نص قصيده ناصر الفراعنه ( شاعر الثقلين) - نادي الهلال السعودي - شبكة الزعيم

عز الرياض هلالها · #1 09/01/2008, 03:56 AM

ناقتي ياناقتي لارباع ولاسديس
وصليني لابتي من وراء هاك الطعوس
حائلاً رابع سنه من خيار العيس عيس
خفها لادرهمت كنه بالنار محسوس
في دجى خالي خلا لاحسيس ولاونيس
تنوخذ من شدة البرد طقطقة الظروس
في عيوني يكفخ الطير ويطيح الفريس
وانتهض جساس من دون خالته البسوس
وفي خفوقي فرخ جنيتاً يضرس ضريس
يوم اوردها هجوس واصدرها هجوس
ديرتي دار ابن ضاري وابن غثلم جريس
ديرة اللي دوجوا في فيافي نجد جوس
ديرتي يابنت شيخاً ومعدنها نفيس
عيطموساً دونها دثرتني عيطموس
جادلاً مطرق جسدها مع الغربي يميس
طينتاً من تربة الخلد والدم محموس
نقشت خمساً من الخمس في يوم الخميس
ليت شعري ما ارادت بهذا دختنوس
كم تمنا إن معه مثلها فتنه بليس
كان يمكن قد قلب نصف إمتنا مجوس
كن دماث الصدر منها كنيسه او كنيس
صومعة رهبان ديراً يؤدون الطقوس
آتقوس مع تقوس نواهدها وإقيس
قبتين قاب قوسين قوساً جنب قوس
خصرها يحكي لنا واقع القوم التعيس
وردفها عن غطرسة بوش يعطينا دروس
وبالرغم من قصرها مايجالسها جليس
تصبح أطول نسوة الارض في وضع الجلوس
العروسه ماتبي غير ابو تركي عريس
العروسه نجد ماهيب حي الله عروس
نجد بنت المجد ونسة مونسة الونيس
ماعسفها الا معزي ضحى اليوم العبوس
كل اهل نجد هلي من إجاء حتى الخميس
في ذراهم بالتجي عن مجففة الرسوس
وعيشتي مابين أسوداً ولو ماني رئيس
(خير من كوني رئيساً على شلقة تيوس)
وليس عيباً إن خدعني بمكره كل هيس
لان مايفهم بمكر الهيوس الا الهيوس
مصطفى في مأدبة عمه البابا لويس
كبر اللقمه تحت ضؤ حمراء الكؤوس
وطسم حدتها على حائط المبكى جديس
يوم شقت ثوبها بنت عفار شموس
سيدة هاك القصر أسمها الاول لميس
دونها سمر الحناجر بترها حد موس
قسقسة لاحرارهم.قيس.قيس.قيس.قيس
والبستهم من مهانتهم انواع اللبوس
بين خدعة كعب اخيلاً ومولد ادونيس
درسونا الالهه والمدرس هنا روس
ويش لاقوا من قناة السويس اهل السويس
وويش لاقوا من تلمسان قوماً من سنوس
كلهم من شدة الجوع راحوا خندريس
بين غيبوبة مخدر وصحوة عرق سوس
ثورة راحوا سببها بتوع الاتوبيس
وش نبي فيها وهي ماتهز الا الغروس
آفة المرء اثنتان الف كاس وحب كيس
والنفوس اليا بغيت اتعرفها ارم الفلوس
ينكشف زيف الشعارات الى حمي الوطيس
ترجع الاذناب إذناب وتبقى الروس روس
صدق لاقال العرب مايحوص الا الخسيس
ولايوط الروس شئياً مثل ضعف النفوس

عاشق ســ6ــام · #2 09/01/2008, 04:00 AM

صح السااانه

ويعطيك الف عافيه

بس عندي سؤال وخله برايفت

ماتعبت وانت تكتب *ــ^ <<<<<

لاهنت

*بدر* · #3 09/01/2008, 04:14 AM

إقتباس


	ينكشف زيف الشعارات الى حمي الوطيس ترجع الاذناب إذناب وتبقى الروس روس

رووووووعه هالبيت ...

المـشـاكـس · #4 09/01/2008, 06:38 AM

يا رجال ..
انا والله احس انه دخل المسرح ومعه من الجن نفس عدد الحضور

..

وهو حتى قبل ما يبدأ بقصيدته جلس شوي يطالع بالجمهور ..
يبي يتأكد ان كل جني واقف في مكانه الصحيح

..

.

هامور البورصه · #5 09/01/2008, 06:55 AM

ابو فاارس صرااحه شي غير طبيعي

ماشاءالله عليه

احس الشعار الي في الحلقه حقدوو على انفسهم وعلى حظهم الي حطهم معه

وانا اقول لبن فطيس ريح بس وتنازل عن البيرق

ابو فاارس مافيه حيله

صعب تلقاني · #6 09/01/2008, 07:01 AM

والنفوس اليا بغيت اتعرفها ارم الفلوس
ينكشف زيف الشعارات الى حمي الوطيس

صح لسانك ياشاعر الثقلين

وفالك البيرق

ومشكووور ياعز

dal3_uae · #7 09/01/2008, 07:04 AM

إقتباس

الرسالة الأصلية كتبت بواسطة المـشـاكـس


	يا رجال .. انا والله احس انه دخل المسرح ومعه من الجن نفس عدد الحضور .. وهو حتى قبل ما يبدأ بقصيدته جلس شوي يطالع بالجمهور .. يبي يتأكد ان كل جني واقف في مكانه الصحيح .. .

ههههههههههههههههههههههههههه

اول شي يعطيك العافيه

وثاني شي ... يا خي انا اول ما سمعت انه بيشارك قلت البيرق حقه ...

وأنا اشهد لو كانت ... المنافسه بينه

وبين بن فطيس

على البيرق ... بن فطيس بيتنازل حقه ...

تراه بيقطع بن فطيس ... مب بس بشعره ... بجنه بعد

اقصد بجمهوووووره ... >>>مع احترامي له

أنا كلما يوقفون الجمهور اوقف وياهم ... وايلس واصفق لهم ...

واستانست والله يوم قال ... انه ياي يشوف

الشيخ محمد بن زايد

... وانه ولي عهد المملكة ... قاله شارك ...

هذا ان دل فانه يدل على انه برنامج شاعر المليون يتابعه الشيخ

او الملك قبل المواطن
والصغير قبل الكبير
والحرمة قبل الريال >>>>>

>>>>>براااااا

واخواني

... مستانسين عليه ...
كل شويه يقوللنا ... هذا شاعر المليون ...
والله انه بيقطعهم >>>>>>>>>>مع احترامه للبقيه طبعاااااااااا

وبالنسبة للجنه ولا واحد منهن قدر يناقشه ....
الا بدر الصفوق علق اشويه عليه ... وآخر شي خاف من الجمهور ...

قال للجني

... أنا غلطان

::
::

والله اني ميته من البرد درجة الحرارة 6 وامس 3

وفي راس الخيمة وصلت للصفر وفي القمم الجبلية تحت الصفر وثلوج

>>>>>>>>>>>>>>>ادري مالها دخل ... بس من البرد

المهم >>>>>>>خلصينا عاد

تحيااااااااااااتي :
دلووووووعة الامارات
ورده

عز الرياض هلالها · #8 09/01/2008, 07:15 AM

مشكورين وكلش الا بن فطيس لانه من قبيله يام التي انتمي اليها بس ابو فارس يستاهل واثنينهم شعااار

تحياتي لكم ومشكورين ع المرور

قرقاص · #9 09/01/2008, 07:37 AM

مرحبا

إقتباس


	وعيشتي مابين أسوداً ولو ماني رئيس (خير من كوني رئيساً على شلقة تيوس)

هلبيت مررة قوي

وانصحهم يعطونه البيرق من الحين ويخلون الباقين ينافسون على الثاني

صــمـــت الــنـــار · #10 09/01/2008, 08:11 AM

اقووووووووووول فالك البيراق ياابي الفراعنه والمليووووووووووووون

ويكفيك اكبر فخر ان الامير سلطان بن عبدالعزيز ال سعود هو اللي عطاك الاذن في المشاركه في المسابقه

وهذا بحد ذاته اكبر فخر لك ...................................