|
فهد المفرج .. وماأدراك ما فهد المفـــرج ..دعــوة لقراءة ماارتكبه هذا اللاعب اليــوم والبقيــة بسم الله الرحمن الرحيم قدّر الله وماشاء فعل..الحمد لله على كل حال هزيمة لم تكن عالبال ولا عالخاطر..وكأنها صفعة لتوقظنا من السبات العميــق ,, لم اشاهد الهلال بهذا العقم الهجومي!! لم اشاهده ابداً هكــذا ,,!! ثلاثة أهداف مع الرأفة .. مع العلم بأن النتيجة كانت ستكون 5 او 6 الدعيع عجيب أمرك..تصد الصعب والمستحيل وتغفل الكرات السهلة واحياناً تحرج المدافعيــن ,, نامي بان المستــور..اليوم هو الاختبار الحقيقي لهذا اللاعب المبدع في وسط الميدان ولكن في الظهيــر لاأظن بأنه سيستمر على نفس الابداع.. المرشدي قد نلتمس لك العذر بأنه ليس مكانك .. ولكن مهما كان فأنت لست بمستواك تفاريس قلب الهلال..ولكنه اليوم في أسوأ حالاته .. المفرج نجم..نجم..نجم بكل ماتحمله الكلمة من معنى..ولننظر بزاوية الحق..المفرج انقذ كورتين كانت عند(خط المرمى)..كورتين ليست كورة واحدة فقط.. عزيز نجم لقاء اليوم بلا منازع .. البرقــان !!!!!!!!!! الشلهوب عليك مراجعة حساباتك كثيراً ولا تعيش على محبة الجمهور.. التايب مظلوم مظلوم مظلوم.. ليلو مبدع ولكنه يلعب لنفسه ولم ينسجم حتى الان.. ياسر لم يلمس الكورة الا 6 او 7 مرات فقط للاسف..تغنينا بالتايب والتايب ونسينا بأن التايب محترف .. ونحن بحاجة الى من يسد خانة التايب .. نحتاج الى صانع لعب (سعودي) وصغير وصاحب تمريرة الهدف..من يرغب بالفوز على الهلال فعليه بمراقبة التايب فقط وينتهي الهلال..!! ياسر أنت أفضل لاعب رأته عيني بعد يوسف وسامي .. وصدقني بأنك افضل لاعب سعودي ولانقبل التفريط بك ابداً ابداً..ولكن حتى الان ياسر لم يفيد الهلال.. 3 اهداف امام القادسية صاحب المركز الاخير هدف واحد امام الحزم الفريق الاقل من المتوسط 1 امام الاتفاق والسيء جداً في الدوري وهدف بالخطأ امام النصر..!! والمعروف بأن النجوم امثالك يظهرون اكثر امام الاندية القوية..سئمنا من عذر(الرقابة) فهل سنسمعها طوال مشوارك الرياضي..لأني احبك ياياسر قلتها لك للمعلومية..تفاريس ارتكب نفس خطأ المفرج امام مطر بكسر التسلل..تفاريس كسر التسلل في الهدف الاول..ومع ذلك ارى الجمهور يقول بأن تفاريس 100%..!! ويفداك مليون هدف ولا مليون بلنتي..!! المفرج انقذ كورتين في خط المرمى وليس كورتين خطرتين فقط..ولكن الغريب اذا ابدع المفرج اخفق تفاريس والعكس كذلك.. (كامل الموسى) مطلوب وبقوة .. (كامل المر) .. (راشد الرهيب) هؤلاء الأسماء مطلوبة مع (ماجد العمري) او (اسامه هوساوي) الخثران قارب على الاعتزال..والزوري لايستطيع ملء الخانة وحده.. ولاتضغطوا على نامي فهو في الاساس وسط ايمن.. ارجوكم..لنكن عقلانيين..اذا اخطأ اي لاعب يجب ان ننتقد ولكن دون تجريح.. واذا ضرب كورة بالكعب صار افضل لاعب في العالم..!! لنكن منصفين لجميع اللاعبين..وانا متفائل حتى الان.. لكم التحيــة ,, |
انتظر تعليقكم |
يهمني رايكم وتعليقكم |
اذا المفرج صد كرة لا تنسى انه هو اللي صنع الهدف الاهلاوي الثاني هذا الهلال ما يقبل المجاملات |
إقتباس:
|
المفرج لا تعليق ما زال نفس المدافع المجتهم (ولكن مستواه الفني سيء) المرشدي قلب دفاع جيد جدا ولكن لعب كظهير وهو لا يجيد اللعب في هذا المركز الدعيع مازال الحارس الاول في الهلال ومباراة او مباراتين لا تنسينا ما قدمه التايب يظهر في المباريات السهلة ويختفي في المناسبات الكبيرة ياسر يبيله شي من الجدية اكثر |
يااخي المفرج مشكلته ,, يتنرفز بسرعه ,, الله يصلحه ,, al-rssam-20 |
لاتنسى المبارك |
يعني معقول سبب الهزيمه المفرج مع العلم انه انقذ كورتين وكذا انفراديه من الباب وتفاريس مستواه اكصر من سيء لكن نعزي انفسنا انه الي لعب اليوم اشباح الهلال مهوب الهلال الي نعرف وبأذن الله الوعد المباريات الجايه |
اولا كل الفريق كان سئ اليوم وعلى رأسهم المفرج الذي دائما وابدا نكبة الهلال ولا تحدث الكوارث والنكبات بهذا الشكل المخزي الا اذا كان موجود في الدفاع , الدفاع بالكامل يكون مهتز ويكون خارج الثقه في وجود المفلس والمربك المفرج اما عن مباراة اليوم: 1- ساهم في الهدف الاول (مع تفاريس, كشف التسلل) لم يغطي الاعب الاجنبي صاحب الهدف وكان اقرب لاعب له ولم يغطيه 2- الهدف الثاني كان اخر لاعب سحبه مالك , بالعكس كان بامكانه يشيل الكوره بكل سهوله لو انه لاعب يقرا اللعب زين , حيث كان خلف تفاريس قبل ان يسحبه مالك ولو قرأ اللعب كان عرف ان مالك سريع ويحط الكوره ورى تفاريس بمسافه , كان يمديه ينطلق قبل او مع مالك لانه لو سواها راح يوصل للكوره قبل مالك 3 الهدف الثالث لا تعليق انسحب بكل خزي هو والمرشدي على خشومهم اما حكايت انه بعد ثنتين من المرمي فالاولى طلعها المرشدي بساقه قبل ولوج المرمى اما المفرج فتشبك في المرمى دون ان يلمس الكره , اما الثانيه فبعد عرضيه ولم تكن داخله للمرمي في غياب الدعيع عن المرمى وتقدمه وهنالك له اخطا ء بالجمله كالعاده كسبيل المثال كره في الشوط الاول وصلته ميته وما معه احد بدل ما يثبتها ويبدى هجمه ابعدها بكل دلاخه كرويه للخلف وتقدم لها مهاجم الاهلي البرزيلي واحتك معه وبعد الكوره وبغى يتسبب في بنلتي وصدقني لو مالك وبسرعته ما تشوفها الا في الشباك بس في الختام المفرج معروف مو من اليوم معروف من اكثر من عشر سنوات ودام انكم تفضلونه على الهلال فانسو من البطولات , ولا كيف راحت هذي السنه الاسويه والخليجيه |
قاسمحلي .. المفرج نكبة الدفاع .. ومهما تقولووون من كلام فان المفرج سيظل نكبة دفاع الهلال ... البرقاااان فااشل وليس مستوى الهلال ... ياسر .. ليس بالفورمه نهائيااا ..بالنسبه لكلامك عن التايب ..تقول لازم صانع العاب سعودي .. انت بتزوجه عشان تشرط على جنسيته .. التايب اليوم يلعب لحاله .. والشلهوب باسوا حالاته |
المفرج اليوم صخرة الدفاع ومن ينكرذلك عليه اعادة شريط المباراة بعدين فكونا من هالسالفة الفريق علته مستعصية وفيه اشياء خطأ وحل هذه المشكلة عند الادارة فياليت تحن علينا وتجي الرياض لحل المشكلة!!!! |
إقتباس:
الله وكبر حتي اداره المنتدي ما تبينا نكتب عن المنفرج له واسطه في المنتدي بعد غير واسطته الي تلعبه اساسي يارب صبرك بس |
الحين ياسر ولا التايب لو لمس كورة بالكعب نفختوه ومجدتوه.. وفهد المفرج خلص كورتين خطرتين قلتوا خير ياطير..!! وثاني شي ياللي تلومون المفرج عالهدف الثاني..وين تفاريس عنه.. الاحظ مشيتوها على تفاريس..المفرج مو مسؤول عن غفلة تفاريس.. وغريبة تحطون العذر لتفاريس وتقولون المفروض المفرج يعرف ان مالك بيعدي..!! طيب ليه يعدي من الاساس..وليه تفاريس مايقرأ لعبة مالك ليه كله المفرج المفرج المفرج وبخصوص التايب..انا اتمنى لاعب سعودي واللي اقصده يفيد الهلال لسنوات طويلة.. التايب لو قعد اليوم مايقعد بكرة..ثاني شي اللاعب السعودي بيقعد معانا 5 سنوات عقد غير التجديد.. |
تفاريس حاقنا حوق بلله هذا مدافع لولا الله ثم المفرج كان تاريخية |
| الوقت المعتمد في المنتدى بتوقيت جرينتش +3.
الوقت الان » 01:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd