|
انا معترض على احترافكـ ياقحطاني في هذا الوقت بالذات !! سلااااااام يازعماااااااااء انا بكتب هالموضوع وكللي حرقة على اللي سامعينه من ياسر القحطاني انه بيحترف نهائي الى مانشستر سيتي والله انا اتمناه يحترف في اي نادي اوروبي لكن كنت اتمناه يحترف بعد ونهاية السنة وليس في منتصف السنه على الاقل تقديرا لجمهور الهلال وللكيان الهلالي اللي اوصله لهذي المواصيل حسافة على القحطاني انه ضرب مصلحة الزعيم عرض الحائط انا مايهمني القحطاني قدر مايهمني الهلال لانه اللي جاب القحطاني يجيب عشرة مثله والقحطاني ماعليه حسافة اذا رااح والله اعرف انها فرصة ماتعوض لياسر لكن على ياسر انه يفكر مية مرررة قبل احترافه وهو قالها على لسانه انه ماعمل شي للهلال انا لم انتظر منه يعمل شي وهو ماحقق مع الهلال سوى بطولتين ولي العهد بهدف الفتى الذهبي وكاس الامير فيصل بهدفي العنبر والفتى الذهبي يعني بصريح العبارة القحطاني لايساوي شي بالنسبة للهلال لانه فعلا لم يعمل شي للهلا ل احترافه للخارج انا معترض عليها كغيري من جماهير الزعيم على انتقاله في هذا الوقت بالذات وذلك بسبب ان للهلال لايوجد مهاجمين كفؤ سوى الصويلح وليلو لاتقولون عنبر وخراشي لانهم حرام يلعبو في نادي مثل الهلال بالذات عنبرينو لكن الخراشي موهبة دفنها الهلال مبكرا اذا كان القحطاني بيروح ومصمم على الاحتراف انا اقوول انه يروووح وماعليه حسافة لاعبين لم يصل ياسر الى ربع مستواهم وانجازاتهم اعتزلوا من الهلال ولم يتأثر الزعيم وباذن الله لن يتأثر الزعيم في غياب القحطاني انا اقووول اذا كان الهلال بياخذ 60 مليون فعلا اتمنى من ادارة الهلال التفكير جديا بشراء عقد التايب وتفاريس والله عندي رحيل التايب من الهلال مصيبة لايتحملها الجمهور اتمنى بقاء التايب لسنوات ورحيل القحطاني لسنوات دام الزعيم مستفيد من رحيل هالاعب اما رحيل القحطاني فلاحسافه عليه لانه بصراحة لم يقدرنا لانه لم يفعل شي للهلال منذ ظهوره مع الزعيم القحطاني ياسر الاعلام الهلالي كبره وحجمه باكثر ممايستحق فهو لايساوي شي امام الثنيان وسامي والتيماوي والغشيان والدوخي والعويران والدعيع ارحل ياقحطاني فالهلال غني برجاله ولم يتوقف عليك |
حرام عليك يا أخي تقول هذا الكلام, ياسر فعل كل شيء للزعيم و مو ذنبه عدم تحقيق البطولات فهي توفيق من رب العالمين. ياسر سجل اجمل الأهداف مع الهلال و دايم كان يوصل للمبارة النهائية أو قبل النهائية. ترى خط الدفاع خلال السنتين الماضيتين ما يساعد أي فريق (باستثناء تفاريس و الخثران). سامي الجابر أعطى لياسر نصيحة: لكل لاعب سن معين يكون قادر فيه على الاحتراف, لا تضيع الفرصة لمجرد أن ودنا ياسر يستمر. شوف نواف رفضوا احترافه في هولندا و ألحين مستواه كيف. |
ياخي يااسر مين اللي مساافر معه في نفس الرحله ؟؟؟ يمكن انك مااتدري هو مساافر مع رئيس النااادي واحتراااف يااسر تدعمه ادارة الهلال والاعضاااء المؤثرين يدعمون انتقاااله وصدقني اخوي انتقااال ياسر في مصلحة الكره السعوديه وفي مصلحة الهلال وفي مصلحة ياااسر نفسه فكررر بعد الانتقااال ياسر بيفتح باب احتراااف الاعب السعوودي وهذا معناااااه تطووور الكره السعوووديه ياسر اعلن انو مورايح الا بموافقة نادي الهلال وصدقني عندنا اللي بيسد مكان ياسر بكل اقتدااااااار |
ياااااااخي وش هالكلام ..... عيب عليك انت اصلا لك وجه تتكلم .... يااخي مايكفي الاهدااف اللي يجيبها للهلال ..؟؟ والمستوى اللي يقدمه في كل مباراه وين راااح ..؟؟ |
أقول...يا زينك ساكت |
متى نرتقي بمستوى طرحنا |
خلهــ يحترفــ عندنآ منــ يمسكــ مكآنهــ |
ياخي يرووح انا ماقلت لايرووح لكن نحن بحاجته الحين اكثر ماصدقنا فريقنا يضبط شوي يجي هو يرووح ويترك الهلال هذا اعرف انه يدور مصلحته قبل كل شي على العموم انا نهائيا لن اتحسف عليه لانه ذهاب الثنيان وسامي ونجوم سطرت الابداع بالزعيم خلااني اتعود على الهلال فمايضرني ابتعاد لاعب الفلاشات والتصاريح الله يوفقه وين مايرووح انا اتمناله التوفيق لكن عليه ان يفكر قليلا بمستقبل الهلال هذي السنة فقط ولانريد منه شي الا اذا الاتحاد السعودي تقدم مشكورا بفتح الانتقالات للهلال لمدة اسبوعين فقط فانا اول المؤيدين لاحترافه خارجيا |
السكوت زين وشلونك عساك بخير عسى الحرارة ما ظربت عندك |
ياخي عيب عليك أيش لاعب فلاشات...!! لو زي ما تقول لاعب فلاشات كان ما شفته أفضل لاعب بآسيا وكان ما شفت نادي أوربي تقدم له بعرض أرتقي بمستوى طرحك وخلك عاقل ولاعاد تقول كلام منت قده |
تقول ياسر ماسوى شيء ,, يااخي ياسر هو إلي موصلنا ,, لنهائي كأس خادمـ الحرمين الشريفين ,, الموسم إلي راح ,, وهو هداف الهلال ,, ولا تنسى هو إلي موصل المنتخب ,, لانهائي كأس اسيا ,, وهو كان احد الهدافين ,, ولاتنسى اكبر دليل ع نجومية ياسر ,, وهو كأس اسيا إلي حاربه عليها 2 ,, يعني إلي مايجيب اهداف في الناهائيات ,, يعتبر ماسوى شيء ,, يااخي ياسر القحطاني من بعد ماجاء الهلال ,, الهلال من بعدها مانهزم من النصر بالمره ,, بمجرد تعادلات قليله ,, يااخي من قهر النصر و الاتحاد بهز الشباكـ ,, غير ياسر ,, بغض النظر عن المواسم القديمه ,, اخوي ليت تراجع حساباتكـ قبل ماتنزل موضوع ,, مثل كذا ,, al-rssam-20,, |
انتو تتكلمو على الاهداف اللي جابها القحطاني شفنا القحطاني جاب قول على الوحدة الاماراتي شفنا القحطاني جاب قول على العين الاماراتي للاسف القحطاني يختفي في وقت الحسم كثيرا ويسجل في الدوري من امام فرق امكانياتها قليلة تعالو احسبوها صح كم نهائي ودور اربعة لعبها القحطاني مع الهلال اول نهائي امام الاهلي سجل العنبر ونواف ولم يكن لياسر اي بصمة في تلك المباراة ثاني نهائي امام الاهلي ولي العهد سجل نواف الهدف ولم نرى القحطاني كاس خادم الحرمين النهائي امام الشباب لم يظهر نهائيا وخسرنا النهائي ايضا كاس اسيا ومباريات العين كان عصبي واثر على لاعبينا من عصبيته وخسرنا اللقاء ولم يظهر القحطاني الحسنة الوحيدة للقحطاني في تلك السنة كانت امام الاتحاد ضرربة الجزاء اللي سجلها الشلهوب نجي للسنة اللي بعدها لعبنا كاس اسيا لم يسجل القحطاني ومن كان يسجل هو الاعب الفان وهو من اهل الهلال الى الدور الثاني ولم يقدر القحطاني هذا التأهل فاضاع ضربة جزاء اما الوحدة وخسرنا التأهل الاسيوي الحسنة التي اظهرها القحطاني كانت في بطولة الخليج في قطر عندما سجل هدفين ولكن ماذا بعد ابتعد عن الهلال في دور الاربعة ليحضر مراسم التتويج وخسر الهلال التاهل وعاد امام الاتحاد واضاع ضربة جزاء لا اريد ان اتحدث كثيرا عن القحطاني ياخي القحطاني لاعب كبير واتمنى انه يحترف في اوروبا لكن مصلحة الهلال اكبر من احتراف القحطاني في هذا الوقت بالذات انا اتحدث عن الوقت انه مو مناسب لاحترافه الحين |
^^^^^^^^^^^^^^^^^^^^^^ ما دام أنه لاعب في نظرك ما قدم شئ للهلال وأنه لاعب فلاشات طيب أنت ليه فاتح موضوع عنه ومتحسف أنه بيروح فعلاً عليك عقل ^_^ |
ياشباب انا تكلمت لانه ياسر هو افضل الموجودين حاليا واقلها يخدمنا هالسنة رغم انه البوادر لاتبشر ببقائه انا فتحت الموضوع على وقت احترافه وانا اعرف انه ماخدم الهلال كثير ولن يخدم الهلال واذا احترف الهلال لن يقف عليه ولا على غيره من الاعبين انا قلت اقلها يحترمنا ويجلس هالسنة بس وبعدين الله يوفقه ويحترف وان شاءالله من مان سيتي الى مدريد والا برشلونة مايهمني وين يرووح بعد ماتنتهي السنة اللي يهمني انه يكمل هالسنة مع الهلال بس والقلب داعيله او تفتح انتقالات استثنائية للهلال هالفترة ويرووووح القحطاني عشان نقدر نضبط امورنا كمان والا حلال على القحطاني وحرام على الهلال |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 05:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd