تجربتي مع موبايلي بعد ان كنت عميل تميز مع الجوال - صفحة رقم 6 - نادي الهلال السعودي - شبكة الزعيم

زعيم_اسيا_7 · #1 16/01/2008, 09:52 AM

إقتباس


	مدري عن موبآيلي مآجربتهـ بصرآحهـ بس آلآتصآلآت معفنهـ تقهرـرـر

صدقتي وجريبها بسررعة

اما انا من زمان على موبايلي

منيف الزناتي · #2 16/01/2008, 02:42 PM

موبايلي عالم من هلالي

همومي جبال · #3 16/01/2008, 03:46 PM

يعطيكم الف عافيه

كانت بداية تجربتي مع موبايلي اول ما بدأت

كانت عن طريق شرائح مسبقة الدفع

ماكانت عاجبتني

لكن شوي شوي .. تغطيتها صارت كويسه

ولما جا عرض الارقام المميزه الأول ( يا قوي - يا خطير )

اخذت رقم مميز ملعون والدين

056xxxyyyx

يعني رقمين بس..

اجبروني على باقه الـ 1000 دقيقه ..

والباقه هذي فيها عييب خطير ما يعرفه الا قليييييل

بالصدفه عرفته .. بعد ما لاحظت ان فاتورتي ما تقل عن الـ 800 كل شهر

يعني 1600 كل شهرين !!

ويوم كنت بالاتصالات .. ماكانت توصل هالمبلغ :s

الباقه هذي طريقتها غريبه

يقول لك .. بالشهر عندك 1000 دقيقه مجانا ... ورسوم الباقه 340 ريال

يعني .. باليوم عندك 33 دقيقه ..

يعني نص ساعه

مثلاً .. اليوم كلمت 10 دقايق بس

وجا بكره .. وكلمت 50 دقيقه

المفروض ان ما يحسب عليك شي كذا .. صح ؟!

لأنك اليوم الاول ما اخذت كامل النصيب .. واليوم الثاني .. اخذت نصيب اليوم هذا واليوم الماضي

هم يقولون لك لاااء

كذا ما يصير

اليوم الأول .. الـ 23 دقيقه اللي ما كلمت فيها .. تروح علييك

واليوم الثاني .. 33 دقيقه هذي مجاناً. . والـ 17 دقيقه الزياده .. ياخذون قيمتها عليك !!

عشان كذا كانت فواتيري بالهبل

لكن الحين حولت على باقه مدى ..

وصارت فاتورتي ما تتجاوز الـ 450 .. يعني تقريباً النص

موبايلي رااااااااااااائعه وانصح فيها الكل

بس ركزوا بالعروض واسألوا عنها زين

Hilali_To_Deth · #4 16/01/2008, 03:54 PM

يا عمري يا موبايلي ..

وألف شكر على التوضيح ..

عـــبـــدالله · #5 16/01/2008, 09:20 PM

ايضا برنامج خاشع مجانا لعملاء موبايلي ... وب 50 ريال لغيرهم
منقول من البوابة الرقميه

إقتباس


	السلام عليكم ورحمة الله وبركاته مساء الخير جميعا اعرف ان الموضع او البرنامج قديم لكن نحب نجدده للأعضاء الجدد في موبايلي والمنتدى بشكل عام اهم ميزة فيه الي هي تغير الوضع للصامت اثناء الصلاة لكي يخشع المصلين في صلاتهم ولكي لا تأتيك دعوة من هذا او ذاك وأخص بالذكر كبار السن فوالله اني سمعت مره احدهم يدعي دعوة على اهل الجوالات الي ترن في الصلاة المهم يا خوتي في الله البرنامج حسب كلام موبايلي وبصفتي احد العملاء الجدد لديهم كلمتهم امس وتأكدت بنفسي لأني سمعت الخبر من زماااااااااااااااااان انه مجانا بس قلت يمكن فترة وانتهى العرض لكن طلع موقع خاشع نفسه يأكد هالشي ولما كلمت 1100 قالو لي 24 ساعة ويكون مفعل معك تلقائي التحميل من هنا على ما أعتقد اهم ميزات الاصدار الجديد 2.3: 1- ظبط مدة التنبيه لكل صلاة ( التذكير قبل الصلاة ). 2- تشغيل او ايقاف صوت التنبيه. 3- التحكم في تغيير اذان صلاة الفجر . 4- فتاوى الصيام. 5- شاشة توقف لعرض اوقات الصلوات والتاريخ الهجري. 6- ايقونة تفيد بتشغيل البرنامج على سطح المكتب الجوال. 7- الرد الالي الان متوافق مع جميع الجوالات مع امكانية تسجيل رسالة خاصة بك للرد الالي. 8- توافق البرنامج مع الجوال E90 - N95. 9- امكانية تشغيل الهزاز مع الوضع الصامت لبرنامج خاشع من الاوضاع الاساسية للجوال. 10- توافق برنامج خاشع مع الاوضاع الخاصة اي غير العام . 11- حذف اوقات الصلوات الحالية اذا كان لديك مشكلة بأوقات الصلوات. 12- تغيير رسالة الرد الالي بصوت اخر . 13-عرض التاريخ الهجري على سطح مكتب الجوال.

قرمة · #6 16/01/2008, 09:30 PM

والله ودي أحول لكن الجوال اللي معي نفس حكاية جوالك يعني بأسم الوالدة

ولا أدري كيف أحول
ومن بكرة أحوله إذا كان الوضع بسرعة

عـــبـــدالله · #7 16/01/2008, 09:35 PM

الاخ قرمه موبايلي عندهم فرع للنساء في مجمع غرناطه عند مخرج 9.... وعملية التحويل ماتاخذ ربع ساعه عندهم.
اتصل على 0560101100 او على 1100 واسالهم عن دوام فرع النساء بكره .. اظن يداومون الصبح وحتى الساعه 8 المساء.

غامد والقلب جامد · #8 16/01/2008, 09:52 PM

خلو الاتصالات تخيييييس

ومالنا الا موبايلي

عاشق الموهوب 10 · #9 16/01/2008, 10:25 PM

معاك حق

لكن من العجز لسا ما غيرنا الى اللحين

saja · #10 16/01/2008, 10:30 PM

من جد من الكسل مارحت احول

طفشت من جوال الإمتصاصات

عاشق الفيلسوووووف · #11 17/01/2008, 12:52 AM

عرض التحويل اللي بدون رسوم اشتراك ماشي الى نهاية الشهر
الى 31/1/2008

الهـــايم · #12 17/01/2008, 01:12 AM

<<< عميل التميز مرتاح مع الاتصالات

موبايلي ماعندها تغطيه مثل الاتصالات
عشان كذا طايحين بالعروض علينا

ياحبي للاتصالات
^_^

,؛, الهــــايم ,؛,

khkh1212 · #13 17/01/2008, 01:15 AM

اليوم انا حولت لموبايلى بس قالو انتضر 3 ايام
وكله على شان الزعيم

][هلالي..غيور][ · #14 17/01/2008, 01:45 AM

هلا ابو عابد وش الاخبـآر ..

ابي اسألك سؤال مهم

الحين اذا كان معاي موبآيلي اقدر احط رقم ضمن الاهل والاصدقاء من ( الجوال ) .. ؟

مع العلم ان الجوال ( سوى ) عندهم الخاصيه هذي وتكون الدقيقه بـ 35 هلله ..

الي اعرفه ان موبايلي المفوتر اذا حطيت رقم يكون بـ 20 هلله ..

لكّن استفسآري اقدر احط رقم ضمن الاهل والاصدقاء من موبآيلي لـ الجوال ؟

وعلمنّـي وش اخبـآرٍ بآقة الموج الأزرق .. هلالي وهلالي .. سعر خيـآلي .. !

عـــبـــدالله · #15 17/01/2008, 01:56 AM

اخوي هلالي غيور ... افضل باقتين في موبايلي هما مدى وخطي بلس .
مدى ... طريقتها :
تحدد نقطه معينه وترسل منها رساله ل 1100 وبعدها يعطونك 500 متر عن يمينك و500 متر عن يسارك و500 متر امامك و500 متر خلفك ( يعني دائره قطرها 1000 متر تحيط بالنقطه اللي انت اخترتها ) وتكون مكالماتك الصادره من داخل هذي الدائره لاي رقم موبايلي او اي هاتف ثابت في اي مكان في المملكه بسعر 20 هلله بس وللجوال الدقيقه تكون ب 30 هلله سواء كنت داخل او خارج المدى... اهم شيء انه انت ( المتصل ) تكون داخل المدى ... بينما المستقبل يكون في اي مكان داخل المملكه... واذا طلعت برا المدى تصير كل مكالماتك ب 30 هلله.

وفيه باقة خطي بلس:
سعر المكالمه 30 هلله لجميع الشبكات ( موبايلي والجوال والهاتف الثابت) وتقدر تختار خمس ارقام مفضله ( اعتقد لازم تكون موبايلي ) بسعر 20 هلله.

وكل الباقتين فوق فيهم رقم دولي مفضل.

بالنسبة لسؤالك اتصل على 1100 او 0560101100 عشان يفيدونك اذا تقدر تضيف رقم من الاتصالات السعوديه كرقم مفضل .
فيه نقطه مهمه وهي انه اذا كان جوالك من الاتصالات واتصلت على رقم موبايلي او رقم هاتف ثابت بيحسب عليك الدقيقه ب 45 هلله ... بينما في موبايلي بخدمة مدى بيكون سعر الدقيقه 20 هلله يعني بتوفر اكثر من نصف اللي كنت بتدفعه للاتصالات.