إقتباس الرسالة الأصلية كتبت بواسطة باسكن روبنز عليهم بالعافية اذا اخترقووها هههههههههه بس ليه اخترقووها << هل لها توجهاات سياسية او دينيية ؟؟؟

بس حلوه ( توجهات ذي )

تحية للاخت باسكن .. بتاعت التوجهات

واهلا بك

======================

[QUOTE=المـشـاكـس;7314046]ابو طلال ..
صدق الجريدة سعودية ؟ ..
لو ما كان اسمها المدينة ما ظنيت انها سعودية ..

بس من هو عبد العزيز القاسم ؟ ..

ويا خسارة ..
بكرة ما راح اقدر اقرأ جريدة المدينة ..
ياللهول .. يالتغلب .. ياللمهايطية ..

شكريا او طلال ( الكبير ) وابو فارس ( الصغير ) ..
بالله انك صادق يا ابو طلال يوم تعلمني ..

اهلين وسهلين عمي مشاكس
يقولون انها سعوديه .... وعزوز القاسم شكله اخوي فيصل القاسم حق قناة الجزيرة
** انا مااعلمك محشوم اخوي مشاكس .. بس احذرك من طلال وتهوره وانت ساحب عليه وحاط اسم الصغير مكانه
واهلا بك

====================

إقتباس الرسالة الأصلية كتبت بواسطة f*y*d طيب أبو طلال افتح الرابط ع ـالأقل

اي رابط يابعدي ... تقبل مني بوح الاحترام والتقدير

====================

إقتباس الرسالة الأصلية كتبت بواسطة ابو الذهب هلا ابو طلال تصدق هالجريده يبيعونها علشان تفرش عليها التميس ابو طلال وش اسم الفلم اللى تشوفه انت وطلال

هلابك ابو الذهب عضو استشاري تطويري سابق في لجنة المدري وشو .. وش هالاسم عليك ؟؟ واي تطوير .. الدعوه مدحدره وانت مطور

بس اسمك والمهمه اللى تحت اسمك بكووووووووم ...... وسالفة بيعها علشات فرش التميس بكووم
اسم الفلم ( سءد اليتيم ) امريكي بطولة احمد زكي
شكرا لك يابو الدهب ........

إقتباس السلام عليكم ورحمة الله وبركاته

وعليكم السلام ورحمة الله وبركاته

إقتباس انا الحمد الله اليوم بداية اجازتي .. فاضي .. اكتب الموضوع وانا منبطح .. انتم بهالبرد تتنافضون وانا وطلال نتابع فلم امريكي

بالمبارك ... اجازة سعيده ومفيده للأطفال
انته منبطح وانا يالسه ...
د د د د ددد ددددد ددد دددددد>>>>>>>>> دليل ع البرد ...
يحيكم والله ... ناسٍ اتابع افلام وناسٍ ... يالسه في الجامعه تدرس

إقتباس اللهم لاشماته ...... :razz:

هههههههههههههههههههه

إقتباس قام أحد محترفي اختراق المواقع الإلكترونية ( الهاكرز ) صباح اليوم باختراق الموقع الإلكتروني لصحيفة المدينة وإغلاقه أمام متصفحية . وقال الهاكرز في رسالة وضعها على واجهة موقع الصحيفة ( خلي الغرب يسووا لكم الحماية والشباب المسلم الموهوب عاطلين عن العمل عاش اليمن الجنوبي خصوصا شعب يافع نسيت أهدي الأختراق الى الدكتور عبدالعزيز قاسم لوووووووووول )<<< ظحكه نتية يشار ان مواقع حكومية سبق وان اخترقت من قبل مجهولين وكان آخرها موقع الشئون الصحية بالاحساء لأهداف غير واضحة .

للأسف يعني ...

مثل ما قال احد الاعضاء ...

للأسف انه عندهم قدرات ومحد يرعاهم ...

إقتباس تقبلوا تحيات اخوكم الصغير ابو طلال

تحياتي
ورده

إقتباس الرسالة الأصلية كتبت بواسطة ««× هلاليــــه ×»» ليه وش السبب؟؟؟

والله ياوخيتي مدري .......

وهلابك

===================

إقتباس الرسالة الأصلية كتبت بواسطة أحلاهم واتحداهم والله الفضاوة وماتسوي لاومن حلاة الوجه مهدي الاختراق

لاتتشمتين اختي ....ترى بكره يبلاك الله بعيال هكرز
واهلا بك

=====================

إقتباس الرسالة الأصلية كتبت بواسطة G o L d E s T شكل الجريدة هذي يسبب لي الكآبة حتى لو كان ما عندي غيرها بمكتبة الجامعة ما فيه أمل أقراها يا زين الجزيرة بس

اذا تبي تعرف الواحد قصيمي او لا .. بالجريده اللى يقراها .. القصمان كلهم تخصص جريدة الجزيرة

الرياض وبس والباقي خس ....... يكفيك الهليل .... وفهد الاحمدي .. وزاويتي اللى اكتب فيها بس منيب معلم وش اسمي هناك د
واهلا بك

=======================

إقتباس الرسالة الأصلية كتبت بواسطة AHMED477 والله يهالهكرز مستانسين مستعد ان ادفع كل مااملك عشان اصير هكرز والله كد حاولت انى اصير هكرز واخذت من واحد كتاب وسيديات وكل شى بس يوم بديت اقرا وافتح السيديات بدن اذانى يطلعن ريحة كفرات وانا مافهمت شى

ولا سيديات ولا تخسر عمرك ...... فياض يعلمك الهكرزه << على وزن المرجله .. بيوم واحد
بس جهز لك جوال ( رهيب الفين ) يموت فيه
شكرا لك

إقتباس الرسالة الأصلية كتبت بواسطة nor alshams .. يؤ يؤ و انا أقول وراه ماتفتح المدينة معي وانا انزل الاخبار.. ماعندهم شي هالجريدة الا الاخبار الشينه والحوادث الله يكفينا شره .. .. عوااافي ابو طلال ورده .. ..

تلف وتدور .. تبي تعلمنا انها منزلة الاخبار اليوم اه منكم ياللبنانيات ومن حركاتكم واسلوب التسويق عندكم ........ ماخلصنا من فياض ( ذكور ) .. جونا حريمهم الحين ( نور الشمس )
شكرا لك .. والله يعطيك العافيه على الاخبار

====================

إقتباس الرسالة الأصلية كتبت بواسطة badori999 مشكور ابو طـــــلال ... الهكرز ما يخلون احد بحاله .... الله يحفظ موقعنا بس ... ابو طلو... ورده

هلابك والله وغلا .. والله يحفظ منتدانا .. عامة .. وقسم المجلس العام خاصة
شكرا لك

====================

إقتباس الرسالة الأصلية كتبت بواسطة ريري هكتور من يوم جابتني أمي وانا ابي اصير هكرزه يكفيك الشعور والاحساس الرائع وانت هكرزه شفهم ماشاء الله عليهم فالينها ومسوين شريط أهداءات يمديني أضيف أهدائي معهم الا ماشاء الله عليك ياابو طلو صاير مراسلنا ،، لأحداث المجتمع السعودي ترى بكرا بيصير فيه حدث مهم انتبه للجرايد وخبرنا الله لا يهينك الا وش أنتي يالمدينه ؟ صز شكلها لخبز التميس وتمسيح الفرن خخخخخخخخخ عوافي ابو طلال

فعلا شعور ممزوج بين القوة .. والفهلوه .. وشوفة النفس .. والانزراق << احد يعرفها

ياكثر ماجاعا تحطيم هالجريدة اليوم اجل وش انتي يالمدينة ؟؟ ودي ارسل هالردود لرئيس التحرير
تمسيح الفرن والله ياشكل الفرن حقكم يلق من النظافه .. سبحان الله عجزوا يخترعون شي ازين من الجريدة للتنظيف الفرن والقزاز
واهلابش .. وبتعليقش ... ومشاركاتش وحضورش المميز ( ش ) <<< وش حيثها

======================

إقتباس الرسالة الأصلية كتبت بواسطة خالي من الهم أبو طلال أبد اجتمعنا البارح ودقينا عليك وتغليت وبكيفك دامك إجازه ولم عشاي اليوم عندك . يوه توقعت إني أرسلك بالجوال ولا تبي الصدق يخوي موضوعك مدري شيبي <===بتكفخ. لا جد موقع فاشل لجريده فاشله ويستاهلون أكثر . تقبل مروري الي مدري شيبي بس مريت ومو سان سيفي على كتفي

ابو سيف ...... الله يكفينا شر من فيه شر ..... خل سيفك لك ...... وارحم نفسك شوي .. بتدخل موسوعة فطيس للأرقام القياسيه بالــــ (؟؟؟ ) يوووء كلهم يناظرون وش ابتكتب
واهلا بك يالذيب

احسن انها اخترقت

لا تسالني ليه لاني مدري

إقتباس الرسالة الأصلية كتبت بواسطة dal3_uae وعليكم السلام ورحمة الله وبركاته بالمبارك ... اجازة سعيده ومفيده للأطفال انته منبطح وانا يالسه ... د د د د ددد ددددد ددد دددددد>>>>>>>>> دليل ع البرد ... يحيكم والله ... ناسٍ اتابع افلام وناسٍ ... يالسه في الجامعه تدرس هههههههههههههههههههه للأسف يعني ... مثل ما قال احد الاعضاء ... للأسف انه عندهم قدرات ومحد يرعاهم ... تحياتي ورده

عندما تتجلى الغيوم عن السماء .. وتفيض الارض باوراق الشجر ... وعندما تطير الطيور كنفحات اوراق قصب السكر ... تتطاير النجوم معلنتاً مولد ابداع جديد .. ابداع لن يتكرر .. وبعد مخالفة الطبيعه بظهور مسخ من الجمال المتافجح .. <<<

وكل مااقترب الذهول على وجنة الطفل الكبير ... والشيخ الصغير المتبوبح .. اقول ( شلولخ )
8888
احد فهم شي؟ الله يعين اللى بيحرر وراي كلامي

شكرا دلع ( طراق )


==================

إقتباس ابو سعود2005 احسن انها اخترقت لا تسالني ليه لاني مدري

اهلا ابو سعود .. حياك الله وبياك ...


=====================

نحاول الاتصال بااحد العاملين في جريدة المدينة او احد المسؤولين فيها لاعطائنا احدث التطورات ودوافع الهكرز الحقيقيه من وراء هذا الاختراق واللذي يعتبر سابقة

سنوافيكم بااخر الاخبار

لا تعليق ؟؟؟؟

الله يعطيهم العافيه

احسن يستاهلون

إقتباس الرسالة الأصلية كتبت بواسطة ريري هكتور الا وش أنتي يالمدينه ؟ صز شكلها لخبز التميس وتمسيح الفرن خخخخخخخخخ

هههههههههههههههههه

الغالي ابوطلال : اعذرني على الرد بالاقتباس فقط

لان مدري وش اقول صرااحه اقول الله لايوفقهم ولا اقول الله يعينهم ولا ؟

بس حبيت اشارككم بموضوعكم .. اخوك / ابوياسر .

الله والجريدة ..
بالسعودية ماتاخذ إلا الرياض
ولا يفوتك شكلها بتتغير بـ 1-1-2008

إقتباس الرسالة الأصلية كتبت بواسطة & الأمبراطور & لا تعليق ؟؟؟؟

بعض الصمت حكمة

==================

إقتباس عاشـ تشيلسي ـق الله يعطيهم العافيه

اوكيه

==================

إقتباس هلالي ودمي سامي احسن يستاهلون

طيب

==================

إقتباس بريماكس!! اقتباس: المشاركة الأصلية كتبت بواسطة ريري هكتور الا وش أنتي يالمدينه ؟ صز شكلها لخبز التميس وتمسيح الفرن خخخخخخخخخ هههههههههههههههههه الغالي ابوطلال : اعذرني على الرد بالاقتباس فقط لان مدري وش اقول صرااحه اقول الله لايوفقهم ولا اقول الله يعينهم ولا ؟ بس حبيت اشارككم بموضوعكم .. اخوك / ابوياسر .

حضورك شرفني يالذيب

===================

عالم الهلال الله والجريدة ..
بالسعودية ماتاخذ إلا الرياض
ولا يفوتك شكلها بتتغير بـ 1-1-2008

اعد مخلص اشتراكي قبل عشرة ايام ... بجدد علشان الشكل الجديد يستاهلون ماودي اخسرهم
شكرا لك

====================

dal3_uae

إقتباس اقتباس: عندما تتجلى الغيوم عن السماء .. وتفيض الارض باوراق الشجر ... وعندما تطير الطيور كنفحات اوراق قصب السكر ... تتطاير النجوم معلنتاً مولد ابداع جديد .. ابداع لن يتكرر .. وبعد مخالفة الطبيعه بظهور مسخ من الجمال المتافجح .. <<< وكل مااقترب الذهول على وجنة الطفل الكبير ... والشيخ الصغير المتبوبح .. اقول ( شلولخ ) 8888 احد فهم شي؟ الله يعين اللى بيحرر وراي كلامي شكرا دلع ( طراق ) شكرااااا بو طلال ... كل هالمديح حقي ... الله يجزاك خير ... ويعلك سالم غانم ياربي ... ................ تعرف شي واحد ... مشكله اللي ما يعرف يرد عليه ... وخااااااااااااااصه اذا انا اللي كنت كاتبه الرد تحيااااااااااااااتي (فيس مطلع لسان )

وتطالبين بعد بمحكمة وانتي ملاحقتني بكل موضوع لي ؟؟ اعطيك المفتاح واطلع !!
وصدق يوم قلتي من طبايع التيس .. رزة الفيس << عاد الحين يجي كلاسيكي ويحرر ردي علشان هالكلمة .. ويترك كلمتك نفسها قبل عادي ؟؟ سبحان الله مايشوف الا كلامي !! وحده من الثنتين يادلع .. يامرفوع عنك القلم .. او ان عادل مايشوف الا كلامي وهذا يدل على حبه لي

واهلا بالمبدعه دلع ... <<<< نقول مبدعة الشكوى لله ولايجينا ايقاف بعد