نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   انتم ملاحظين مثلي أو انا موسوس ؟ ونقاط اخرى (http://vb.alhilal.com/showthread.php?t=499068)

ABU_DEEEEMA 02/12/2007 03:17 PM

انتم ملاحظين مثلي أو انا موسوس ؟ ونقاط اخرى
 
السلام عليكم

انا ملاحظ المعلق ناصر الاحمد يكب العشاء في كل مباراة يعلق عليها للهلال في الدوري , مادري عشان ما يقولون عنه هلالي او ايش ؟؟ بصراحه هذا المعلق في الفتره الاخيره متحامل على الهلال بشكل غريب واقصد انه ما يحب يمتدح اي لاعب هلالي ودايما يعيب على الهلال وينتقد ولعل اخره مره في مباراة الاتحاد الاخيره ازعجنا قبل المباراة وخلالها وهو يقول ما راح اتكلم عن التحكيم وهذا من اختصاص المحللين والحكام ,, وكل ما حصلت حادثه فاول او ركنيه او اي حادثه قال نفس الكلام يعني ايقاله محايد ولا راح يتكلم في التحكيم ولكنه خربها في بعض اللقطات اللي تخص الهلال فقط ومنها عندما استلم احد لاعبي الهلال الكره على صدره واظنه الظهير الهلالي الايمن الزوري قال بعد اعادتها بالبطىء ( والله شكلها بيده ) ياخي انت وش دخلك ؟؟. لك ساعه تقول ما راح نتكلم عن التحكيم ويوم شفت هاللقطه قلت شكلها بيده ؟؟ بصراحه رفع ضغطي الملقوف .. ولا تنسون مباراة النصر الاخيره اللي ضنيتها مباراة بين النصر وفريق من خارج السعوديه من تحمسه مع النصر هذا المعلق الفاشل الخائف من الصحافه المضاده ..

نقاط متفرقه :
- بصراحه الزوري فنان واعجبني
- ياسر ما اقول الا انك افضل لاعب عربي واسيوي في الوقت الراهن ولا انسى الشوته اللي في العارضه في مباراة الاتحاد
- الشلهوب فنان بس مادري وش المشكله بعض الاحيان تحس انه مضيع الطريق
- فهد المبارك بصراحه انت فنان فنان فنان
- الكلثم . مادري ليش المدرب نزله اخر المباراة ؟؟ الولد فنان وشف وش سوى يوم نزل .
- المرشدي بيض الوجه وما توقعته راسي وراكد يعني ثقه وخفيف ماشاء الله عليه
- عمر الغامدي ضابط ايقاع الوسط
بالتوفيق للجميع

فهد الهلالي 2002 02/12/2007 03:23 PM

نقاط متفرقه :
إقتباس:

- بصراحه الزوري فنان واعجبني
فنان بس لازم يتعلم كيف ينفذ الرميه الجانبيه
إقتباس:

- ياسر ما اقول الا انك افضل لاعب عربي واسيوي في الوقت الراهن ولا انسى الشوته اللي في العارضه في مباراة الاتحاد
والوحده بعد

إقتباس:

- الشلهوب فنان بس مادري وش المشكله بعض الاحيان تحس انه مضيع الطريق
يارجال والله الشلهوب مسكين جته ضروف صعبه مرره

اولها خسرته الجائزه وبعدها الشلهوب متغير مستواه وبعدها وفات والده والله معذور الشلهوب

إقتباس:

- فهد المبارك بصراحه انت فنان فنان فنان
قدم مستوا حلو بس مو ذاك الزود والصويلح افضل منه مع احترامي لفهود

إقتباس:

- الكلثم . مادري ليش المدرب نزله اخر المباراة ؟؟ الولد فنان وشف وش سوى يوم نزل
.

اي والله مبدع ولاعب مهاري وله مستقبل

إقتباس:

- المرشدي بيض الوجه وما توقعته راسي وراكد يعني ثقه وخفيف ماشاء الله عليه
اي والله
-
إقتباس:

عمر الغامدي ضابط ايقاع الوسط
ضابط صح بس لعبه امس ماش ضايع مو في جو المباراه
إقتباس:

بالتوفيق للجميع
ولك بعد

يعطيك العافيه على الموضوع الرائع


الوقت المعتمد في المنتدى بتوقيت جرينتش +3.
الوقت الان » 08:45 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd