عسيريه..
هلا والله..
وش نسوي ياختي الكسل لاعب دوره..
يوووه ذكرتيني بآخـر موضوع لي كان بعد إختبارات ثالث ثانوي قبل النتايج
وش لون تبيني ما ألتفت للذكريـات وهي أغلى ماعندي..

إقتباس الله كل هالرسآيل من المعجبآت الله يزيدك تبين الصراحه بعد سنه سنتين بالكثير بترمينهآ

وش معجباته الله يرجك
هذي اللي كنا نتراسلها انا وصديقاتي بين بعضنا بالفصل
يعني تلاقين كل سوالفنا بالبيت وكل اللي يصير معنا بهالرسايل ..
ننتظر سنتين واشوف رميتها والا لا

اجل مالفت انتباهك الا كرتون الدونات تصدقين مع البنات له طعم ثاني
وحالنا بعد الدراسه ..مامثله حال ..فضاوة ووناسه وفله..
وين نلقى كذا باايام الدراسه
الحمد لله مالحقت على التراكمي كـان جبت العيد فيه..
ماتجوز لي دراسه كذا..

تسلمين عسيريه على وجودكـ الروعه..ورده

هامور البورصه..
هلا والله..
صادق ايام الثانوي احلى الايام والله ..

إقتباس اووف كل هذي رسايل صرااحه حركات يالبنات بس يمديك تقرينها كلها صرااحه مايمديني ولا فيه امل

مدري اتوقع كل يوم اقرا شي وبكذا يمديني

إقتباس الف الف مبروووك <=== دايخ توه ينتبه بس ماشاءالله حركات الشهاده

الله يبارك فيك
اجل حنا بنات همج اشوفك من تالي تغلط علينا كثير..بس المسامح كريم
وحنا مؤدبات وحليلات وسنعات ونعومات بعد
بس نطلع لكم الوجه الثاني علشانكم ماتستاهلون الوحده تصير ناعمه لكم
والله ايام الاجازه مرت بسرعه..كنت ابيها تمر بسرعه..والحين اقول لاتروحين بسرعه
احس تعودت على البيت ..
الله يعافيك طارق..
وتسلم على وجودكـ الروعه .. ورده

غلا روحي..
هلا والله..
الله يعين الجميع
وحياكـ الله

abo sager
هلا والله..
حروف ليست كالحروف ..الزياده عليها كالانقاص منها
ماشالله تبارك الله
تسلم على وجودكـ الاكثر من رائع .. ورده

بلد الوليد..
هلا والله..
اجل تحسب انه خاطره
بيني وبينك ..لما تتخرج راح تحس بطعم المدرسه ..
خاصه بالجامعه بيكون الوضع مختلف..كل واحد بيكون بمكان
فهنا تحلى الذكريات ..

إقتباس رعبوبة الزعيم ,,,ابداع خلف هذا اليوزر لا تحرمينا منه

من ذوووقكـ خيووو ورده

وش فيك تضحك على رساينا
لو عندنا جوالات بالفصل كان البلوتوثات شغاله ..بس ماعندنا غير الاوراق
قديمك نديمك

إقتباس وآآآآآآآآآآآآآآآآآآآهـ يادانكن دونات والله ما توقعت البنات يسوون كذا

ماشالله عليك ماشفت الا دايكن دونات
كلك كنت جوعان ..

والله يعينكم على التراكمي.. لو انا منكم فصلت <<بتخربهم
تسلم على وجودكـ الفنتاستك ..ورده

][the bast ][
هـلا والله..
وحياكـ خيو ورده

^العنود^
هلا والله..
ايه مكالمتكم جابت نتيجه
سمعت اصواتكم وانفتحت نفسيتي للمواضيع
والسنه الجايه بكون ودعت الركب احجزي لك معهم مكان لما الحين
علشان ماتطير الحجوزات
تسلمين على وجودكـ .. ورده

رورو

شفيكِ مستعجله ع الردود ، اصبري شوي انا برد باقي

<<< ماخذ مقلب في نفسه

لي عودهـ قريباً والله ما عاد اشوووووووف النوم عامل عمايله .

حبيت اسجل حضووووور ، والعوده قريبة بإذن الله .

جرحرح

إقتباس الرسالة الأصلية كتبت بواسطة جرح يشكي رورو شفيكِ مستعجله ع الردود ، اصبري شوي انا برد باقي <<< ماخذ مقلب في نفسه لي عودهـ قريباً والله ما عاد اشوووووووف النوم عامل عمايله . حبيت اسجل حضووووور ، والعوده قريبة بإذن الله . جرحرح

هلا والله جرح يون..
ماني مستعجله على الردود بس بسافر بكره وانا ماحب اسحب
يمكن مااقدر ادخل نت هناكـ..
حياكـ الحين وبعدين ورده

إقتباس لا ابد ما ني منقهره ولا شي وانا ما احب الحفلات ترى ودموع ووداع وبعدين أتذكر الايام الخوالي مثلتس واصيح

اهاا منتي منقهره
لا ابد ماكان فيه دموع الدموع كانت بآخر يوم بالإختبارات
ماكان فيه الا الوناسه.وزفونا كنا عرايس ووناسه
وعادي اصيح فدوه لذكرياتي

بنـ**الزعيم**ــت..
هلا والله ..
الله يعينكـ ..فراق الصديقات مو شي هين ..
وهذا حالنا اذا جت المدرسه طفشنا واذا عطلنا طفشنا مافيه
شي يعجبنا..
بصراحه لما اجلس على النت ماتهمني عيوني انسى كل شي
نظري بعد نازل عن اول ..
عجزت..يالله حسن الخاتمه

إقتباس يقولك فيه فااار سكران يناظر اسد بطرف عينه ويقوله : فيه واحد يبي يتسطر اليوم ويشرب ويرجع يقول :فيه واحد يبي يتسطر اليوم ويشرب وعلى هالحاله قام الاسد وسطر الفار قال الفار : ماقلت لك فيه واحد يبي يتسطر اليوم ...؟!

خخخخخخخخخخخخخخخخخخخخخخخ
الله يرجك انتي ونكتتك والله يوسع صدرك
ولا يخليك من صديقاتكـ,,
تسلمين على وجودكـ التحيف.. ورده

BLUE-STAR
هلا والله..
ماشالله عليك شكلك تبعنا عاطله مثلنا
بالله ماتحسين ان حنا عاله على المجتمع ..
يالله الرم الثاني بالطريق.. الله يوفقنا
تسلمين خيتوا على وجودكـ ..ورده

ريري هكتور..
هلا وغلا ..

إقتباس من يصدق ؟! يمر الوقت ماشوفك وأصير بلهفتي موجوع ويمر الوقت ماأدري وأيام الزمن تجري .. ساعه بعدها ساعه واسبوعً وراه أسبوع بعد ماكنت أنا أشوفك سبت احد أثنين ثلاثا وربوع .. وأجي طاير صباح السبت لأني فاقدك يومين ويسبقني وله عيني قبل أعرف مكانك وين واليوم ،، يمر السبت ويروح السبت ولا أدري عن أحوالك ضايق ولا حالك زين ؟!!!

لو غيابك عني | واقع | . . بعـدي عنك | مستحيل |
ما يعثرنـي غيابك .. لو يصير اسمك غيـاب !
روح و ارجع / روح و ارجع / يا عسى عمرك طويـل
واوعدك ما راح تسمع مني اي كلمة عتـاب
خـذ من " المجنـون " حكمهـ
فيها تحريفٍ جميل ..
ما يحرّفهـا جهاله .. ولا يصيـب الا الصـواب
اصلا المشـوار ( خطوهـ )
تبتـدي بعـد 1000 ميـل
و دامـه اختـارك عذابـه .. [ ظلمـ ] تحرمه العـذاب ..

***
امي بالفضاوة
والله جلسة البيت رهيبه بس صدقتي لاتطول كثير
علشان ماتتحول طفش بس البريك اللي اخذناه ماهوب شين

إقتباس وش يعني لتس سهر الليل ياشقشوقتي

السهر
ابعرف الناس شلون تنام بدري ..ياازين السهر ..
مافيه شي بالدنيا بحلاته
اكيد توافقيني الرأي ياشقشوقتي

إقتباس الزم ماعلى الواحد وناسته والا رورو

اكيييد
وخصوصا انا وانتي
اهم شي وناستنا ..

تحسين جلسة البيت حريه يعي كفايه بس لما تقهرين اللي يداومون بالبيت
انهم يداومون وانتي بتنامين <<دايم تقهر اختها

إقتباس والله اني يالغلا فاقدتس هاليومين أعذريني يالغلا وائولها اوئدام العاااااااااااالم انا بعتزر اشد الإعتزار

وانااا فاقدتك اكثر والله
وعاذرتك والله..عذركـ معك ..
ماتعتزريش ماتعتزريش

إقتباس هههههههههههههههههههههه هههههههههههههههههههههه ايه حتى باللي خابره تقول لاااااااا قلوب لها من هنا الى ملزمتها

<<مواصله القلوب الى ملزمة المذكوره

إقتباس تدري لو السحاب يعاشر امثالك !! كان جف المطر عن الناس وأمتلكته ... تدري لو الناس كانوا من أمثالك !! كان طابت دنياي والهم ما عرفته ..

غلطان من قال إن الوفا نادر
دامك بهالدنيا كل الوفا موجود
يانادر بالزين ويا شاغل الخاطر
من يفقدك أشهد إنه غدى مفقود
عـــش يومــــك ولاتفكر بباكر
لو أبعدتنا الأيام يبقى الأمل موجود

تسلمين يالغلاا..ورده

ماجد مقبل..
هلا والله..
انا بإجازه الحين
الاخبار كان ودي انزلها ..بس مااظمن الاوقات اكون
موجوده اوقات تنزيل الاخبار..
من ناحية ايام الدراسه سنكرس العمر فأزيدك من الشعر
بيت واقول الدراسه ببسي العمر
وفكره الطبخ تراودني هاليومين
شكلي بتعلم
تسلم خيو على وجودكـ ورده

...SoMe OnE...
هلا والله
وكيف لاتكون معاني جميله وهي لحظات تذكر الاصحاب
اتمنى ان تكون بالتقدم نحو الامام ..لي ولهم
رااائع جدا سوم ون ورده
تسلم على وجودكـ ونثر حروفكـ ورده

المرعبـه ..
هلا والله..
صدق انه فصل كئيب وتصبحين بوجه ذا المدرسات
اللي وجيهم كنها يوم السبت بس مع الصديقات ..تحسين كنك جالسه مع صديقاتك بستار بكس ماهو بالمدرسه
والخربشات والرسايل ..مدري وش اسمي البنات اللي مايحبون الذكريات <<ماتقصد منار
بس الذكريات اغلى شي عندي.. وخاصه انها من ناس غالين
وان شالله تتخرجين من الكليه وتبشرينا

إقتباس فعلا صار هذا تفكير البنيه ماتتعلم شي الا اذا صار العريس عند الباب طيب تعلمي من البدايه وشو يعني بينقصك شي لازم تتعلمين رورو عشان اذا جاء المعرس تكونين طباخه سنعه>>ابوهم يالمتعلمه انتي

ايه والله تراني افكر هاليومين اتعلم الطبخ مثل ماذكرت سابقا
اصلا الحين الوحده المزوجه زين اذا عرفت تطبخ بعد

إقتباس الف شكر لك رورو وعقبال ما نشوفك غاطسه بالمذاكره والاختبارات

فالك ماقبلته
العفووو ..
وتسلمين على وجودكـ يالمرعبه..ورده

abu_riman
هلا والله..
(الوحده) هي من تدفعنا دائما الى البحث عن الذكريات وتقليبها..
حتى لو كانت النتيجه الألم..فألم الأحباب ..كالعلاج دائما..
ابو ريمان ..كلامه حكم..
تسلم على وجودكـ وحروفكـ .. ورده

ღ سيموღ
هلا والله..
اهم شي ان الموضوع اعجبكم..
بس بالايام اللي راحت كان الكسل مسيطر علي ..ماكان يطلع معي
شي يناسب المجلس.. كسووله
الذكـريات ..الطريق الوحيد للوصول إلى الأحبه ..
..
سيموا ماشالله عاطل مثلنا ماخذ بريك
صح انا نحس بالطفش لانا نجلس بالبيت وماعندنا سيارات
انتوا عندكم سيارات وتروحون وتجون وتطفشون <<بدا شغل الحسد
صح العطاله حلوة بس لاتطول
يقولك الشي اذا زاد عن حده انقلب ضده

إقتباس موضوع رائـع , وأحرص دائماً على حضور مواضيعك المبدعة

من ذوقكـ خيوو ورده

تسلم على وجودكـ المميز خيو.. ورده

الكلاسيكي..
هلا والله..
المنتدى منور بوجودكم ..
ايه والله زمان غبره يوم ضغطت على موضوع جديد
الذكريات حبيست الدراج.. وبكل فتره وفتره..اطل عليها
واتذكر

إقتباس رورو .. ايتها العاطله .. ! لو بقي من الوقت كان قلت استفيدي بدراسه في احدى المعاهد ولستي ملزومه بدراسة انجليزي او حاسب .. فيه معاهد جديده مثل معاهد تصوير واخراج وهندسه صوتيه .. الصراحه لو كان عندي وقت كان فكرت فيها .. اغبطك على الوقت ..

خلاص مابقا وقت
بعد 15 يوم تسجيل الجامعه ..
ان شالله يكون عندكـ وقت فراغ وتدخل معهد .. مع ان كان ودي ادخل دوره مكياج
بس مالقيت مكان سنع..

إقتباس ثاني شي انتبهي من الببسي .. ! والله نصيحة اخ لاخته .. الحمد لله كثير الآن تركوه او على الاقل خففوا منه .. لان ضرره اكبر بكثير ..

والله الببسي مرض وادمان ..
حاولت اقطعه ولا قدرت .. اذكر اني قطعته 3 شهور ..ورجعت
له اكثر من اول ..
ان شالله اتركه ..

تسلم خيو على وجودكـ الروعه.. ورده

خالي من الهم..
هلا والله..
محد قالك سافر مو موسم تنزيل المواضيع المهمه <<ماخذه مقلب بنفسها
اما الحاظر بالماضي بالمستقبل
انا ماني كسوله من قال انا بس بارده .. والبرود يسبب الكسل يعني وش ذنبي

إقتباس أقص يدي يارعبوبه إنكم وقتها متأثرين بالمصارعه الحره الي تجي بالقناه الثانيه

ياربي القناه الثانيه ذكريات كح كح مغبره
بس وش فيكم ترانا مرتبين بس ذا كان بحفل التخرج
بعدين من هم الحانوتي وشون مايكل <<مالها بالمصارعه

إقتباس بس سؤال يوم إنتوا كنتوا تتضاربون بالكراسي من الي جايه ومسويه فيها قويه وجت تضاربكم بالكراتين.

الله يرج بليسك
الظاهر انها ابرار هي اللي تتهاوش بالكراتين <<بلشت صديقتها
ترجع بالسلامه ان شالله خيوو
تسلم على وجودكـ خيو .. ورده

كل الفن هلالي..
هلا والله..
الذكريات .. الطريق الى السعاده او التعاسه..
فتاره تضحك..وتاره تبكي ..والنتيجه واحده ..هي الذكريات..
تسلم على وجودكـ خيو.. ورده

إقتباس ههههههههههههه عرايس من غير معاريس اجل صيحي كل ثانيه وكل دقيقه لين اتجف دموعك

مانبي معاريس الحين ..تونا على الشقى والعذاب
اكيد بصيح يازين الصياح على الذكرى

ابو طـــــلال..
هلا والله ..

إقتباس موضوع حلو ... اقدر اسميه موضوع ( رعبوبي )

تسلم خيوو ابو طلوا من ذووقكـ ورده

بعدين قل ماشالله
ماشيكت على شي كتبته .. وترددت انزله..بعدين نزلته ولا شيكت
تسلم على وجودكـ خيوو .. ورده

إقتباس اهاا منتي منقهره لا ابد ماكان فيه دموع الدموع كانت بآخر يوم بالإختبارات ماكان فيه الا الوناسه.وزفونا كنا عرايس ووناسه وعادي اصيح فدوه لذكرياتي

[/QUOTE]


ههههههههههههه
عرايس من غير معاريس
اجل صيحي كل ثانيه وكل دقيقه لين اتجف دموعك

كعادتي حفظني الله آخر واحد يرد
كل يوم برد وأنسى
لحد ما وصلت الصفحه إلى الصفحة الثالثة
_____________________

دام وضعك كذا يا جواله الزعيم
إعرسي ، وكبري المخده إلى الأبد
أحس إني بنفرش من المشرفين لأني رفعت الموضوع بس إني حالف إني لأرد

عشت حياه العطالة مثلك يا زينها بالبدايه ويا شينها إذا طولت

دمتي جواله
جواله الزعيم N73

وعليكم السلام ورحمه الله وبركاته

هلا وغلا ورده

ندخل بالموووضوووع



ذكرتيني بثالث ثانوي واوراقي بس اوراق مذاكره مو رسايل
ماشاء الله وش هالرسايل



ااااااااااااااااااه يافصلي بس
وش هالحوووسه
حلو فصللكم

إقتباس وفي ناس انواع الحسد لما نسهر عاد مو قاله من هم

مهيب انا صح
احس اني بفصل بسببكم الله يصلحكم بس

إقتباس والله الصدق الصدق كرهت المكالمات الهاتفيه حتى جوالي مرمي بالصاله او بالغرفه ماادري عنه الا اذا دق وسمعته رحت رديت ..

