|
بوجهه نظرك ماذا يعيب الهلال ## دعوة للنقاش اهلين لكل الاعضاء الكل يعرف لكل فريق له عيوب والكل يعرف ان ما في فريق كامل واحيانا يكون العيب ياثر على الفريق تاثير قوي ولابد من تداركه واحيانا يأثر تأثير بسيط وانت يا ما هو برأيك العيب في الهلال وما هو المطلوب ارجو ان لا يطلع احد الا هو راد ويعطينا وجهه نظرة اخوكم كاكا_22 [email protected] |
الهلال يوجد به عيب واحد وهولايوجد البديل الجاهز في خط الدفاع بغض النظر عن ماجدالمرشدي |
وجهة نظري مشكلة الهلال بالظهيرين الايمين ولايسر وقلب دفااع بديل للمفرج......... |
المشكله في الجمهور اذا حضر يفصفص وميشجع بحماس |
شكرا على طلتكم %الدراهم مراهم% انا معك بخصوص ما في بديل وخصوصا الأظهرة واما انت يا خالد بخصوص نامي يحتاج لتعزيز الثقة هو والاعب عبدالله الزوري وانا معكم بخصوص تعليقكم |
عيبه في جماهيره في مدينة الرياض مايحضرون بكثافه الا في ثلاث مباريات بالموسم النصر والاتحاد والاهلي |
هلا أخوي كاكا_22 في البداية أشكرك على طرحك لهالموضوع المفيد وبالنسبة لعيوب الفريق الهلالي فأعتقد ومن وجهة نظري الخاصة عدم وجود البديل المناسب في أغلب الخطوط ماعدا المحاور وأيضاً عدم تنويع الهجمات فنجد الفريق في السنوات الأخيرة يعتمد بشكل كبير على إختراق مناطق الخصم من العمق فلا نجد تنويع للهجمات كالتسديد من خارج منطقة الجزاء خصوصاً في الملاعب التي تكون أرضيتها سيئة كما حدث في مباراة الطائي الأخيرة لأن الأرضية السيئة تساعد على إرباك حارس الخصم وتساعد أيضاً في تغيير مسار الكرة خصوصاً إذا كانت التسديدة أرضية ويعيب أيضاً على الفريق عدم استفادته من الضربات الركنية بشكل كبير والأخطاء التي تكون على الأطراف ، وهناك عيب أخير وهو عدم وجود بديل للكابتن محمد الشلهوب في تنفيذ ركلات الجزاء .. وبالتوفيق للهلال وتقبل مروري المتواضع يالغلا |
انا اشوف العيب انه مايعطي الوجوه الشابه فرصه تقبل مرووري |
عيبه عدم تفاعل الجمهور في المباريات إبتعاد أعضاء الشرف و لا تشوفهم إلا مباريات الإتحاد و النصر و أما الفريق بشكل عام الحمد لله راضي و لاعبين على مستوى عال من الدفاع حتى الهجوم |
اشكرك اخوي على الموضوع من عيوب الهلال انه ما يستفيد من الركنيات والتنويع بالهجمات ماهي عنده والتسديد من خارج الــ18 والتهاون بالفريق الضعيف واكبر دليل فوز نجران بأرض الهلال جمهور الهلال ما يتفاعل زي الجماهير الكبرى :upset: الرابطه الجداويه :wallbash: نبي رابطه سعوديه اصليه مو افريقيه الاسـتقــرار والثبات على تشكيله وحده الابتعاد عن التصريحات اللي تلخبط امور النادي والابتعاد عن الاعلام خلونا زي نادي الشباب اموره ماشيه ويمشي على الطريق الصحيح |
البديل المناسب إذا غاب لاعب في أي مركز نزل مستوى الهلال 80% |
الواسطه وبس |
الجمهوووووووووووووووووووووووووووووووووووووووووووور الي في الرياض قسم والله لو عندنا بالاحساء كان تشوف الجمهور موهوب الاحساء |
إقتباس:
واما باقي كلامك 100% ما اقدر اضيف شي واشكر كل من رد على موضوعي واتمنى من الادراة انها تحاول ان تفعل شي لسد هذه العيوب واتمنى من المشرفين الدخول ورد وشكرا على طلتم جميعا |
