|
قصيدة للدفاع عن الهلال...أتمنى تعجبكم السلام عليكم اخواني الزعماء...والله زمان عن المنتدى بمناسبة عودتي الكريمه الى المنتدى احببت ان اقدم لكم اول قصيده اكتبها في حياتي :stoned: كتبتها عن حبيب قلبي الزعيم اتمنى محدش يدقق في الموضوع كثير ...قلتلكم اول مره اجرب ارص كلام :razz: وان شا الله تعجبكم :clap: انا احمد الله خالقني هلالي زعامتي بالحق ماهي بمزعومه دايم عزيز ودايم الراس عالي هذا حبيبي وافيتن علومه فؤادي بحبه وصل للهبالي الله يلوم اللي فؤادي يلومه محبته فاقت حدود احتمالي ما بدله لو ذابحتني همومه اغلى من الروح سيد الغوالي ابيع نفسي قبل افكر بسومه الفوز له صاير شبيه الضلالي والفاشلين اعذارهم دوم معلومه لا ذاقوا انواع الهزيمه والاذلالي تعللوا فرقة التحكيم معها الحكومه ونرد كذبتهم بصدق المقالي ونفضح غباء اشخاص موهومه مثل ميلان واهلي ومدريد حالي زعيم لا شك تتكاثر تهومه سبة هروب الخصم نحو الخيالي مرارة الواقع على نفس مهزومه الصوت بالثرثره والكذب عالي وبالجد حجتهم مع البرهان معدومه لا جبت له حجه وقوة سؤالي يهرب يقول السالفه محسومه الله على الافحام وقت الجدالي لا صار خصمك ساكتن مثل بومه يستاهل اللي يشكك في حلالي الكذب والتأليف وش هي لزومه افحامنا ما يتقنه غير الهلالي اللي تهاب مجادلاته خصومه بالحق ما يعلي على حجته عالي يصحى بها النايم من احلام نومه يسب يشتم حالته تحزن البالي خله يسولف ترى النفس مكتومه كلام حاقد ما يهز الجبالي لكن يغذي نفسه المحرومه زعيمه وتاج راسه هلالي بالهرج يرميه وبالفعل مايرومه وختامها كرر تراني هلالي زعامتي بالحق ماهي بمزعومه اخوكم عادل المالكي ^_^ |
احلى من الشعر كتابه ومافيك حيله وفالك المليون كلهن بليمهن عليك |
صـــــــح . . . . . لسانــــــك ، ، ، مــا يصــح . . . الا الصحيح ، ، ، :؛: |
صح لسانك والله .. قصيده جميله .. وبدايه قويه .. |
أنا أجيز القصيدة وأجيز الشاعر مع تحفضي على بعض الأبيات المكسورة وتتأهل معنا لمرحلة ما قبل الـ 48 وفالك البيرق يا فطيس |
صح لسانك وبالتوفيق,,,,,,, |
صح لسانك والله |
صح لسانك وفالك الزعامه |
فالك التوفيق |
الكصيده تبين شاعرية الشاعر وماقصده الشاعر في الكصيده ان الزعيم يبقى زعيم واستطاع الشاعر ان يبين مافي نفسه من خلال الكصيده فالك التوفيق والمليون |
مشكورين جميعا على المرور والردود الجميله |
صـــــــح . . . . . لسانــــــك ، ، ، مــا يصــح . . . الا الصحيح ، ، ، :؛: [/ احلى من الشعر كتابه ومافيك حيله وفالك المليون كلهن بليمهن عليك يوم أمس 09:13 PM |
تشكرات على مرورك عزيزي |
ما فيك حيله قالها اخوي حمد السعيد وانا بأقولها لك...... |
تشكر على المرور والرد الجميل يا زعيم |
| الوقت المعتمد في المنتدى بتوقيت جرينتش +3.
الوقت الان » 08:04 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd