|
ياسر ياسر ازعجتونا بياسر اول شي السلام عليكم ورحمة الله وبركاتة بسم الله الرحمن الرحيم اول شي هار لك الخسارة امس ونعوضها بعدين إن شاء الله ثاني شي جماهير الاعبين وش اخباركم عساكم مبسوطين ياجماعة انا ابغى اسال سؤال امس ياسر كم مرة لمس الكورة اتحداكم تجاوبون المشكلة بجماهير ياسر كل مباراة مطلعين لنا عذر بياسر نفسيتة ونفسيتة واللاعب مرهق مرة تعبان ومرة ما ادري ايش تقدرون تقولون وش سوى ياسر امس ما ساهم بناء اي هجمه ويفتح لطارق امس طارق لعب لحالة ماحد فتحلة ابد وياسر بسلامتة جالس يتفرج ينتظر طارق يصلح لة وحدة انت وضميرك الفريق امس قدم مستوى بايخ لانهم مالقو اللى يساندهم بالهجوم غير اجتهادات ليلو اللى كان مراقب اما ياسر فعلية السلام لا شيء يذكر على فكرة انا مابنيت فكرتي على مباراة لكن شوفو المباريات اللى يلعب فيها ياسر والمباريات اللى مايلعب فيها وعطوني الفرق بالله جماهير ياسر اذا بتردون ردو ردود غير هاذي ( ياسر >>> تعبان نفسيا _ مهموم _ متحطم _ سوى اللى علية ) رساله الى ياسر : اذا كنت ناوي تحترف العب صح هنا بعدين فكر بالاحتراف ملاحظة لاحد يرد رد ماله داعي اللى بيناقشني يناقش بادب |
نعم عاشق الزعيم ياسر أصبح عبئا على الفريق في العديد من المباريات |
وانت صادز ازعجونا وبقوه تعرف هذولا من مواليد 1420 |
إقتباس:
|
طيب وش تبي انت الحين وبعدين تقول تبي الي يرد يناقشك بادب طيب بالله عليك وين الادب في (ترا الاحتراف يبغى رجال) ياسر ارج.. منك والله الفضاوه تسوي اكثر ياخي ماعندك شي له قيمه لاتكتب يااكتب شي ينفع يا السكوت احسن |
وعليكم السلام ورحمة الله.. والله جماهير اللاعبين ما اظن انهم مبسوطين.. وياسر لو بنجمع اهدافه ومجهوده الهجومي مايجي نص شريط.. انا ما أذكر متى اخر مباراه (بدع) فيها.. شوفو ماشاءالله مالك معاذ صحيح يغيب فكم مباراه بس يجي كم مباراه بعدها يقدم فن يعوض عن كل اللي راح لان بالعقل كل لاعب يمر بمرحلة خمول.. لكن ياسر طولة فترة خمولــه.. واللي انا الاحظه عليه انه لاعب (مزاجي) درجه اولى .. مره يلعب وعشره لا.. وش اللي يشفعله عند الاداره نجوميته .. النجوميه اللي مايحافظ عليها والله تموت.. شوفو الشلهوب ماشاءالله .. صحيح غاب فتره بسبب ظروفه لكنه يبدع ويصلح اهداف.. الاخ ياسر يستني احد يصلحله وفوق هذا مايجيب هدف.. يبغى هدف فناااااان وخطير الكل يحكي عنه..زي هدف البلياااردو فالنصر.. لانه يلعب لنفسه .. مايلعب للنادي.. ويدور الكاميرا وين عشان يضحكلها.. عشان الصور بكره تطلع شـــــــي مع القصه الجديده.. ياخي قبله نجوم ماعمرهم اهتمو لابشعرهم ولا بالربطه اللي عالجزمه.. ووصلو القمه بالمستوى.. ياسر يستعرض اكثر من انه يلعب والله.. ما اقول غير نصيحه يا ياسر.. العب زي ماكنت فالقادسيه .. وزي ما اخذناك من هناكـ.. لانك هناك كنت عاجبنا بالحيل.. اشكرك عالموضوع عاشق الزعيم .. احنا نبي لعيبه للنادي مانبي لعيبه لانفسهم |
إقتباس:
|
والله مع احترامي لكم كلكم نصابين الا ما شاء الله الحين ياسر مسجلكم في الدوري 6 اهداف ومالك ما سجل الا هدفين ما ادري ثلاثة وقمتم ترفعون بمالك على فكرة اول مباراة يبدع فيها مالك ترى هذي المباراة ومع احترامي لموضوعك يجب ان يتم تعديله او يحذف |
إقتباس:
تقبل إعجابي وتحياتي ... |
إقتباس:
وبعيدن شوي شوي لا تموت |
إقتباس:
|
إقتباس:
وبعدين المقياس مو بس بالتهديف فية صناعة وفية رفع معنويات للفريق وفية لعب جماعي وفية تخليص الهجمه فنش يعني على فكرة مالك عندة 5 اهداف مع انة كان مصاااب |
بعد كل هالتحطيم وهالنقد الجارح انتظروا..ياسر..في المباراة الجايه..!!. إن شاء من أحسن إلى احسن :) |
إقتباس:
|
اي والله احسه ينتظر الكوره تجيه والله شكيت انه مو في الملعب والله قهررررررر |
