يا ريت يسمع منك ابوسلطان ويستغني عن التايب
وأريد التايب ان يروح لأحد الأندية السعودية { الأتحاد او الأهلي } لتعرفوا قيمة التايب
كثرة اصابات التايب مشكلة يجب ان يجد لها التايب حل اما بالعلاج او الراحة سوء بقي بالهلال او لم يبقي
غريب امر الجمهور واحد يطالب بالتجديد لتايب وواحد يتمني انه يرحل
انا اتمني ان التايب يرجع يلعب في بلده
اخر مرة شفت التايب يلعب كانت مبارة ليبيا السعودية وكان التايب غير مؤثر بتاتا
من ناحية المالغ التي تدفع لتائب { مليون دولار سنوي } الليبيون يدفعون { 20 مليون دولار سنوى } للاشتراك في محطات ا ر ت ...... بس ليشاهدوا التايب
أصحاب العقول في راحة

إقتباس هلالي صميم من جدة زعيــم متألــق 60 وعضو استشاري !!! اقول التائب لاعب كبير وهو احسن لاعب هلالي حاليا

يعطيك العافيه أخوي ... فور ايفر هلالي ( ابو محمــد ) أحد وأكبر الاعضاء بروم الهلال بالبالتــوك ...


بالنسبــة لموضوعك ياابو محـــمد أنا معاكـــ في نقطه وأخالفكـــ في أخرى ....

صحيح التائب لاعب اصابته كثيره ... وفقدناه في أهم وأصعب المباريات ... لكن هذا لايجعلنا أن ننتقده

في كعوب أو كباريات ... فاالتائب لاعب كبير ولاننكر أنه سبب مهم في فوز الهلال في أكثر المباريات

حيث غاب نواف والشلهوب دائما لكن التائب حاضر وصانع ألعاب من طراز نادر ...

التائب غيابه يؤثر على منتخب بلاده فما بالك نادي الهلال ... وهذه الصراحه بكل جرأه ,,,

لكن المهم والأهم هو أن التائب واصابته ... كثيره ... لذلك هل نحن ملزومون بعدم الاستفاده من الاجنبي الثالث نظرا

لاصابته اللي مللنا منها ؟؟؟ طبعا لا ؟؟؟

فالهلال يصنع الأجانب والنجوم ... فالنستغني عن التائب ونحضر غيره ... ولنستفيد من الاجانب بشكل جدي ..

أولا ياأخوي العزيز أبو محمد أشكرك جزيل الشكر لطرحك هذا الموضوع اللي صراحه صعب أي عضو

يطرحه لكن أنت كما عودتنا شمخ من شموخ الروم أولا ثم الشبكه ثانيا ...

ثانيا توقيت الموضوع ياأبو محمد توقيت مميز في ظل أن الهلال يحتاج أجنبي بدل التائب المصاب دائما ...

تقبل مرور أخوك العزيز ... ll alz3eeeem20 ll

والله كلامك منطقي وكان هذا محور حديثي مع احد زملائي المقربين بأن طارق لاعب مهاري ويشيل فريق بحاله لكن مشكلته الاصابات المباريات الحاسمه مانلقاه والمباريات العاديه يكون موجود اذا كنا راضين بالشي هذا فليت ابو يعقوب يرجع بس على الواقف مانبيه يلعب تكفي هيبته بالملعب

هذا اللي يخرب على الفريق
يااخي التايب وبالرغم من كثره اصاباته الى انه افضل لاعب في الفريق ..
ومافيه احسن منه .. رضيتوا ولا مارضيتوا ..
والله يوفقه مع الهلال .. وعقبال مانشتري بطاقته بعد ..
لاعب كبير .. واغلب مباريات الهلال اللي فاز فيها
كانت بتوفيق الله ثم بمجهودات التايب ..

إقتباس مباراة الوحده الأمارتي (بطولة اسيا)

الضاهر ما عندك خبر ان التائب في ذي المباراه نزل اخر ربع ساعه وسجل هدف

اللي عجزوا عنه كل اللاعبين وهو مجرد لمسه وحده وجاب هدف

كلنا نشوف الهلال بدون التايب مع احترامي فريق يفقد توازنه

التائب هو عمود الفقري للهلآل وتجي انت تطالب بالإستغناء عنه

انا ما يهمني كعوب ولا غيرها التائب اكبر من كذا

التائب لاعب صانع لعب من الدرجه العاليه لاعب ينهي لك المباراه

اتوقع لو التائب لعب الليله كان سوى الهوايل بس صبرك عليه

الدوري لا زال طويل وبيشارك التايب واذكرك بيوم من الأيام انك راح تندم على كلامك ووجهة نظرك

على العموم نا من اشد المعارضين لك

بعدين وش ذي الصيغه ( بلا تايب بلا هم ) انتبه لا يطق فيك عرق بس

واتمنى ارسال الموضوع للأرشيف مع احترآمي لكاتبه

التائب افضل ملحن عربي في الوسط ,,



نبي الهلال يشتري عقده للأبد ,,

,,

لا تعليق على كلامكـ ,,

وربي انك صاااااااااااااااااااااااااااادق واقسم بالله انا من اول الناس اللى كان معارض انتقاله للهلال لكثرة اصابته او بالعربي اصابته فى العضله الضاميه وربى انك صادق يلعب مبارة وعشرة فى غرفة العلاج..!!!!!

ابومحمد ااااااااااااه بس اااااااااااااااه بس وااااااااااااااااه وااااااااااااااااااااااااه واااااااااااااه

الى متى ونحن نحسب خططنا وحظور الجماهير على لاعب يخذلك في اوقات تحتاج فيها الصغير قبل الكبير

وتتفاجأ في غياب كبير الكعوب وبرنس الاصابات وانت وضعت عليه اكثر من خطة لعب

نعم لاننكر وجاهل في كرة القدم من ينكر ان التائب لاااااعب مهااااري وممتع للجماهير

لاكن ايضن من يعتقد ان التائب لن يخذل الهلاليين وانه سيجلب الفرح للهلال فهو اجهل من الجهل نفسة

اااااه عليك ياهلال

كثيرون هم اللاعبون الذين يلعبون في خانت التائب والله ماكثرهم بالعالم

واذا اردت يابومحمد اعد لك مجموعة كبيرة للاعبين يستطيعون سد ثغرت برنس الاصابات فلامانع لدي

اللاعب التشيلي الي ذكرة رقمة اسمه رينالدو نافيا ويلعب في نادي بشكتاش التركي وعلى حسب ظني

انا احد الاعضاء كتب في يوم من الايام انا نادي بشكتاش التركي يرغب في خدمات برنس الاصابات

فلماذا لاتتم المبادل مع هذا النادي يجلب الهلال التشيلي رينالدو نافيا ويذهب برنس الاصابات لبشكتاش

وسيرى جمهور الكعوب فائد التائب هل هي في وجودة بالنادي ام في مغادرتة

واذا اردت لاعب سيجلب جمهور اكثر من الجمهور الليبي فهنالك اللاعب التركي

الذي يعاني مع مدرب فريقة شتوتغارت الالماني واللاعب هذا هو صانع العاب منتخب تركيا

اللاعب هو باشتورك اللاعب رقم عشرة في المنتخب التركي

التايب من فترة ليست بالقصيرة وهو النجم الأول في الهلال

وهو اللاعب الذي يتحكم في نتائج الزعيم

عودوا للوراء قليلا في تصفيات البطولة الخليجية ثم انظروا للفرق في غيابه عن مباراة الاتفاق

انظروا لمباراة الوحدة الاماراتي كيف كان الهلال تائها قبل دخوله وكيف استطاع تنظيم الفريق

التائب يعاني من كثرة الاصابات أنا معك لكن ان ننسف جهوده في لحظة

يكفي طارق التائب أنه يمتع لاعبي الهلال بالكرات الساحرة والتمريرات الذهبية قبل الجماهير

دمتم زعماء ودامت الزعامة للزعيم

إقتباس الرسالة الأصلية كتبت بواسطة سيد حراس آسيا وهو اللاعب الذي يتحكم في نتائج الزعيم

لا يملك القدره الا رب العباد



لا نختلف جميعا بان التايب برنس بمعنى الكلمه

ولاكنه لا يملك عصى موسى عليه السلام

ولا يحدث الفارق من يغيب عن القائمه الــ 20 لاعب

لا اتمنى ابعاد البرنس او الاستغناء عنه ولاكن اتمنى لو يبعد لمده ولو كانت ليسة بالقصيره

والعمل على حالته الصحيه وارجاع لياقته فالراحه مطلوبه لاي لاعب مصاب وانا اجزم انه بالامكان تفادي الاصابه

اتمنى ان يكون وجود التايب في المستقبل بالعمل مع المجموعه ولا يكون وجوده لتعمل المجموعه معه

تحياتي لجميع وجهات النضر

واخصك بالذكر ابو محمد

اخى الكريم سامحنى بان اقول للك انك تكره التايب كرها
60 مشاركة وعضو استشارى
التايب لاعب كبير والاصابة تلحق كل الرياضيين
والقادم اروع

حدث العاقل بما لا يعقل فان صدقك فلا عقل له

مع احترامي لكاتب الموضوع دايم شوف بعض الجماهير واعضاء المنتدى يحبون لاعب ولا يرضون لأي لاعب بأن يخذ محله وان فعلها واخذ محله فالويل له كل الويل ... وركز على ما اقول

سياسة التطبيل والترويس هذي ما تنفع يعني في اشياء ينسكت عنها بس في اشياء تحس فيها افترااااااااء وبقوه

الحين يا ظالم طارق التايب مو مفيييييييد طيب اصابته كثيره اتفق معك بس للمعلوميه هذا الموسم الماضي لمى كانت ارضية الملعب زي ملعب استراحة في الثمامة ولمى ان الجهاز الطبي عندنا مخبط ومخبق وكثير من الاعبين اشتكو من الامرين مو بس طارق هذا بالنسبه للاصابه الموسم الماضي
ولكن هذا الموسم طارق التايب غاب مباراه واحده بسبب الاصابه وهي مباراه الاتحاد ومباراة الوحده الاماراتي مع انه في مباراة الوحدة دخل وحرك اللعب كل وسوى اللي عجز يسويه كل لاعبين الهلال يومها ومن ضمنهم نجمنا الكبيروحبيبنا ياسر افضل لاعب في اسيا ( لا احد يجي مدرعم ويقول لي يا مندس انت ضد ياسر .... لمعلوميه انا في نظري ياسر ممكن يغطي على ماجد وسامي ...معلومه لهواة الدرعمة ) شللللون تقول طارق غير مفيد وكل مباراه يغيب عنها طارق تشوف الهلال في اسوء حال .. واكبر دليل شف مباراة الاهلي الموسم الماضي لمى كان طارق يلعب الاهلي ماعدا نص الملعب بس بعد خروجه الاهلي مسك اللعب لا تقول الهلال كان مبدع طيييب وين باقي الاعبين في ذيك المباراه لا تقولي بالهم مع طارق وخايفن عليه من الاصابه ويفكرون فيه !!!!!!!!!!! ياخي مهارات كعوب كباري يسوي اللي يسويه اهم شي انه يفيدك وشايل الفريق وهو صانع اللعب ومفتاح لعب الهلال ... لييه الهلال يضيع بدون طارق لا تقول لي لاننا ما نعطي الفرصه لغيره نواف اخذ الفرصه من اول الموسم وهذا هو ما سوى ربع اللي يسويه طارق
انا بكل صراحه كهلالي محزني وضع الهلال انه صار يعتمد على لاعب واحد اذا غاب تغير مستوى الفريق 180 درجه انا بكل صراحه اتمنى الهلال انه يصير بدون لاعبين اجانب ولاعبينا هم اللي يشيلون الفريق موب الاجانب


اتمنى لو احد يكتب موضوع لا يكتبه من باب العاطفه من محبتهم للاعب وعلى حساب مصلحة الزعيم واتمنى انها ما تكون في وقت نرفزه وعصبيه بعد تعادل او هزيمه .. لان في كثير من الاخوان مع الخيل يا شقرا او كاتب الموضوع نعرفه خل نفزع له

ودمتم بود

يبو محمد هدي شي