير الرقم


وألا قرفان من الاتصالات السعوديه بيني وبينك


حسبي الله عليهم

والله كل المميزات اللي قلتها خطيره ونية نقل جوالي وارده وبشكل كبير

أنا أيضا أخوي سويت مثل ماسويت أنت
لكن أنا كان عندي رقم من الاتصالات السعودية مميز ومطلعه بمبلغ وقدره 1200ريال(من تحت لتحت)
ففقكرت باقتناء شريحة موبايلي فأخذت أيضا رقم مميز وفي نضري انه أفضل من رقم الاتصالات السعودية
بـ 400ريال والان معفى من الرسوم الشهرية وخدمات والله على كيف كيفك يكفيك انك من تدق على 1100
يردون على طول مو مثل 902 يلطعونك ساعه بالقليل.

نعم موبايلي لا للجوال

صدقت ثم صدقت ووالله انك صدقت

موبايلي وبس

موبايلي عالم من إختياري

مشكووووووور

التحويل ببلاش اخوي هلالي فور افر ... انا رقمي بدايته خمس خمسات وحولته زي ماهو بالضبط وبدون لاادفع اي شي.

مشكور يالغالي
التحويل لموبايلي يوفر كثير
بس للأسف عندنا ما يشتغل الجيل الثالث
يقولون في بداية يناير 2008
وحتى هذه اللحظة لم يتم شيء

من زماان وحنا تاركين الانفصالات