ياسر لاعب كبير بس نازل مستواه له فتره
الصبر ثم الصبر ولو مالعب ياسر بديله فيه الخير والبركه
ويضل ياسر افضل من راؤول النسيم خخخخخخ

إقتباس ياخي بعض الجمهور يرفع الظغط!! ادا بدع لاعب في مباراة خليتوه احسن من زيدان!! وادا ماكان بيومه خليتوه اسوأ لاعب في العالم!!

ههههههه يالعكس الاغلب والله كذا اذ ماكن الكل

الله يعطيكم العافية يا : صهيل الخيل الأزرق والاعصار الأزرق

فعلا هلاليين فاهمين .. والله يكفينا شر الحاقدين والحاسدين مثل كاتب الموضوع

للأسف قدر يقنع بعض الجمهور الهلالي الطيب بمقولة :

أنا أبغاه يجلس على الدكة عشان يعرف ان الخانة غير مضمونة له !!!!!

إقتباس الرسالة الأصلية كتبت بواسطة المــراوغ طيب لما كنت مقتنع إنت بوجهة نظرك وتقول إنك نزلت الموضوع بداية 2006 وينك لما كان القناص يمتع ويبدع الموسم الماضي ؟؟ وصال وجال وسجل أجمل الاهداف وخانه الحظ ؟؟ ليش ما قلت ابعدوه ؟؟ وينك لما كان يصول ويجول في كاس اسيا ويقود منتخب بلاده لتحقيق حلم كاس اسيا والعوده به للوطن ؟؟ ليش ما طالبت بـ إبعاده ؟؟ وينك لما اخذ جائزة افضل لاعب في أسيا وكان قاب قوسين وادنى من الإحتراف بالدوري الإنجليزي ليش ما قلت ابعدوه ؟؟ اسمحلي اقولك .. مافي راسك كـوره وانت كـانك تنتظر الزله على ياسر او الوقت إللي يكون منخفض فيه مستواه بسبب ظروف جميعا يعلمها !! وباقوله لك بـ الفم المليان .. نحن كـ جمهور الزعيم قلبا وقالبا مع ياسر القحطاني ’, ورده يالله يالله وداعة الله ’’ آخــــــــــــــــــــــوكم مـــــــــــــراوغ

إقتباس الرسالة الأصلية كتبت بواسطة صهيل الخيل الازرق شكلك مندس صدق هع((فيه مثل يقول اللي على راسه بطحا.....)) اقول خل ياسر بحاله وانت وش عرفك بالمستوى الفني ولا المستوى الفني عندك كل مباراه(( قول, قولين)) الاعب يأدي في الميدان الطلوب منه لكن بمساعده زملاءه((ولاتتوقع ياخذ الكوره من نص الملعب ويجيب قول..!! بلايستيشن يعني)) الوسط الهلالي والاظهره هم اكبر دعامه للمهاجمين لتسجيل الاهداف وفي الهلال الوسط نايم والاظهره ترقيع بالمعني الاصح ماهوب اظهره ...ولاقلي متى اخر مره شفت كوره عرضيه زي الاوادم واكبر دليل على كلامي ان ياسر يتحسن مستواه نوعا ما مع المنتخب لوجود صناع لعب ولاتقولي فيه طارق التايب لان طارق يلعب مباراه واربعه مايلعب واذا لعب طارق وابدع تلقى ياسر يشاركه النجوميه

إقتباس الرسالة الأصلية كتبت بواسطة المدافع الصلب قسم بالله صدقت يا ليت كلن يصير مثل تفكيرك يا جمهورنــا ترى ياسر بشر وهذا سامي قال قعد كم موسم ولا هدف ولا مستوى وشبوا فيه انه لاعب منتخب وليس فريق وبعدهــا عوض عن مستواهـ..وزيادهـ... اتقوا الله في انفسكم في اناس او اقوول بعض الجمهور الغير لائق بالتشجيع يبي كل شي له اما تعلم يا هذا ان هذا مكتوب عند رب العالمي فارضوا بالقدر ولا نصبح جاحدين بالقدر خيرهـ..وشرهـ...

يا خوي ليه تبينا نبعد ياسر

لأنه ما قدم مستوى جيد في كم مباراه

خلاص حكمت عليه بالإبعاد

ياسر لاعب كبير لايحتاج شهاده من احد

يا أخي ياسر مو مكينة تحط زيت ويمشي تراه أنسااااااان ( يتعب تعب ما يحس فيه أحد )

برأيي أن ياسر يبقى على دكة البدلاء مباراتين إلى أن يكون بكامل جاهزيته واذا لعب ياليت يفيد الفريق أكثر وأكثررر

اجل مافاد فيك كلمة مندس هههههههههههههههههههههه
اجل انت طيب محسوب على جماهير الهلال
وشكرا

انتو تبووون اللاعب كل يووووم زي هنري ياناس لازم يهبط مستواه شوي ويرجع بعدين

من بداية الموسم ماهبط مستواه الا في مبارة الاهلي بس

وانت تبي ياسر في كل مباراة يجيب لك هاترك علشان ترضى

لم يشارك إلا في نصف مباريات الهلال هذا الموسم ومع ذلك هو في قائمة الهدافين ومساهم أول في كل فوز

ابو الشباب

إذا طلع ياسر مين بتحط بداله ...؟؟ روبنهو ولا ميسي ؟؟

ترا ما عندك إلا العنبر بسس اللي ما عمره سجل في الدوري

بالنسبه لي أتمنى إبقاء القحطاني على دكة الإحتياط في الثلاث مباريات القادمه ..

وخير الكلام ما قل ودل ..

والله انكم اشغلتونا

كل هذا عشانه ضيع بلنتي ؟؟؟

اقول اركد بس!!!