|
جــاني ورم ..... يمكــن يكـــون سرطـــان !! السلام عليكم ورحمة الله وبركاته .. فبل كم يوم عندما كنت ( أتمضض) و لمحت ورم في لثتي ,, الورم شكله غريب .. قلت يمكن إنه سن بيطلع ,, لكن يوم شفته مرة ثانية قلت وش هالسن الي بيطلع بالعرض ؟؟ حتى السن عادة إذا طلع أو صار له شي يسبب آلام لكن هذا الورم ما أحس فيه .. يمكن التقويم له دخل .. لا لا وش دخل التقويم ,, فجأة ذكرت صورة لورم (سرطاني) مستأصل ... الشكل متشابه .. الله يستر .. معقولة جاني سرطان !! في هاللحظة قمت أسبح في خيالي وتصورت إن الدكتور قالي باقي لك 7 شهور ..... وش بأسوي .. كيف أهلي بيدرون .. من بيقولهم ؟,, وأصدقائي متى أقولهم ؟ .. أقولهم الحين ولا بعد الإجازة لين رحت المدرسة ؟.. لحظة لحظة أصلا ليش أروح المدرسة؟.. كلها 7 شهور وأموت! .. أقعد أصلي الصبح أحسن لي !! قعدت أفكر وأتصور ... وكل اللي تصورته , إن كل وقتي بيكون صلاة ودعاء .. وإني كيف أبقابل ربي ,, ختاما .. حط نفسك بهالموقف .. ما بقالك إلا شهور معدودة ,, وش بتسوي , وش الأشياء اللي بتتركها , وش الأشياء اللي بتكثر منها .. أكيد كل واحد منا بتتغير حياته كثير لو صار بهالموقف ... لكن ليش ما نهتم من غير ما يصير لنا شي ينبهنا.. ليش كل يوم نأجل شي لبكره ... ليش الواحد منا يتوقع إنه قبل ما يجيه شي أو قبل لا يموت .. بيجي أحد قبل يومين ويعلمه ..!! وأخيرا آسف ع الإطالة ولكن الموقف اللي مريت فيه يمكن يفيد البعض فكتبته هنا .. |
الحمد لله سواء اصبت بمرض او لا فالصلاة وذكر الله لاتنقطع عني اشكرك على الموضوع والتذكير لأهل المقصرين |
والله كلنا لاهين ولانفكر في اخرتنا الا اذا ابتلينا بشئ بالنسبة للي فيك ان شاءالله خير لانه قد طلع لي مثل هالورم وقمت اوسوس ورحت للمستشفى وصار ورم عادي يختفي بعد فترة ولا فيه اضرار ان شاءالله والله يعين الجميع |
وعليكم السلام ورحمة الله وبركاته .. ماتشوف شر أخوي ولو تراجع المستشفى وتطمن على وضعكـ أحسن :) ومشكوور عالنصيحة أخوي ،، اللهم لاتجعل الدنيا أكبر همنا،،، |
لا ..الحمدلله ,, أنا شفته يوم الجمعة الماضي .. واستنيت شوي ,, لكن ما راح .. واليوم رحت للمستشفى وقالوا لي إنه التهاب :) وعطوني حبوب ومرهم عشانه .. ومشكوورين على المرور :) إقتباس:
الله يثبتك ويزيدك تقى ,, إقتباس:
إقتباس:
إقتباس:
|
إقتباس:
الله يجزاك الخير على النصيحة |
الحمدلله علـى سلامتك .., وماتشوف شــر.., أنا كثير تحصل هذي المواقف وأمر بكثيـر من هالحالات وغالبـا يكون وسواس مني الله يرحم حالي .., وحقيقة فادتني ., صح إني مـاوصلت للي أبغاه لكن الاختبارات ولو كانت بسيطة تجيب نتيجة ولو كانت بسيطة .., جزاك الله ألف خيــر أخوي.. الله يثبتنا ويزيدنا إيمان |
إقتباس:
الله يعطيك العافية والمعافاة الدائمة في الدين والدنيا والآخرة .. أعتقد أنك أردتَ بموضوعك هذا أيضا فتح باب النقاش حول فقط ذكرنا لله وقت الحاجة .. وأنه يجب الاستمرار في أداء الواجبات في كل حين .. وعن ردة الفعل فيما لو عرف أنه مصاب بما قد يُدني منه أجله بمشيئة الله .. (( ماتشوف شر )) |
<CENTER>اسأل الله ان لا يحرمك الأجر اخوي هلالي وأفتخر</CENTER><CENTER>وجزاك الله الجنه على مثل هذا التذكير</CENTER><CENTER> :: </B></CENTER><CENTER>ورده في آمان الله ورده</CENTER>:: |
اي والله انا مقصرين ولاهين في الدنيا جزاك الله خير على النصيحه |
وعليكم السلام ورحمه الله وبركاااته تسلم على تذكيرك والله يقدرنا على طاعته وبالنسبه لك ان شاء الله مايكون فيك شي ويمكن التهاب بسيط لاتخاف وتطمن وبرضك راجع الدكتور عشان يعطيك العلاج دمت بخير وصحة وعافيه عاشقة الزعيم15 |
F I N A L هلالية من زمن آخر صمت الرمــاد كل الفن هلالي Bojan Krkic عاشقة الزعيم15 شكرا لكم على مروركم ورده |
إقتباس:
الحمد لله على سلامتك ,, والله يقدرنا على طاعته ويحسن لنا الخاتمه ,, |
صدقت أخي الكريم نحن ننغمس بذنوبنا ولانرجع الا اذا أبتلينا يجب علينا ذكر الله على الدوام باالرخاء والشدة وفكرة الموضوع رائعة |
| الوقت المعتمد في المنتدى بتوقيت جرينتش +3.
الوقت الان » 02:02 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd