نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   استنفاااااار هلالي....يبدأ من يوم الجمعة الموافق27/11/1428هـ (http://vb.alhilal.com/showthread.php?t=501894)

رساوي برساوي 07/12/2007 05:23 PM

استنفاااااار هلالي....يبدأ من يوم الجمعة الموافق27/11/1428هـ
 
الاتحاد وتعادل

وهو لا يزال المركز الأول

كثير من الجماهير إن لم يكن كلهم
متفائلين بأن الصدارة للزعيم
ليش؟
لأن الاتحاد تعادل!!!
ماكنا متفائلين بالبطولة الخليجية؟؟؟؟؟؟؟
ماكنا متفائلين بالبطولة الآسيوية؟؟؟؟؟؟؟
ماكنا متفائلين بمباراتي النهائي ضد الاتحاد وقبله الشباب؟؟؟؟؟؟؟؟
كلهن وين راحن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا اخوان السالفة مهب بالسهولة اللي تتوقعونها
والله إن تضيع نقاطنا نقطة ورا نقطة اذا استمرينا بهالتفاؤل....
ياناس ياعالم الهلال يحتاج استنفار من الجميع لاستغلال النقص النقطي للمتصدر الاتحاد

بدءً من الجماهير .....ياجماهير الرياض
مباريات الهلال خارج أرضه أنا أضمن لكم أن الملاعب بتمتلي.وهذا طبيعي
لكن مبارياتنا بالرياض

رجاءً مانبغى واحد يقول برد..<<والله ماتحس بالبرد مع كثرة الجماهير.وعشان تضمن جب معك كوت أو فروة

مانبغى واحد يقول أشوفها بالتلفزيون أحسن عشان الإعادات<<أضمن لك كل اللقطات أول ماترجع للبيت أفتح شبكة الزعيم وتلقاها بكل التعليقات..وأيضا تعاد المباراة بالآرتي

بالعربي .. مانبغى واحد يقول مانب حاضر..ولا تستهين بنفسك وتقول مشجع ماراح يؤثر
لو كل مشجع قال كذا والله مايجي أحد

وبعدين إذا الزعيم مايستاهل منك تدفع 20 ريال وتحضر بالملعب..تكفى شوف لك فريق ثاني
لأننا حنا يالزعيماويين مايغلى شي على نادينا

وإذا حضرتوا لا تسكتون..شجعوا وصفقوا مافيها شي لا تستحي من خويك..ماحضرت المباراة الا عشان تشجع

هذا بخصوص الجماهير
أما اللاعبين

1-ياطارق أمتعنا بتمريراتك السحرية وبعد التقدم بفرق 2 أستعرض على راحتك
2-ياياسر أضمن القول نبغاك الهداف..وتأكد أننا مانشوف الا عدد الأهداف أما المهارات كلها اسبوع وننساها
3-يادفاعنا..كفاكم تهاون..لاتتركون لاعب لوحده وأضمن تخليص الكورة بأي طريقة
4-يا كل لاعبينا..ترا كل الفرق تبغى تفوز مثل ما أنتم تبغون تفوزون..اتركوا التهاون..نبغى نشوف روحكم وإخلاصكم للزعيم بجميع المباريات....البطولة ماتحتمل التهاون..وتأكدوا أن اللي مهب لاعب بإخلاص فليس له مكان غير دكة الاحتياط
نقطة مهمة:فارق الهدف مايطمن يا لاعبينا

نداء للكل
البطولة لن نكسبها بالتهاون...فاهمين
ياجماهير ويالاعبين ويا إداريين ويا فنيين...إلى هذه اللحظة الاتحاد هو المتصدر..ولاتنسوا أننا مالعبنا ضد الشباب ولا الأهلي................



قفلة
ياما ضيع تفاؤلنا من بطولات





التثبيت أو الرد لرفع الموضوع من صالح الزعيم

anab_99 07/12/2007 05:30 PM

فعلاً كفاية تهاون وحرفنة نبغى الاهداف وبعدها التفنن.

عاشق كريستيانو@ 07/12/2007 05:43 PM

كلامك عيين العقل

مملوح القصيم 07/12/2007 05:50 PM

كلام حلو

والله يوفق الزعيم يارب

أميرٍ 07/12/2007 05:58 PM

السلام عليكم ورحمة الله وبركااته

اخوي كلامك صحيح 100% ,,

والله صراحه نبي تشجيع ونبي نروح لـ الملعب

ومانبي نحظر ونجلس ساكتين ياجماعه الخير

جاي الملعب علشان تناظر ولاتشجع ,,

فيه ناس يتمنون كل يوم يلعبون الهلال في ارضهم ..؟

ولكن حقين الرياض انصدمو ,, يجي 80 الف متفرج ويملي الاستاذ من بكره ابيـــــة ... ويتعادلون او يخسرون والله حراام

وان شاء الله ترجع البطولاات لـ الهلال :)

بالتوفيق لزعيمنااااااااا

تحيااتي / أميــر

فهودددي 07/12/2007 05:59 PM

يعطيك العافيه كلام روعه

بس يخوي عندي نقطه

تقول لا يستعرض ياخوي هذا طريقة لعبه والي مايلعب يقول الميدان وسيع

أبو المها 07/12/2007 06:01 PM

مشكووووووووووور والله يعطيكـ العافيه

وكلامك عين الصواااااااب وماقصرت

رساوي برساوي 07/12/2007 06:12 PM

مشكورين على المرور

فهودي كلامك صحيح لعبه استعراضي
لكن مانبغاه يبالغ بالاستعراض

يعني معك الكورة وخويك فاتح لحاله
الأفضل انك تمرر له وتفتح له عشان يمرر لك
لكن البرنس بعض المرات مايمرر على طول .. يحاول يجيب كوبري أو كعبيه
مع أنه أفضل لاعب بالتمرير

معك
طارق ياما أمتعنا وياما نفعنا
لكن أنا ما أقول لا تستعرض
لكن لايزيد الاستعراض
واذا خويك فاتح معك مرر له أحسن لك وله وللنادي

وشكرا

رفيق الزعيم 07/12/2007 06:12 PM

المرحله القادمة لاتهاون فيها لانها تعتبر مرحله حصاد نقاط في ضل تصدر الاتحاد

الجليد الازرق 07/12/2007 06:27 PM

بالتوفيق للزعيم

رساوي برساوي 07/12/2007 08:14 PM

وش دعوه
كل هالمشاهدات ومارد الا 9

لا يكون كلامي غلط وأنا ما أدري

وليد444 07/12/2007 08:24 PM

كلامك صحيح100%100

هلالي ذٌوٍوٍوٍق 07/12/2007 09:01 PM

كلام ميه ميه والله تصلح اداري بالهلال <<<<<<<<< ياوظفوك قلي اعطيك رقمي توظفن عندكم بالهلال

nnbbnb 07/12/2007 09:13 PM

كلامك عيين العقل
<!-- / message -->

algnass-20 07/12/2007 09:24 PM

الله يعطيكــ .. العافية ..

كفيت و وفيت ..

كلامكــ .. بأذن .. الله .. أيجابي .. على .. الجماهير ..

وبالتوفيق .. للزعيم ..


الوقت المعتمد في المنتدى بتوقيت جرينتش +3.
الوقت الان » 06:34 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd