أول سعودي يشارك في الميدان>>>> العامري يتريا فزعتكم - نادي الهلال السعودي - شبكة الزعيم

روح الإمارات · #1 14/01/2008, 09:40 PM

السلام عليكم ورحمة الله وبركاته
مساء الخير
مساء الحب والاحساس
مساء منور بأهل الطيب والعز

صباح الخير بشاعر المليون
صباح الخير بميدان فزاع

والله ما عندي شي محدد
بس حبيت اسلم عليكم تراكم وحشتوني موووووووووووووت
وخاص الهلالييييييييين لأني حضرت مباراتكم الاخيرة
واحد من الربع عزمني

محمد بن شغيّة العامري

محمد بن شغيبه العامري

المنطقة : المملكة العربية السعودية
العمر : 17
الوظيفة : طالب
هواياته : الابل - الرماية
طموحاته : الحصول كاس فزاع
المشاركات السابقة : أول مشاركة

العامري يتريا فزعتكم

يالله نلقاكم ع خير

البرنسيسه الزرقاء · #2 14/01/2008, 09:49 PM

إقتباس


	لأني حضرت مباراتكم الاخيرة واحد من الربع عزمني

< كنت ابي اسوي لك محاضره على هالجمله
كيف وشلون ومتى

لكن شفت توقيعك

وعرفت انك واحد مو وحده

وبالتوفيق لمحمد العامري

مشكور وماتقصر

برنسس

ورده

mla78_chicken · #3 14/01/2008, 10:04 PM

يا ليت توضح لاني ما فهمت

العيب يمكنه مني مو منك

بنت فهد · #4 14/01/2008, 10:34 PM

يالله انشاء الله بافزع له بس كيف

S K Y · #5 14/01/2008, 10:50 PM

حياك الله والله نورت المجلس يالغالي
بس اذا تتقبل صراحتي بصدر رحب راح اكون لك شاكر
انا احس برنامج الميدان مثل برنامج ( هزي يانواعم )
مع احترامي الشديد لـ اهل الامارات والقائمين على البرنامج
هالبرنامج بصراحه ماله داعي والله
استعراض ورقص طيب وش الفائده المرجوه ؟

فزاع الاجيال · #6 14/01/2008, 11:28 PM

.

بالتوفيق لـ راشد الخاصوني

.. و مسلم العامري

..

وان شاء الله يكون راشد بخير ومايكون مريض يوم ولليله مشاركته مثل العام الي طاف ويطلع من المرحله الاولى و اهو بطل النسخه الاولى ..

وان شاء الله يتاهل من الحلقه الي طافت سهيل الخاصوني .. وان شاء الله يوصل المرحله الختاميه مثل البطوله الاولى .. سهيل وراشد ومسلم

.. وكان معهم خليفه المحرمي وواحد نسيته ماذكر منو .!

والعام الي طاف ما كان البرنامج مثل السنه الاولى .. بسبب خروج راشد من الحلقه الاولى و مسلم من الحلقه الثانيه وسهيل ما توفق .. وكان البرنامج مو بنجاح الموسم الاول ..

و على فكره فيه هم بعد واحد كويتي وواحد قطري مشاركين باليوله للسنه الثالثه هذا العام ..

واسف على الرد الطويل .. لكن مع الشيخ حمدان

لازم ارد رد يبيض الوجه ..

COLOR="White"].[/COLOR]

فزاع الاجيال · #7 14/01/2008, 11:31 PM

^
^

اخوي سكاي ..

مع احترامي لك اخوي .. بس انت ما تدري شنو تعني اليوله للشعب الاماراتي ..

وتحسب الي يسونه هز ورقص

اليوله تراث الامارات وحاظره ومستقبله ..

والي ماله ماضي ماله حاظر ..

.

حكر المنحكر · #8 15/01/2008, 12:12 AM

تبينا نصوت؟

الــحـــايـــر · #9 15/01/2008, 12:13 AM

عوااافي أخوووي ][ روووح الإمااراات ][

؛

بـ التوووفيق لـ أخوووناا ][ الـ ع ـاامري ][

؛

رغمـ إن لهاا متاابـ ع ـين كثر .. إلا إني مااهضمتهاا

ورده

امبراطورة الامارات · #10 15/01/2008, 12:18 AM

إقتباس

الرسالة الأصلية كتبت بواسطة S K Y


	حياك الله والله نورت المجلس يالغالي بس اذا تتقبل صراحتي بصدر رحب راح اكون لك شاكر انا احس برنامج الميدان مثل برنامج ( هزي يانواعم ) مع احترامي الشديد لـ اهل الامارات والقائمين على البرنامج هالبرنامج بصراحه ماله داعي والله استعراض ورقص طيب وش الفائده المرجوه ؟

مثل ما لكم عاداتكم و تقاليدكم لنا
عاداتنا و تقاليدنا .. اليوله يا أخويه
تراث من تراث الامارات يعني رقصات
تراثيه يا أخويه

S K Y · #11 15/01/2008, 12:22 AM

إقتباس

الرسالة الأصلية كتبت بواسطة فزاع الاجيال


	^ وتحسب الي يسونه هز ورقص مثل شباب الرياض .. .

لا تعمم و تقول مثل هالكلام
انا دايم ازور الامارات واذا تبيني اعمم مثلك ترا بطلع فضايح الكل يعرفها زين لكن انا احترمك واحترم الموجودين

إقتباس

الرسالة الأصلية كتبت بواسطة فزاع الاجيال


	^ اليوله تراث الامارات وحاظره ومستقبله .. .

انا ماقلت كلامي اللي زعلك من فراغ
انا احترم تراثكم وتراث غيركم لكن اللي مو عاجبني في هالبرنامج الاغاني والطقطقه والكل يعرف انها حرام وتغضب الله
وكنت اتمنى انها ماتمثل بلد اسلامي واخلاقي مثل الامارات

BOY NJD · #12 15/01/2008, 12:27 AM

إقتباس


	يالله .. متى نسمع انه طلع من المسابقه لان مثل هالمسابقات مايشرفنا اي سعودي يكون فيهاااا

مع احترميـــ

ــ الكاملـــــ لكاتبـــــ الموضوعــــ

الشاب بيبرس · #13 15/01/2008, 12:34 AM

بالتوفيق له واشوف انه ما بيها اي شي يخالف .

شكرا

مخاوي999 · #14 15/01/2008, 02:00 AM

إقتباس

الرسالة الأصلية كتبت بواسطة S K Y


	حياك الله والله نورت المجلس يالغالي بس اذا تتقبل صراحتي بصدر رحب راح اكون لك شاكر انا احس برنامج الميدان مثل برنامج ( هزي يانواعم ) مع احترامي الشديد لـ اهل الامارات والقائمين على البرنامج هالبرنامج بصراحه ماله داعي والله استعراض ورقص طيب وش الفائده المرجوه ؟

مع كامل احترامي لك أخي العزيز

تشبيهك لبرنامج ( الميدان ) ببرنامج ( هزي يا نواعم ) هو ظلم لبرنامج ( الميدان )

فكيف يا أخي الكريم تقارن بين برنامج يحافظ ويعلم الصغار على تراثهم متمثلاً بـ ( اليولة )

ببرنامج يساعد على التعري والتكسب من خلال إغراء المشاهدين برقصات فاصخة

وتسائلك عن فائدة مثل هالبرامج وهي باختصار محاولة من شيوخ الامارات بالاحتفاظ بتراثهم الأصيل

و ( اليولة ) مثلها مثل الرقصات الشعبية المعروفة عندنا مثل ( العرضة ) أو ( المزمار ) هي من

التراث ودائم ما تتواجد في المناسبات الرسمية والاجتماعية

LBa your heart · #15 15/01/2008, 02:40 AM

كيف نفزع له؟

اذا بالتصويت قولوا له ارجع للسعوديه