|
.. :: اختبار القدرات العامه - ارائكم شباب فقط هع :: .. السلام عليكم ورحمة الله وبركاته اخواني فقط :d:d مانبي بنات :d:d والله زمان عنكم ,, كيفكم وش اخباركم ,,, المهم هالموضوع بيكون مخصص للطلاب واختبار القياس والقدرات ,, بما ان اغلب الطلاب بيختبرون هالاسبوع ... ونبي كل الطلاب يجون بحيث يناقشونا عن الاخبار ,,,, انا اختبرت امس وبقول رايي : 1- قضية تدخل وانت مأمل 100% هذي شلها من راسك :d:d . 2- يلزمك ان تجي شبعان ومعبي بطنك وشبعان نوم ويالله بعد :d:d . 3 - الاختبار مافيه صعوبه لدرجة استحالة الحل يعني ,,, اوكيه يعني ماتقدر تحله انت لكن غيرك يقدر ,, ولازم يحطون مثل هذي لنو اختبار قياس لقدراتك وتلزم الصعوبة . 4- برايي ان تخطيهم بحيث يعطوك ورقة واحد للأجابات وطريقة التضليل فكره حلوه مره واريح . هذا من ناحيتي ,,, انتظر ارائكم ,, سلام عليكم s60ss60s |
ليش الشباب مااخذين فكره ان اختبار القدرات صعب ومعقد اهم شي ادخل الاختبار وانت مريح بالك ولا ترتبك وتجيب درجه زينه |
.. اختبار القدرات يبي له واحد يدخل وهو رايق ومفتح مخه .. :d هو مهوب صعب .. لكن الاسأله تعتمد على الذكاء .. والله يوفق الي توه ما بعد اختبر .. :) .. |
الحمدلله اللي فكنا منه والله يوفقكم دمت بكل الخير . |
انا اختباري الاثنين بكلية المعلمين مافي احد من شباب المنتدى معاي :D |
^^^ الله يوفقك وياليت تسير وتعطينا رايك بعد الاختبار ,, نبي ارائكم مثل ما قلت لكم . شـذى : اي والله افتكيتوا :D:D |
ياشباب انا مضيع بطاقة الأحوال عادي ولا لازم ادخل فيها ؟؟ |
^^ لا لازم ,, وكمان الأصل |
هلا فيك اخوي .. انا متخبر قبـل سنه >> اجل وش دخلك هون :razz: بس حبيت اسير عليكم وابدي رأي عن الاختبـار المعقد !! :clap: الاختبار والله 90% على الحظ :surprised: يعني قسم بالله راسك يصدع ماتدري وش تختار من الاختيارات كلهم متشابهه ؟!! لكن مامثل ( حقرا بقرا ) :razz: اذكر دخلت للاختبـار بعد الاخير وانا جوعان :nono: وعلى اننا ساعتين وحنا طالعين بس طولوا ممكن ثلاث ساعات او اكثر ويوم طلعت مع شباب على طول مطعم :d:d إقتباس:
:d:d |
الاختبار والله 90% على الحظ يعني قسم بالله راسك يصدع ماتدري وش تختار من الاختيارات كلهم متشابهه ؟!! لكن مامثل ( حقرا بقرا ) ================== معليش اخوي اعترض على هالكلمه كيف حظ؟ انا ياطويل العمر مختبر قبل كم سنه جبت درجه اختبرت ثانيه جبت درجه اقل منها ب 5 ليش ؟ مو لان الحظ خانني لا لانني كنت مواصل ومزلب الاختبار شف القياس 90 من اسئلته تقدر تحلها لو تفكرفيها وبسهوله لكن الوقت ضيق عشان كذا الناس ماتقدر تحل شف اذا تبي يعني من حكم تجربتي السابقه طريقه كويسه نم زييييييييييييييييييييين النوم اهم شي اول ماتقوم خذ لك كوب كوفي وفطور خفيف رح بدري عشان تستعد نفسيا هناك ولا تكون مرتبك لايلعب عليك احد ويقول لك اذا شكيت باجابتين لونهم كلهم والكمبيوتر بيختار الصحيحه لا تحسب لك كلها خطأ تدرب على التلوين عشان تصير تلون بسرعه واللي ماتعرفه بسرعه حاول تستبعد كم اجابه وتختار بين الا جوبه اللي ما استبعدتها لان الاختبار يقيم ذكائك وسرعه بديهتك يعني كيف تجاوب باقل وقت ممكن لانه يقيس قدرتك على الاستنتاج مع مراعاه