وشرايكم بقطع غيار الهوندا سيفيك 2007 ؟؟
 

السلام عليكم
انا افكر بهوندا سيفيك 2007 فل كامل .. هل فعلا سعرها 66الف؟
انا طالب وودي السياره تعيش معي 6 سنين
وانا الحمدلله من المحافظين على السيارات اللي في يدي ومو من الناس المتهورين
لكن مثل ما هو معروف ان قطع غيار هوندا غاليه جدا
لكن ما شاء الله اشوف الاكوردات منتشرة في الشوارع
ما توقف عن اشارة الا وتشوف اكورد

على العموم خلونا في السيفيك
اللي اعرفه وماني متأكد منه ان الصيانه وقطع الغيار للسيفيك غاليه
يعني لما اوديها الوكاله يسوون عليها صيانه ياخذون مبالغ خياليه ... هي هذا شي صحيح او لا؟؟
ثاني شي قطع الغيار
بالنسبة للقطع الإستهلاكية انا سمعت من اكثر من واحد يقوللي ان الهوندا والمازدا والنيسان حط القطعه وانساها مررره ولا تزيد تفكر فيها لانك ما بتغيرها الا بعد سنين .. هل هذا الكلام صحيح والا لا ؟
يعني بالمختصر انا خايف من قطع الغيار

والسؤال المهم الهم وهاذي اللي ودي تجاوبون عليه
ليش دائما لما اقرا المواضيع في الإنترنت او اسمع من الناس في نقاشاتهم عن العيوب عن الاكورد او السيفيك او غيرها من اكثر السيارات اليابانية
ما يجيبون طاري غلاء قطع الغيار ؟؟

والله أخوي على حسب ماسمعت ان السيفيك قطع غيارها أغلى من الأكورد .

لالا اسعارها زي بعض
وحتى لو كانت اغلى

في اسئلة يعني يا ليت من الشباب يساعدوني

حد يعطينا وجه يا شباب !!!!!!

السلام عليكم

نصيحة الى وجه الله ابعد عن هوندا ... لا قدر وصدمت بالوجه (لا قدر الله) وش بتسوي .. والله ان تصور جنبهاا ..

على العموم فيي سياراة احلى وتجلس 10 سنين بعد

عندك السيارات البديلة

كامري << مع ان سمعتها وطي بس ما عليك من احد،
باثفاندر 2005 و 2006 والله انه مووووووووووووتر يا ناااس بس الجديد غبي !
جيب برادو 2006 مستخدم .
كراون فكتوريا 2005 و 2006

انا جبت سيارات على قد اللي معك الظاهر حوالي 70 الف

هذي بعض السيارت وفيه كثير لما تدور الافضل وتسأل

والله يوفقك في اختيار سيارتك يا رب .. ومقدماً الله يعطيك خيرها ويكفيك شرها يا رب ..

مع التحيه....

كما ذكرت في موضوع آخر إن الكامري يسمونها ( هدية نجاح )

أما من ناحية قطع غيار الهوندا بشكل عام عندك النعماني رائع جدا ً وداق خشم الوكالة دق


هذا رسم كروكي للنعماني

http://hondaarabia.com/alnomani/images/map.jpg