طلعنا للاستراحة بالصور <<في رمضان *_* - نادي الهلال السعودي - شبكة الزعيم

DR.KHALID · #1 13/01/2008, 09:21 AM

ي الله ي الله حيهم ..

قبل 3 شهور تقريبا < ي قدمك

في رمضان الي فات ... قالوا الشباب ي هوووه نبي استراحة

...

فهزأتهم وقلت احلفوا انها اخر مرة تطلبون استراحة .. قالوا طيب وحلفوا

الموهيم مالكم في الطويلة

طبعا نطلع الاستراحة مرة في السنة الله يخلف

طبعا .. أفطرنا ... وتعشينا وتسحرنا هناك ... وسحبنا عالمذاكرة سحبتون أليمة

كان وقت اختبارت

وصورت كم صورة وبجيب إلي يسمح فيه القانون

..

أخاف أجيب كل الصور وأحصل نفسي في حارة من حارات قوقل ماكل باند

...

هذا مدخل الاستراحة .. اول م وصلنا الساعة 5 العصر

قبل الفطور ب 5 دقايق << اجوع شي

فطورنا ... طبعا شغل عزابية لحد يدقق

...

الله يطول بعمرها الوالدة .. حالفة ان تحط العصير بعلب الموية

عقب الفطور لازم بلوت

.. << طبعا ل تدققون عالنظافة

طبعا الي يبي بلوت او يروح يلعب كورة << الله من شين اللياقة

أو البلايستيشن

الي م يبون البلوت ...

شوفوا الغش برشلونة وانجلترا

..<< م يلعب الا بتشلسي على اني اكره هالفريق

عالعموم الله يعطيني العافية م قد فزت

اذا صرت ألعب مع الشباب أحسب كم أقل نتيجة انصكيت فيها

المووهيم يوم جت الساعة12 .. قالوا يالله نبي السحور

.. ومن زين الوجه يبون شوي..

<<< مالها الا رجالها

<< والله من دجاجة(ن) نطلوها بعد شويك

على انهم تسمموا بعد السحور بس عادي على بداية اجازة رمضان

حسيت اني شامي

..

اول دفعة خلصت

طبعا لازم اتفلسف عليهم

.. قلت بسوي لكم طحينة .. مدري شتسمونها

.. الموهيم انها لازم مع الشوي

يالله المقادير والخطوات

4 زبادي .. مرجوجه الين قالت بس .. اكثر من أبو طلال بعد

..

وعلبة طحينة..والباقي شوفوه

ملاحظة ..

إلي بتنسد نفسه والي يرحم والدينه لا يشوف

لا تسألوني من وين جبت ذا الطاسة .. ول أحد يروح تفكيره بعيد

م لقينا شي نحطها فيه

لو فيه ليمون بعد تطلع احلى

...<< كيف الخبره بس

المهم اخلطوا الزبادي مع شوي من الطحينة << ي رب م تكلفت

هع هذا السحور بعد التعب كله

..

هههههههههههههههههههههه

كان فيه شي هنا ؟!!!

طبعا م طلعنا الا الساعة 6 الفجر

...

يالله صباح خير ...

خلصنا

...

وكانت رحلتون كويستون جدن ...

c ya

<< يالله انقلع ادرس

حتى ظلالي هلالي · #2 13/01/2008, 09:26 AM

الله وناااااااااااسهـ ..
تصدق عاد اني جوعانهـ

ربي يعافيكـ على هيكـ موضوع فرفوشي

<< لي عودهـ تفصيليهـ للصور بس أوب هالحين لاني فيني نوم ما أشوف زين

الهلالي دائماً · #3 13/01/2008, 09:49 AM

هلا وغلا اخوي د . خالد

والصدق انك جوعتني وانا مفطر

يالبي قلبك ياسمبوسة ورده

وما شاء الله استراحة كويسة

بالله وين ذي الاستراحة نعتمدها لشباب ونسحب على استراحة سوا

عاد نبيك تعزمنا على شويك شكلك ماشاء الله طباخ كبير

شكرا دكتورنا

DR.KHALID · #4 13/01/2008, 06:08 PM

إقتباس

الرسالة الأصلية كتبت بواسطة ماجد مقبل


	هلا وغلا اخوي د . خالد والصدق انك جوعتني وانا مفطر يالبي قلبك ياسمبوسة ورده وما شاء الله استراحة كويسة بالله وين ذي الاستراحة نعتمدها لشباب ونسحب على استراحة سوا عاد نبيك تعزمنا على شويك شكلك ماشاء الله طباخ كبير شكرا دكتورنا

هلا هلا بو مقبل ...

الاستراحة خاصة

...

ومن ناحية الطبخ ل يغرك

شرينا 10 دجاج

وفالاخير صفت 3 .. الباقي مدري وين راحت

<< م احرقهم ابد

الله يحييكم في اي وقت

DR.KHALID · #5 13/01/2008, 06:05 PM

إقتباس

الرسالة الأصلية كتبت بواسطة حتى ظلالي هلالي


	الله وناااااااااااسهـ .. تصدق عاد اني جوعانهـ ربي يعافيكـ على هيكـ موضوع فرفوشي << لي عودهـ تفصيليهـ للصور بس أوب هالحين لاني فيني نوم ما أشوف زين

هلا هلا حتى ظلالي ..

ويعافيك ,,

في انتظار ردتك ,,

بس عجبتني (أوب)

الهنوووف · #6 13/01/2008, 09:55 AM

.

.
وعليكم السلام ورحمه الله وبركاته

ماشاء الله وش هالاستراحه الزينه

تذكرني هالبيتزا ببيتزا عمتي

يازين اكل البيت

التمر الي من هنا نفس النوعيه الي احبها |>>وش تبين

جوعانه

بالعافيه

بس ورى ماحطيتو شي تحت الاكل

شباب ماعليكم شرهه

الكباب والببسي

يالله عقبال ماتكررروها اذا عطلتوووا

الاستراحه ماشاء الله حلوووه خاصه او عادي نجيها

زمان ماطلعنا استراحه واستانسنا

عاد بالشتاء وناسه مع المشب والفروة

يعطيك العافيه جمعه دايمه ان شاء الله

الهنوووف

كانت

هنا

ورحلت

الـساقي · #7 13/01/2008, 10:45 AM

وعليكم السلام ورحمة الله ,,

يا هلا فيك أخوي خالد , وما شاء الله موضوع مميز بصور روعة ,,

وإستراحة جميلة بالمسطحات وخصوصاً برمضان تكون الإستراحة ممتعة بوقت

الفطور والسحور , ومثل ما قال ماجد الأستراحة خاصة وإلا حتى تكون بدال من إستراحة سوا

ما شاء الله صور مميزة , ومع أنها متأخرة بالتوقيت إلا أهم شيء أعجبتنا

/

\

خالد

تواجد مميز بالفترة الأخيرة , أتمنى دائماً متألق ومتميّز ,,

الله يعطيك العافية .. دمت بخير , ورده ,

DR.KHALID · #8 13/01/2008, 06:24 PM

إقتباس

الرسالة الأصلية كتبت بواسطة ღ سيموღ


	وعليكم السلام ورحمة الله ,, يا هلا فيك أخوي خالد , وما شاء الله موضوع مميز بصور روعة ,, وإستراحة جميلة بالمسطحات وخصوصاً برمضان تكون الإستراحة ممتعة بوقت الفطور والسحور , ومثل ما قال ماجد الأستراحة خاصة وإلا حتى تكون بدال من إستراحة سوا ما شاء الله صور مميزة , ومع أنها متأخرة بالتوقيت إلا أهم شيء أعجبتنا / \ خالد تواجد مميز بالفترة الأخيرة , أتمنى دائماً متألق ومتميّز ,, الله يعطيك العافية .. دمت بخير , ورده ,

هلا هلا سيمو..

نورت الموضوع

الاميز تشريفك والله

من ناحية الاستراحة

الاستراحةخاصة << ببغاء

شف هي الاستراحة خاصة وكلمنا واحد يعرف صاحبها ..

ووافق اخيرا .

اخذناها ب600 ريال الملعب وبيت الشعر بس .. طبعا اكيد دورات المياه وانت بكرامه معها

ومن ناحية التأخير بالوقت ..

والله الشكوى لله .. م فضيت ..

بس اهم شي اعجبتكم ..

يعطيك الف عافية على تشريفك الرائع

لا عدمتك

DR.KHALID · #9 13/01/2008, 06:17 PM

.

.
وعليكم السلام ورحمه الله وبركاته

ماشاء الله وش هالاستراحه الزينه

يمديك

تذكرني هالبيتزا ببيتزا عمتي

يازين اكل البيت

لا الوالدة تسويها بجهاز بيتزا مدري وشو

انا علي اكل وبس

التمر الي من هنا نفس النوعيه الي احبها |>>وش تبين

جوعانه

اجل خلوا باب الحوش مردود ... بيجيكم 3 كراتين

بعدين الله يصلحك اخبر الي يجوع ياكل شي يشبع موب تمر

بالعافيه

بس ورى ماحطيتو شي تحت الاكل

شباب ماعليكم شرهه

الكباب والببسي

الله يعافيك ..

نحط سفرة

وش فيه شغلنا كن ماهوب عاجبتس

..

شوفي انا من العجز الي فيني اذا تهورت حطيت الصفحة الاخيرة من جريدة الرياض عشان اقرا فهد الاحمدي وانا اكل

.. واذا تهورت وجبت سفرة بالغدا ..

احط السفرة عالصحن .. وانكب الغدا عليها ,, عشان بعد الاكل اشيل السفرة ويبقى الصحن نظيف << زول

يالله عقبال ماتكررروها اذا عطلتوووا

الاستراحه ماشاء الله حلوووه خاصه او عادي نجيها

زمان ماطلعنا استراحه واستانسنا

عاد بالشتاء وناسه مع المشب والفروة

الله يعين عالاختبارات

الاستراحة خاصة ..

يعطيك العافيه جمعه دايمه ان شاء الله

الله يعافيك ..

والف شكر لك عالمرور

الهنوووف

كانت

هنا

ورحلت

^^
حسيت كأنه من ذاكرة التاريخ

BLUE-STAR · #10 13/01/2008, 10:46 AM

السلام عليكم ورحمة الله وبركاته..

الله يحيك يالدختور

الصراحه ان بوووه صور فطست من الضحك عليه..

بسم الله اببدا بالتعليق على الصوور..

أن الصحن اللي حاطين فيه التمر بطـــل..

إقتباس


	الله يطول بعمرها الوالدة .. حالفة ان تحط العصير بعلب الموية

بعذررره تدري أنه لا حطت قزاز ..بيجيه منكسر نصه ولا شطب هذا كبره

<< أختراع من اليوم ورايح بيصير مهنتي ..

كان فيه 2 عصير..وينهن

والله ياعليكم ترتيب تنحسدون عليه

.. شكلكم قاعدين تشوتون علب العصير عقب ماشبعتوا

ماكنكم نسيتو تغطوووووون..

بس أبفهم

ذا فريق ولا احتياط ولا أعضاء مجلس أداره ولا وشو ......

خمسه يلعبووون كوره .. شكلهم يلعبون بنص الملعب بس..

إقتباس


	عالعموم الله يعطيني العافية م قد فزت

إقتباس


	اذا صرت ألعب مع الشباب أحسب كم أقل نتيجة انصكيت فيها

بالله كم أقل نتيجه..؟؟؟

ياســــــلااااااام أبي

<< جووووعانه .. ياليت ألقى لو خبز وجبن..

إقتباس


	على انهم تسمموا بعد السحور بس عادي على بداية اجازة رمضان

خخخخخخخ عسى جت باللي تهووون..

زين اللي صادفت أجازه..

أدوووخ على التصفيف

ولا العلبه بعد مسويه أكشن

هههههههههههههههههه

ترا مايحتاج كيس ملاااعق عشا خلط وكب ..

ماشاء الله ماشاء الله ..شكلكم عاضين الارض من الجووووووع

* * * * *

شوكرن عالموووضوووع التحيف والزريف ورده ..

<< والله ياكسبتو أجر من ضحكي

والحمد الله ..خلصت مع السلااامه

DR.KHALID · #11 13/01/2008, 06:38 PM

السلام عليكم ورحمة الله وبركاته..

وعليكم السلام والرحمة

الله يحيك يالدختور

الله يبقيك .. بدري على دختور .. بعد 3 سنوات ان شاء الله

الصراحه ان بوووه صور فطست من الضحك عليه..

دوم ان شاء الله

بسم الله اببدا بالتعليق على الصوور..

هيا بنا

أن الصحن اللي حاطين فيه التمر بطـــل..

ي ربييي .. قلت لكم لحد يدقق

.. اصلا فيه صور م جبتها لاني احس لو جبتها بتكفخ

بعذررره تدري أنه لا حطت قزاز ..بيجيه منكسر نصه ولا شطب هذا كبره

<< أختراع من اليوم ورايح بيصير مهنتي ..

انا عن نفسي الله يخليني .. اكسر كل يوم كاس لا شعوريا طبعا .. أرفسه من غير قصد

.. وعليك الحساب

.

كان فيه 2 عصير..وينهن

ههههههههههه.. تدورين العصير

..
لو م مسكتهم أكلوا الجيكات

..

لان اغبهم م افطروا الا بعد الفطور ب 10 دقايق ول ربع ساعة .. وصلوا متاخرين

والله ياعليكم ترتيب تنحسدون عليه

.. شكلكم قاعدين تشوتون علب العصير عقب ماشبعتوا

<< يحس قاعدة تناظره

على فكرة , تشويت العلب من هواياتي ..

عندي 3 هوايات ,,,

القراءة

وطرد البسس

وتشويت العلب

^^^
الله يخلف بس

ماكنكم نسيتو تغطوووووون..

احسها ذبة محترمة

...

بس أبفهم

ذا فريق ولا احتياط ولا أعضاء مجلس أداره ولا وشو ......

ههههههههههههه .. اعضاء مجلس ادارة

..

شوفي مقسمين 3 مجموعات ,,

4 بيلوت طبعا .. و5 كورة .. والباقين مسوي دوري عالبلاي ستيشن

وانا حاطيني طراد كور في البلاي ستيشن

.. يقوولن م تعرف تلعب مع اني جاي مكمل باللبس الرياضي

خمسه يلعبووون كوره .. شكلهم يلعبون بنص الملعب بس..

قسم بالله احس تناظريننا

بالله كم أقل نتيجه..؟؟؟

كح كح .. ي مخرج جيب إعلان

ياســــــلااااااام أبي

<< جووووعانه .. ياليت ألقى لو خبز وجبن..

المرة الجاية ان شاء الله نطلع ونتعشاء خبز وجبن

خخخخخخخ عسى جت باللي تهووون..

زين اللي صادفت أجازه..

م تهنوا بالاجازة

أدوووخ على التصفيف

ولا العلبه بعد مسويه أكشن

اقولكم م يمديكم

هههههههههههههههههه

ترا مايحتاج كيس ملاااعق عشا خلط وكب ..

نبغا نجرب الاتيكيت الي يقولون عنه

ماشاء الله ماشاء الله ..شكلكم عاضين الارض من الجووووووع

ل تخليني أحلف إنك تناظرينا من فوق السور

* * * * *

شوكرن عالموووضوووع التحيف والزريف ورده ..

<< والله ياكسبتو أجر من ضحكي

والحمد الله ..خلصت مع السلااامه

العفو ..

والف شكر عالمرور الذي كويس ...

وزين كسبت اجر

لا عدمت مرورك

مع الف سلامة

ريسان الهلالي · #12 13/01/2008, 11:40 AM

الله يهنيكم حلوووووووو الواحد يكون عند شباب مثل ربعك

DR.KHALID · #13 13/01/2008, 06:41 PM

إقتباس

الرسالة الأصلية كتبت بواسطة ريسان الهلالي


	الله يهنيكم حلوووووووو الواحد يكون عند شباب مثل ربعك

الله يطول بعمرك ..

الف شكر لك عالمرور الرائع ..
لا عدمتك

راكان _20_ · #14 13/01/2008, 12:33 PM

ما شاء الله و ين راح الدجاج اللي كنتم تشوووووووووونه

هههههههههههههههههه ما شاء الله باين طلعه حلوه

تحياتي لك

~بنت الزعيم~ · #15 13/01/2008, 01:06 PM

يا زين رمضان واستراحاته و سمبوساته

وكل شي فيه

والله يعيد رمضان علينا بالخير وتتجمعون مثل هالجمعه الحلوه ورده

شكرا لك