العيب الوحيد في الهلال هو أن اللاعبين لايعرفون أنهم يلعبون في أفضل نادي اسيوي |
المشكله وللاسف في الجمهووور .. مايحضر بكثافه الا المباريات الكبير ... الاهلي .. الاتحاد .. النصر .. غير هالمباريات مايحضر .. |
عدم إعطاء اللاعبين الشباب الفرصة وبقاء بعض اللاعبين الغير مفيدين (لعيبة الواسطة) |
عيب الهلال الوحيد انه يمشي عكس التيار الارهابي! المقصد الهلال ... هو النادي الوحيد المعلق أمره لله ثم بجهود الــلاعبين .. بعكس الانديه الاخرى أمورهم مع الحكام .. وياقلب لاتحزن |
عيوب الهلال كثيره وهي كالتالي:ـ *ضعف في الاداره *لايوجد متحدث باسم الادارة من اعضاء الشرف الا عند مباريات النصر فقط * عدم وجود البديل الجاهز *انخفاض مستوى اغلب الاعبين ومع ذلك يلعبون اساسين *عدم اعطاء الفرصه لشباب * اظهرة الجنب مازالت تعاني *لايوجد قائد في الفريق * |
إقتباس:
+ وضع اللاعيبه بغير مركزهم تقبل مروري |
1/ عدم الاعتماد على العناصر الشابة |
الجمهور في الرياض |
السلآم عليكم ورحمة الله العيوب : 1- عدم إ عطآء الوجيه الشآبه الفررصه الكآمله 2- عدم وجود بديل منآسب 3- عدم الثبآت على تشكيله محدده وهذآ سيظر الزعيم مستقبلآ 4- الثقل دآخل الملعب 5- التسجيل من الكرآة المرتفعه فقط هذه وجهة نظري واتمنآ تتقبلوهآ ... تجيآتي لكمـــ . . . |
الادارة هي الاسوء |
عيب الهلال لا يوجد لاعب خلف المهاجمين (( صانع العاب)) غير التايب .. نريد صانع العاب يجيد التسديد (( يخلص لك مباراه )) (( الله يذكر كماتشو ونواف التمياط بخير )) . |
هلا اخوي مشكوري وبالنسبه للعيب وهو ان الهلال فريق كبير ويفوز على الفرق الكبيره في الدوري والصغيره يفوزون علينا وا احنا نفوز عليهم بصعوبه شوي |
شكرا اخوي ع الموضوع الراقي والرائع عيب الهلال انه مافيه مساند لياسر بخط الهجوم وليلو يضيع هجمات كثيرة ولا له سيطرة على الكرة بشكل كبير وأحمد الصويلح مصاب حاليا ولو كان يلعب بجانب ياسر كان الهلال نار..نار.. |
شكرا على طلتكم واشوف كثرة العيوب بس فيه عيوب يبيلها شغل |
لاعيب كل شي الوقت الحالي تمام |
تبقى وجهه نظر وكل واحد عنده رايه ونحترمه وشكرا على مروركم |
العيب بصراحه فينا نحن كجمهور هلالي حضور مخجل في الملعب وانتقادات مالها أول ولا تالي والفريق ماينقصه إلا الدعم الجماهيري بس |
لو تطير ما تلقى فرق كامله خطوطه انا اقول الهلال حلو وما في مثله طبعا في اشياء بس فتره وتروح واكيد اي فريق يواجهها بس الي يعيب الهلال جمهوره وخاصتا الى بالمنتدى يخلون الحبه قبه دايم يحسسوني ان الهلال بينزل للدرجه الثانيه وكلام كبير واكبر دليل كلكم جالسين تتكلمون عن خط الدفاع مع العلم انه اخر ثلاث مواسم يمكن الهلال اقوى دفاع يعنى اقل اهداف عليه يعنى لو نهدي شوي من هالمواضيع الى تحسسنا ان الهلال ضايع يكون احسن ومشكور اخوي على الموضوع وبس |
كاااامـل والكامـل اللــــه ^_^ بســ الإإإإدااااااارهـ وووتشجـيع الزعـمـاااااء تـ ح ــيااااااااتي ..,,,.....,,. |
يعطيك العافيه كاكا _22 مايعيبه شي ان شاء الله بس المشكله بالجمهور مايحظر دايما تقبل مروري |
نقطة ضعف الهلال واضحه وما تحتاج الى نقاش فيها ( الظهيرين ) رغم مجهودات الزوري ونامي لاكن ليس بتلك الدرجه المطلوبة |
الهلااال به الكثير من العيوب بس للاسف مانشوفها غير اذا لعبنا خارجيا ... خصوصا مع انديه الامارات وحتى لو لعبنا من انديه ايران واليابان راح تبان عيوبنا اكثر عندنا عيووووب بخط الوسط والهجوم خط الوسط بدون التااائب مايسوى ريااااال .... الشلهوب انتهت صلاحيته المفروض يسفط بالاحتيااط مع التمياااط ويتم ادراج الكلثم ... والزوووري واعتمادهم اساسيين بالتدريج ... الشلهوب معاد هو زي اول يفتح لعب .... بل يقف كالعاجز .... في حال اتقفل اللعب ... ومعاد يهمه الفوز واالخساره مثل اوووول ..... يمكن الظروف اللي صارت له مأثرة عليه ....... التمياط من اصابه لاصابه ولايهتم يتجهيز نتفسه وصار له احباط اللي اخشى يصيب ياسر الحين بعد فشل مفاوضته الخارجيه ..... وخلاص بعدها معاد شفنا تمياط ..... الشلهوب بعد ماراحت عليه جائزة افضل لاعب وبعد الظروف اللي صارت له صار اهم شي عنده راتبه يجيه كامل ويطق طق له شوي بالتمارين ويرجع بيتهم ..معاد يلعب زي اوووول طفش خلاااااص وراح ينتهي قريبا .... يبيلنا نعطي الفرصه للاعبين الصاعدين الفريدي + الكلثم +الزوري هذولي نجوم الهلال القادمين ....... وبس عيب الهلااال معطي اشكل للاولمبي والشبااااب هذوولي مستقبل الهلاااال نجووم بالمجاان يولدون للهلاااال ولكن الهلااااااال لايلتفت لهم واعضاء الشرف للاسف منشغلين بهوساوي وغييره بمالغ بااهضه لو استثمرت لهوؤلاء الصاعدين .... لكان انجبنا الكثيير والكثيير من النجووم لدينا ...... تقبلوا تحيااااتي ....... |
الهلال ما عنده جناح طاااااااااائر مثل يوسف الثنيان.. الهلال يفتقد الاعتماد على الأظهرة في الهجوم. مثل أيام أحمد الدوخي. الهلال يحتاج الى اعطاء بعض النجوم الشباب الفرصة الكاملة, مثل ما اعطي الشلهوب قبل 7 سنين. تحياتي لك |
عيب يا طويل العمر ما يوجد بدلاء اكفاء يغطون غيابات الاعبين او عند نزول مستوياتهم ثانيا عدم حظور جماهير الرياض |
ما ذكروه الشباب وافي وكافي ولكن نؤكد على المهم : 1- الحضور الجماهيري المخزي لفريق كبير مثل الزعيم ولا نزعل لو قلنا إن جماهير النصر أفضل منا في ذلك فلو كانت مباراتهم مع الطائي إمتلأ الملعب 2- التخبط في التشكيلة فكل يوم تغيير أشخاص وتغيير مراكز 3- الكرات العرضية تلعب على مستوى أقدام وصدور لاعبين الخصم والركنيات أيضا والكرات الثابتة 4- التسديدات من خارج منطقة الجزاء كأن الشباب قاسين شوي على الأظهرة مع أنهم جدد ويجب إعطائهم فرصة ودعم أكثر وبالذات الزوري ( أبيدال العرب إن شاء الله ) بالنسبة للإستدلال بركنيات النصر فهي قليلة مقارنة بعدد الفرص التي سنحت للهلال مع العلم أن الأهداف لم تأتي من الركنيات نفسها بل من إرتدادات ما بعد الركنيات أو بعد تخليص المدافعين لها |
شكرا على طلتكم ويسعدني مروركم وابدائكم الرأي |
| الوقت المعتمد في المنتدى بتوقيت جرينتش +3.
الوقت الان » 12:18 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd