اضحك مع ماجد ووليد الفراج
 

اختصار التحليل - ما بعد المباراة - :
وليد الفراج : ماجد عبد الله من نقوله هاردلك ؟
ماجد : صراحه كان النصر مسيطر وكان ممكن يفوز لولا الطرد اللي لخبط الاوراق .

عادل البطي : الطرد خطأ من اللاعب ، ويتحمل خطأه ، لأن الطرد مستحق ، فلو كان الطرد غير مستحق
أو كان اللاعب مصاب وانتهى التغيير كان للنصراويين وقتها عذر .

توهق ماجد ، وضاع بهدومه .
ثم تلفت شوي وحط حيله بالمطيري قال : اللاعب أصلا كان ناوي ينطرد ( يعني فيه خيانة في بني الأصفر )
هنا تدخل وليد الفراج وقال : كبيرة ياماجد .
تلخبط ابو الشباب وحاول يعدل : أنا ما أقصد انه ناوي ينطرد بهذا المفهوم ( يعني نبي قاموس لماجد ) قال :
اقصد توه أخذ اصفر ليش يمسك ياسر وهو يدري ان المسك فيه كرت اصفر .

النكته الثانية :
قال وليد الفراج : وش رايك بالليزر .
قال ماجد : المشكلة ان الكاميرا ما صادت الا اللي على الدعيع ، وانا شاهدت ليزر من جمهور الهلال .
وبعدين الليزر ما أثر على الدعيع والدليل انه ما ارتبك ولا تأثر .
قال عادل : بصراحة هذي ثاني مباراة ويجب أن يكون هناك حل .
ومار يقمز وليد الفراج من محلة ويغول عادل قال : يعني تبي نفتش الجمهور واحد واحد .
خاف عادل وقال : لا ياخي انا اقول هذا تصرف فردي ، ويرجع لثقافة الجمهور .

جا محمد فودة
ركز الفودة على احتكاك الخثران مع لاعب النصر وقال : هذي تستحق كرت أصفر .
وقف الفراج اللقطة ( لأن القناة حلال ابوه ) وقال : طيب يافودة ، وش تفسر فيه ان الحكم قريب ،
وزاوية الرؤية واضحة ، والكثيري فاهم القانون ( يبي الفودة يقول انه هلالي ) ، قال الفودة ، المخرج
انه يعطي اتاحة فرصة فما وقف اللعب .

ضربة الجزاء :
قال الفودة : لا يوجد أي احتكاك ولا وجود لضربة جزاء .
قال وليد : ولا لها مخرج .
الفودة : مالها أي مخرج .
وليد : اها يا فودة دور لها من هنا ولا هنا .

يعني عيني عينك إللي على الهلال يضخم ، واللي على غيره : دور له مخرج .

ما بدا فشل الحكم السعودي غلا بعد ظهور هالعالم الدايخة يديرون استديوهات لملايين المشجعين
والله زمن
والله قنوات
والله لجان للانضباط

شكرا على النقل الرائع

مشكوررررررررررررررررر

حسبي الله عليهم

ظلم واضح والهلال ساكت .. وهم اذا انهزموا سفلوا في الحكم تسفيل .. لاتلوم الكثيري اذا جاملهم مو فاضي يسفلون فيه
S M @ R Tوالله صادق اخى

اخراج ر ائع تستحق الشكر

لاتعليق <---مقهور توهـ جاي من الملعب

خخخخخخخخخخخخخخخخخخخخخخخ
مشكور ع الطرح الجميل
>> قراه اكثر من مره

والله ما اردى من الحكم الا هالمذيع

نفسي اعرف ليش الارتي متمسكين فيه

والله ماله اي داعي

يعطيك العافيه اخوي على النكت اللي تفقع المراره من القهر

العجيب انهم يرفعون ضغطنا بفلوسنا

صدقت والله وأن كنت متابع حقت فودة...



قال ايش قال((مالها مخرج) :)

المذيع نصراوي يعني وش تبي منه

تحكيم فاشل +++++++ تحليل فاشل

وش هالتعصب ياعالم والفراج كان قصده إنه يبين إن البلنتي ماله مخرج , يعني لاحد يجي يقول بلنتي صحيح