كشتـــة زيوووووووووووووو..
 

السلام عليكم ..

كل عام وانتم بخير ومن العايدين الفايزين :)
واللي حجو هالسنة اضيف حج مبرور وسعي مشكور:) :)

انتم مافقدتوني خلال الايام القليلة الماضية ؟؟؟;) ;)

انا كعادة سعادتي كل إجازة عيد اطس الى البراري ..يعني أكشت:D

وهالمرة الطسة غير ... على وزن جدة غير ..:D :D


ليه غير ؟

لانها كشتة زيوووووووود
على وزن عزبة زيود{ اللي يضرب بها المثل للشيء الحوسة} .;) ;)

انا اقولكم وش صار ...

تولمت أنا والزقرت لنقتحم البر ونكشت ...;)

حملنا الونيت بما لذ وطاب من المعدات البرية من خيمة + عدة طبخ + جراكل موية تكفي لـ100 سنة
+ حطب سمر وارطا
+ ثلاجة مليئة باللحم الملطوش من بيوتنا
+ ماطور كهرب { أجل ماطور تلفون:D :D }
+ وخلافه... يعني اي شيء يخطر ببالك تلقاه معنا
مابقى الا نجيب كورة بيسبول ..

المهم انطلقنا من مكان تجمعنا الى البراري في حوالي الخامسة عصرا

وكانت هذي المشاهد لنا وحنا في السيارة :

ــ السواق مبتلش بشريط نشب بالمسجل .. :D :D

ــ واحد جاي معنا غصب ...حاط يده على خده ويهش الذبان من ضيقة الصدر.

ـــ واحد يسولف معي وهو يقشم فصفص
والسواليف عن أحداث الحادي عشر من سبتمبر ويتخيل لو انه كان هناك بوقت الاتهيار ..
.وفجأة حول دفة الحوار وسألني وقال : أنت جددت رخصتك ؟؟

قلت : لا ليه ؟

قال : ورني اياها ..

طلعت له المحفظة ..ووريته الرخصة .
قال : انت فصيلة دمك -B؟
قلت وش دخل فصيلة دمي من تجديد الرخصة ؟؟:confused: :confused:
هات الرخصة اقول ..

فجأة
تحرك المغصوب على الكشتة
والتفت على السواق وقاله : وقف عند المحطة ؟
قال : السواق : ليه ؟
المغصوب : ابي اشتري جريدة
السواق على طول وقف علشان المغصوب لاتتعب نفسيته .
نزل المغصوب للبقالة .
طول علينا المغصوب بالبقالة
نزلت انا استعجله ..
ركبنا السيارة ..
كملنا طريقنا للبر ...

مشينا حوالي سبعين كيلو من البقالة الى مكان الكشتة ..
وصلنا مسيان الضعيف ..:D

نزلنا من السيارة كلنا الا المغصوب


رحنا لصندوق الونيت علشان ننزل الاغراض ..

نزلنا الخيمة وطقيناها ...
والماطور شغلناه و شبكنا اللمبات ..

وضبطنا مكان الطبخ داخل الخيمة ..

طبعا دخل صلاة المغرب بس صليناها جمع تاخير مع العشاء

و انا اصلي لمست مخباتي:eek: :eek: :eek:
ادور محفظتي مالقيتها .:eek: :eek: .:confused: :confused:

تخوبلت بصلاتي ونسيت وش قريت وبديت افكر بهالمحفظة
يوم خلصت الصلاة سألت الشباب عن المحفظة؟؟:confused: :confused:
قالوا ماشفناها ..

دورنا بمكاننا ودورت بالسيارة مالقيتها ..
قلت وين راحت وجع ؟؟:confused: :confused: :confused:
المشكلة فيها اوراق مهمة والا الدراهم مافيها الا طفسه .

تذكرت يوم خويي يقولي ورني الرخصة الظاهر اني حطيتها بحجري
وطاحت مني يوم نزلت للمحطة ..


قلت للشباب لازم ارجع للمحطة ..
قالوا : يووووووووووو تروح سبعين كيلو
قلت : الشكوى لله اروح .. مابقى الا المحطة ادور فيها
المهم رحت وقعدوا الشباب يزهبون العشاء .
وطول الطريق ادعي الله اني القاها .:( :(

وصلت للمحطة وقعدت ادور بالمكان اللي وقفنا فيه ..مالقيت شي .:( :(

رحت لراعي المحطة وسألته : عن محفظة ضايعة ؟؟

قال : ايوووووه انت جمجمة الهلال ؟:D :D
قلت : اييييييييييييه انا هو انا همهمة الجلال من الفرحة تخربطت .:D :D
قال : فيه واحد لقاها ويقول انه يعرفك وراح يوصلها لك ..
قلت : من هو؟؟ ووين راح ؟؟ وش سيارته ؟؟ وشلون شكله ؟؟ وليه تخليه ياخذها ؟؟
قال : ياخي انا مالي شغل هو لقاها ..
وبعدين لو يبغى يسرقها كان ماجاء وقالي عن موضوعها .
قلت : والحل الحين وين القاه ذا ؟؟
قال : هو يقول انه يعرف مكانكم اللي تكشتوا فيه وانه راح يوصلها لك .
قلت : أكيد هالكلام .:(
قال : هذا اللي سمعته .

المهم اقفلت راجعا للشلة ..

اول ماوصلت سألت الشباب : ماجت المحفظة ؟؟
قعدوا يضحكون علي ..:D :D :D
قالوا وشلون تجي .. هي حمامة ..:D :D :D

فهمتهم القصة .
قالوا: يارجال ان شاء الله تجي مع الرجل المزعوم ..
تعشينا وانا مالي نفس بالأكل ...:(
كل شوي اناظر حولي ادور سيارة جاية

وجاء وقت النوم ..
ونامو الشباب الا انا اتقلب
ماغفا جفني ولا للنوم طاب :( :(
وكل ماسمعت صوت سيارة من بعيد نطيت من فراشي وطلعت من الخيمة
اشوف هالسيارة ..اغديه راعي المحفظة .
حتى تعبت ومليت الانتظار ونمت ..

وعلى هالحال 3 ايام ماتهنيت بالكشتة ولا جاء الرجل المزعوم اللي معه محفظتي ..:( :(

جاء وقت الرجعه .

فكينا الخيمة ..
تذكرون خوينا المغصوب
صارهو أنشط واحد فينا فك الخيمة لحاله وشال الماطور ومتحمس .. تدرون ليه ؟؟
لانه جاء وقت الرجعه ..

وانا صرت المغصوب على الرجعه ماودي يرجعون
لازال عندي أمل ترجع لي محفظتي ..

وحنا بطريق الرجعة قفلت معي وجاني احباط وبديت اكلم نفسي وأقول :
هالكشتة حوسة في حوسة:(
صدق انها كشتة زيود :(
كشتة زيوود :(
كشتة زيووووووووووووووووووووووووووود.:( :(


انتهت قصتي الخيالية ..:D :D


تبون القصة الحقيقية ...

أنا صار لي نفس هالموقف بالضبط بس يوم رجعت للمحطة وانا قاطع 70كيلو
لقيت المحفظة بمكانها لم تتحرك .. مع ان المحطة مليانه بالزباين ..
بس محفظتي حفظها الله سبحانه وتعالى من أعين الناس ..



وانصحكم ياأخوان بقراءة وردكم اليومي فهو حصن المسلم من كل شر .

ــ اقرأوا الفاتحة
ــ اقرأوا أول خمس آيات من البقرة
ــ آية الكرسي
ــ آخر آيتين من البقرة .
ــ اول آيتين من سورة غافر
ــ آخر خمس آيات من سورة الحشر
ـــ قل هو الله احد والمعوذتين ثلاث مرات
ـــ { اعوذبكلمات الله التامات من شر ماخلق } 3 مرات
ـــ { بسم الله الذي لايضر مع اسمه شيء في الارض ولا في السماء وهو السميع العليم }3 مرات
وماتيسر لك من الأدعية ...

والله خيرا ً حافظ وهو أرحم الراحمين



وجزاكم الله خيرا


تحياتي للجميع :)

أخوكم جمجمة الهلال :) :)

[IMG]jomjomah[/IMG]


حمدآ لله على سلامتك ياجمجمتناالغالي وعساك استانست بس في البر وشلون اخوياك عساهم استانسو مثلك والله اشتقنالك واشتقنا لي عدنان ولينا عساك بس محضر الحلقه السادسه ترنا بفارغ الصبر
وكل عام وانت بخير والأمه الأسلاميه بألف خير

مشكور
 

مشكور يا اخ جمجمة على هذا القصة الجميلة واتوقع ان لك مس
مستقبلا باهرا في الكتابة ان شاء الله
وشكرا على ذكرك للادعية
وبالتوفيق الدائم

اقول شكلهم مهبلين بك:eek:

انتبه لايطلع لك جني والا عفريت;)

وانت انواع الذراقه يالدااااااااااااااج

بس ما ادري امداك تختم القرآن:laugh:


(( مشكور جمجوم على القصه بس مافيها كشب كشب :D ))

الحمد لله على السلامه مستر جمجوم

الصراحه كشتاااااااااااااااااه حلوه :bigrazz:

سلم لي على المغصوب

اهلين وسهلين بالجمجمه الغاليه

اقول وشوله تاخذون المغصوب

واقول ترى القصه ماكملت

ولك اجمل التهاني علشانك لقيت المحفظه

ولك تحياتي

اخوك مومو

هلا والله يابعد كل الجماجم يازين هالدماغ الي ينقط قصص ودجه :D

محفظتك انا لقيتها واحرقت بها اللي معك حقت الهندي اللي بالبقاله سطرته وحطيتها لك :D

هلا والله باستاذنا الكبير جماجم ياخي مشتاقين لك وقصصك الداجه و الهادفه في نفس الوقت :) :)
بس ابسألك ليش زيوووووود بالتحديد:confused: :confused: ليش ماهوب حضارم:D :D;)


لا تطول علينا بعدنان ولينا.:)



تحياتي big head

تسلم يا جميجمه الهلال :D :D

قصه حلوووووووووه......


