ارتفاع اسعار قناةart تماشيا مع ارتفاع أسعار السلع والعقار وكل شيء في بلاد الحرمين الشريفين . تضامنت شركة art....... مع موجة ارتفاع الأســــــــعار . فأصبح إشتراك 6 شهور ب 660 وريال بعد أن كان ب 480 ريال أي بزيادة 180 ريال . فأين وزارة الإعلام عن هذا الإستغــــلال من قبل art....... لشعب السعودي ... |
اصبر شهر وبتنزل عروض حلوه اذا ما بعد اشتركت |
يا عزيزي عندك الان نزل رسيفر جديد يباع بالسوق بـ 900 ريال تقريبا تشبك كيبل الـ dsl في خلف الرسيفر ويفتح لك جميع قنوات المشفره يعني الشوتايم والاوربت والارتي كلها في ملحق بيتكم وخل إشتراكهم لهم .. ^_* |
إقتباس:
وش اسم الريسيفر انا شريت ريسيفر سيليفجن عليه عرض ب 499 ريال ياريت يكون هو المهم عطنا اسم الريسيفر اللي ب 900 لا هنت |
خلك منهم بلا اشتراك بلا خرابيط مثل ماقال اخوي فيه جهاز عن طريق الدي اس ال وفيه نوعيه بدون دي اس ال تفتح كل شي بس يبيله تحديث كل فترة والنوعين ارخص من اشتراك art |
إقتباس:
عندي الجهاز ولكن لما صارت الشركة اللي انا مشترك فيها مشاكل تورطت بصراحة لكن ميزته انك تشوف الدوري الانجليزي والايطالي والاسباني وابطال اوربا وابطال العرب وبطولة العالم وكاس امم اوربا بسعر لا يتجاوز ال40 ريال في الشهر |
إقتباس:
وهو افضل جهاز للشيرنج موجود حاليا في السوق وهناك اجهزة اخرى مثل الميوتن والريلوك وهي ممتازة ايضا ولكنها اقل انتشارا |
اسم الجهاز يا شباب : دريم بوكس S500 .... جهاز مخصص لاستقبال الشفرات بخط الدي اس ال ... سعره تقربا لا يتجاوز 550 ريال دون الاشتراك في السيرفر وتبدأ الاسعار من 200ريال الى 550 ريال على حسب السيرفر .. وتقوم بفتح قنوات الشوتايم ... و الاي ار تي ... الجزيره الرياضيه ... شوتايم هوم ... اوربت ... سكاي وغيرها من القنوات المشفره .. |
والله حرام عليهم هالإستغلال |
يا شباااااااااااب طيب هل استطيع انا التحكم في قوة ال دي اس ال من حيث انه لا ينقطع ارجو الرد وياليت تعلموني طريقة تركيب الدي اس ال في خلف الرسيفر .. واي اجد هذا الرسيفر |
ممكن المكان اللي فيه الجهاز يآآآرب تخسر فلوسك كلها وفوقها خساير يا كامل الله ياخذ كل فلوسك إن شاء الله أنت تروح تدور تخفيضات على القنوات الرياضية تكفوون مكان بيع الجهاز وسعره بهالمكان |
إقتباس:
ثانيا ثبت الDNS من خلال المودم وهذا تقدر تعرفه عن طريق المواقع المختصة بالانتر نت او من خلال اتصالك بالمزود الذي تتعامل معه اما من ناحية الجهاز ترا بيعه من تحت لتحت (يعني سوق سودة) تلقاه في الحراج في اثنين يبيعونه وانصحك اذا ما انت عربجي وفتوة لا تروح عندهم لانهم من مستوى تحت يعني باختصار ( كنهم من جماهير النصر ) :d في سلطانة بعض البنقالية يبيعون لك الجهاز مع اشتراك ولكن من خلال محلات اخرى يعني خدمة ما بعد البيع عندهم سيئة جدا الافضل انك تاخذ جهاز بدون اشتراك وبعدها تشترك عن طريق احد المواقع المشهورة لمدة ثلاثة شهور وتتعلم بنفسك التحديث وتركيب الاشتراك وحل المشاكل والمواقع التي تهتم بالشيرنق كثيرة |
الله يعين ولاتخاف كل فتره ينزلون عروض شباب انا مشترك بشوتايم بنظام التقسيط دفعت حق شهر بتاريخ 22 قبل شهر وشوي الحين لي 10 ايام منتهي الشهر والاشتراك مانقطع هل هو تمويه ولاجت مباراه قويه ينقطع خخخ ولا نسوني ولا وش السالفه ماودي اتصل واكشف نفسي اخاف انهم مسامحيني واخاف مادفع يكون فيه مشاكل |
إقتباس:
او من عند الفننيين اللي تلقاهم في سلطانة والناصرية اللي يركبون الدشوش) لكن جقين الحراج عندهم خدمة ما بعد البيع ( تحديث او اذا ضاع الباسوورد او اي مشكلة في الاشتراك) الدريم بوكس بكل صراحة معقد جدا وله الان معي شهرين وما قدرت اهضمه وكثير من الاشياء ما اعرفها :d لكن الناس تحبه لانه منتشر وله دعم في مواقع الشيرنق ولكن هناك اجهزة تنافسه وهي الريلوك والميوتن ولا اعرف ان كانت اسهل منه في البرمجة وغيرها او لا ,,,, |
يا شباب انا ما عندي DSL ... اشتغل على موبايلي كونكت هل استطيع مشاهدة هذه القنوات من خلال هذا الرسيفرات على الموبايلي كونكت و كيف اشبكه ؟ يعني هل يشتغل الرسيفر على الموبايلي كونكت و الا بس على ال DSL فقط . |
الوقت المعتمد في المنتدى بتوقيت جرينتش +3.
الوقت الان » 02:18 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd