مبروك عليهم التعادل وحققوا نصف بطولة وستكتمل البطولة عبر تدخلهم الطفولي في الأيام القادم بالأمور الهلالية الخاصة كعادتهم مؤخراُ .. انبراشاتهم ولقافتهم بعقدنا مع موبايلي وايضا عن اقالة البلوي واإثارة موضوع بشار والهويدي فهم يعتقدون انهم حققوا من كلامهم المزيد من الإنجازات ،،


اليوم صارلي موقف <<< كذاب :d:
الصراحة صارلي حادث بسيط والحمدلله حديد في حديد لكن المشكلة ان اللي قدامي نصراوي !!
:sick:
ومن هذا النصراوي صارلي الموقف الغريب واللي الصراحة لأول مرررة أصدق اخواننا في المنتدى ان النصراوية لديهم عاهة مستديمة تتغير من شخص لآخر ولكن النصراوية (مرضى) في كل مناطق المملكة بأمراض نفسية وذلك من خلال تشجيعهم لنادي النصر !!:wallbash:




الحكاية ومافيها اني اليوم وانا طالع القهوة لوحدي وانا في الطريق كنت في خط فرعي ماشي بسيارتي (سوسو) مايعرفوها الا أعضاء الشبكة في مكة :disgust:
الظاهر كنت مسرّح وافكر عن غياب التايب او مشاركة نواف والله الصراحة ماني فاكر او يمكن كنت بغيّر الــ CD ، ومن خلال هذه اللحظة اللي قدامي مسك فرامل وأنا ما انتبهت له و(صقعته) من الخلف وكنت بسرعة أقل من 40 km/h
جنبنا عاليمين ونزل صاحب السيارة وبدأت القصة كالتالي : :stoned:

راعي الجلانت : ياخي ماتشوف وش فيك لازق فيني من ورا
أنا : معليش والله ما انتبهتلك
راعي الجلانت : ياخي كيف ماتنتبه !!

طبعاً انا عارف اللي يصدم من ورا هو الغلطان فلازم اسايره وآخذ عليه خاصة ان المباراة باقيلها نص ساعة

أنا : معليش يبويا والله مادري فين كنت مسرّح لكن حقك عليا باللي تامر عليه
راعي الجلانت (أظن انه شاف شعار الهلال) : لا عادي لا تشيل هم لكن اعطيني رقمك ونطلع للمرور عشان بس ناخذ ورقة إصلاح
أنا (عارف انه مافي وقت واذا رحنا لازم نستنا لبعد صلاة العشاء) : ماشي ياغالي ابشر مايصير خاطرك الا طيب .. لكن خليني بس أوّدي أخويا الصغير للبيت والحقك عالمرور <<<< كذآآآآب :d
راعي الجلانت : خلاص اوووكي بس بأمانة انك تجي وانا شايف انك انسان محترم وذوق وأخلاق <<< يتكلم عن الأخلاق لكن حتتفاجأو اش ورا كلامه هذا !! :d

طبعاً مشينا احنا الإثنين وهو راح المرور ينتظرني وانا طلعت القهوة أرجع أخويا للبيت :d:d
دقيت عليه بعد ربع ساعة قلتله مباراة الهلال والنصر بدأت لها دقايق اش رايك نتقابل في المرور بعد المباراة ؟؟
راعي الجلانت : يبويا بلا مباراة بلا هم تعال المرور ماعندنا وقت نضيّعه على تفاهة مباريات !! :confused:
أنا : لا تخاف والله جايّك بس خليها بعد المباراة
راعي الجلانت : خلاص انتظرك انا

طبعاً انا استغربت اصراره بالرغم من ان (الحكة) خفيفة وتروح بالتلميع الا انه مصمم نروح المرور في هذا الوقت

طبعاً من كلامه وضحلي انه مايهتم بالمباريات ومايشجع أي فريق
لكن بعد المباراة مباشرة دق عليا يقولي يلا طلعنا المرور ؟؟ !!
استغربت منه لأني انا قلتله تخلص المباراة وأكلمك خاصة انه قالي (بلا مباريات بلا هم) !!

قلتله يلا ربع ساعة وأنا عند المرور .. وفعلاً اتقابلنا هناك وشفت وجهه مصففففففر من الفرح :d

بعد ما أخذ ورقة الإصلاح وصورة من بطاقة التأمين لسيارتي صار يقولي ترا انا نصراوي ومررة فرحان لأن النصر رجع لمستواه واتعادل مع الهلال رغم الطرد !! :dizzy:
انا صرت اطااااالع فيه بإستغراب وتعجب تآآآآآآآآآم
ويكمل كلامه ويقول ياخي النصر والله جابلنا المرض فريق صبرنا عليه كتييييير وما أظن راح يتغيّر وفي كل مباراة نعصّب وتشتد أعصابنا على النصر
وبكل وقاحة يقولي .. وانا شفتك هلالي وانا اكره الهلالية لكن من كلامك احترمتك !! :cursing:
وبس حبيت مايكون عندك تأمين عشان تدخل الحجز وماتشوف المباراة وصار يقولها وهو يضحك وكأنه خويي من 10 سنوات:sweat:

قلتله يا ********* ماتستحي على وجهك وتقولها كمان
صار يقولي ياخي بالله قدرني ترا نصراوي ودحين فرحان ومبسوط وعلى فكرة تراني متنازل وتكفيني ورقة الإصلاح !!



فعلاً النصراوية مشكلتهم مشكلة ولأول مرررة تحدثلي قصة غريبة مثل هذي !!
قابلت مشجعين لفرق عديدة ومتعصبين ولكن لم احتك بالصدفة مع اي نصراوي وجاء اليوم اللي عرفت ان النصر مسببله مشاكل !!


تحيلوا كان يبغا يعطلني عن المباراة لأنه نصراوي ويبغا هو يتفجر المباراة واما انا مايبغاني افرح بالفوز او حتى بمشاهدة المباراة !!