إقتباس:
والله المنتدى صار شخبطه بزارين وين الادارة الله اعلم |
ياسر من قال انه كان ينتظر طارق التايب يمرر له لا مو صحيح كان ينتظر كوره تضرب بركبته وتدخل هدف لم يقدم شي خلال هذا الدوري يشفع له بالبقاء في الملعب ولكن لا مانع من انه يمدد رجلينه شوي على دكة الأحتياط والله يجيبك يالصويلح على خير وياسر اعارة لنادي ضمك لنهاية الدوري عشان يعرف ان الله حق ويترك عنه الغرور ياسر ألعب للشعار الي امام فنيلتك ولا تلعب للأسم الي خلف فنيلتك والله يصلح شباب المسلمين اللهم أمين |
ياسر رغم نجوميته الكبيرهـ ومهاراته العاليه الا انه لم يقدم شئ للهلال طوال السنوات الماضيه وينكـ يا احمد انت الاعب الوحيد تقريبا الي يلعب من اجل الشعار وليس من اجل شئ اخر |
إقتباس:
صراحة انا ضــد العـــتـــب على لاعب بعيــنــه بــعد مبــاره انهزم فيهــا الهــلال لكــن اتمنى ان يــاسر يتخـلى عن اللعـب الإستعراضي لاعــبـو الهــلال ننــتــظركم لتسعــدونـــا من جديـــد |
الحين وش دخل ياسر وليش تلومه الحالة الهلال كله سيء سيء سيء للغاية امس ما فيه احد يستاهل كلمة هاردلك حتى الا التايب ويمكن عزيز اما بقية الفريق نــــــــــايـــــــم في العسل اذا انت تكره ياسر اكيد بتحط الخسارة عليه وانه وش قدم وش ما قدم ؟؟ عموما ياسر لاعب من طينة النجوم الكبار غصب عليك وغصب على اللي ما يعجبه؟؟ وتلقاك حاط يدينك على قلبك لا ينتقل الصويلح لاعب له مستقبل لكن ما يجي زي ياسر بصراحة بعدين انا عندي ينام في مباراة ولا ثنتين بس لا ينتقل نخسر مهاجم تقليدي الشي الثاني قدر الله وما شاء فعل بعدين ترى الاهلي يلعب امس ب 5-4-1 في حالة الدفاع والهلاااال كللله ناااايم ف طبيعي ما يظهر ياسر ومع انه مستوااه تعبان امس الا انه قدم كورة ولا احلى ل ليلو بس عشان تعرف لما اقولك ليش نحتاج مثل هؤلاء اللاعبين |
ياسر أفضل لاعب آسيوي :) |
عز الله إنك صادقــــــ |
مع حبي الشديد للكابتن ياسر إلا أنه حتى مباراة الأمس لم يحسم أي لقاء هام للفريق بالعكس أضاعنا أمام الوحدة الإماراتي وأمام الأتحاد ( لا أعتراض على قضاء الله ونلتمس له عذر عدم التوفيق ) وأمام النصر في المباراة التي أنتهت بالتعادل كان يقوم بالأستعراض وعمل الحركات الهوائية في أكثر من هجمة ولو استغل تلك الهجمات بالشكل المطلوب لخرجنا بالفوز بثلاثة أو أربعة وووو الخ ونحن في امس الحاجة للنقطة لكــــــــــــن !!! مع هذا كله هو لا يبالي بحزننا وحسرتنا فيخرج من المباراة على مذيع قناة ART للتصريح وكأن شيئاً لم يكن ولا تبدو عليه ملامح الحزن أبداً . وبالأمس رأينا بأعيننا ( مالك القلوب ) ماذا فعل بنا فقد قدم جميع فنون الكرة وفتح كباري ومخارج على كيفه !!! أما أحسن لآعب في آسيا ونجمنا المحبوب فلم نشاهده إلا بعد المباراة يصرح لقناة ART . وكان مستواه على أرض الملعب صفر على الشمال وعدم الفائدة نهائياً ولو كان لديه أحساس وغيرة لشد همته ولو قليلاً ليرد على مالك معاذ بالمثل . وأنا شخصياً سئمت الأعذار . على العموم ادعوا الله العلي القدير بالشفاء العاجل للمهاجم الشاب المشاغب المتحرك ( أحمد الصويلح ) حتى يفيدنا لأنه يلعب من أجل الشعار وأرضاء الجمهور ولا يفكر في الأعلام والاستعراض بالكرة . أخيراً :- معاك يالزعيم في الحلوه والمره . يا رب توفق هلالنا في المباريات القادمة . |
زعلان لان مانشستر ستي بدا المفاوضات مع انيلكا واتركوووووه.......للاسف ياسر مغتر في نفسه كثير |
إقتباس:
صح لسانك والشرهة ماهي عليه الشرهة على اللي مثبته أساسي في جميع المباريات |
| الوقت المعتمد في المنتدى بتوقيت جرينتش +3.
الوقت الان » 10:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd