الحربان كم عمره ؟؟؟؟
 

السلام عليكم .....
انا شاهدت مباراة الهلال خاصه الشوط الاول بقناة اوربت مع المعلق المعتق خالد الحربان ... واستغرب يا جماعه الاوربت وش يبون فيه ؟؟؟ ما فيه ولا اسم الا ينطقه بالغلط ... يعني الكبر في العمر واضح عليه مره مره ... يعني بصراحه ما ينفع يعلق ولا على مباراة تنس ارضي لانه مره بارد ويجيب المرض ..... بعدين يا جماعه انا عندي قصه للحربان قبل اربع سنوات في مباراة السعوديه والصين في تصفيات كاس العالم 98 وكانت المباراة في الصين وكان لاعب الدوخي ظهير ايمن وازعجنا الحربان طول الشوط الاول وهو يقول ان ظهير السعوديه الايمن هو عبيد الدوسري ... ومن زين الطبايع يقول ان المدرب ذكي لانه ملعب عبيد الدوسري ظهير عشان ما يعرفونه الصينيين ..... هذا معلق عاد؟؟؟؟ يا عالم فكونا منه تراه قديم مره وانتهي وقته واصبح مستهلك بقوه .........
والسلام

والله مو الكبر لكن الحقد على الاندية السعودية

والسبب حنا نعطيهم اكبر من حجمهم فوالله ناصر الاحمد يسوى 100من امثال الحربان

لا والي قهرني انه حاقر البطوله والانديه .....

وهو يعلق قال فيه ذوق راقي وفيه ذوق متواضع واحنا نقلنا البارح مباريات من الدوري الاوربي برشلونه وروما ومباراه اخرى واليوم ننقل لأصحاب الذوق المتواضع وننقلهم هذي البطوله !! مايستحي على وجهه هذا ؟؟

وفي كاس العالم 94 بعد ما سجل العويران هدفه على بلجيكا قال ان الربطه الي في يده فيها سر ! قليل حيا من جد ..

والمشكله ان نص حتسيه غلط .... اللغه العربيه عنده مثل وجهه

ما يعرف غير لعيبة الدوري الاسباني وغيره انسى !!!!

والله ما ادري وش فيكم على الحربان !! ياجماعه طول عمرنا وحنا نسمع تعليق سكه عدا ( الاحمد- البكر- الجابر)

الحربان معلق كبير فرض اسمه على التعليق في الخليج مايصير يمسح تاريخه بجرة قلم !!!!

ايه ما يخالف بس ياخي الحربان اصبح قديم وما يصير نستمر نجامله لانه بصراحه يرفع الضغط .... كل معلوماته غلط وكلا الاسماء ينطقها غلط

خاصه اذا قال يااااي ياااااي يااااااي بعد اي هجمه او قول ..... ودك من يصكه بكف

ههههههههه
وين لجنة السعوده.......اوربت حقتنا
ليه متشرط ان يكون المعلقين سعوديين

عيب عليكم هذي التعليقات تقدر تنتقد اسلوب تعليقه لكن ابتعد عن التجريح .. الشرهه على المراقبين :)

بالعكس ياخ Q8i هذي ليست تعليقات جارحه حنا نتكلم بالحق وهذا اللي شفناه من المعلق الحربان ..... يعني بصراحه افقدنا متعة المباراة اضطريت اشوف المباراة على القناة الاولى بتعليق تونسي ...... الحربان اصبح قديم لا ينطق الاسماء صح واحيانا يغفل عن المباراة ولا يتكلم كانه ينام او ينشغل باشياء اخرى ..... صدقني انا لست ضد الحربان شخصيا بالعكس ولكن انا ضد المجامله على حساب المشاهدين

انا ما انتقدك انت شوف الردود .. وبعدين الحربان بالفعل اصبح يفقد التركيز في المباريات تابعته على ايام بطولة الخليج كان يغلط حتى بأسماء لاعبي الكويت .. لكن هذا مايعطينا الحق بأن نجرح فيه

فعلا الحربان فقد الكثير من تميزه المعروف ..

لكن يبقى للحربان نكهه خاصه ..

وللنقد حدود بدون تجريح ..

والتجديد في التعليق افضل بعد تغير طرق التعليق حاليا ..

الرجل شايب طاق الستين كاني ماني غلطان ..

و الله التعليقات جارحة و خارجة عن الذوق العام .بعدين يوجد معلق بقناة السعودية يمكن تشاهدوه . المصيبة كلكم كنتم تشاهدون الأوربت و تسمعون بتمعن و لكل كلمة ينطقها . واذا اخطأ بأسم لاعب معذور حاله حال كل المعلقين . و الظاهر انه يعلق من الأستوديو

اصبحت كل ما ادخل على هالمنتدى القى للأسف اسخف التعليقات من بعض الأعضاء