أنت من أهل الرياض أدخل - صفحة رقم 3 - نادي الهلال السعودي - شبكة الزعيم

هلاااالـــيه · #1 07/12/2007, 07:38 PM

إقتباس

الرسالة الأصلية كتبت بواسطة هلااالي وأفتخر


	على الأغلب لاااا لأن عندي اختبار فيزياء الثلاثاء وأنا بالتوجيهي

معذوور والحااال من بعضو

بس عندي أختبار نحو

الله يوفقك

عز الرياض هلالها · #2 07/12/2007, 07:36 PM

هلالي وافتخر اهم شي دراستك ترا الهلال مراح يفيدك انا عاطل وماعندي شي وبحظر عنك والله يوفقك ياااااااارب وتجيب نسبه 99,9 لعيون سامي

علنده · #3 07/12/2007, 07:39 PM

الله يعطيك العافيه
والله يوفق الزعيم...

هلالي للابد ! · #4 07/12/2007, 07:39 PM

تراكم اشغلتنوا

الصفحه الرئيسيه كلها جمهور الرياض احظر ولا تحظر وجمهور صامت ومدري ايش

كل واحد وبمزاجه ويناظر المباراه بالمكان الي يريحه ماحد مغصوب على وناسته

طالعين كننا جمهور المسيار يعني نحظر عشان نقول حنا اكثر جماهيريه !!

على العموم جمهور الزعيم مايحتاجون دعوه

هلاااالـــيه · #5 07/12/2007, 07:42 PM

إقتباس

الرسالة الأصلية كتبت بواسطة هلالي للابد !


	تراكم اشغلتنوا الصفحه الرئيسيه كلها جمهور الرياض احظر ولا تحظر وجمهور صامت ومدري ايش كل واحد وبمزاجه ويناظر المباراه بالمكان الي يريحه ماحد مغصوب على وناسته طالعين كننا جمهور المسيار يعني نحظر عشان نقول حنا اكثر جماهيريه !!

أخوي والله أذا مو عاجبك الموضوع لا ترد

محد ضربك على يدك قالك رد

بعدييييين

محد طلب منك الحضوووووور

الهلاااااااااااااااااال مو محتااااج حضوووووووورك

عز الرياض هلالها · #6 07/12/2007, 07:42 PM

إقتباس

الرسالة الأصلية كتبت بواسطة هلالي للابد !


	تراكم اشغلتنوا الصفحه الرئيسيه كلها جمهور الرياض احظر ولا تحظر وجمهور صامت ومدري ايش كل واحد وبمزاجه ويناظر المباراه بالمكان الي يريحه ماحد مغصوب على وناسته طالعين كننا جمهور المسيار يعني نحظر عشان نقول حنا اكثر جماهيريه !! على العموم جمهور الزعيم مايحتاجون دعوه

هلالي للابد الي بيحظر حياه الله والي مايبي بكييفه

هدي ياخوك شكلك معصب يعني تضايق لاشفت الناس متحمسين للمباراه

تحياتي لك

أبومنيع1010 · #7 07/12/2007, 07:40 PM

انا منيب من اهل الرياض

وإن شاء الله بحضر واشجع

هلاااالـــيه · #8 07/12/2007, 07:44 PM

إقتباس

الرسالة الأصلية كتبت بواسطة أبومنيع1010


	انا منيب من اهل الرياض وإن شاء الله بحضر واشجع

كــــــــــفو والله بأبومنيع

ياليت بعض الناس تتعلم منك

آخر حبيب · #9 07/12/2007, 07:49 PM

انا ماني جاي عشاني مقرود
كل ما اروح الملعب ينهزم الهلال
آخرها مباراة الوحدة الاماراتي والاتشاد النهائي

العاشق1425هـ · #10 07/12/2007, 07:54 PM

للأسف لن أحضر لأني ماأذكر إني حضرت للملعب إلا مبارتين للزعيم قبل سبع سنوات تقريباً وبعدين ألحين برد ويازين الفروة وتلفزيون 29بوصة وفصفص وزمزية شاهي قدامي ويالله من فضلك.

هلالي اليوم وكل يوم · #11 07/12/2007, 07:59 PM

ان شاء الله انا ومعاي خمسه بنجي من الصبح قدام باب الملعب حتى الدوام ماني حاضر

ادريانوا الهلال · #12 07/12/2007, 08:00 PM

ان شاء الله راح نحضر ونساند الزعيم

ولد السهول · #13 07/12/2007, 08:01 PM

خيتو باقولك بصراااحه
الحمد لله من 3 سنوات انا وخويي اي مباراة بالرياض مافاتتنا
الا الدوره الوديه

عشان كذا باقول اللي اشوفه ووجهة نظري في اللي يصير حاليا

اول شي: جماهير الهلال يجيهم افعال تحبطهم من البدااايه
سواء العسكر او ادراة الملعب
نحس ان حنا مو مواطنين مثلنا مثل غيرنا!!!!!!!!!!!!!!!

ثاني شي : وش تبين من ناس جايين من العصر!! ولايقدرون ياكلون او يشربون!!!
بجد ترى الصراخ بالملعب يبيله طاقه ومابه شي نستمدها منه!!!

ثالث شي: الواحد مايمديه فاتح فمه الا داخل كيلو دخان!!!! تقولين كن ذا الجماهير باخرات في بحر!!!

رابع شي: صوت الرابطه مو وصال بوضوح مع اقتناعي باختلاف اللهجه بينا يا اهل نجد وبين قائد الرابطه عدم فهمنا لصوته<<<مع كامل احترامي له بس هذي حقيقه مافيها اي عيب

خامس شي: بعض الجماااهير ذوااااقه للكوره<<<لاتفهموني غلط
اي بمعنى انها ماتحب تتكلم وتفهي بالاهازيج
ودهم يستمتعون باللعب
وهذا اللي يصير دايم
تشوف الجماهير قبل المباراة مافيه مثلهم واذا بدت يطفوووووووووووووووووون

وبسسسسسسسسسسسس

تحياتي

الدعجاني 4 · #14 07/12/2007, 08:04 PM

ان شاء الله حاضر مبطين عن البرنس وكعوبه

منقع الطيب · #15 07/12/2007, 08:11 PM

انا من حائل وبحضر أن شاء الله
ورى الزعيم بكل مكان ومعي 5 من الشباب << ماهو النادي اخوياي
والله يوفق الزعيم وينصره فوق كل ارض
وعقبال الست النقاط الجاية وبعد العيد لكل حادث حديث