|
مــوبـــــــايـــلـــي.....تــلــــعـــب بــالنـــار الكل استبشر بعد توقيع الهلال عقد موبايلي مع ان الهلال كان بمكانه الوصول لمبلغ اعلى من هذا بكثير لو انتظر الى نهاية عقد الاتصالات<<<< والكلام هذا لطارق التويجري في برنامج قضايا في الوسط مع تركي العجمة المهم ماعلينا.....موبايلي وقعت العقد.....وفازت بالكعكة اللي كانت ماتحلم بها طول عمرها ووصل عدد مشتركي موبايلي الهلال الى حوالي 300 الف مشترك وحول مئات الالاف من جمهور الهلال جوالاتهم الى موبايلي دعما للهلال وموبايلي ونكاية بالمنافس الاول وهي شركة الاتصالات واصبح جمهور الهلال يتغنى بموبايلي.....وبخدمات موبايلي....ومن حبه لموبايلي اصبح يشجع موبايلي وبدلا من ان تكرم موبايلي جمهور الهلال.....وبدلا من رد الجميل لهذا الجمهور العظيم بدأت في الطمع.....ومحاولة استنزاف الجمهور الهلالي.....واستغلال محبة الجمهور لسامي لتحقيق اعلى رقم من الارباح ولكنها لم تحسب حساب....ان جمهور الهلال اللي يحب بسرعة......ويوصل اللي يحبه للسماء.....يكره بسرعة اكثر وقادر على ( المحط ) بموبايلي في الارض موبايلي والقائمين عليها......انتم تلعبون بالنار مع الجمهور الهلالي.....وماحسبتوا للقادم فارجو ان تراجعوا امركم......وان لا تستغفلوا الجمهور الهلالي....وتستغلوا محبته لسامي....وتزيدون الطين بلة بقولتك انكم ماتبحثون عن الربح فاذا كان الكرسي اللي في المباريات العادية بـــ20 ريال.....راح يوصل لـــ120 ريال هل هذه عدم الربحية اللي تتحدثون عنها وتتشدقون بها ارجو من الجميع التفاعل حتى لا تجعل موبايلي من جمهور الهلال جدار قصير لاستغفاله وحتى يظهر مهرجان الذئب بالصورة الجميلة والمتوقعة لان من الصعب ان يدفع المشجع العادي مبلغ 120 ريال للجلوس في مقعد عادي فما بالك بالالاف الطلبة وصغار السن واللي يحلمون ان يشاهدوا مانشستر على الطبيعة ويودعوا الذيب من الاستاد وكذلك وجود الاختبارات ستحد من حضور الجماهير حتى لا يندم سامي وموبايلي.....ارجو اعادة النظر في الاسعار المبالغ فيها وبامكان سامي الضغط على موبايلي لاخفاض سعر التذاكر فكما ان الجمهور عليه ان يضحي ويدفع للحضور .....فايضا سامي عليه ان يضحي ويحاول تقليل الاسعار حتى ولو وصل الامر للتقليل من عقده مع موبايلي وكل هالكلام لانجاح المهرجان وارجو من المشرفين عدم حدف الموضوع لان الشبكة الزعيم للهلال والهلاليين ...وليست لموبايلي |
التذكرة بـ 60 ريال مو بـ 120 ريال |
طيب مستكثرينها على سامي |
وقبل فترة قالو انها بـ 40 ريال وشكل الموضوع طالع للصعود الى ماهو ابعد من 120ريال |
فيه ناس عادي عندهم الاسعار,,, لكن فيه ناس مطفرين!! |
ساااامي ضحى كثييييييير عشاان الهلال وجمهووووورة وانتو مستكثريييييييين 60رياااال |
بــــــ60التذكره الله يديم الرخص |
التذكرة 60 ريال وراء المرمى |
مو ما عندي فلوس لا عندي ولله الحمد بس ما احب الاستغفال على بالكم بتجبروني لا والله على ايش 120 ريال يستاهل ابو عبدالله اكثر من كذا بس عشان موبايلي ما ادفع هذي وجهة نظر لا اقل ولا اكثر وعلى العموم انا لست من سكان الرياض وفيه ناس كثير اعرفهم مسوين حجوزات يبون يحضرون الاعتزال بس الظاهر انهم ما بعد اعرفو عن سعر التذكرة |
لا تقلقوا تذكروا رجالات الهلال سيقفون وراء كل انجاز اتوقع ان يشتري التذاكر عضو شرف هلالي وبتشوفون وهموما السعر مناسب وعلى فكره لو خلوها ب 200 ريال لخلف المرمى لعلمكم ما يغطي المبلغ المدفوع من موبايلي لكن الشهرة هي مطلب موبايلي واعتقد ان السعر رمزي جدا وحبيت اقول لمن قال تستخسرها في سامي انا متاكد ان قيمة التذكرة لا تذهم لسامي وكان قصد الاخوان بان التذكرة غالية وليس قصده غالية في سامي |
حرام اناا طالب وماعندي سياره وبروح على الموزين والموزين روح ورجعه ب 60 ريال والتذكره ب60 ريال وش اسوي ياجماعه الخير |
اخوي سامي مل مل مل من كثر ماضحى يكفيك عقوده ويلعب وخشمه مكسور وغيره لجاه جرح في يده مالعب سامي يستاهل ياناس يستاهل بعدين اذا كان الحزم والنصر ب20 فا مانشستر ب 80 الواجه وشكرا اخوي |
عجيب كلامك .. تقارنون مباراة الهلال و الحزم .. ولا الهلال و الطائي .. مع احترامي للأندية المذكورة .. بمباراة الهلال و مانشستر .. مباراة احتفالية .. مباراة فيها ما فيها .. يسبقها امور و يتبعها امور .. وليست اي مباراة .. طبيعي لن يكون السعر واحد !!!!!! و انا اشوف انه تذكرة بـ60 ريال تعتبر رخيصة جدا في مباراة بقيمة حفل اعتزال سامي الجابر .. |
شكرا لك اخوي |
التذكرة بـ 60 ريال مو بـ 120 ريال |
ايه التذكرة بـ 60 ريال مو بـ 120 ريال |
سامي قالها بلسااانه خدمت 20 سنه فارجو الى يبخلو علي بليله |
اللي مطفر لايجي ماهو مجبور مو كل شوي واحد كاتب لي موضوع التذاكر غاليه مابنجي هذا بدال ماتقول لك كلمتين بمناسبه اعتزال سامي حلوين وتذكره بالخير |
موبايلي وبس اول شي شكرا اخوي على الموضوع واحب امسي على الزعماء وحبيت اقولك اخوي وشفيك على موبايلي صدقني موبايلي تسعى بكل ماتملك ارضاء الجماهير الهلاليه وبنسبه للمبلغ لو تخفض سعر التذكره بيضرر سامي بقيمه العقد لانها بتنقص وعلشان كذا احناء مع موبايلي وسامي وبالتوفيق للجميع. |
مرحبا للزعماء يستاهل سامي وموبايلي وراح نوقف معهم قلبا وقالبا ولاهي خساره عليهم المبلغ والي مايقدر يدفع الله لايهينه يشوفها على التلفزيون وشكرا |
لو تبي تشوف مباراة المان مع اسوء الفرق الانقليزية راح تدفع اكثر من هالمبلغ ولك تحياتي |
اذا كان فعلا اسعار التذاكر بتوصل120 وما فوق ما فيه الا حل واحد يقوم احد اعضاء الشرف الي ما لنا غنى عنهم بشراء تذاكر للجمهور كا هديه من عضو الشرف انا بنسبه لي اعتزال سامي حاااضر حاااضره الا اذا وصلت التذكره 1000 . تقبلو مروري |
إقتباس:
طيب ليش يوسف 30 ريال وسامي 60 ريال اي دبل السعر بالحقيقه السعر مبالغ فيه وانا اداري انه موبايلي اهي من وضعة السعر وليس سامي على العموم الله يعين |
سامي الجابر + مانشستر يونايتد "كامل نجومه" = 60 ريال ،.، الله يديم الرخص |
للتذكير فقط .. أسعار المباريات بـ الدوري الانجليزي تبدأ من 200 $ .. يعني تقريبا ً حوالي الـ 800 ريآل :) نهائي الدوري الانجليزي العام الماضي كانت التذاكر بـ السوق السوداء تصل الى 12.000 ريآل .. يكفينآ نشوف 30 الف من الجمآهير المثآليـه .. وصدقا ً وبكل واقعيـّه .. لانرد ان نرى ( الجمهور المجاني ) .. المباريآت الكبيره هذي تشوفهآ كل 20 سنه مره ؟ وانت مستكثر علي 120 ريآل او 60 ريآل ؟ عجبا ً لأمركم عجبا ً .. فيه شيء اسمه تلفزيون تقدر تشوف فيها المباراة بـ 10 ريآل .. اذكر لكم حدث بسيط ؟ وقت اعتزال الكابتن يوسف الثنيآن كنت فـ مقهى لأني بعيد عن الريآض وقت المباراة .. كانت تذكرة الدخول للمقهى 50 ريآل .. ؟ تقبـّل مروري ,, ][هلآلي..غيور][ |
