فيه سبب للطلاق وهو من وجهة نظري يعتبرأهم سبب وهالنقطة بالذات دايم أفكر فيها. .
أولاً: وقبل كل شيء يجب على الشخص ان يختار الزوجة التي تناسبه هو مو تناسب امه او اخته . .
لأن انت اللي تبي تتزوج و انت الشخص الرئيسي في الموضوع مو أمك أو أختك ..
((أنا عارف انه صعب تطبيق هالشي في مجتمعنا لكن أنا أرى إنه شي أساسي إذا ماحطينا في الإعتبار النتيجة اللي نبي نوصلها في النهاية وهي حياة سعيدة بإذن الله خاليه من المشاكل))
أنا ما ألغي دور الأم والأخت في الإختيار لكن مو بس اعتمد على هالموضوع فقط
لازم يتعب الشخص في هالموضوع إلين يلقى الشريك المناسب . .
مو على طول شخص تخرج من الجامعة ، توظف ، ودخله الشهري مناسب ، خلاص توفرت المادة
يروح لأمه تخطب له على طول أي بنت مو مهم. . المهم أنها تكون حلوووه وبـس . .
بصراحة هالطريقة اللي تجبر الزوج بزوجة لايعرف عن صفاتها سوى شكلها فقط وقليل جداً من (((صفاتها الشخصية))) مو مرتاح لها . .
أنا أدري إن هاذي عادات وتقاليد وصعب نلغيها . .
لكن أنا كزوج ((طبعاً انا أتكلم عن نفسي))أتمنى وأتمنى وأتمنى من كل قلبي أن أجد طريقة ما لأعرف الصفات الشخصية الدقيقة جداً لشريكة حياتي قبل الإرتباط بها
(بس تكون هالطريقة غير مخلة بالدين و مالي شغل بعاداتنا المتخلفة اذاكانت مخالفة للدين )
حتى لو يوصل عمري الأربعين وانا ما تزوجت أفضل اني اعرف صفات شريكة حياتي قبل الزواج <<اجل ردد ردد ياليل ما طولك عمرك ماراح تتزوج
(لا أحد يفسر كلامي غلط انا طبعاً أقصد بالطرق الغير مخالفة للدين) لأن والله العظيم لو فكرنا في الموضوع بجدية هذي حياة ويترتب عليها مسؤليات وتربية أطفال . .
لأن مشكلة كثير من الشباب نظرتهم سطحية لهالموضوع يهمه (الشكل وبس) مايفكر في المسألة بعمق ويعي الأمور المترتبة على الزواج عشان كذا أنا ما أستغرب اذا ما علمت ان نسبة الطلاق في الخليج مرتفعة . .
.............
على العموم انا شاكر لك جداً جداً أخوي هلآلي من أرض اليمن . . 
وأعذرني أخي هلالي من أرض اليمن أنا شطحت شوي عن مسار موضوعك . .
لكن انت فتحت لي هالمجال اللي أعبر من خلاله عما يجول بداخلي . .
وبصراحة أنا معجب جدا جدا في مواضيعك وبطرحك الراقي . . 
وأتمنى أن أجد طريقة لنتواصل فيما بيننا . .
أشكرك مرة ثانية أخوي . .
مع خالص تحياتي . . ورده
محبكـ طــارق . . 
والرجل كامل 
الوضع المتطور
