^
^
^

خذ راحتك دامك بتتكلم عن السهم التوصية لأننا نتحمل مسئولية السهم هذا فقط و شكراً لك لأن محاكيك ما له في هالشغلات و لا يعرف لا للصور و لا للتحليل .

يا شباب رجاءً رجاءً اللي دخل السهم يتابع معنا بأي لحظة ممكن ( ننحاش ) و اللي ما دخل الله يرزقنا و إياه .

إقتباس الرسالة الأصلية كتبت بواسطة أبوشلاخ الهلالي بعد قليل المتقدمة بـ الصور بعد اذن أبو ريمان .. أنتظر الموافقة .. ــــــــــــــــــــــــــــــــــــــــــــــــــــــــــــــــــــــــــــــــــــــ بسم الله الرحمن الرحيم .. بعد أخذ الإذن من الأخ أبو ريمان اليكم التطورات 1- وقت أخذ الصور الساعة 12:16 2- الصورة الأولى تجمع المؤشر العام وكل مايتعلق بسهمنا المتقدمة .. 3- الصورهـ للرسم البياني للسهم .. أخيراً آسف على التأخير والشرهه على قوقل اللي غثني بمواقع تحميل مش ولا بد ..

فيه ناس ينسون أن فيه صفحة ثانية خاصة اللي ردو ..

وعليكم السلام ورحمه الله وبركاته

الاسهم ومادراك مالاسهم ::::::::::::>> يقالكم هامورة الحين

ابوريمان لاتنصح ويدعون عليك بعدين
خلهم بسلامتهم الي يخسر يخسر اهم ماعلى الواحد صحته


انا انصح كل شخص تستهويه لعبه الاسهم
اذا المال الي معاك زائد ومو بحاجته توكل على الله
اما اذا انت قايم عليه فالقناعه كنز لايفنى

تذكرت كم بنت تقول لي
اذا جات تطلب من ابوها شي قال ماعندي فلوسي راحت

وموقف اخر
امي اقنعت اختي تدخل بالاسهم بمكافاتها الجامعيه المهم اول ماطبووا الاسهم الا هي خسرانه
فالهم شين
اختي ماقتنعت بالخساره قالت لامي رجعي لي فلووسي يعني تقصد راس المال
وامي تحملت خساره اسهما واسهم اختي لانها هي اقنعتها
يعني لحد ينصح
::
::

بتوصياتك ذكرتني بخالي
وهق الناس معاه ومدح لهم شركة بس مو اسهم مدري وش يسمونها استثمار يمكن
جمع فلوس العائله وهالشركه مدري شصار عليهم سحبوا عليهم
لارجعوا راس مال ولاشي يقول صاحبها ماعنده فلوووس وهالشي من كم سن
مع ان هالشي الي ساهموا فيه مو مثل الاسهم تخسر راس المال لا
>>>>>>>>>>>>>احس ان الشرح بوادي وانا بوادي
راحت فلوس اميمتي فيها
ادعوا انها ترجع مواعدتنا بمبلغ محترم اذا رجعت

عندي احساس انك معاهم اسم الشركه المـ ـة

الا صدق الاسهم كذا دمار شامل
كاني اسمع بوحده خذوا قرض المهم ان المبلغ مقارب للمليووون والحين خسرووا وماباقي الا مئه الف مدري مئتين
والله مالومهم لو ينهبلون

كانت امنيتي الدخلو بالاسهم
وجتني فتره من اجلس على الغداء اقول ابوي ابي اسهم
بس الحين هونت مو ناقصين عوار راس

اتمنى ان محد يدقق بردودي هاليومين لان انفلونزا الاختباراات قربت وهذي اثارهاا




يالله الله يرزقكم ويرفع الاسهم
بس لاتصيرووا طماعين

^
^

أبشرك الأمور تمام و إن شاء الله إذا فيه أحد أخذ بالتوصية بيدعي لنا مو علينا و بكره بإذن واحد أحد بنكمل المشوار .

ابو ريمان .. ع كثر ما اقرا توصيات .. ما قريت توصية بـ اسلوبك هذا ... الله يوفقك ويرزقك

ما ادري هو من سواء حظي والا من زينه

الوالد موكلني في البيع والشراء ، بس بشوره طبعاً والا لو ع كيفي كان حفرت به في انعام

حسب ما اسمع من الوالد واخوياهـ ان السوق بـ يرتد لـ اكثر من 4000 نقطة وبيوصل الى 15000 او اكثر ، في فترة الـ 5 اشهر الجاية

وركز على الكهرباء هـ الاسبوع ، وشوفها ترا ما لي دخل في اي ضرر يلحق بكم اعزائي الهوامير .

قفلت اليوم ع حدود الـ 15

^
^

ما أدري عن الحكم .

أنا أتبع فتوى بعض العلماء القائلة بأن المضاربة في الشركات التي نشاطها الأساسي حلال جائزة .

جرح يشكي ،،،

رأيي الشخصي لا تصدق أحد .
لو ما طلع أمس تصريح عن ( شعاع كابيتال ) إن السعر العادل للاتصالات 96 على ما أعتقد كان ما نسبت اليوم و لا ارتفع السوق بالشكل هذا .

يعني السوق علمه معه حسب وجهة نظري .

أدري إن فيه أسهم أعطت نسب و أكثر مما أعطى سهم التوصية و بعضها كان عندي عنه خبر لكن والله وصيت على السهم اللي أنا متأكد منه و اللي أنا داخل فيه .

اللي بيعرض بكره بسعر 60 راح يقدر يبيع بإذن الله ، و اللي بينتظر و يتابع معنا الله يحييه .

قضية وصول المؤشر إلى 15000 البعض يبنيها على فرضية ( تحييد ) حصة الحكومة في كل من شركات سابك و الكهرباء و الاتصالات .

^
^

ابو ريمان ..

معك سلف ميه ريال ..

إقتباس الرسالة الأصلية كتبت بواسطة abu_riman السلام عليكم ،،، و قبل التوصية أرجو قراءة ما يلي بشكل دقيق و جيد : 1/ السوق لا يعترف بتوصية و لا غيره ( جود السوق و لا جود البضاعة ) يعني مع أي انهيار و أقصد انهيار و ليس تصحيح للسوق التوصية لاغية . 2 / نسبة صحة التوصية 50 % فقط . 3 / التوصية للمضارب في المقام الأول و للمستثمر على المدى القصير جداً في المقام الثاني . 4 / بإذن الله سأزيد الكمية اليوم في السهم لكن مع أي هزة ( بانحاش ) . 5 / من يرغب في الأخذ بالتوصية عليه أن يتجاهل المؤشر و يركز على سهم التوصية ( و يصير عند الشاشة مع أي مزحة أو مداعبة من صناع السوق يصير رجال و ينحاش خاصة اللي ما عنده كاش و بالتالي ما يقدر يعدل من تحت ) . 6 / الأشخاص الذين يعرفون كيفية المضاربة أنصحهم باستغلال التذبذب العالي في السهم بحيث يبيعون بسعر و يشترون بسعر أقل ( اللي ما يعرفون للمضاربة يشترون و يلبدون عليه ) . 7 / القناعة حلوة . 8 / سأحاول أن أتابع التوصية خلال أوقات التداول و خارجه ( اللي ما يتابع لا يلومنا ) . 9 / يفضل أن تبقى التوصية سر بيننا . @@@@@@@@@@@@@ السهم : المتقدمة الدخول : 57 - 58.50 ( اللي ما يلحق عليه أول التداول ينتظر إلى حوالي الساعة الواحدة و بيصيده إن شاء الله ، و يفضل أن يكون الدخول على دفعات ) الهدف : القناعة ريال ريالين لا تصير طماع ، بعد 65 كل شخص مسئول عن نفسه .

ماشاء الله عليك يا الغالي
توصيات ولا أروع ... نعم القناعة اهم شيء ... والطمع يذهب ما جمع
مشكور ياغالي ... والله يوفقك

و ماذا يفعل من لا يثق في السوق و لا يثق في من يشنف أسماعنا بــ بع بع أو اشتر اشتر !!؟ هل يدعي عليه مثلاً بأن يبتليه الله بمن يشغله في حياته ؟ أو يصدمه بــ "قلابي حصى" ؟

أفتنا مأجوراً غير مأزور.