نادي الهلال السعودي - شبكة الزعيم - الموقع الرسمي - أكثر ما أكره بعد خسارة الزعيم !!!!

بسم الله الرحمن الرحيم ,,

السلام عليكم ..

هاردلك على الخساره والحمدلله على كل حال لسا باقي الكثير والكثير ,, والدوري ما خلص ,,

بس والله والله أكثر شي أشيل همه بعد خسارة الهلال هو شبكة الزعيم ومنتدى (( جمهور الزعيم )) بالخصوص ,, أحاول قدر الإمكان إني ما ادخله ,, لأن بصراحه اللي يدخل ويشوف الكلام المكتوب ومواضيع بعض الأعضاء هداهم الله مو بس يخلي الواحد يكره حياته ويخليه يسب ويعصب ويتنرفز
ووالله أحيان تحس إنا أكثر سبب لخسارة الزعيم هو جمهورة اللا واعي ,,

ياخي خلاص هذا اللي كاتبه رب العالمين ما تدري وش اللي يصير أسباب غير متوقعه ولا يوجد هناك من تسبب في خسارة الهلال ,, في كل مباراة تحملون المفرج المسكين عبء الخسارة ولما يسجل أو يبدع المفرج والمفرج فكروا زين إذا كان لك شخص عزيز وغالي عليك صارتله مصيبه أو شي انت شمهمتك ومن نفسك أصلاً إذا كنت تحب هذا الشخص تلقائيًا بتساعده وأقل شي إنك تواسيه وتخليه ينسى اللي فات ويفكر ان يصحح الغلط ومن كلامك له يتحمس ويصير كل تفكيره إنه يقدم الأفضل في المستقبل ,,

من هنا أي هلالي يحب الزعيم أعتقد ان الهلال أغلى من أي شي وهو من حقه علينا مساندته وكل محب عاشق حقيقي يفعل هذا الشي لأجل زعيمه وينسى الماضي ,,

صحيح جميعنا حزن وكلنا كنا نريد الفوز والنقاط الثلاث لا غيرها لكن هذا ما أراده الله ويجب ان نرضى به ونساد زعيمنا ولاعبيه بأن ثقتنا فيهم لا زالت في محلها وهي مستمره وحنا مع الهلال في كل حال ,,

أتمنى أتمنى من كل إنسان يفكر او يحط في باله انه لما يقعد يسب او يتطنز هذا الشي فيه مصلحه للهلال فهو غلطان ولكل محب عاشق حقيقي للزعيم هو ليس بحاجة لأن أقول له أي كلمه لأنه هو فاهم ,,

ويعطيكم الله عافيه على قرائتكم للموضوع ,,