!!.. <><> الزحمــــــــة <><> ..!! !!..<><> العوائــــــل <><> ..!! - صفحة رقم 2 - نادي الهلال السعودي - شبكة الزعيم

K I N G . M I L A N · #1 21/12/2007, 07:47 AM

^^

هلا وغلا أبو داحـم

حيا الله السمي

شرفنـي ردك يالغالي ورده

ومشكور وما قصرت

][ دمتـم بـود ][

Milan_89 · #2 21/12/2007, 04:29 PM

..

ههههههههههههههههههههههههههههه << وش يضحك عليه الهدر ..

الدحمي شكل القريحة بتلت تكتب .. أحس انه هجت بك شوي ..

الصراحة واضح انك متوذي ن هالزحمة الله يدفع البلا .. لكن أنا فكرت بيني وبين نفسي << وش يبي ذا ..

المهم إني طلعت بفوائد اللي بموضوعك اللي كله فوائد لكن من ضمنها .. :

1/ ان الواحد لا صار مهب من الرياض يحب ديرته ..
يعني عن نفسي أنا بغيت أروح للشارع أمطخ الارض وأرجع ..
2/ تطيّح سوق الريال .. يعني الواحد لا بغى يروح للرياض يقول وش نبي نلقى به ..
3/ ان واحدن مثلك لازم نشوف له حل .. لذلك يجيك الواحد اللي خارج الرياض ويعزمك ..
شوفت وجهك ما أردى منه .. ورده

عمومن الله يعينكم إن شاء الله .. وأغديهم يلقون للرياض حل .. لأنه يالبهم إن استمر الوضع تسذا ..
أتوقع تصير الرياض مثل القاهرة .. !
عن نفسي مريت الرياض بالديربي الإشارة الوحدة مسكتن ثلاث مرات وانهبلت << الدحمي الحين كاتم الضحكة ..

بس الرياض ازين مابه ان الدوارات مهب كثار .. وهي نعمة .. لكن ماكل شي يكمل ..
عمومن تقبل مروري .. سي ياا ورده

هلالي مدريدي 10 · #3 21/12/2007, 04:45 PM

ورده وتلوموني اذا قلت لكم روحو لبنان

عسيريه · #4 21/12/2007, 04:59 PM

.

.

هلا باللي قآط عندنآ

حيآك الله يادحمي

الزحمه ملــ ح الريآض / الريآض بدون زحمه مو الـ ريآض

خلاص تعودنآ عليهآ

وأعتقد الزحمه مآلهآ حل / الريآض ماشاءالله كل مالهآ بإزديآد بـ اعدآد السكآن ,,
اللهم زد وبآرك

وبالنسبه لـ مدينة العوآئل مثل ماتسمونهآ

هذآ أحسن شي
حنآ نستآنس

/ أزين منظر بالكون لمّآ أشوف الشباب عند بوآبة السوق
متجمعين عند السكيورتي يطلبونه يدخلهم وبـ الأخير يرفض

عندكم الشوآرع احمدوآ ربكم بس ,, أي وقت تبون تطلعون تطلعون
بالإظآفه للـ إسترآحات / مقآهي / البــر / التحليه <~ اذا مريت منه اتحسر ودي
انزل كوفي شوب قسم بالله قهر

كلهـآ شبآب المفروض فيه قسم للبنآت

يعطيك العافيه يالدحـــمي على الموضوع / ودآمت الريآض مدينه للعوآئل فقط

مع التـ ح ــيه

K I N G . M I L A N · #5 21/12/2007, 05:30 PM

إقتباس


	Milan_89

هـلا بـاسـم

يالله حيـوهـ

تسلـملي على مرورك ورده

وصراحـة نكتـة الإشاراة حقتك مهيب صاااحيه

<<< إلى الحين جالس يضحك

إقتباس


	هلالي مدريدي 10

مشكـور أخوي على مرورك ورده

ولبنـان اذا رحنا لها نبي ندعوا الى الله

إقتباس


	عسيريه

هـلا وغـلا بعسيريه ورده

ردك شرف موضوعي ورده

ولو أنه عليه بعض الإلتماسات والتحفظـات

لكـن مشكووره

أجل يا زين الشباب لين وقفوا عند السكيورتي ويطردنا

حرااام عليكم

وييين نرووووح

][ دمتـم بـود ][

ALMALAKY · #6 21/12/2007, 05:31 PM

افا أبو داحم .. تنزل موضوع ولا تقوولي !!

والله الزحمه في كل أنحاء الرياض !!

اما أماكن الترفيه انا معك كل شي عوائل X عوائل !!

وصدقني عقب المكالمه الي امس

حسيت بشعوورك انك طفشان !!

انا ودي أدري وش الفايدة من التصويت حق البلديات الي صار قبل فتره !!

صوت ومادري ايش والله لاشفنا منهم ولا شي !!

بس ابو داحم كيف خطة الشرقيه ندز لها ؟

زعيمنا الغالي · #7 21/12/2007, 06:34 PM

ابو داحم !! صدق انك ماتستحي

رديت عليك أول واحد ,, ولاتعقب على الرد

بانتظار التعقيب

القيصر رهيب · #8 23/12/2007, 12:43 AM

إقتباس

الرسالة الأصلية كتبت بواسطة زعيمنا الغالي


	ابو داحم !! صدق انك ماتستحي رديت عليك أول واحد ,, ولاتعقب على الرد بانتظار التعقيب

شفت كلمة أول ؟

شلها وحطها ثاني

!!هلالي الرس!! · #9 23/12/2007, 01:00 AM

إقتباس

الرسالة الأصلية كتبت بواسطة القيصر رهيب


	شفت كلمة أول ؟ شلها وحطها ثاني

ياحبيلك حتى حقوقك محفوظه ((مليون طعش قلب)

زعيمنا الغالي · #10 23/12/2007, 01:28 AM

إقتباس

الرسالة الأصلية كتبت بواسطة القيصر رهيب


	شفت كلمة أول ؟ شلها وحطها ثاني

اتحداك ,, انا الي راد أول واحد

الله يذكر ايام الابتدائية بالخير

!!هلالي الرس!! · #11 21/12/2007, 06:33 PM

حي الله راعين العالميه كلهم

أقول أسكت بس لايشوتونا من الشبكه ويقولون عوايل

أحمد ربك أننا نروح الثمامه والمخططات زين الي ماقالو عوايل بعد

لاتعليق على الكلام الي قلته بسعندي كلمه بسييطه وهي

أبتسم أنت في العاصمه

هلااالي وأفتخر · #12 21/12/2007, 07:33 PM

. . .
. . .
. . .

يالله نوسع صدرك شوي ...

بما إنك ساكن عند طريق المللك عبدالله ,,
أبشرك .. تراهم بيحطون كوبري عند إشارة صحارى ..
وبيخلونه مثل طريق الملك فهد ,,

صح إن الزحمة مهب رايحة لكنها بتخفف ...

وهذا طريقة الترفيه للشباب في وسط العاصمة ( الدوان تاون ) ..أو .. (سوليدير الغفلة)

-ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ-
* برنامــج شبـــــاب الريـــــــأض الترفيهــــــي *

| 7 ا 8|
| 7 ل 8|
| 7 ت8|
| 7 ح8|
| 7 ل8 |

| 7ي 8|

| 7 ة 8|__ __ __ _ __ __ __ __ __
تـــركــــــــي بن عبدالعـزيـــــــز ( الأول )
_ __ __ __ __ __ __ __ __ __ __| ------- |
_________________________ |7الملك8|
_________________________ |7 ع 8 |
_________________________ |7 ب 8 |
_________________________ | 7 د 8 |
_________________ |.... ركــاء ... 7 الله8 |
_________________ |_______ | 7__ 8|

* برنامــج شبـــــاب الريـــــــأض الترفيهــــــي *
( جميع الحققوق محفوظة

)

-ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ--ـ-ـ-

مع تحيــات

إقتباس


	عاشق الرياض / مهما كان

هلااالي وأفتخر ..

. . .
. . .
. . .

مفلوق ببلوكهـ · #13 21/12/2007, 09:06 PM

أجــل انــا وش اقــول
بــيــتــنا ورا صحارى واشااارة صحارى لو برووح للبقاله مريت من عندها
ولا زحمة السووق والسيارات الصراحه بعض الاحيان اني اقعد ساعه احووس عشان بوقف سيارتي قدام بيتنا هالسواوييق يوقفون سياراتهم ويروحووون
وهالامااكن اللي كل مارحنا قالوا لنا للعوايل فقط والله ياخووفي بكرا اصحى والقى المقااهي وصالات البلياردو للعوايل فقط
بس وش اسووووي احب الريااااض

K I N G . M I L A N · #14 22/12/2007, 01:17 AM

مشكورين على مروركم جميعـاً ورده

ولي وقفـة مع بعض الردود لكن في وقت لاحق !

لأني الآن داخل وانا على عجل !!

][ دمتـم بـود ][

G o L d E s T · #15 22/12/2007, 02:48 PM

يا حبيل زحمة الرياض عند اللي شفته بمكة أمس

والله يبدو إن هالزحمة ما لها حل وصارت جزء من حياتنا

قالوا بنحط دائري ثاني وهذا يمكن يخفف الزحمة ويفكنا من الشاحنات بس تبقى مشكلة الزحمة بالدوامات

وقالوا بنحط قطارات عام مدري كم وحتى هالحل ما أظن إنه بينجح

تخيل مواطن سعودي يوقف ويحتري القطار

أنا مليت من الزحمة وكرهت السواقة وإذا جيت أطلع لمشوار وبغيت لي غرض يضيق صدري

لكن بديت أستخدم أسلوب تجميع المشاوير

أجمع مشاوير أسبوع كامل وأخليها بيوم واحد عشان يصير كل اليوم طفش ونكد وهم وضيقة صدر

مشكلة الزحمة شي تعودنا عليه ويمكن لو طلعت للدائري وما لقيت زحمة توسوس وتقول وش اللي صاير

..............

بالنسبة لموضوع الشباب وإنهم ما لهم مكان

فهالموضوع ملييييييييييييييييييييت من كثر ما يطرح ومع ذلك ما تحركوا ولقوا له حل

ما لك إلا المخططات ولا تحجز لك ملعب وتطقها كورة

أماكن ترفيه وهالخرابيط ما فيه أمل تتوفر لك أيها الشاب