|
اعطوني رأيكم في ( ليلو ) اللاعبين المهمين لا يظهرون في مباريات الحسم للأسف بسم الله الرحمن الرحيم اخواني الزعماء انا لا اتكلم عن مباراة اليوم فقط ليلو استبشرنا به خيراً في المباريات السابقه وقلنا انه سيعوض ولو قليل من غياب التائب ولكن للأسف غاب كما غاب الكثير . اقصد باللاعبين المهمين : 1- ياسر يغيب عن تسجيل الأهدف في المباريات المهمة والحاسمه. 2- طارق التائب يغيب بسبب الإصابة في المباريات المهمة والحاسمه. 3- خالد عزيز بسبب الإيقاف غاب اغلب الدوري. 4- أحمد الصويلح بسبب الإصابة. 5- نواف التمياط غياب تام لا فنيات ولا تمريرات ولا تسديدات يعني غياب ( نواف 2000 ) وغيرهم هذا ما تبادر إلى ذهني في الوقت الحالي اتمنى طرح آرائكم بهدوء وعقلانية يمنع السب والشتم ........ نتقبل الرأي الآخر برحابة صدر |
والله إلي أنا شفته إن ياسر من نجوم المباراه أن ما كان هو النجم ياخي إذا جت الكوره برجله تتفاءل بهدف أو هجمه أو فاول أو بلنتي ما شاء الله عليه أما ليلو تحرك بس بعد ضياع الهدف المحقق تأثر ولا تنسى إنه عمره 20 سنه صغير بالسن أما التايب غيابه مؤثر لأننا شفنا ياسر يرجع علشان يبدأ هجمه وما كان فيه صانع لعب!!!!!!!! أما التمياط تعبت من الكلام فيه وإحنا إحترقنا وأعصابنا تلفت منه خالد عزيز شايل الفريق دفاعيا وإفتقدناه بس بيرجع وتشوف اللعب صح أما المنقذ الصويلح ورقه رابحه ومهمه للفريق وبإذن الله بعد العيد بيكون الهلال بموقعه الطبيعي في صدارة الدوري بس بشرط يكون تحكيم عادل عادل عادل |
ازززززززرق شكراً لمرورك الموقر بالنسبة لياسر انا لم اتكلم في لعبه وحماسه ياسر اليوم يعتبر افضل لاعب في الهلال امام النصر اقصد ولكن انا اتكلم عن الحس التهديفي وشكراً |
بالنسبه لياسر مو لازم ياحبيبي اللاعب يسجل مدام متحرك ومشغل الدفاع يسجل اليوم وماسيجل بكره عادي بس اهم شي يكون متحرك بالنسبه لطارق فالله يشفيه ليلو توه ماله مباراتين ومو شرط من اول مباراة قويه يسوي شي شف كيتا اكثر المباريات الي لعبها ضد الهلال من اول ماجا مايسوي شي ولايجيب اهداف تخيل اربع مباريات لعبها الهلال مع الاتحاد وكيتا موجود ماجاب اي هدف رغم انه هداف الدوري العام الماضي وافضل محترف |
اخوي نايف سي شكراً لمرورك الموقر اوكيه ياسر تحرك صحيح سجل هدف لا مهمة المهاجم انه يتحرك بس اعتقد لا الهلال لم يدفع الملايين عشان يتحرك وبعدين انا لم انتقد ياسر لمهاراته او حماسه او تحركاته لا انا انتقد في شي الواضح ولي نشوفه كلنا جميع النهائيات الي لعب فيها ياسر لم يسجل او اقصد لم يحسمها حتى الآن نحن نطالب كجماهير التركيز من ياسر للإحراز الأهداف ( لا تهمنا الطريقه ) المهم الهدف والبطوله وهي المهمه لنا شكراً لك اخي |
بالنسبه لياسر لا غبار عليه لكن زي ما شفنا كل ماستلم الكورة يقومون لعيبة النصر باعاقته بخشونه يعني ياسر الليله 100 على 100 ليلو متأكد ببب الضغط النفسي التايب غني ياليل مطولك بسبب الاصابه المززززززززززززززززززززززززززمنننننننه التمياط (الا ليت الزمن يرجع) خالد عزيز (اشتقنا ياحلو اشتقنا) |
اخوي ترى كل شئ توفيق من الله وهم سوو إلي عليهم وكل اللاعبين مسكر عليهم لان النراويين يلعبون على المرتدات غالبا وبعدين انت شفت كل ما جت كوره لليلو على طول صكو عليه دافعين على الاقل عشان ما يروح وعارفين خطوره واعتقد انك شفت ياسر على انهم مسكرين عليه إلا انه عرفت يتخلص غالبا وان شاء الله نشوفه يتخلص منهم بكل سهوله مع الوقت شكرا لك بالتوفيق للهلال . |
غياب ياسر اليوم سببه غياب صانع اللعب الصريح التايب لازم نشوف حل معه يا تعالج علاج كامل او نشوف نجم في مركزه صراحة الفريق حاله ما يطمن ابد تعادلين على ارضنا اجل وش بنسوي امام الاتحاد على ارضه او قدام الشباب مباراتين او الاهلي على ارضه او حتى الاتفاق على ارضه مباريات حاسمة لن يلعب فيها طارق |
شكراً لمروركم الموقر وحياكم |
أزعجونا العالم بالحسم ما الحسم .. ياسر موب يسجل في مباريات الحسم عشانه ما سجل في هالمباراة .. طيب ياسر سجل في الدوري العام الماضي في كل الفرق الأربعه الكبيرة .. يعني وشلون اول حاسم واللحين لا .. وقس عليها البقيه .. يا أخوان ما فيه لاعب حاسم وموب حاسم .. الاعب الي عنده امكانيات ويكون عنده خبره كافيه .. خلاص ما يحتاج الا توفيق من الله .. سواء سجل والا ما سجل .. يعني لا تكبرون السالفه وتصير عقدة .. والخاسر الأول والأخير الهلال .. |
ليلو خذلنا في هذي المباراه وياسر ابدع لكن مالقى من يسانده |
اصبروا علي ليلو توه جاي ياجماعة |
للأسف منذ المعطيات الاولية وخلال الثلاث مباريات التي شاهدت بها المهاجم ليلو تأكدت بأنه ليس بطموحات الزعيم لاعب لايمتلك سوى السرعة فقط لايوجد تلك المراوغة المبهرة كذلك تفكيره بطيئ جداً ولاتوجد تلك الحاسة التهديفية امام المرمى كان هنالك مهاجم النجم الساحلي الفنان المبدع الشيرميطي لاعب لم يتجاوز 19 عام ويمتلك مواصفات المهاجم المتكامل من سرعة ومهارة وتهديف كم تمنيته بجوار الكاسر ياسر |
اللهم لا حسد قولوا ماشاء الله .. صحيح اللاعب ليلو ماظهر بالمستوى المطلوب منه في المبارة هاذي بس والله قلب مخ النصراووين دفاع النصر مان تو مان على ليلو وتركوا لاعب عالمي مثل ياسر القحطاني وشفتوا وش سوا فيهم وبعدين اللاعب مراقب مراقبة قويه من البحري انا حضرت المبارة وشفت بام عيني والله لوراح ليلو لميد اللي برا الاستاد كان راح معه البحري هههههههههه على العموم اشكر لاعبين الهلال على هذا المستوى وهاذي حال الكره واشكر جماهير الهلال اللي يبيضون الوجه والله ان ااشهد انهم الرقم الصعب من جد ........ وتقبلوا تحياتي الزعيــــــــــــــــــم ولد القصيــــــــــــــــــــــــم |
طلع سكة .. لان المباريات الكبيرة والمهمة هي التي تبين اللاعب النجم اما المباريات الصغيرة الكل فيها يبدع ! |
| الوقت المعتمد في المنتدى بتوقيت جرينتش +3.
الوقت الان » 05:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd