|
((+18 )) .... بين السرة والركبة السلام عليكم ورحمة الله وبركاتة الله لا يصبحكم الا بالخير يا أهل المجلس المعذرة أن فيها ثقاله طلتي عليكم بحكم البرد اللي يهد الحيل في الرياض اليوم , قررت ما أطلع للملحق وأجلس في المجلس أتابع التلفزيون . المهم وأنا ((أفتر )) بين القنوات طاحت عيني على مسلسل (( الله يخارجنا )) فيه من المشاهد الفضائحية ما الله به عليم . المهم لقط أسم المسلسل وسيرت على (( قوقل )) وقلت له دونك هالأسم شف لنا (( مويته )) ماقصر هـ (( القوقل )) رز قدام عيوني العلم . (( مسلسل )) جنسي , أجمل وصف وجدته له (( مسلسل بين السره والركبة )) لما احتواه من إسفاف وفجور في مشاهده . مراهق (( مطيح )) عند الخدامة يتحين الفرصة عشان (( يضرب ضربته )) . مراهق (( أخربها )) مع بنت خالته والوضع ماشي معهم (( أأأأأوكي )) والوعد الصيف الجاي (( نزين الوضع )) . بنت تبي الازدهار الوظيفي والمالي (( أعمتها )) مع مديرها (( ومافيه اي أشكاليه عندها )) و......................... و........................ و....................... مسلسل أخذ على عاتقه تعليم (( الكيفية الآآآآآآآآمنه )) لممارسات الرذيلة دون وجل أو خوف من مفتعليها يعني مثل (( التعزيز للمهجول )) . مسلسل (( فضيحة )) وأي فضيحة ألا مفروض يكتبون عند عرضه (( للزاحفين )) وصل صداه على ما أعتقد لأعلى سلطة في تلك الدولة بعد أن (( استشعر )) رجال البلد الاصليين خطره على سمعة البلد وقبل ذلك على أهل البلد. ومن زين الطبايع لقيت (( تعليق )) من إحدى ابطال رواية (( بين السرة والركبة )) تقول المفروض نلقى دعم من المجتمع الخليجي على تبني مثل ها القضايا (( فديت قلب من وصلني لشوشتها )) . والسؤال اللي (( يقرقع )) بقلبي معقوله المؤلف ما لقى من ايجابيات البلد أي شي يكتب عنه غير هـ الفضيحة يبقى الأهم يا عيال كل واحد منكم (( يسنع )) رسيفر (( الصالة )) تراكم مسئولين قدام ربكم عن اهاليكم . يا حلو قناة (( بداية )) و (( المجد )) وقنوات الخليج المحافظة وأن بغيت تخربها افلام أكشن دونك (( السودان )) <<<< تخصص افلام أكشن ونادرة الوجود بعد . المعذرة منكم يا شباب على طوالة الحكي هنا محبكم خالد |
الحمد الله افتخر ان ماعندي مثل هالقنوات والله يستر علينا دنيا واخره.. فهالزمن صار الانسان يخاف حتى من نفسه اخوووي الحلم شكرااا عالتنبيه وان شاء الله ماتدخل هالقنوات في بيتنا يارب |
لاحول ولا قوة إلا بالله , , والله هالقنوات الحمد لله ان ماعرف اطلعها ,, ويازين الساحة وART :D مشكور اخوي وماقصرت تحياتي ورده |
إقتباس:
واحط قناة الساحه والساحه 2 >>>>>>>>>> اشوف اللي يتناقزون :D >>>> ما تعرف شو يسمونه المهم ندخل ع الموضوع ... والله اللي صاير في هالقنوات الفضائية شي عجيب ... قلت ادب ... ما فيهم حيى أصلااااااا كيف الممثلين ... يرضون بهالشي ؟؟؟؟؟!!!!!!!! على قولتك عدلوووو رسيفر الصاله ... وحتى الحجر ... والحمدلله انه ما عندي عيال لين الحين ... :D تحيااااااااااتي ع الموضوع الروعه دلوووووووعة الامارات ورده |
إعلم أنك محاسب أمام الله سبحانه وتعالى على ما تتيح لمن تعولهم بالمشاهدة يا اخوي وش فيها قنوات المجد قنوات تناسب كل الأعمار أقل فائدة منها أنك تطلع وأنت مرتاح ما تقول وش يشوفون وفيها أجر لك إنك دورت الحلال وأبعدت عن الحرام الله يهدينا وإياكم يعطيك العافية أخوي |
عليكـم السلام ورحمــة الله وبركاتــة ،، صبحك الله بالنور ،، وحياك الله نورت المكان والله 000 الاعلام رساله ساميه ومع الاسف اصبح الاعلام هدام وعلى مرئى ومسمع الجميع باتت القنوات الفضائيه ابعادها واضحه واهدافها ماديه بحته دون مراعاة لذلك المتلقي المراهق الذي لايعدو كونه مقلد ومع الاسف بعض تلك القنوات حكوميه وتحت رعايه اعلى سلطه في البلد 000 الغالي الحلم أشكرك على طرحك مثل هذه القضايا التي لطالما يحتاج المجتمع توعيه وتحذير بخطورتها لما تحمله من عواقب ساقطه وخيمه تقبل مروري |
إقتباس:
وانا كذلك ولله الحمد وان شاء الله كلنا ماتدخل بيوتنا |
وعليكم السلام ورحمة الله وبركاته ( والسؤال اللي (( يقرقع )) بقلبي معقوله المؤلف ما لقى من ايجابيات البلد أضيحة ) أخي الكريم هل في قرارة نفسك أنهم يبحثون عن إيجابيات بلدٍ ما أو يريدون انتقاد من أجل تعديل وضعه ويبحثون عن مصلحة أهله ؟؟!! عندي أنه أبعد مايكونو عن هذه المعاني فهي بالشرق وهم بالحظيظ , أعتقد أن هدفهم أولاً الربح المادي والشهرة وهذان الأمران لأيأتيان وللأسف إلا بالإغراء وستر السرة والركبة فقط كما الذي يبحث عنه عامة الناس ومعظمهم , كم أنني لا أستبعد دعمهم من جهات علمانية أو غربية هم وغيرهم من أجل نشر الرذيلة والفساد ,, أسأل الله أن يكفينا ومجتمعاتنا شر شرورهم , الحــــــلم الشكر والتقدير وعظيم الامتنان لك أخي الكريم على ماأتحفتنا به من موضوعٍ قيم , بارك الله فيك 0000000 |
وصلنا اخيراً إلى .. كالقابض على الجمر !! كالقابض على الجمر !! |
وعليكم السلام ورحمة الله وبركـاته , مجلسكم متواصل بتواجدكـ أخوي خالد :) .... ناقشت القنوات في الفترة الماضية والحالية ! بعضا من القضايا ! لكن هنا ناقشت ( تعليم ) النجـاسة الخلقية ! تعرف دائما بأننا لا يمكن ان نتقدم إلا بالعلم ! لكن في هذا لا أعتقد التقدم في مجتمعاتنا ! ولا أعتقد أن مخرج ومؤلف هذا البرنامج لـه هدف نبيـل ! بعكس ذلكـ تماما ! هو يحاول إثارة الشبهة بين الشباب ! والشباب في سن المراهقة وغيرها يعتبر هدفا محددا لأؤلئكـ الافراد ! .... موضوع جميل استمتعت بمناقشته معكـ أخوي الحلم :) يعطيك العافية |
الله يستر من ذا الدنيا قسم بالله كل شي لتحت الحياء كان الناس يسمعون به الان الان للاسف ما له اي حس الا من رحم الله ونتذكر قول النبي (صلى الله عليه وسلم) >>كلكم راع وكلكم مسئول عن رعيته<<< |
القنوات تداهم بلادنا و الجميع يتفرج |
المسلسلات الخليجية صارت لعرض الأزياء:sleep: |
حسبي الله على كل من يروج للفساد وأحمد الله إنو ما عندنا دش من أصلو وإن شاالله مايسير الله يحمينا من الفتن في هذا الزمان |
ايش اسم المسلسل تيب << ابي اروح اشووفه عشان اتاكد ههههههههههههه من بطولته ؟؟ مشكوور على حرصك .. ورده |
جزاك الله خير ي الحلم على هالموضوع ... فعلا هالمسلسلات والأفلام كلها جنس × مخدرات ... وبصراحة عجبتني طريقة طرحك للموضوع,, تقبل مروري السريع ... وإلى لقاء آخر :) |
هلا والله فيك اخوي خالد .. حياك ربي . ياخي مشكله القنوات وبالاخص عندما يكون الوالد جاهل ؟ يعني يحط بالبيت ولا يدري وش اللي يدور فيه ؟ اهم شئ وناسه اعياله :surprised: ( اللهم لاشماته ) على طااري القنوات . ابقولكم تاثيره على الاطفال :stoned: انا قبل يومين معي ولد اخوي بالسياره عمره 5 سنوات عاد شغلت المسجل على اني حاط حورنيات بس فضحني صار اغاني :d مادريت الا نابط بي قال ربي يحطك بالنار :d قلت لا هذا الرادو حبيبي :d:d ماشاء الله اخوي حاط عندهم قنوات المجد فقط :smilie47::) واعتقد انه لم يتعلم هذا الا من المجد بدون قصور من والديه s60s لما يكون لاهي بشئ تلقاه يردد الاناشيد حقات المجد الاطفال :d الله يهدي الجميع :yes: مشكور اخوي خالد ولاهنت عالموضوع اللي يناقش مشكله مهمه صراحه ! :) |
هلا بك أخوي خالد .. نور المجلس بوجودك ورده ذكرني موضوعك بمسلسل ما زال يعرض في الإم بي سي .. شاهدت حلقة واحدة فقط منه .. قمة في الوقاحة .. فعلاً مسلسل جنسي ..!! تقوم احدى المراهقات بتمثيل دور الفتاة الشاذة .. أبرز ما لاحظته في تلك الحلقة هو تركيز المخرج على نظرات هذه السحاقية لأماكن الاغراء في البنات ..!! المسلسلات الخليجية من جرف لدحديرة .. والعذر لهم جاهز بأنهم يحاولون علاج هذه المشاكل بإظهارها ..!! شكراً أخي خالد على موضوعك الجميل .. نتمنى لك طيب الإقامة في جنبات هذا المجلس ورده |
مشكور اخوي الحلم على الموضوع الأكثر من رائع بالنسبة للمسلسلات وبعض القنوات للأسف لاتحترم من يشاهد وذائقة المتابع لها ومن لايحترم الناس لايحترم ومن باب أولى ان نقوم بحذف تلك القنوات إلا اذا كان لهذه القنوات برامج تشفع لها بالبقاء بين بقية القنوات المحترمه فحينها لا تشاهد هذه المسلسلات كل ماذكرته موجود بالمسلسلات وهو مايجعلك تستحي أن تشاهد هذه المسلسلات والوقوف أمامها وسلملي على القنوات المحترمه شاكر لك على الجدية في الطرح وتقبل مروري |
إقتباس:
موضوع جميل وجعله الله في موازين حسناتك على النصيحه:)s60s تقبل مروري بنت فهدs13s |
والله أنك صادق اللحين الرسيفر صار قنبلة مؤقوتة صار خطر على ألاطفال وجود أفلام ماجنة وقبيحة أشد القبح ومسلسلات أطفال تعلمهم النصرانية وقرع الكوؤس والكثير الكثير ... الحمد لله ما عندنا في البيت دش ولا نعرفه ولله الحمد والمنة |
غلاهم وماخذه حلاهم تظل الرقابة عامل أساسي في التعامل مع مثل هكذا قنوات رقابة الأهل وقبلها الرقابة الذاتيه من الشخص نفسه على نفسه بـ السماح لأذنه بالاستماع للشي الهادف والسماح لعينه بالنظر للشي اللي يهذبها شاكر لك هالحضور ,,, ماجد النعيمي جميل أن تكون المبادرة منك أخوي ماجد بتقنين القنوات اللي يحملها جهازك في صورة تنبأ عن إداركك لخطر تلك القنوات شاكر لك هالحضور دلوعة الأمارات قناة بداية هي عبارة عن إعلام هادف ينبغي على الجميع أن يقتدي به كذلك الحال لقنوات المجد لكن وبما أن ما حولك أحد فستظل قناة بداية هي (( الشاذه )) كمضمون أقصد عن باقي القنوات كما ستظل تلك القنوات تعرض (( الفضائح )) طالما أن ذاك العمل سيجلب لها المعلنين بشراهه الحل مثل ما قلتي (( تسنيع رسيفر الصالة والملاحق وكل الحجر في البيت )) شاكر لك حضورك ,,, |
راعي المحبة عندما يستشعر الجميع الأمانة , أمانة رعاية العائلة حتماً لن تجد تجاوزات ولن تجد تلك القنوات (( توطوط )) :) في بيوت الكثير منّا شاكر لك هالحضور s k y النور نورك يالغالي , للأمانة التواجد هنا متعه وبـ (( أغثكم )) كثير من شبابنا بالوقت ذآ أصبح (( يسنتر )) بالساعات عشان يحضر مثلهـ (( الفضايح )) وتلقاه في نفسه يهوجس بـ (( تطورنا )) صرنا مثل هـ (( الغرب )) وللاسف هو صادق في هـ الشي أصبحنا نقلد الإعلام الغربي بمثل هذا الإنحلال والتفسخ ومسابقات (( القمار )) وكل الأسف أن مثل هـ (( الخمبقة )) بدت تكثر في تلفزيوننا السعودي . شاكر لك يا الغالي هـ الحضور المميز أبو ربشة الله يخارجنا من هـ القنوات وحلو أنك باقي على الأصالة (( التلفزيون السعودي )) وإن كان يشطح بعض الأحيان . شاكر لك هـ الحضور |
مشكووور اخوي الحلم على موضوعك الاكثر من رائع وبالنسبة للمسلسلات الخليجية او العربية الصراحة من جرف لدحديره اذا كان الوضع هذي الايام زي كذا مدري كيف بيصير بعد سنتين او ثلاث . تقبل مروري |
لاحول ولا قوة إلا بالله |
الله يعطيك العافية اخوي خالد على هالموضوع والتنبية من خطر بعض هالمسلسلات اللى مدري وش تبي !!! الغريبه انهم يصورون للناس انه هذه هو حال المجتمع في الخليج !! ناس عندهم فلوس .. وأغبياء .. وهمهم الرذيلة .. ومن الأب لين اصغر فرد بالأسره منحط !! شكرا اخوي مره ثانيه ولاتقطع .. اخوك الصغير ابو طلال |
هلالي الشماسية بالفعل وجدوا للك التجارة رواج واسع ي المجتمع الخليجي , سواءً أكان ذك الرواج مادي أو أخلاقي فهم بالاضافة الى ربحهم المادي يسعون جاهدين الى نشر الرذيلة داخل المجتمعات الخليجية لاهداف يجهلها العامة ويعيها من وقف بعين صادقة امام تلك الاسقاطات . مشكور يالغالي على هـ الحضور الراقي مياسة بالفعل وصلنا إلى قول الا مارحم ربي , اطراف كثيرة ينبغي ان تعي ذاك الخطر وتستدركة الان العائلة , المدرسة , المسجد the best الربح المادي هو اولوية وخير من يجلب تلك الميزه هم العلمانين , المسيح , اليهود فلا غرابه في أن يكون ذاك الأعلام بتلك الكيفية التي خرج بها مشكور ياغالي على هـ الحضور وعلى هـ التشجيع |
اليابان عندما يستشعر الجميع ذاك الحديث التي تداخلت به , حتماً لن نجد مدخل لمثل تلك الاسقاطات تؤثر في سير الأسر التربوية . شاكر لك هـ الحضور الغالي . راكان _ 20 الاشكالية ان جل تلك القنوات تقوم على دعم رجال اعمال سعوديين هم يمضي ويقف عند المال شاكر لك هـ الحضور المميز G o L d E s T صادقت يالغالي تلك القنوات فقدت المضمون وتوجهت نحو الحشو وهو ما يجلبه عرض الازياء وقصات الشعر ........ شاكر لك هالحضور المميز يا غالي |
المغامرة يبقى الدعاء والتوجهه لله بان يعصم اسرنا من شر ذاك الاعلام انجح الحلول لمواجة هذا الانحلال باسكن روبنز اقول عن المشاكل ما فيه يعني مافيه دونك مباراة الهلال والوحدة اليوم مخمخ عليها :) مشكور يالغالي على هالحضور الطيب هلالي وافتخر لن تخرج تلك المسلسلات عن تلك الكيفية التي اشرت اليها طالما انها مربحه لهم مادياً مشكور يالغالي على هالحضور المميز |
شكرا من الأعماق على هذه الرسالة الاخوية التي تبين مدى حرصك على اخوانك الاعضاء الذين لم تلدهم أمك . |
| الوقت المعتمد في المنتدى بتوقيت جرينتش +3.
الوقت الان » 06:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd