|
إستغلال السلطة بغير محلها :: أضرارها ومنافعها إن كان لها منافع . السلام عليكم ورحمة الله وبركاته بالأمس وأنا متجه للبيت وخلصت كل أشغالي وكانت الساعة التاسعة بالليل تقريباً . كنت واقف عند أحد الإشارات وإذا بي أتفاجأ بسيارة دورية أمن مشغل السفتي وقاطع الإشارة . وبحكم أنني واقف في أول الصف :D قلت عسى المانع خير والله يستر . المهم تفاجأت أن سائق الدورية وقف عند أحد محلات الكوفي شوب واللي ما تبعد عن الإشارة 200 متر . وجالس الأخ يطلب شيء يشربه . طبعاً وهو يقطع الإشارة كانت فيه سيارات مفتوح لها الإشارة الخضراء وأضطروا للوقوف لكي يمشي حضرة جنابه . والمشكلة وأنا متأكد أنه إما أن يكون جندي لا يحمل الشهادة الإبتدائية وموضوع له هذا الإحترام الذي لا يستحقه . وهو يفعل هذا الفعل . عندما رأيت هذا الموقف تبادر إلى ذهني الكثير من المواقف التي يستغل فيها الشخص منصبه في غير محله بل ويظلم الآخرين . لن أستدل بغير هذا الموقف متمنياً منكم أنتم إخواني الأعضاء ذكر مواقف تم إستغلال المناصب فيها بشيء لا يقبله لا عقل ولا تفكير . ماهي العقوبة من وجهة نظرك لمثل هذه الأمور ؟؟ هل يحق لنا الإبلاغ والتبليغ عن مثل هذه الأمور ؟؟ رأيت سيارات خاصة بالشركات يضعون عليها ملصق يقول إذا كان لديك أي ملاحظة على السائق إتصل على الرقم .... لماذا لا يكون هذا الملصق في سيارات المرور ؟ وتكون هناك جهات مسؤولة لمعاقبة من يستغل منصبه في غير محلها ؟؟ أشياء وأشياء كثيرة عندما أتذكرها أتمنى أن تضرب الحكومة والجهة المسؤولة بيد من جديد لتربيتهم من جديد !! أخيراً لجميع من سيرد على هذا الموضوع أرجو الرد بكلام يفيد القارئ والمتلقي . أما ردود الله يعطيك العافية وشكراً فإن كان ولا بد منها فأرسلوها لي على الرسائل الخاصة إن كانت دعوتكم صادقة . ولا أحب أن أشاهد رد تقليدي مثل موضوع مهم وهكذا ومن يريد أن يرد بمثل هذا الرد فأنا سأختصر عليه وأضع له رداً جاهزة ليس عليه سوى نسخه ولصقه . فلا نريد أن نتعبكم ونستهلك أوقاتكم الثمينة ونحن لا نستفيد !! خذوا هذا الرد وأنسخوه وألصقوه يا إخواني الغير راغبين بالنقاش : إقتباس:
شكراً متعب |
إقتباس:
ليس هكذا تؤكل الكتف اخوي ابو عبدالله ... استغلال المنصب خاصة ما يتعلق منها بالمنصب الحكومي هي من كوارث العالم العربي خاصة ونستطيع القول ان أحد اسباب تعثرنا في التطور والتغيير هي تلك المناصب التي تستغل مكانتها في غير مكانها الصحيح في عالمنا العربي نتفاخر عن جهالة ان لدينا البرج الفلاني والشارع العلاني والسيارة أم شموع " زنن " !!! بينما الآخرين قد بلغوا المجد علما وثقافة وتقنية ونحن لنا الله يا غافل ... الآخرين يتفاخروا بشهاداتهم ودوراتهم وابحاثهم وعلومهم ونحن نتفاخر بانني اعرف فلان واكلت في ذاك المطعم واشتريت ملابسي من ذلك المعرض !!! ويا قلب لا تحزن ... المشكلة ليست رجل مرور او شخص في منصب ما وليست وضع رقم هاتف للشكوى ... انما المشكلة هل لدينا رغبة حقيقية للحد من مظاهر الفساد ... هل يوجد في كل قطر عربي مشروع وطني لمحاربة الفساد والمفسدين الذي يعيشون على قوتنا وقوت ابنائنا ... ام اننا نكتفي بشعارات لا تتجاوز الحبر الذي وضعت عليه ... وهنالك كارثة أخرى ان النشئ ينمو ويكبر وفكره منصب كيف يكون العلاقات التي تحقق مصالحه حتى تلك التي تكون غير مشروعة !!! نشأ لا يفكر كيف يخدم وماهي واجباته وحقوقه ومسؤولياته ولكن كيف ينضم الى قافلة الواسطات وبالتالي الى قائمة العابثين في قدرات الوطن ... كثير تلك الحكومات العربيه التي سخرت كثير من الامكانيات حتى تحقق نوع من الرفاه لمواطنيها ولكن الكارثة تلك النماذج التي تستغل مكانتها للأسائه الى النظام ككل ... جميل ان يكون هنالك في حدوده الدنيا هاتف لتلقي الشكاوي ولكن من المميز جدا ان تكون هنالك متابعة حقيقة للتحقق من مثل هذه الشكاوى واتخاذ الإجراءات النظامية تجاه من يتاجر في منصبه بمصالح الوطن ... اتذكر للأسف الشديد ان سيارة رجل أمن في اليمن كادت تؤدي بحياة اسره لأنه تجاوز الأشارة الحمراء بسرعة جنونية و كان الواجب ان ينتزع من مكانه ويلقى خلف القضبان ... لأن هذا المنصب تكليف وليس تعظيم يحق لك من أجله التهاون في حياة الآخرين ... شكرا لك ابو عبدالله ... والله يعطيك العافيه |
إقتباس:
كثير ممن رغبو بالنقاش تراجعو بسبب الفقره الاخيره !! يعطيك العافيه ! |
^^^^ وهذا ما أتمناه الأهم هو الفائدة من الموضوع . عندما يدخل العضو أو الضيف لأي موضوع يشاهد بكل رد معلومة أو نقاش صحي وليس شكر . لا يهمني الشكر كثر ما يهمني النقاش وأني أطلع ويطلع غيري من الموضوع بفائدة . فهذا هو الهدف الأساسي من المنتديات . لا أريد تغيير الموضوع . فما رأيكم بإستغلال السلطة بغير محلها وما هي العقوبات اللازمة وكيف نوصل شكاوينا وأعطونا أمثلة لما شاهدتموه من إستغلال السلطة . |
وعليكم السلام ورحمة الله وبركاته..! كل من يريد الوصول لمرتبة مهمة ..! لكن ليست بهذه الطريقة ...! توقف غيركـ من أجل أن تمر سعادتكـ ...! لا أعتقد أن هذه قاعدة يؤمن بها ( رجل الأمن ) ..! أنت تمثل مكانة لم يستطع غيركـ التقدم لها ..! لم تكن له كتلك الجرئة ,, فأتيت أنت مكانه , ولكن للأسف لم تحترم ذلكـ المقام ..! بل وأصبحت تشوه صورة رجل الامن لدى المواطن ..! وأعتقد أن مثل هذه الحالات , تتطلب متابعة من المدير العام للقسم ..! أما نحن فلا نملكـ إلا الله والتبليغ ..! ولا أعتقد أن فكرة الملصقات هي الافضل ..! يعطيك العافية |
إقتباس:
متعب كذا خلاص أكون رديت :d هلا وغلا متعب والله المواقف كثيره الي فيها إستغلال للسلطه وحقيقه هالشيء نشوفه دائم عند البوفيات الصغيره والمطاعم من قبل رجال الدوريات وأنا هنا والله ما ألوم الجندي كثير ما ألوم المسؤولين الكبار يعني هالجندي استغل سلطته في كوب شاهي:d بس الكبار الله يكفاني ويكفاك شرهم استغلوا مناصبهم للواسطه في التوظيف في قلب الحقائق وبعطيك موقف. قبل سنه تقريبا أحد الزملاء صار له حادث طبعا الغلط على السياره الثانيه 100% . طبعا جاء الجندي وخطط الحادث وخوينا بكل طيب نيه حرك الموتر . يوم راحو القسم الا وراعي الموتر الثاني ولد عم ظابط بالمرور وحطو الخطا 50% ليه لأن ولد عمه مو مسوي تأمين وزوروا بالتخطيط حسبنا الله وبالأخير بكل وقاحه يقول الظابط التأمين بيصلح لك الموتر . المواقف كثيره بس أخاف أجيب العيد فكني تكفا :d. لاهنت يامتعب على الموضوع الرائع:tongue2: |
وعليكم السلام ورحمة الله وبركاته حياك الله أخوي مولع بالهلال .. مووضوع قيم وهادف ..!! بالنسبة للمشكلة اللي طرحتها مهيب غريبة ولاهي أول مرة تصير لأن في الغالب أغلب سائقين الدوريات تلقااه مايحمل شهادة مثل ماتفضلت وذكرت وإلا إنه عربجي سابق وغاصبينه على دخوول العسكرية :d:d فمن الأفضل إنه يكون هناك توعية لرجال الأمن وعمل محاظرات تثقيفية توعي وإنه يمنع تسليم قيادة سيارة الدورية لغير خريجين الثانوية العامة يعني عالأقل يكوون فاهم دوره على أكمل وجه ..!! وأزيدك من الشعر بيت أخووي قبل فترة حصل معي نفس ماحصل معك لكن الفرق إنك أنت شفت دورية لكن أنا شفت إسعاف مشغل السفتي حتى الناس يوخرون عن دربه وبعد ماوخروا عن دربه الرجال وقف عند بقالة يشتري يعني بالله عليك ذوولي ناس تستاهل إنك تأمنها على شي .. بس للأمانة الموقف ماحصل بالرياض حصل بمنطقة القصيم :stoned: إقتباس:
إلا بعد مايثبتون حسن سلوكهم وحسن حفظهم للأمانة اللي عاتقهم ..!! إقتباس:
بيعطيك وجه إذا بلغت :stoned: لكن هذا مايمنع بالتأكيد إنك تبلغ عن مثل هالحالات ولازم يكون فيه رقم خاص للتبليغ على مثل هالحالات والظواهر ويتعامل معها على محمل الجد ..!! وقواااااااك الله أخوي مولع وشاكر لك على موضوعك القيم ولاهنت ياغالي .. وفتك بعافيه ..!! |
وعليكم السلام ..,, هلا فيك أخوي مولع بالهلال ..,, موضوع سبق وإن تكرر , وبالنسبة لكلامك فـ للأسف كثير ما نرى ونشاهد من رجال الشرطة يتلاعبون بمهنية وأمانة عمله , فـ الموقف اللي ذكرته كثير ما يتكرر من الجمـيع , ويمكن تكون هذي الأفعـال دليل على أن بعض الأشخاص اللي يعمل في مجال مهنته تنقـصه الثقـافة ومبدأ الاحترام لعمله , وإلا موقف هذا الشرطي مفروض أن يعاقب بأي عقوبة بناءً على تصـرفه , وغير هذا نظرة الغير لـ فعلته الغير مبررة أبداً , يعني لو شاهد طفل هذا الموقف يمكن يتساءل ؟ إذا كان المسئول أو رجل الأمن يفعل هذا الشيء فـ ما بالك بغيره من الناس . يمكن في دول الغـرب لا نرى مثل هذا التصرف ابداً , لأن هناك يمشون وفق أنظمة وقوانيين تعاقب من يحاول إخلال بنظام مهنته , أما هنا فـ حدث ولا حرج من التصرفات التافهة اللي تكرر منهم ..!؟ أتذكر موقـف ويمكن موقـف تعجبت منه كثير وكثير وأكثر , وهي قصـة حقيقية وقعـت في مدينة الرياض تحديداً في حي النسيم , ولا ودي أذكرها من شدة التلاعب والاستخفاف بالموقف هذا وردة فعل إمارة مدينة الرياض , وجعل القضية حبيسة الأدراج , مع انه ظلم وبشاعة أن تستغل براءة الأم والبنت لـ نوايا أشخاص هم ( نكرات بالأصل ) ما عندهم أي أدنى إحساس ولا أمانة بالمسؤولية ..!؟ :) عموماً أخوي مولع .. لا أزيد على كلامك وكلام البقية .. نحتاج إلى قوانين صارمة تجاه من يتهاونون بمهنتهم وعملهم , وأتمنى من كل قلب محاسبة المتسببين في قضية الأم والبنت في حي النسيم ..! / موضوع يستحق النقاش , وبأسلوب مميز ,, يعطيك العافية , دمت بخير ,, ورده |
موضوع كهذا يطرح مثل هذا النقاش أرى أنه لا بد أن يكون في صدر الصفحه. رفع للموضوع |
وعليكم السلام ورحمة الله وبركاته .. أهلاً وسهلاً بك اخي المبدع متعب .. بالفعل اتفق معك كثيراً .. فالسلطه في كثير من الاحيان تستغل سلبياً .. ! والمشكله اننا لانستطيع منعهم او مناقشتهم حول اخطاءهم ودائما مانسمع بـ حصانة شرف المهنه .. أي حصانه ان كانت ضاره .. المشاكل كثيره .. واهمها ويحدث دائما الدكتور في الجامعه .. ! متعب .. لاعدمنا حضورك .. تقبل فائق احترامي .. دمت بخير |
السلام عليكم هلا متعب أول شي أحب أشكرك على هالموضوع الجريء نوعا ما .. وشكري لك مهب لانك فتحت موضوع جديد وكذا .. شكري لك لانك قلت موقف غريب صار لك وحبيت اننا نتناقش جميع فيها .. بغض النظر اذا كان هالموقف يتكرر يوميا قدامنا .. وشخصيا مايمر يوم الا وأشوف الحركه النتنه هذي صراحة .. وأعيد وأقول نتنه أيضا .. لان بعض من سُُلموا سلطة .. ومهب أي سلطه للأسف .. تجدهم يستدخمونها استخدامات لاأجد أي مبرر لها .. طبعا خلاف انه اذا لاسمح الله صار لك حادث .. عادي وعادي جدا يمر من جنبك دوريه وآخر مايفكر فيه أنت .. ليش ! لان دوامه بيخلص بعد ساعه وانت وحادثك ممكن تاخره خمس دقايق عن التسليم .. لذلك بالطقاق الي يطقك انت وسيارتك !! قبل أبدأ بالنقاش حول هالامر .. اسمحلي يابو عبد الله أقول لك موقف سبق وصار لي .. ممكن أكون قلت لك هالأمر .. لكن ودي ان كل الناس تعرف عن هالي صار .. في بداية العطله الصيفيه الي راحت .. رحت انا واثنين من الشباب لديره معينه .. بنحظر زواج واحد من الشباب .. المهم وصلنا الديره بالسلامه ولله الحمد .. وقتها كان وقت صلاة العشاء قريب انه يدخل فـ ماحبينا نقلط ببيت أي واحد نعرفه هناك لاننا مانبي نطول هناك لاننا ناوين نرجع آخر الليل .. المهم وقفنا عند اشاره .. قدامنا أربع سيارات تقريبا .. فيه دوريه بالسيد الي جنبنا .. قدامه تقريبا سيارتين طبعا أبو الشباب غثنا ببوري سيارته .. يمكن ضرب بوري ستين مره .. اول واحد كانت هايلوكس أعتقد .. طبعا أي واحد بمكان راعي الهايلوكس بيوخر شوي او بيقطع الاشاره اذا كان مايقدر يوخر شوي يمين او يسار .. ,, .. راعي الهايلوكس وخر شوي او انه كان بيقطع الاشاره .. الا يجيك راعي فورد ماشي ألف بيلحق الاشاره ( ومن حقه طبعا ) ويصدم راعي الهايلوكس وتروح سيارة الهايلوكس عشر مرت والفورد مادري وينها .. طبعا راعي الدوريه كان مشغل السفتي .. يوم شاف الوضع كذا وصور هو اول واحد بالاشاره ( كون راعي الهايلوكس صار عليه حادث والي وراه وخر شوي يسار ) .. كل واحد يقرى السالفه هذي بيقول ايه اكيد هالنشمي وقف بالسياره وراح يسعف المصابين وينقلهم للمستشفى ! .. طبيعي لان هالشي هو الي مفروض يصير .. وراح يصير .. فقط .. اذا كان في ديره ثانيه غير ديرتنا .. الي صار ان راعي الدوريه سكر السفتي ولف مع الاشاره يمين ( وكان يقدر يروح يمين حتى وراعي الهايلوكس ماوخر .. بس واضح انه كان يبي يروح قدام ) .. راح يمين وسكر السفتي وماشفنا الا غباره .. فتحت الاشاره وشفنا راعي الهايلوكس الا الحمد لله مافيه أضرار كبيره ( وكان فيه عائله اتوقع انها تتكون من ام وبناتها الشابات ) .. راعي الفورد مادري وينه بس آخر ماشفناه ان راعي الهايلوكس قدر يمشي بالسياره ويوقف يمين ويغير كفر السياره ويروح بحال سبيله .. الموقف الي فوق هذا .. الله لايوفقني لا دنيا ولا آخره اذا كنت كذبت بحرف واحد .. طبعا كل الي صار لان النتن صاحب الدوريه ماله خلق يوقف مع خلق الله عند الاشاره فـ حب انه يقطعها .. لانه بكل بساطه يشوف نفسه أرفع منهم .. للأسف آراكم حول هالي صار ! .. اما بالنسبة للموضوع نفسه يامتعب فـ بخلاف اننا كل يوم نشوف شغلات زي كذا .. سواء دوريه يقطع الاشاره أو دوريه يمشي غيرك ويوقفك أو يصير لك حادث وينوكل حقك عينك عينك أو أو أووو ... الخ .. أقدر أقولك ان المشكله مهب في هالي مايخافون ربهم .. المشكله