|
.. أعضاء الشرف .. ( هل هو تخريب ) ؟؟ - السلام عليكم ورحمة الله وبركاته الحقيقة أنا كنت متوقع قبل أن يعلن أن أعضاء شرف الهلال يرغبون بالتأجبل بأن تأخير الانتقال سببه تدخل من أعضاء الشرف وتأثيرهم وضغطهم بشكل رئيسي على سمو الأمير محمد بن فيصل اللي بدوره يحاول يقنع ياسر بتأجيل الانتقال .. وطبعا ياسر مايشوف غير الاحتراف وفي هذا الوقت وموافق على كل شئ وهذا الشئ يمكن الكل متأكد منه من ناحية ياسر ... _ _ وأعضاء الشرف ما نقول شئ فيهم على العين وعلى الراس وفي مقدمتهم بندر بن محمد .. بس بكل منطقية اللي يسوونه الحين من ( تخريب ) لموضوع الاحتراف شئ ما يرضي معظم الهلاليين وأبدا طبعا ما يرضي ياسر .. اللي أتوقع في نهاية المطاف يجبر على عدم الاحتراف وتكبح رغبته برغبة أعضاء الشرف الذين يتوقعون بأن اللاعب سيفيد في المرحلة المقبلة ولا يدرون بأن اللاعب سوف يتأثر نفسيها خصوصا بأنه لا يعلم ان كانت الفرصة ستأتي له مرة أخرى أم لا .. _ _ عموما أتمنى كما يتمنى الجميع أن يجد ياسر نفسه داخل الدوري الانجليزي من بداية العام المقبل الميلادي كما هو العرض المقدم من مان سيتي وأن لا يحصل تأجيل غير مبرر يصبح معه احتراف ياسر في دائرة المستحيل مستقبلا ًً .. شكراً جزيلاً |
موضوع رائع كنت بنزله قبل لاتنزله انت وربي كلامك عين العقل وعن جد ياعضاء الشرف فكونا من التخريب كفايه اللي سويتوه في نواف كمان تبغون تخربون على ياسر كفايه والله حراااااااااااااااااام سلمت يدينك اخوي ناعس الطرف وتحياتي لك |
للأسف أخي أن كلامك قد يكون صحيح لكن الله يهديهم يارب و إن شاء الله ياسر سيحترف بحول الله وقوته وصدقني أن أعضاء الشرف و في مقدمتهم بندر بن محمد على قدر كبير من الثقه و لديهم عقليات رياضيه راقيه وواعيه و هم مستحيل أن يقفون ضد مصلحة أي لاعب هلالي يخدم الهلال فما بالك وهو يخدم المملكة العربيه السعودية أخوي يرحم والديك كبر الخط تكفى عيوني أحولت و أنا أقراء :stoned: مادري بعد ردي صح ومن ضمن موضوعك ولا لأ :whacko: |
إقتباس:
والله وش نقول قسم بالله انقهرت من عرفت ان سبب كل هالتعطيل والغموض هو من الأعضاء .. ان شاء الله تفرج بس وأشكرك على مرورك اللطيف |
اشكرك على كلامك وفكرك الراقي .. والمفروض هو عدم تدخل اعضاء الشرف في (( القرار النهائي )) واعتقد اذا ياسر ماراح بداية السنه بتشوفون ياسر ثاني ياسر محطم ومدمر عشان كم عضو شرف اناني وجاهل .. للاسف مافيه ناس واعيه تتخذ القرار الصحيح .. فيه ناس عندنا يتقنون شي واحد بس هو التخريب ويبرعون في هذا المجال |
للاسف اعضاء الشرف الرافضين لاحتراف ياسر ماعندهم سالفة الى متى وهم يتدخلون في هالامور موبكافي خربوا على نواف ايام زمان محمد بن فيصل هو الرئيس وراضي باحتراف ياسر مع احترامي لكم انتم مالكم دخل في الموضوع والله اعضاء الشرف ذولي بيضيعون ياسر والهلال وبعدين بصراحه هذا تحطيم للاعبين الشباب الموجودين في النادي كان الهلال هو ياسر بس !!! |
الفرصه ماتتكرر بالعمر ولازم يعطونه فرصه الهلال ماراح يتوقف على اي لاعب والله حرام كأن مافيه لاعب بالهلال غير ياسر والله هالشي بيأثر على نفسية الاعب واحنا كجمهور بنطالب بأحتراف ياسر |
مشكوووووووور وكلامك 100% ياجماعة خلو ياسر يحترف |
إقتباس:
الله يرحم عيونك ويشافيك :whacko: يعطيك العافية اخوي ع الموضوع الراقي :thumbup: |
اعضاء الشرف يرتكبون اكبر جريمه في حق يااااسر خلاص ياسر يبغى يحترف اتركوووه مشكووور اخوووي وكلامك صحيح 100% |
الفرصه ما تجي بالعمر الا مره واعضاء الشرف الله يهديهم فوتوها مرتين ويبون الثالثه .. وصدقوني اذا راحت على ياسر لا تستبعدون ان يحترف غيره من نادي اخر منافس .. وخاصة اني قبل شوي قريت خبر بجريدة الجزيره ان نشأت اكرم جاله عرض من فريق مانشستر ستي .. وخوفي يكون بديل ياسر لاسمح الله اذا استمر اعضاء الشرف بعنادهم وتحطيمهم لحلم ياسر .. |
يجب أن تعرف الجماهير قبل أعضاء الشرف أن الفرصـة واحدة ولن تتكرر لياسر الموسم القادم . الاحتمال هنـا واحد إما الانتقال الحالي أو البقاء في الهلال حتى الاعتزال . من بعد مواضيع تأكيد الانتقال ظهرت احتمالات ثلاثة للتعاقد وبدأ أعضاء الشرف بفرض شروطهم على مانشستر سيتي وكأن مانشستر سيتي سيتوقف على ياسر ! ليعلم أعضاء الشرف أن ياسر إن لم يحترف الأن فهو لن يحترف بعد ذلك و سيعود بمعنويات مغايرة ستنعكس على مستواه وقد يصبح عالة على الفريق . ساعتها لا ياسر احترف واستفدنا من احترافه ولا رجع لنا بمستوى ممتـاز :stoned: ياسر لا تحزن فقبلك التمياط الرائع والصويلح , سنظل هـواة للأبد للأسف . |
إقتباس:
دمت بخير اخي الكريم :) |
إقتباس:
صحيح كلامك بس الواضح الآن ان رغبة أعضاء الشرف تخالف شكلاً ومضموناً مصلحة اللاعب .. , بالنسبة للخط شكراً على الملاحظة .. وترى اخترت الحجم 4. |
إقتباس:
اضافة جميلة .. وان شاء الله صوت الجماهير يكون مسموع .. أشكرك على مداخلتك الجميلة . |
| الوقت المعتمد في المنتدى بتوقيت جرينتش +3.
الوقت الان » 10:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd