برج الوليد الجديد - صفحة رقم 2 - نادي الهلال السعودي - شبكة الزعيم

حتى ظلالي هلالي · #16 14/01/2008, 11:20 AM

الله يصلحهـ ليهـ ماحطهـ بالقصيم عندنا

وإلا يحطهـ بدال (فندق رمادا) بالبكيريهـ

Al-7ooot · #17 14/01/2008, 11:27 AM

إقتباس

الرسالة الأصلية كتبت بواسطة S K Y


	عز الله بيطفر الوليد

لا لا معليك يبقى عنده 250 مليار

يقولون ان البرج هذا وانت بااخر شي فوووق تشوف دولة السوداان الحبيبه

مشكووور على الصووور

S K Y · #18 14/01/2008, 02:21 PM

إقتباس

الرسالة الأصلية كتبت بواسطة حتى ظلالي هلالي


	الله يصلحهـ ليهـ ماحطهـ بالقصيم عندنا وإلا يحطهـ بدال (فندق رمادا) بالبكيريهـ

كان يطفرون اهل القصيم 24 ساعه جالسين فيه
8 8 8 امزح ههههه

على طاري الفنادق والله ياعندكم فندق في الرس على ما اعتقد اسمه المسيطير
بوابته تقول بوابه مسلخ واللفت يرتج تقول راكبين قطار الموت
وحالته حاله وسعره اغلى من الهوليدي إن

حتى ظلالي هلالي · #19 14/01/2008, 02:32 PM

إقتباس

الرسالة الأصلية كتبت بواسطة S K Y


	كان يطفرون اهل القصيم 24 ساعه جالسين فيه 8 8 8 امزح ههههه على طاري الفنادق والله ياعندكم فندق في الرس على ما اعتقد اسمه المسيطير بوابته تقول بوابه مسلخ واللفت يرتج تقول راكبين قطار الموت وحالته حاله وسعره اغلى من الهوليدي إن

تبي الصراحهـ
صح انا من القصيم ..
لكن الرس ماقد طبيتها إلا ممر اذا كنا بنسافر بس

بس مدري ليهـ أحبها

بالقصيم كلها ما أعرف إلا ( البكيريه - بريده - عنيزه)

عاد فندق رمادا اللي ابي الوليد يحط هالبرج مكانهـ
للمعوميهـ من متى وهو مخلص بس للحين مافتتحوهـ

آسفهـ للمرور مرهـ ثانيهـ ورده

الزيرابوعزيز · #20 14/01/2008, 07:08 PM

شاكــــــــــــــر مروركم جميعا
وتعليقاتكم المميزة

عاشـ تشيلسي ـق · #21 14/01/2008, 07:15 PM

إقتباس

الرسالة الأصلية كتبت بواسطة goldenwaw


	كل شيء تبونه عندكم في الرياض اتركوا لنا شيء في جده وبعدين عندكم برج المملكه

mla78_chicken · #22 14/01/2008, 07:21 PM

وشلون يركبون الصحن ( الدش ) <<<<< هذا اللي همه خخخخخ

انسان عادي · #23 15/01/2008, 01:40 AM

ماشاء الله بس اول مرة اسمع بها
متي بيبدون في بنائها ؟

خالد الغرام · #24 15/01/2008, 02:24 AM

بالتوفيق لهم .

سوسو الرياض · #25 15/01/2008, 02:33 AM

عاد تدرون انه انا اللي مسلفه حق البرج...

ابونايف الطايف · #26 15/01/2008, 02:42 AM

الله الله الله

يعطيك العافية

بريماكس · #27 15/01/2008, 02:43 AM

إقتباس

الرسالة الأصلية كتبت بواسطة S K Y


	على طاري الفنادق والله ياعندكم فندق في الرس على ما اعتقد اسمه المسيطير بوابته تقول بوابه مسلخ واللفت يرتج تقول راكبين قطار الموت وحالته حاله وسعره اغلى من الهوليدي إن

ههههههههههههههههههههههههههه

حرر ياعادل حرر ، ناقصين فشايل وفضائح عن المنطقه

ياويلي حنا ببريده عندنا فندقيين فندق موفنبيك وفندق السلمان > اسلوب بزران

المشكله
السلمان لو تسكبنه بوقت امطار كان ترحل . تخر الجدران مياه

بس الظاهر زينوه اللحين .

وبعدين يا حتى ظلالي هلالي وش شايفه بالرياض يوم تفضلينه على القصيم ؟

ماعمري جلست مع واحد يفضل الرياض على القصيم الا واحد قالي افضل الرياض على القصيم ؟

واجزم انه ماقاله عن قناعه

كل اللي اعرف بالرياض يتمنون القصيم . حيث الراحه والوناسه والطمانينيه وكل شئ

( يحول يالله ماله بريده )

عاشق الأخطبوط · #28 15/01/2008, 02:53 AM

ياخي من جد ذا وشلون تناظره حتى لو تنسدح قسم مايمديك

يالله ماعليه اول مره بالرياض الثانيه بجده وعقب بيجي الشرقيه خخخخخخخخخخخ لابد منه

الله يرزقنا

حتى ظلالي هلالي · #29 15/01/2008, 03:04 AM

إقتباس

الرسالة الأصلية كتبت بواسطة بريماكس!!


	ههههههههههههههههههههههههههه حرر ياعادل حرر ، ناقصين فشايل وفضائح عن المنطقه ياويلي حنا ببريده عندنا فندقيين فندق موفنبيك وفندق السلمان > اسلوب بزران المشكله السلمان لو تسكبنه بوقت امطار كان ترحل . تخر الجدران مياه بس الظاهر زينوه اللحين . وبعدين يا حتى ظلالي هلالي وش شايفه بالرياض يوم تفضلينه على القصيم ؟ ماعمري جلست مع واحد يفضل الرياض على القصيم الا واحد قالي افضل الرياض على القصيم ؟ واجزم انه ماقاله عن قناعه كل اللي اعرف بالرياض يتمنون القصيم . حيث الراحه والوناسه والطمانينيه وكل شئ ( يحول يالله ماله بريده )

أما فندق السلمان لحالهـ

أنا من يوم ربي خلقني وأنا اسمع فيهـ

أجل تخر الجدران مياه

ذكرني بـ بيتنا الأول كان فيه مسبح بالدور الفوقي ومويته تنزل على الصاله

الله يصلح بلد القلق اللي محرشكم علي

شوف فرق ترى اذا تتكلم وانت ولد بالقصيم عن إنك بنت
عيال القصيم بالصيف : مسابح واستراحات وفلهـ حجاج
والشتاء : كشتات ودبابات وتطعيس

بالله بالقصيم وش فيهـ وناسهـ لي أنا كــ بنت ..!!
سوق << ما أحب السوق أبد

لو بيدي احد يشتري لي أغراضي أصرف لي

ملاهي << وش عندنا ملاهي زي الأوادم

كلها داجهـ وخرابيط

وترى كلامي هذا عني كــ بنت
لان العيال بالقصيم يختلفون عن البنات

اختلاف الرأي لا يفسد للود قضيهـ

وأعتذر من صاحب الموضوع على المرورو للمرة الثالهـ

وهذا آخر رد لي هنا

جوليانا · #30 15/01/2008, 09:00 PM

انا مدري من اللي مستقعد لي ويسرق افكاري هذا تصميم لبيتي الجديد
لكن غيرت رائي خلاااص مااحب التقليد
<<<اتمنى اكون فووق السطح