في كيف الأشكال هذي تمسك أمن دوله !! ما أقول ان الي جابهم مخطئ .. لكن ليش مايكون فيه رقم زي ماقلت يكون للتبليغ .. عن الشرطي نفسه !! .. ياخي اعلن عن رقم معين يكون للتبليغ عن هالأشكال !! .. أذكر شفت برنامج قبل كم سنه .. كان الضيف ناسي مين بس مسؤول رفيع بالامن .. اتصل واحد وقاله عن هالشي .. قاله اذا صار هالشي بلغ عليه وبنتخذ الاجراء الازم !! طيب ياحبيبي المعروف ان الشرطي هو المصدق ولو تجيب أدلة العالمين .. ماراح يصدقونك وراح يصدقون ( كلامه ) .. ليش لانه حامي دوله !! وأي حمايه الي يتكلمون عنها للأسف .. حاميها حراميها للأسف الكبير .. إقتباس:
هي مهب عقوبه .. هو واقع .. الي هو ان الي يصير له هالشي يسوون له مسائله قانونيه او كذا ( على ما أعتقد ) .. لكن الكلام هو هل سبق وصار هالشي !! .. ولو اني متأكد انه ماسبق وهالشي صار .. الا اني أشوف انه في حال صار الشيء هذا .. اعتقد ان الأنسب نقله الى ديره نائيه لمدة سنه حتى لايفكر مجرد تفكير انه يسوي كذا .. إقتباس:
اعتقد ان هذا أقل حقوقنا تجاه هالظاهره .. لاننا نتكلم عن أرواح ممكن تهلك بسبب انعدام الضمير في حماة المواطنين ! .. إقتباس:
ياخي مهب لازم جهات مسؤوله عن هالرقم .. نفس الجهه المسؤوله عن وضع هالأفراد في هذا المنصب .. تكون مسؤوله عن تلقي البلاغات عنهم ! .. هذا الي طلع معي .. والمعذره ان خرجت كلمات لاتليق بالمقام .. لكني متاكده انها تليق بمن وصفوا بهذه الكلمات والاوصاف :) .. ونأسف على الإطاله مع التحيه والتقدير للجميع |
وعليكم السلام ورحمة الله .. أول شي المعذرة ع الرد المتأخر ويا متعب انا بصراحة ما عندي تعقيب :vertag: لان استغلال السلطه موجود في كل دول العالم وصعب جداً جداً السيطره عليه 100% :bigeek: بس موضوعك ذكرني بسالفة وبقولها الله لا يعوق بشر :d انا مره تنومت في مستشفى وحكومي وكان عندي أشعه مقطعية المهم الأشعه المقطعية صارت في مستشفى آخر بسبب ان الأشعه كانت معطله في المستشفى اللي انا منوم فيها ولازم أخذها لاني بسوي عملية :no: وكان الوقت ظهراً علماً بأن حالتي مستقره s10s بس لازم أسوي اشاعه حسب طلب الدكتور العله تعرف وش صار ركبوني الاسعاف وشغلو السفتي :bigeek: ومافيه الا قوة دعسان وقطع اشارات !! ما أدري هذا وش يسمى ؟ :d هل هو استغلال للسلطة :bye: ولا استخفاف بي ولا استخفاف بالعالم !! الله أعلم = = = = في أمان الله ورده ،، ^ ^ ^ ^ s45ss45ss45s القلوب هاذي s45ss45ss45s لحد البكيريه يا متعب s45ss45ss45s على موضوعك الجميل والهام s45ss45ss45s |
شكراً لجميع من تشرفت به بالتواجد بموضوعي . سواء من قام مشكوراً بالتعقيب أو بالإطلاع . أعتذر عن الرد على كل فرد . لأنني لن أزيد على ماقال . إلا إذا أستدعى الأمر للمناقشة . شكراً جزيلاً لكم والله لا يحرمني منكم . ورده للجميع |
أكثر من مرة شفت دورية تكون واقفة عند الإشارة فجأة يولع السيفتي ويقطع الإشارة بعدين يطفيها .. وهذي سالفة تقريبا برى الموضوع :d قد مريت عند تقاطع وكانت الاشارات خربانه العالم يمشون بكيفهم , وي إلا وتمر دورية أنا توقعت يشغل البراقات ويوقف ينظم السير .. لكن الأخ سحب وكمل طريقة بكل برود !! |
| الوقت المعتمد في المنتدى بتوقيت جرينتش +3.
الوقت الان » 08:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd