|
كوزمين ايش ؟ وليلوا ايش ؟ ووو... السلام عليكم ورحمة الله تعالى وبركاته الان وبعد هذه الهزيمه التي كانت قاسيه علينا نحن كهلاليين الان وبعد كل هذا المستوى المتواضع الذي نقدمه من مبارة لاخرى وبعد هذا الاداء السيئ عندي اسئله واريد اجوبتها : س1 : هل هذا هو مستوى الهلال ؟ س2 : هل هذا الفريق الذي كان يرعب خصمه ؟ س3 : هل هذا هو الفريق الذي مهما تأخر كنا نثق بأنه قادر على قلب النتائج ؟ س4 : هل هذا هو الزعيم الاسيوي ؟ س5 : هل هذه هي روح لاعبين الزعيم وهل هذه روحهم القتاليه ؟ ارى ان امور كثيره يجب اصلاحها ويجب تعديلها وتغييرها كوزمين ... مدرب من اول مباراة كانت بقيادته وهو لم يكون بطموح الزعيم .. وانا اطالب برحيله فورا ليلو ... لاعب الكثيرين قد طاروا به في اول لقاء له الا شخص واحد هو .. يوسف الثنيان الذي قال يصعب الحكم عليه بمجرد مباره وكأنه يعرف ان مستواه الحقيقي سيظهر قريبا فعلا هو لاعب لا اتوقع انه هو المطلوب ( وانه فعلا لعب مبارة القناع فقط امام الاتفاق ) المرشدي .. لاعب سيقتل ان ظل في خانة الظهر وهو ليس قادر على ملئ هذه الخانه بكل تأكيد الشلهوب ... لاعب متدني المستوى والتمسنا له العذر بفترات لكن ...د الى متى هذا هو مستواه ؟ ومتى سيتطور ام سيكون مثل نواف ؟ التمياط .... الى متى نمني انفسنا بعودة نواف 2000 ؟ هو اصلا كم عمره ؟ وكم يريد من الفتره للعوده للتألق ؟ محمد بن فيصل ( الظاهره ) ...... اظن ان انه قد وصل لحد الطفش من رئاسته وافضل ان يقدم استقالته فورا لاني لا احس بقربه للنادي وبعيد عنه كثيرا مباراة الليله اوضحت لنا مستوانا الحقيقي وان الحظ لعب معنا كثيرا في الجولات السابقه وليس كل مره يبتسم الحظ ؟!!!! ارجوا ان تكون اخر كبوات الزعيم يعلم الله لم اقل ما قلت الا بس حبي وخوفي على الزعيم وارجوا منكم مشاركتي في رأي ونقدي ان كنت مخطأ فكلنا خطأ |
؟؟ كلام غريب كيف الحظ مشى معنا؟؟ وكوزمين فاشل ؟؟ طيب اذا كان عندك نقص او كثرت اصابات وش عندك من حلول تعطيها الفريق؟؟ ليلو كان يحاول يصنع شي بالمبارة واضاع بعض الفرص بخلاف ياسر الي ما اذكر ان المعلق جاب له سيره اظن محمد بن فيصل ليس شماعه تعلق عليها فشل الفريق ولا يملك عصا سحريه ليغير الاحداث هذا المكتوب وهذا الي الله مقدره والهلال ما كان بيومه |
حبيبي المدرب عنده نقص بالبديل وليلو زي باقي اللعيبه وياسر اليوم ماسوى شي ولكل جواد كبوه ومافي فريق بالعالم مايخسر والاهلي فريق كبير ومالك خطير |
انا معكم بس الهلا ل ما هو بالفريق اللي يتأثر بنجم واحد اذا غاب الهلال يملك بكل خط اكثر من لاعب ياسر ما هو بيومهصح وما سوى شي يا اخي اطلعه وادخل الخراشي مثلا رغم ان الخراشي ايضا مستواه نازل لكن ممكن يسوي شي او على اقل تقدير اقفل منطقه وارضى بـ2 احسن من انها تكون 3 والله اشوفها كبيره ومدربنا ما جرب يغامر باكثر من مهاجم اصلا هو ما يغامر بس الي يسويه يشيل لاعب وينزل مكانه لاعب طيب انا وش استفدت يعيني ابي تبديل يغير طريقة اللعب انا اشوف المردي لازم يروح احسن له عشان سمعتنا كزعييييييييييييييييييييييييم وشكرا لك على تفاعلكم |
المدرب ممتاز وانا ضد تفنيش المدرب لين متى كل ماصار شي شلنا المدرب وتاليتها يعني ليلو لاعب جيد بس مشكلته يحتفظ بالكورة كثير |
احترم وجهة نظر الكل ولكن عندي تحفظ على المدرب وليلو خاصه وهذا رأيي الشخصي بكل صراحه |
والله بكل صراحه كلامك ما فيه ابد اي خطاء وكلام موزون لاكن فيه نقطه وحده الي هي المدرب بصراحه اني احترت فيه ولا كل الكلام الي كتبته عين العقل.......الله يوفقك |
جميع اجوبة الخمسة اسئلة كل ابوها لالالالالالالالالالالالالالالالالالالالالالا |
المدر ب عالمي لكن ماهو ذنبه ان الفريق مافيه لاعبين احتياط على مستوى جيد وماهو ذنبه ان الفريق مافيه لاعبين في الظهير الايمن والايسر وماهو ذنبه تقليعات الاخ فهد المفرج ؟؟؟؟؟؟؟؟؟؟ |
المدرب ممتاز لكن والله ماعندك عناصر واتمنى استمراره سنواااااااااااااااااااااات معاك ياكوزمين الى الاخر |
هلا وغلا هلال بالرغم من بعض تحفظاتي على كوزمين إلا أني أتمنى استمراره مع الفريق أما عن ليلو فليس من المنطق أن تحكم عليه في كم مباراة وتطالب بإبعاده ،، والمتابع لمباراتنا الأخيرة يجد أنه كان أكثر اللاعبين حركة ومحاربة على الكرات وفي كل أرجاء الملعب تقريبًا :) يعطيك العافية |
كوزمين ممتاز وليلو ممتاز ويتحرك بشكل جيد بس يعيبه الفرديه شوي والي صار للزعيم يصير لكل نادي في العالم والهزيمه مو معناتها انتهى الهلال وازيدك من الشعر بيت الهلال بطل الدوري ان شاء الله |
| الوقت المعتمد في المنتدى بتوقيت جرينتش +3.
الوقت الان » 01:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd