02/12/2007, 02:26 AM
|
| زعيــم متألــق | | تاريخ التسجيل: 10/03/2005 المكان: بين الرياض والخبر
مشاركات: 1,330
| |
| حدث العاقل بما لا يعقل فان صدقك فلا عقل له
مع احترامي لكاتب الموضوع دايم شوف بعض الجماهير واعضاء المنتدى يحبون لاعب ولا يرضون لأي لاعب بأن يخذ محله وان فعلها واخذ محله فالويل له كل الويل ... وركز على ما اقول
سياسة التطبيل والترويس هذي ما تنفع يعني في اشياء ينسكت عنها بس في اشياء تحس فيها افترااااااااء وبقوه
الحين يا ظالم طارق التايب مو مفيييييييد طيب اصابته كثيره اتفق معك بس للمعلوميه هذا الموسم الماضي لمى كانت ارضية الملعب زي ملعب استراحة في الثمامة ولمى ان الجهاز الطبي عندنا مخبط ومخبق وكثير من الاعبين اشتكو من الامرين مو بس طارق هذا بالنسبه للاصابه الموسم الماضي
ولكن هذا الموسم طارق التايب غاب مباراه واحده بسبب الاصابه وهي مباراه الاتحاد ومباراة الوحده الاماراتي مع انه في مباراة الوحدة دخل وحرك اللعب كل وسوى اللي عجز يسويه كل لاعبين الهلال يومها ومن ضمنهم نجمنا الكبيروحبيبنا ياسر افضل لاعب في اسيا ( لا احد يجي مدرعم ويقول لي يا مندس انت ضد ياسر .... لمعلوميه انا في نظري ياسر ممكن يغطي على ماجد وسامي ...معلومه لهواة الدرعمة ) شللللون تقول طارق غير مفيد وكل مباراه يغيب عنها طارق تشوف الهلال في اسوء حال .. واكبر دليل شف مباراة الاهلي الموسم الماضي لمى كان طارق يلعب الاهلي ماعدا نص الملعب بس بعد خروجه الاهلي مسك اللعب لا تقول الهلال كان مبدع طيييب وين باقي الاعبين في ذيك المباراه لا تقولي بالهم مع طارق وخايفن عليه من الاصابه ويفكرون فيه !!!!!!!!!!! ياخي مهارات كعوب كباري يسوي اللي يسويه اهم شي انه يفيدك وشايل الفريق وهو صانع اللعب ومفتاح لعب الهلال ... لييه الهلال يضيع بدون طارق لا تقول لي لاننا ما نعطي الفرصه لغيره نواف اخذ الفرصه من اول الموسم وهذا هو ما سوى ربع اللي يسويه طارق
انا بكل صراحه كهلالي محزني وضع الهلال انه صار يعتمد على لاعب واحد اذا غاب تغير مستوى الفريق 180 درجه انا بكل صراحه اتمنى الهلال انه يصير بدون لاعبين اجانب ولاعبينا هم اللي يشيلون الفريق موب الاجانب
اتمنى لو احد يكتب موضوع لا يكتبه من باب العاطفه من محبتهم للاعب وعلى حساب مصلحة الزعيم واتمنى انها ما تكون في وقت نرفزه وعصبيه بعد تعادل او هزيمه .. لان في كثير من الاخوان مع الخيل يا شقرا او كاتب الموضوع نعرفه خل نفزع له
ودمتم بود |
ردك يعجبني بقوة
الوضع العادي