عامل الوقت والنصيحه الثانيه اشتر كتاب القياس وتدرب على كل التمارين اللي فيه مرة ومرتين ترا فيه اسأله كثير تجي منه واسأله اكثر مشابهه له جدا وحاول مو بس تعرف الاجابه حاول تعرف كيف جت الاجابه صدقني تقراه وتحلله زي ماقلت لك قبل وتراجعه قبل الامتحان انا اضمن لك فوق 80 وانت مرتاح بس بشرط تكون عندك سليقه ممتازه بالعربي وتكون جيد في الحساب السريع بالعربي حافظ جدول الضرب طبعا قبل هذا كله لازم تعتمد على ربك وتعرف ان كل شي بيصير وكل شي بتسويه مكتوب لك من قبل يعني ربي بيعوضك وفيه ناس تقول اذاجبت فوق الثمانين يساعدك واحب اصحح لهم المعلومه درجه القياس اذا كانت تساوي نسبتك في الثانوي اذا هي لا تؤثر واذا كانت اعلى من نسبه الثانوي تنفعك واذا اقل من نسبه الثنوي فهي تضرك يعني مثالاذا جبت في القياس 85 اذا كانت نسبة الثنوي 90 فهي تقللها وتضرك وتجعل معدلك الموزون يصير 87 تقريبا اذا كانت نسبتة الثنوي 85 في لاتؤثر فيها وتبقى 85 اذا كانت نسبتك 80 في ترفعك وتنفعك وترفع معدلك الموزون الى 83 او 82 تقريبا اسف على اطالتي لكن حبيت اعطيكم اللي عندي عشان يستفيدون الباقين منه والف شكر اخوي على الموضوع |
^^^ انا قلت كذا ليش ؟ لان فيه ناس معاي نسبتهم حول الميئه .. ويوم اختبر حصل على 68 .. وبالمقابل فيه ناس اقل منه نسبه ومحصلين درجات عاليه بالقياس :surprised: وانا بنفسي سالت اللي اخذ درجه عاليه وقال حظ ؟!! لانه ماوثق من حله !! بعدين اخوي انت تقول الاسئله سهله ومدري كيف ؟ بس الوقت ضيق ؟! ( هذا بلا ابوك ياعقـاب ) هي المشكله بالاول والأخير الوقت :d.. لانه الوقت قليل ومشى حالك ياواد وبعض الناس الله معطيهم حظ بكل شئ :d واختبار القياس ماني اتهجم عليه .. بالعكس ماحطوه الا للمصلحه العامه !! ومن وضعه اعلم مني ومن غيري .. لكن لو نظرنا الى حالة من يختبرونه وانا منهم اعتقد ان الاغلبيه الاختيار يتم عبر ( سد فراغ ) فقط لاغير . (اتمنى انها وضحت لك اخوي) .................................... بالمناسه والله اضافتك مميزه ونصائحك حلوه .. اتمنى انك تضعها في موضوع مستقل لان على حد علمي ان اختبارات القياس هذا وقته .. ويستفيدون منها الاعضاء ! بالتوفيق للجميع .. والعذر اخوي (صاحب الموضوع) عالمداخله الثانيه .. |
قديم انت قدرات <- صح يالجامعي:d والله هالاختبار كله قرف في قرف,, ومن زين الطبآيع والله قبل لا اختبر جآيني CD من وزاره التربيه مهرب .. وافلام هندي وكل ليله احل الاساله ولافاد ,, المسطول مسطول ,.اذكر يوم اختبره انآ و3 من اخوياي ,, داخل مسوي فيهآ انآ مشعل مصطفى حسنين<- مصري يعني اولـ ساعتين ها يعني افكر على خفيف وصاحي والباقي وآلله انسطلت احل الاساله في 10 دقايق بس ابي ارتاح .. والدكاتره كل واحد فوق راسك ,, تقول نحضر ماجستير:d الله يكون بعون اللي مآختبرهآ ويوفقه اختبرت مرتين قدرات الاولى 59 <-- وآلله تنااحه .. والثانيه 62 <=- جاب شي ترى:d |
ياشباب الحاسبه ادخلها ولا ممنوع؟ |
أذكر أني يوم دخلت الأختبار دخلت متحمس القسم الأول أدهرت فيه يوم جاء القسم الأخير أحل أي كلام أبي أطلع |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 02:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd