جميع مباريات الهلال تنقل الى الشرقية ؟
 

اول شى هارلكم التعادل لو الكلثم شات البلنتي كان فايزين؟؟
ثانيآ اتمنى نقل جميع المباريات الى الشرقية او الى اي مدينة غيرالرياض لان الهلال لايوجد له جمهور في الرياض .... ناتي من الشرقية ومن الغربية ومن الشمال والجنوب ولاكن جمهور الرياض ماحولك احد
اه اه اه اه اه ياقهر وين سامي والثنيان والكثير من الجيل الذهبي للهلال

<< الكلثم .. الله .. يهديكـ ..

أنت .. بكلامكــ .. هذا .. تقصد .. أخفاق .. ياسر .. بالتنفيذ .. وهذا .. غير .. صحيح ..

الخطاء .. تقدم .. تيسير .. قبل .. التنفيذ .. من .. القحطاني ..

<< يوجب .. أعادة .. ضربة .. الجزاء ..

ولكــ .. الحكم .. لم .. يعيدها .. " ولا .. أقصد .. أنتقاد .. الحكم .. فهو .. ممتاز "

وضربة .. الجزاء .. أضاعها .. عمالقة .. كرة .. القدم .. بالعالم ..

وبالتوفيق ..

والله تبي الحق جمهور الرياض قهرني امس .

ياخوي موضوعك مادري وش يبي

اول شي موضوع الكلثم وياسر هذا قضاء وقدر


وماهو انت الي تقرر

..

جمهور الرياض كبير ومعروف . وكل واحد وظروفه

انتم الهلال مايجيكم في السنه الا مرتين اذا مامليتو الملعب متى تملونهـ

..

وبالنسبه لجيل سامي والثنيان... ان شاء الله انه موجود

بوجود الكلثم وياسر والصويلح والذياب ومبارك

..

والله ماش جمهور الهلال

الجمهور اتفق معك مع احترامي له بالرياض حتى لو حضر تفاعله مايكون الا عندما يتقدم الفريق يعني لمن يكون الفريق فايز يشجعون،، ولو ماكان فيه صوت حقوي بالمايكرفون 00

اما تأهووووووووك على سامي والثنيان ففعلا كانوا نجوم ويفتقدهم اي فريق،، لكن اذا تقصد ضياع ضربة الجزاء ، فلا تنسي اخي انا الثنيان ياما اضاع ضربات جزاء وفي مباريات حاسمه للهلال بل وفي اوقات قاتله واذكرك فقط ( ضربة جزاء امام فريق قطري في نهاية الشوط الثاني والهلال متعادل سلبيا والفريق القطري مستميت للخروج بالتعادل كي تذهب البطولة الخليجية للقادسيه الكويتي ،، وفعلا اضاعها الثنيان وانتهت المباراة سلبيه وفاز القادسيه بالبطولة00
ضربة جزاء اضاعها امام الرياضي في مباراة كاس الملك 1410هـ والهلال متأخر ان لم تخني الذاكره بهدف لهدفين ،، يعني طوح بالكوره فوق العارضه ليضيع التعادل ومن ثم ترتفع الروح المعنوية للاعبي الرياض ويعود الرياض في ااخر المباراة ليسجل الهدف الثالث00

في البطولة العربية للاندية بمصر الهلال السعودي يضغط والسوداني يدافع بكل لاعبيه ومن هجمة مرتده يسجل الفريق السوداني هدفا يستميت عليه حتى الوقت القاتل يحتسب ضربة جزاء تقدم لها ابو يعقوب واهدرها،، انا لا اهاجم ابو يعقوب فكلنا يعرفه ويعرف ماقدمه للهلال لكن مجرد تذكره بان ضربات الجزاء مالها كبير وممكن اي لاعب يضيعها،،
سامي الاخر كم ضربة جزاء اضاعها،، حتى انه في مباراة واحده امام الطائي اضاع ضربتي جزاء والمباراة تقام بالرياض واعتقد ان ذلك في موسم 1418هـ. نهايك عن ضربة جزاء امام جنوب افريقيا في البطولة الافروسيويه00
هذا طبعا مايقلل من نجومية يوسف وسامي،، حتى نجوم العالم في البرازيل وايطاليا تجد الاكثر نجومية يضيعون الجزائيات بينما لاعب تجد لاعب مغمور يسجلها00

بس ياليت نعقل شوي ونترك عن التطبيل للاعب ضد اخر او التجريح للاعب لمجرد عشقنا لاخر00

مشكورين على الردود بس والله ما كتبت الموضوع الا حبي للهلال والله اني انقهر يوم اشوف الهلال يتعادل او يخسر
ويخرج من اي بطولة

كنت ناوي أقول ذا الشيء

جمهور الرياض الله يصلحهم هم جماهير المجان فقط :(

حراااااااااااااااااام وربي حرااااااااااااااااااام يا جمهور الزعيم في الرياض

والله أمس رافعين ضغطي