اووووووه الاتصاااالاات مره قطعتهاا حتى صديقاتي ماصارو يتصلون علشان قاطعه
بس وش اسوووي اكره اكلم احد حتى لما يكلموني ماحب اطول مرره اطفش
يمكن لاننا بعدنا عن بعض ماحس فيه سواليف بيناا



الذكريات وذكرياااا المدرسه اااااااااااه منها
انا عاد احب اقف على الاطلال كثيررر ياحبي لي وفيه
بس الحمد لله صداقاتي القريبه لي ماكانت كثير يعني الاغلبيه كانو زماله بس
فلذلك ماتاثرت بفراق المدرسه كثير وفراق الصديقات
لان صديقاتي محدودات الي افقدهم
يمكن لاني اعرف شخصيتي زين وان الصداقه راح تعلقني بعدين بفترق فليش اعذب عمري
فصرت احرص على الزماله بس

في كل يوم يروح يحمل ذكرى حزينه او سعيده
جعل كل ايامك وذكرياتك سعيده



يالله الله يوفقنا بس وقرب الفصل الثاني اخيرراااا مابغى
اخيرااا بتصيري تدرسي مثلي وماتقهريني

إقتباس رورو..ورده ورده (( ر ع ب سويسرا 999 ))

ه ن و ايطاليا 999
لاتحتكين برقم 9

رروروو
اطلاله تبعث في الروح انشراح
اعتذر عن التاخير وعن الرد الي مدري وش يبي
لاعدمت لك تواجد

بس وش هالسمايلات خلصتيهم يابنت

ود يليق بك

وعليكم السلام ورحمه الله وبركاته

هلا والله رورو

في البداية اعذريني على الرد المتأخر لظروف الحجوزات <--- يرقع


وش ذا كل ذي رسايل ؟؟؟ الحين ماتتعبون من الكتابة ؟؟ اشك في هالشي


بس رسايل ورق زينه ..

مره بالمدرسه واحد من اخوياي يبي يعبر عن شعوره

تجاهي قام وفلقني بحصى يوم شلت الحصى الا وعليه صورة قلب ومكتوب الى اعز صديق

ـخخخخخخخخخخخخخخخخخخخخـ


عاد انا اذا تذكرت المرحلة المتوسطة بالذات يطرالي مدرس لو تجيه تقول بروح اشرب

يمسكك مع الشعر اللي عند الاذن ويعفطه ويعفطه ثم يرفعك فوق وقتها تحس بهالمكان اللي

مسكك معه وده يطلع لين قبال وجهك ويقول : يرحم امك لا عاد تقوله بروح اشرب مت يشيخ ولا تقوله

قسم معاناة مع ذاك المدرس الله يسااامحه ..!!


يعطيك العافية رورو على الموضوع

إقتباس دقيــقه من دقايق هالمكان تسـوى مية عـام .. هنـا ساعاتنا ما تلحـق ثوانيـنا .... هنـا ياما تعاهدنا .. هنــا ياما غدينا / اخصـام .. هنـاياما تعاتبنـا .. هنا ياما تراضيـنا ... هنا كنـا .. نصيـح .. وتحتوي صيحـاتنا الانسـام.. لطيــفه .. كنها لامن تجــادلنا .. تهديـنا

^^^^
عجبتني




مـدري ليـه البنات يعــزون هذاكـ الشيئ اللـي يسـمونـه رسـايـل

من جد نعزها معززه حمدالله والشكر .. صديقات ونشوف بعض كل يوم ونتـراسـل << مدري وش يحسون بـه ..


بس ونـاسه ذيـك الأيـام أحسـن من اياااام الجـامعه بـألـف مــره



وسعـي صدركـ وفليـها لاحقه عالشقى والكـرف

مس رورو يعطيكـ العافيه على هالموضوع والتنسيق الفنتاستك

قلبتي صفحاات قديمـه بموووضوع رووعه

ورده ورده ورده

هلا وغلا رورو..



هذي الفيسات في الزعيم؟؟؟؟
لاهنتي دليني على المنتدى اللي اخذتيها منه...




هذي الصوره ذكرتني باولى متوسط ..
مع بعض الاختلافات الشكليه ..

حاذفه ترم يا كسوله ...
وانا ان فكره تحيفه بالحيل لكن قسم لو ما اتخرج على الموعد المحدد ان يمسطني الشايب..



يعطيك العافيه اختاااااه ولا تنسين تعلميني من وين جبتي الفيسات التحيفه...










سلاااااااااااااااااااااااااااااام