اسعار التذاكر حسب دخل كل شخص وقدرته المالية ولكن لو نظرنا لعامة الشباب ( المبلغ غالي شوى ) |
إقتباس:
قلتها انت 20 ريااال في المبارياااااااات العاديه يا اخي هذي مو مباراه عاديه هي مره بالعمر وخلاااص وبعدين من حق موبايلي هي شركه تبحث عن الربح بالدرجه الاولى والا لما فكرت برعااية الهلال ولا اعتزال الذيب وبعدين بالمؤتمر قالوا التذاكر من 60 ريال الى 2000 ريال للمنصه تحيااااااااتي |
والله سامي مايستاهل حتى 10 ريال انا اتمنى ان لايكون حفل سامي افضل من حفل يوسف ؛لذلك اتمنى عدم حضور جمهور كبير للمباراة |
التذاكر تبدا ب 60 ريال |
إقتباس:
واللي ورى البيبان هي اللي بـــ60 اما اللي بالواجهه راح توصل لــ120 ريال |
اللي 60 خلف المرمى فقط |
حتى ولو ... يستاهل الذيب ... >>>> يستنى مكآفأة الجامعه ... |
انا اخبر التذكرة بـ 40 ريال بس امس جتني رسالة من جوال الرياض (معليش موبايلي رفضت تحول رقمي لها لان علي مبالغ ميب مسدده) وقالت ان التذكرة بـ 60 وقريت عن المؤتمر حق موبايلي وسامي وقالوا التذاكر تترواح ما بين 60 ريال الى 2000 ريال يعني قيمة غير معقولة جدا .. 60 ريال اشوفها حلوة ومناسبة بس فيه ناس ما تقدر تدبرها فيه ناس بتجي ليموزين .. يعني يبي لهم اقل شيء 200 ريال علشان يحضر للمباراة ... انا من برى الرياض (المزاحمية) وراح اشرف على مشجعي الهلال في المزاحمية وبقدم لهم كل شيء على الخط وبالاخير ابتلشت فيهم بسعر التذاكر بـ 60 ريال لكن لعيون سامي يستاهلون الجماهير الزرقاء .. بس لو تزيد مدري وين بودي وجهي من اللي بيرحون معي ... ارجو عدم الزيادة في السعر .. |
الله يستر اذذا محد جا الاعتزال توقعاتي الملعب يكون نص نص موو فل ولا فاضي |
إقتباس:
ياناس خلونا نتقاط ونكرم لاعبهم المحنط :d |
طيب افرضوا واحد عنده خمس او ست عيال بالله وش يسوي؟؟؟؟؟؟؟؟؟؟ يدفع=360؟؟!!! |
والله اذا سوتها موبيلي او واحد يبي يرجع رقمه للاتصالات انا ياخي اجل مقعد خلف المرمى ب 60 ليش نهائي كاس العالم |
60..ريال ماهو 120.. |
ياخووي ااخر لييله لساامي يعني ماايستاااهل ؟؟ |
إقتباس:
انا اتكلم عن استغفال موبايلي لجمهور الهلال |
لعيون سامي الاسعار ترخص ولله |
إقتباس:
|
بسم الله الرحمن الرحيم احب اصبح وفي نفس الوقت امسي على الجماهير الراقيه والكبيره (جماهير الزعيم) الذي لايليق المدح والثناء الاتحت مسماها طبعاً قبل احببت ان اطرح موضوع عن هذه النقطه فـ كان السبق من قبلك أخي الكريم وعساك عالقوه حبايبي جمهور الهلال لماذا العاطفه تغلب النظر في مشكلات الغير لماذا ردودكم اصبحت هكذا>>> (ليس بالإجبار ان يحضر من ليس لديه مال) اهذا منطق!!!! هل لديك الماده لماذا تحطم قلوب البعض من الذين لايملكون الماده هل هذه إغاضه لهم ام ماذا هل من المفترض حضور إعتزال سامي من الطبقات الجيده واما الفقيره ممنوعه من المتعه والإحتفال بنجمها الكبير لماذا لايكرمنا البعض بالإلتفات لمثل تلك الفئه الذي من حقها ان تستمتع مثل الكل هم يحبون سامي كما انتم تحبونه هم يعشقون سامي والهلال كما انتم تعشقونه الفرق لديكم مال وهم لايستطيعون الا بمبلغ رمزي وليس هكذا هل النعمه اغفلتنا ان نرى تعاسة ومشكلات غيرنا هل هذه انانيه ام ماذا اعيدوا النظر اذا سمح وقتكم واذا سمحت قلوبكم واذا سمحت مكانتكم هذا لايبدي انني فقير او ليس لدي المال ولكن انظر لغيرك قبل نفسك الصراااحه انتظرت الإعتزال بشغف لتوديع هذا النجم الذي اسر قلبي وملك عشقي للملاعب 9 اسطوره فذه لااستطيع ان انجز لها حديث برد وانما اكثر من صفحه ولكن يوم اطلعت على اسعار التذاكر لم استطع ذلك ولن اذهب بـ 60 كي اجلس خلف الباب واذا اردت ان اذهب بـ 120 فأنا واخي 240 ونأتي من خارج الرياض وبعيد 800 كيلوا احسب السكن واحسب مصروف السياره والأكل والشرب وماذا بعد؟؟؟؟؟؟ هل هناك مجال ياموبايلي او سامي لاإعادة النظر كي لاتحرمونا الإحتفال بنجمنا المحبوب هل هناك مجال لدراسة جميع الطبقات هل هناك مجال من قبل سفير النوايا الحسنه لاعادة التتريب مع موبايلي على هذا السياق (لاأعلم هل هي تسويق ام احتفال وتوديع) (لاأعلم من يريد الآخر يحضر نحن ام هم) موبايلي اصبحت ليست مثل قبل لأنها فكرت بأن جمهور الزعيم عريض ولابد من استغلال هذه النقطه ولكن هضمت حق الكثير والكثير >>(تلك مباراة مانسشتر ونحن نتحدث عن مباريات عاديه دخولها 20 ريال ) اذا كان هناك مقارنه فأنت اذاً تقارن لاعب بفريق وهذا الشيء خطأ ليس لنا علاقه بأسعار مباريات الدوري الأوربي فلسنا مثلهم في اي شي نحن في السعوديه وهم في الدوري الأوروبي لدينا إحتراف مغاير لهم لدينا قوانين ليست مثلهم اعتقد بأن المبلغ الذي توقعته بالكثير 50 ريال سواءاً الواجهه او غيرها والمنصه لها اسعار اخرى على حسب مايريدون >>>(لعيون سامي الأسعار ترخص, يستاهل سامي اكثر , سامي خدم وقدم الكثير فنستخسر به هذا المبلغ , اعتقد المبلغ رمزي) يااعزائي ليست الماده في يدنا ونحن نستخسر ومن ليس لديه مثل تلك المبالغ العاليه ايضاً نقول له تستخسرها بسامي هو لديه مال كي يستخسره او لا شيء منطقي ياحبايبي (ارجوا إعادة النظر في كامل الأسعار والترتيب ودراسة جميع الطبقات كي لايحصل قصور) ارجوا واتمنى ان لاتخيبوا ظني وظن جميع من استعد للإعتزال ارجوا واتمنى ان لايتحطم جميع من فضى نفسه لتلك الليل للإحتفال (هل هناك مجال للتغير)؟؟؟؟ بألم ومراره اتمنى ان اودعك ياسامي ولكن لااستطيع لااستطيع احبك واحب الهلال (حكايه بدأتها أسطوره وأنهيتها اسطوره وتعذبت من بعدك الكوره) والآن نحن والكره تعذبنا هي فارقتك ونحن لانستطيع توديعك أخوكمـ فدرالي_الزعيم |
ياشباب واللة رخيصة 60 او 120 ماتغلي علي ابو عبد اللة وبعدين من حق موبايلي انها ترفع السعر لانك بتشوف مهرجان مامر عليك في حياتك ومتاعقدة مع شركة بريطانية عشان تزين الملعب والوصول بالمهرجان الي اعلي صورة من الجمال ومستكثرين فلوس التذاكر عليها . |
أنا معاك 100 % وانا كتبت موضوع عن نفس هالشي (( لأني ماشفت موضوعك الا اللحين فاعذرني )) بس مشكلة بعض اللي يردون مو راضين يفهمون الموضوع |
السعر جيد يعتبر |
لو يرخص الذيب والله كفووووو فيها ظلم الصراحه.. |
إقتباس:
ان الواجهه بــ120 ريال واللي خلف الباب بــ60 ريال |
إقتباس:
انا اتكلم عن موبايلي ياليتك تقرا الموضوع وتفهمه بعدين تعلق |
يرجال أستغلال عيني عينك |
| الوقت المعتمد في المنتدى بتوقيت جرينتش +3.
الوقت الان » 07:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd