|
انتبهو مـن الـبــرد ,, شوفوا وش جـانـــي @@ السلام عليكم دغري للموضوع :d انا مستهتر بالبرد من زمان وكل سنة يجي الشتاء ماالبس ثياب شتوية ولا اشتري ملابس شتوية كل وقتي فصل صيف × فصل صيف اهلي دايم ينصحوني انتبه لايجيك شي انواع النصايح وانواع الزعاق الا يبوني اتدفى صحيح انا بردان بس مااحب شي اسمه حر ودفى احب البـرااد ’’’’’’’’’’’’ الين جاء وقت الصـدزز <----- وش عنده فلم امريكي خخخخخخخخخخخخخخ :d ثاني ايام عيد الاضحى المبارك كنت مسافر لمملكة قريبة (خليجية) :d <----- وش بقى الله يصلحك خخخخخخخ واتسبح واطلع بالبرد (برضو بلبس صيفي) ورجعنا نمت وقمت دخلت دورة المياة وانتو بكرامه ابي اتمضمض ماعرفت . قلت فترة وتروح :upset: عيني صارت تدمع بقوه ومقدر اتمضمض شوي حسيت بفمي تغير وانا اكل احساس غريب بوجهي مدري وش جاني والله خفت وانا راجع للرياض نسيت المشكلة بس برضو عيني تدمع قلت يمكن حساسية من البرد او دخلها براد او او قمت اوسوس يوم وصلنا الرياض بالسلامة نمت وقمت لقيت وجهي مايل لليسار جاني ( ابو الوجيه ) اللي يخلي وجهك يروح لجهة معينة صرت اضحك تروح شفايفي يساار افتح خشمي تنفتح الجهه اليسار واليمين ماتنفتح ارفع عيوني تنرفع عيني اليسار وعيني اليمين ماتنرفع ارمش عيوني بس العين اليمين ماترمش مفتوحه مااقدر اتحكم فيها (شفتوا وشلون) صرت اتحكم بجهة وثاني مشلولة اكتشفت ان عيني تدمع لاني مقدر ارمش (جربو لاترمشون لمدة 10 ثواني) على طول عينك تدمع وهذا اللي صار على طول طرت اليوم الصبح للمستشفى دخلت الدكتور يوم قلتله تغير وجهه بيني وبينكم بلعت العافية قلت اللــــه يستر قالي شوف حبيبي عندك التهاب اعصاب واعصابك شبه مشلولة بعطيك ادوية تاكلها (عشر حبات ورا بعض كل يوم لمدة خمس ايام) :bigeek: (قطرة عين كانها كريم , تنظف العين وترطبها لاني ماارمش واحتمال تجف العدسة وتروح عيني تميس:d) وعطاني موعد علاج طبيعي (تدليك بالكهرب للوجه) وعقبها حرمت البس صيفي حتى بفصل الربيع والخريف خخخخخخخخ :razz: على طول اول ماطلعت من المستشفى مريت السوق شريت لي اغراض شتوية(بدري<-- :d) والحين اكتب الموضوع وانا لاف عيني بشاش عشان ماتجف العدسه واكلها خابور ووجهي كله زيت ( ياربييييييييه اكره شي اسمه زيوت وكريمات بالوجه قسم بالله تجيني كئابة :nono:) ولاف راسي بشال تقول عجيز واللــه :d الله الله باللبس الشتوي ونصيحة وانتبهوا من ابو الوجيه والله انه يضيق الصدر ويخرب وجهك(وجهتس):d الله اني بلغت اللهم فاشهد |
ما تشوف شر يا الغالي !! و الله إني متدفي و و لابس 4 فنايل (بجامة و فانيلة داخلية و فانيلة شتوية و فوقها فانيلة صيفية) :D |
الله يقومك بالسلامه :d:d:d:d:d ولا تسوي نفسك ذيب :nono::nono::nono: تحياتي // زعيم بأخلاقي |
وينك يالنمر 15 :d ياهو بيحقد علييييييييك بعد ذا الموضوع:d لانه يعشق شي اسمه ابو الوجيه :d |
الله يقومك بالسلامه |
ما تشوف شر يا الغالي !! |
إقتباس:
الله يشفيك يارب وماتشوف شر والله انا من سمعت بطاري البرد قبل يدخل وانا أطق الفروه والملابس الشتويه ولا يهون الزنجبيل تبون الصراحه مو على شان البرد بس طفشت من الثوب الابيض قلنا فرصه نغير (الستايل) < ياحياتي |
الشرك مايجيكم ياحلوين وش دعوى يابلد الوليد اجل نمر يحب هالخمبقه :D :d اللـــه يـسـتـــر خخخخخخخخخخخخخخخخخخخ :d جعلكم ماتشوفون اللي اشوفه وووه بـس الله يبعد عنكم كل مكروه |
سكاي ههههههههههههههههههههههههههههههههههههههههههههههه والله اني اضحك على نفسي ان سويت هالحركه ( استغفر الله بـس استغفر اللــه ) :D :d الله يرجك والله قمت اضحك |
م تشوف شر ي الغالي ... وطهور ان شاء الله .. عالعموم هالمرض مع التدليك ان شاء الله يزول بعض الاثر بس موب كله .. يعني بتلاحظ فيه ... الفم م يتقفل كويس .. م يقدر يقفل عينه الي فيها المشكلة ... م يقدر يرمش بنفس العين ... م يتحكم بعضلات هالجانب من الوجه... العين زي م قلت تدمع ... وترى لو صار في الجهة اليمين .. اعرف ان المشكلة في العصب الي بالجهة اليسرى والعكس صحيح... لانه الوجه مشدود من يمين ومن يسار ... فلو صار وخرب احد العصبين ... صارت تشتغل جهة والجهة الثانية م تشتغل ... زي لما تشد الحبل من جهة بقوة والجهةا لثانية ضعيفة .. يروح كل الحبل للجهة القوية ... عالعمووم م تشوف شر وسوري عالفلسفة :d |
ما تشوف شر يالغالي..! |
ماتشوف شر ياالغالي وأتمنى تكون لك درس لان مو كل مرة تسلم الجرة |
الحمد لله على سلامتك اخوي :d:d:d لبس ماتلبس ماقلنا شي ناس كثير يسون كذا لكن تتسبح وتطلع في البرد هذي قوية :d:d:d المهم لا تعودها ثانيه:d:d:d وهذي معلومات عن المرض من جريدة الرياض للدكتور جابر القحطاني شلل وقتي ناتج عن تيار هوائي بارد وقوي .. أزهار البابونج تعالج من أبو الوجيه تكون آلام عصب الوجه مصحوبة عادة بالتهاب في العصب وتعود سبب الإصابة في الغالب إلى تعرض جانب من جانب الوجه إلى تيار هوائي بارد وقوي يؤثر على العصب فيلتهب. وقد ينتج عن ذلك شلل وقتي في نصف الوجه الذي يغذيه هذا العصب. وفي هذه الحالة يكون الوجه على الناحية المصابة عديم الحركة فيضحك بناحية واحدة من الوجه وتختفي فيه التجعدات الطبيعية ويتدلى الجفن الأسفل وتبقى العين مفتوحة، وتكون زاوية الفم في الناحية المصابة في مستوى منخفض عن الأخرى ويسيل الماء من الفم وقت الشرب وقد يتأثر الكلام والمضغ إلاّ ان المرض يختفى ويشفى المريض في غضون أسابيع قليلة إلاّ في حالة الإصابة الداخلية بالمخ. وبصورة عامة فإن التدفئة التامة للمريض تفيد كثيراً. ويسمى مرض عصب الوجيه في بعض مناطق المملكة بأبو الوجيه أو اللوف. لعلاج هذا المرض تستخدم وسائد صغيرة مملوءة بأزهار البابونج بعد تسخينها فوق الموقد حيث توضع فوق النصف المصاب بالوجه وبالتحديد أسفل الاذن وإلى الأمام قليلاً من الاذن. ويقوم بعض المعالجين الشعبيين باستعمال الكى لعلاج هذا المرض وقد نجح بعضهم نجاحاً جيداً في طريقة الكي. شف اللي بالأحمر وبعدها بتحرم تطلع من بيتكم باالشتاء وبيصير عندك بيات شتوي :d:d:d |
الله يشفيكـ ويقومكـ بالسلامة , وماتشوف شر , والحمد لله متدفي بقوة بعد :d يعطيك العافية |
الله يقؤؤمكـ بالسلآآمهـ آخؤؤي .. بس لؤؤ كآآن فيهـ شؤؤية صؤؤر يكؤؤن الووظع آآحسن :d |
| الوقت المعتمد في المنتدى بتوقيت جرينتش +3.
الوقت الان » 03:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd