أبي أعرف من هو ( الحمار ) ؟! - نادي الهلال السعودي - شبكة الزعيم

خالي من الهم · #10 01/01/2008, 08:49 AM

أبو ريمان صعبه أجي وأتفلسف وأمدح قلمك فأمر المدح لقلمك أمر مفروغ منه ولا يحتاج لتكرار ولكن المدح هنا لموضوعك نقاط بسيطه وافيه تتكلم أعز الله الجميع عن مجموعة حمير وليس حمار واحد

.

إقتباس


	عايدونا الشيعة و في يوم العيد العام الماضي بدعم غربي بإعدام صدام ، و حتى قبل مرور عام رددنا هدية العيد لهم فعفونا عن فتاة القطيف ! يا لطيف كيف حنا كرماء مو ضعفاء يا لطيف !

قد يأتي العفو عن الأطراف الأخرى قريبا لا تستغرب

.

إقتباس

مظلوم الفول لما قالوا عنه يقفل العقول ؟! العيب مو في الفول العيب في الناس الفقيرة اللي تأكل الفول ، الناس اللي لا أرى لا أسمع لا أتكلم لهم لواء !! الناس اللي خارج اللعبة ما لهم دور إلا في التعداد عند مصلحة الإحصاء !!
يا هؤلاء تراكم ظلمتم الفول يا هؤلاء !!

وظلموا الرز والحليب وقريبا بيظلمون الفصفص وبنشوف المباريات بدون فص فص

.

إقتباس


	إعلامنا الحر مثل الطير الحر ، عالم من غير حدود لا إشارات حمراء و لا قيود ، عالم كله طيور و صقور ، الله عليك يا إعلامنا المستقل النقي الغيور ! أدري ظالمينك و مو مقدرين إنك مصاب بإنفلونزا الطيور !!

في هذه النقطه يا أبو ريمان أقول لا تعليق وحط تحت لا تعليق حول إعلامنا ستين خط أحمر.

إقتباس


	أبشركم انتهى أحد أهم المشاريع في قطاع التعليم العام ، و تم توزيع آخر برادة في مشروع برادات مياه الشرب باستثناء خمس برادات ! أحسنوا الظن ما انسرقت !! المسألة و ما فيها إن المدارس اللي كانت المفروض تنحط فيها انهدت !!

الله يهديك يا أبو ريمان من قالك إنها أنسرقت أصلا أنا شاك في أمرين.

يا أن المدارس إنهدت مثل ما قلت فأهدوها لمدارس محتاجه أخرى

.

أو أنهم تبرعوا بها للمساجد ولعابري السبيل

.

مو قلت لك حنا شعب طيبين ونقدم النوايا الطيبه

.

إقتباس


	أعلنا الميزانية بعد ما انتظرنا على أحر من الجمر و قضينا على البطالة و الفقر و حتى شوارعنا ما صار فيها حفر ، و كل شيء بيصير تمام و بيزيد عدد اليخوت في المارينا و بنسهر ليالينا و بنوصل القمر بأمانينا !! حنا ننتظر الميزانية بس عشان ننفض مخابينا !!

أنتظرنا زيادة رواتب أنتظرنا ترخيص أسعار أنتظرنا توظيف شباب أنتظرنا بناء مشاريع عليها القيمه ولكن بالأخير .!!!!!!

تصدق يا أبو ريمان في بنقلاديش زودوا الرواتب للموظفين عندهم

.

إقتباس


	يا ناس ساعدوني أبي أعرف من هو ( الحمار ) ؟! هو الحيوان اللي تعرفنا عليه في مناهجنا أو هو الحيوان اللي في عنابرنا ؟! أياً كان هذا ( الحمار ) أنا ناوي أستفزع بهيئة حقوق الإنسان ! هيئة حقوق الإنسان ما خلت على الإنسان قاصر و أبدت خدماتها لحفظ حقوق الحيوان !!

شوف الحمار بالأخير غبي ويرفع الظغط تضربه ما يتكلم ولا يدافع عن نفسه تهينه وتقوله ياحمار يهز راسه من خوفه بالأخير الأثنين الحيوان والثاني حمير مع مرتبة الشرف

.

وياكثر حميرنا اليوم

.

إقتباس


	يقول صاحبي المتزوج حديثاًً أن الحباة صعبة و أن تكاليف المعيشة مرتفعة و أن راتبه ينتهي قبل منتصف الشهر و النصف المتبقي على والده ! أعتقد أن صاحبي يبالغ فهو يستلم تقريباً سبعة آلاف ريال و لا أذكر مثلاً أنه دعاني لوليمة في شقته !! أنا متأكد بأنه يبالغ فأجار شقته بثلاثين ألف ريال فقط و فواتيره كاملة لا تتجاوز الألفي ريال و قسط السيارة ألفا ريال تقريباً لأن والده تكفل بدفعة مقدمة محترمة و أعتقد أن البنك يأخذ من راتبه الشهري ثلاثة آلاف ريال مقابل قرض خسره في سوق الأسهم ! أخشى أنني أزعجتكم بمبالغات صاحبي !!

ياخي صاحبك هذا ما يخاف الله ومبالغ يعني عشان الشقه ب30 ألف وسعر حبة الخس في بعض المدن صار ب5 ريال (الخبر كمثال

) وفواتير الكهربا والتلفون والجوال وفواتير ابوه ما تتعدى ألفين وبالأخير ما يوفر شيء يخي إسمح لي يا أبو ريمان صاحبك مدري شيبي

.

إقتباس


	يمكن الموضوع ( انكتب ) من غير تركيز و بسرعة لكن مرتاح و مبسوط و إن شافت عيونكم الموضوع معناته إن الصراع الداخلي بين إقفال المستند و حفظ التغييرات و بين النسخ و اللصق في شاشة موضوع جديد انتهى بفوز الأخير .

أبو ريمان ياليت دايم تكتب من غير تركيز وياليت تكتب وإنت مستعجل فصدقني من زمان ما تكلمت بنوع من الأريحيه مثل ما تكلمت في هذا الموضوع .

أبو ريمان عزيزي كاتب عن ألف مع إحترامي للجميع .

ويبقى السؤال من هو الحمار .؟؟ تكفا يبو ريمان إذا عرفت علمني

.