مشكله صارت لي من موبايلي الهلال (((تكفون ابي الحل)))
 

السلام عليكم ورحمة الله وبركاته

انا معي شريحة موبايلي مسبقة الدفع وقبل يومين اشتركت في القناة رقم 5 اللي هي طبعا قناة الدوريات الاوروبيه

المهم ارسلولي رساله تقول في نصها انت الان مشترك في خدمة الدوريات الاوروبيه مقابل 12 ريال شهريا

المهم ارسلولي رساله الرصيد ولقيته مسحوب منه 24 ريال انا ما اهتميت المره الاولى

اللي قهرني ان قبل يوم كان عندي واحد مشترك في هالقناة وجته رساله وانا ماجاني شي قلت ابجرب اشترك مره ثانيه واشتركت وبرضه سحبوا 24 ريال ولا وصلت ولا رساله دقيت عليهم قالولي انت مرسل رسايل mms وانا بصراحه ما ارسلت حتى رساله نصيه علشان ارسل ام ام اس

عاد قالي حنا بنرفع طلب علشان هالمشكله والى هالحين ماصار شي وش اسوي طفروبي وبصراحه انا انقهرت من هالحركه لان فيها نوع من السرقه


تكفون ابي الحل

ودمتم بود

بيني وبينك جوال الهلال أحسن من موبايلي ، لان كلن يتشكى من موبايلي الهلال ، ولو ان الصراحه ماتعجبهم لاكن هاذي الحقيقة.

انشب لهم لا تخليهم بحالهم ازعجهم ماحب انا ذا الحركاات لعبوا فيني الاحتيالات قطااف الا نتاااااااااف نتفووني

اولا موضوعك مو هنا بمنتدى الاستفسارات

ثانيا مااحد يقدر يخدمك

اكثر من خدمة العملاء موبايلي

اصدر شكوى انه تم سحب منك 50 ريال دون مقابل

اما انها ترجع لك عن طريق الرصيد

او ان يكون لك 4 شهور اشتراك بالدوريات الاوربية

" الشكوى قدمها لخدمة العملاء 1100 "

هذا اللي سويته وقالي بنرفع طلب لهاالمشكله والى هالحين ماصار شي

^ ^

مابيدك الا انك تنتظرهم

" كل يوم اتصل لاتسكت عن حقك "

الله يكون بعونك أخوي
ويرجع لك حقك المسلوب
أنا ألغيت إشتراكي بعد ما رأيت سوء الخدمة ...

الله يعينك بس

اخي الكريم سبق وان حصلت لي نفس المشكله بجوال الرياضيه

وبصراحه شوي وارمي شريحة موبايلي من القهر

لاكن رد علي مره شخص فاهم وشرحلي الوضع بصوره واضحه وقال

ان الاشتراك يبدأ مع بداية الشهر وتؤخذ الرسوم كامله مع بداية كل شهر ميلادي

واذا قدمت طلب بألغاء الخدمه فلن تتلتغي الا عند نهاية الشهر الميلادي فقط

اتمنى اكون وضحة الصوره لك ياعزيزي

مب المشكله في ال 48 ريال اللي سحبوها المشكله ان مافيه ولا رساله وصلت حتى الحين

قسم بالله ان جوال قناة الزعيم افضل من موبايلي الهلال في الخدمه

اقول اخوي ترى كل قاناة بـ 12 ريال يعني كل قانات لها سعرها

وانت اصبر وتأكد

شكرا لك .

الله يعينك

اخوي دكتور فى حب الهلال انا مشترك فى موبايلي فى الهلال اشتركت فى قناه الزعيم اخصم من المبلغ 24 ريال حق شهرين اخوي دكتور ماااااااااافيها شي