:boxing:والله ودي أحول لكن الجوال اللي معي نفس حكاية جوالك يعني بأسم الوالدة:sweat::sweat:
ولا أدري كيف أحول
ومن بكرة أحوله إذا كان الوضع بسرعة

الاخ قرمه موبايلي عندهم فرع للنساء في مجمع غرناطه عند مخرج 9.... وعملية التحويل ماتاخذ ربع ساعه عندهم.
اتصل على 0560101100 او على 1100 واسالهم عن دوام فرع النساء بكره .. اظن يداومون الصبح وحتى الساعه 8 المساء.

خلو الاتصالات تخيييييس

ومالنا الا موبايلي

معاك حق

لكن من العجز لسا ما غيرنا الى اللحين

من جد من الكسل مارحت احول

طفشت من جوال الإمتصاصات

عرض التحويل اللي بدون رسوم اشتراك ماشي الى نهاية الشهر
الى 31/1/2008

اليوم انا حولت لموبايلى بس قالو انتضر 3 ايام
وكله على شان الزعيم

هلا ابو عابد وش الاخبـآر ..

ابي اسألك سؤال مهم :D

الحين اذا كان معاي موبآيلي اقدر احط رقم ضمن الاهل والاصدقاء من ( الجوال ) .. ؟

مع العلم ان الجوال ( سوى ) عندهم الخاصيه هذي وتكون الدقيقه بـ 35 هلله ..

الي اعرفه ان موبايلي المفوتر اذا حطيت رقم يكون بـ 20 هلله ..

لكّن استفسآري اقدر احط رقم ضمن الاهل والاصدقاء من موبآيلي لـ الجوال ؟

وعلمنّـي وش اخبـآرٍ بآقة الموج الأزرق .. هلالي وهلالي .. سعر خيـآلي .. !

اخوي هلالي غيور ... افضل باقتين في موبايلي هما مدى وخطي بلس .
مدى ... طريقتها :
تحدد نقطه معينه وترسل منها رساله ل 1100 وبعدها يعطونك 500 متر عن يمينك و500 متر عن يسارك و500 متر امامك و500 متر خلفك ( يعني دائره قطرها 1000 متر تحيط بالنقطه اللي انت اخترتها ) وتكون مكالماتك الصادره من داخل هذي الدائره لاي رقم موبايلي او اي هاتف ثابت في اي مكان في المملكه بسعر 20 هلله بس وللجوال الدقيقه تكون ب 30 هلله سواء كنت داخل او خارج المدى... اهم شيء انه انت ( المتصل ) تكون داخل المدى ... بينما المستقبل يكون في اي مكان داخل المملكه... واذا طلعت برا المدى تصير كل مكالماتك ب 30 هلله.

وفيه باقة خطي بلس:
سعر المكالمه 30 هلله لجميع الشبكات ( موبايلي والجوال والهاتف الثابت) وتقدر تختار خمس ارقام مفضله ( اعتقد لازم تكون موبايلي ) بسعر 20 هلله.

وكل الباقتين فوق فيهم رقم دولي مفضل.

بالنسبة لسؤالك اتصل على 1100 او 0560101100 عشان يفيدونك اذا تقدر تضيف رقم من الاتصالات السعوديه كرقم مفضل .
فيه نقطه مهمه وهي انه اذا كان جوالك من الاتصالات واتصلت على رقم موبايلي او رقم هاتف ثابت بيحسب عليك الدقيقه ب 45 هلله ... بينما في موبايلي بخدمة مدى بيكون سعر الدقيقه 20 هلله يعني بتوفر اكثر من نصف اللي كنت بتدفعه للاتصالات.

راجع معلوماتك عن مدى .. وتأكد جيدا ً .. لازم تكون انت والمتصل عليه في تلك النقطه ..

يعني مثلا ً تكلم جارك ..

وآخر استفسآر عن الخدمه هذي كان يوم امس ..

وأرجوا انك تدق عليهم وتتأكد لأني كنت حاسبها مثلك ..

بالنهآيه اكتشفت شيء ثآني وصـآرت تختلف ..

لأاني كنت بشترك فيها .. بعدين تراجعت ..

يعني هذي تصلح للجيران وانا ما استفيد منهـآ ( بصراحه ) ..

تقبّل مروري :)

خدمة مدى متأكد منها 100% المتصل فقط يكون داخل المدى... وعلى فكرة انا تخصصي هندسه الكترونيه وكهربائيه وهذه الخدمه قدمتها شركات عالميه وبعدين وقفوها بسبب انه المدى احيانا يصير اكثر من 1000 متر وبالتالي يستفيد العميل وتخسر الشركه .

على فكره بعض موظفين خدمة العملاء فاهمين الخدمه غلط عشان كذا يعطونك معلومه مغلوطه.... انا يوم حولت جوالي عطوني كتيب فيه شرح للخدمه وهو نفس الكلام اللي قلتلك.

يآليت والله .. مع اني شرحت للموظف وقلت له تأكد وانه خطأ وانا متأكد من الخدمه وكذا ..

قآلي انا موظف وهذا شغلي وانا متأكد من الكلام الي اقوله ..

قلت يعني انا فـ القصيم ما اقدر اكلم شخص فالرياض واكون انا مشترك مدى وداخل المدى هذا ..

قآلي لأ خطأ عليك وصحح معلومآتك ..

تعقـّدت !!

مدى اقدر اضيف فيهآ اشخاص ضمن الاهل والاصدقاء ؟ :) > طمـّـآع :D

سجل عندك مشترك في موبايلي من سنتين و نص

لو يدري مدير هذا الموظف عنه كان علوم:d... تخيل انك تدخل بقاله وتقوله بكم الببسي هذا ويقولك لا هذا مو ببسي هذا لبن:razz:... على العموم الخدمه معروفه عالميا واسمها على مااذكر ( الهوم زون)... بالنسبة لباقة مدى مافيها الاهل والاصدقاء لانها مصممه اصلا لضرب الهاتف الثابت ... بمعنى انها مصممه للشخص اللي تكون مكالماته كثيره من مكان محدد ( مثلا بيته او مكتبه ) فتقوم الشركه بتخفيض قيمة مكالماته من هذا المدى لسعر يكون قريب من اسعار الهاتف الثابت... والخدمه فيها عيب بالنسبة للشركه ( وهو انه المدى احيانا يزيد ويوصل لعدة كيلو مترات) ولكن هذا العيب هو ميزه للعميل .... وفي احد المنتديات واحد من الاشخاص من مكه يقول انه المدى حقه وصل لاربعه كيلو عن بيتهs60s.