ذكرتنا بكشتتنا..................:blueroll: :blueroll:

حمد الله على سلامتك والله من ذا الرحله ؟؟؟؟؟

قصه
حلوووووووووووووووووه مرررره أخوي جمجم والحمد لله انك لقيت محفظتك في القصة الحقيقية...


واوافق اخوي مومو (وشوله تأخذون المغصوب معكم؟؟؟؟؟)




ولاتطول علينا بعدنان ولينا....





باااااااااااي....

تسلم والله يالجمجمة
والله قصه تشكر عليها..
وذكرتني بواحد من الشباب طالعين للبر
وشابين النار وجالسين حولها قال واحد وش رايكم
بهالجلسه قال حداهم والله مانقصها الا الخويا...
وشكل هذا مثل خويكم المغصوب .

ولك تحياتي

تصدق انا مرة حصلت لي نفس القصة وضاعت المحفظة .
بس انا مادريت الايوم رجعت البيت .








بس عاد كلم علي واحد وقالي انه لقاهالاني حاط رقم الجوال ورقم البيت والبيجر والفاكس (والموبايل) والتفاكس وماهنا رقم ماحطيته..
لاني اكثر واحد يضيع المحفظة .

1000شكر على ذكر الورد اليومي فمن يتق الله يجعل له مخرجا

[c]بسم الله الرحمن الرحيم [/c]
ردوووووووود بلا حدووووووووود:)

الغالي مخاوي القوايل

الله يسلمك اخوي وانت بصحة وسلامة :)

الحين ابنزل الحلقة التاسعة و الأخيرة وانت تقول وين الحلقة السادسة

شكلك ماشفت السابعة والثامنة :D ;)

هنا الحلقة 7 و8
http://alzaeem.com/vb/showthread.php?threadid=49414

تحياتي:)

ـــــــــــــــــــــــــــــــــــ
الغالي ماستر كي

اول شيء ارحب بك عضو جديد بيننا :)

وهذي شهادة اعتز بها منك ياحبيبي:)

جزاك الله خير

ـــــــــــــــــــــــــــــــ
الغالي الحائز على جائزة نوبل للدجة سهل 888

هم هبلوبي وبس
جابولي الصمرقع غفر الله له :D ;)

كشب كشب تلقاه عند كايدهم ;)

هلا حبيبي :)
ـــــــــــــــــــــــــــــــــــ
الغالي سعود

الله يسلمك اخوي
والمغصوب طاير من الفرحة مهوب لمك :D

هلا وغلا :)
ــــــــــــــــــــــــــــــــ
الغالي مومو :)
ياااااااااااااخي مهوب حنا اللي غاصبينه على الكشتة يااااااااخي
هو اللي غاصب نفسه ياااااااااااااخي:D

تحياتي:)
ـــــــــــــــــــــــــــــ
الغالي عاشق الثنيان { صديقي} :)
جمجمتي تحت امرك ;)

اجل اللي معي حقت الهندي واشوف بقع الزيت بثوبي وأقول منين :confused:

يانجسك بعد وشوله تحرق المحفظة ماتدري ان فيها اقامتك..انتبه من الجوازات :D :D
تحط نفسك في موائف بايخخخخخخخخخخة:D

تحياتي ياصديقي:)
ــــــــــــــــــــــــــــــ
هلا بأكبر راس بهالمنتدىbig head :D
استاذ وكبير الله مير يسلمك يابعدي :)

تدري ليه زيود ؟؟
اقرأ الموضوع مرة ثانية وتدري ;)

وعدنان ولينا احترها :)

شكرا :)

ــــــــــــــــــــــ
الغالي طويل الزعيم :)

الله يسلمك ويبقيك
الله يرحم حالك كان كشتتنا مثل كشتتكم ===> اتحداك تقولها عشر مرات :D

تحياتي:)
ـــــــــــــــــــــــ
الغالي ايضا MALABBAS:)
الله يسلمك اخوي
ايه والله والله من ذا الرحلة :)
شكرا :)
ـــــــــــــــــــ
اخوي الغالي الـــــعــــابــر:)

اهلا فيك عضو جديد بين اخوانك بشبكة الجميع :)

ابشر بسعدك :)
ــــــــــــــــــ
الغالي الصامت :)
ههههههههههههههه
هذولا الظاهر حنا :D ;)

شكرا اخوي
ـــــــــــــــــــ
الغالي ابوعبد الله :)
ماشاء الله عليك شكلك ولد نعمة عندك جوال وموبايل مرة وحدة ;) :D

تحياتي ياغالي:)
ــــــــــــــــــ
الغالية السلطانة :)
البنت الوحيدة اللي ردت علي ;) ===} شكل الباقي مايحبون الكشتات :D

ترليون العفو اختي :)



تحياتي للجميع :)