كل ماقلت هانت .. جد علمن جديد .. !! - نادي الهلال السعودي - شبكة الزعيم

S U L A I M A N · #1 01/12/2007, 12:03 PM

الســـلام علـــيكم

كيف الحال شباب .. وكل عام وانتم بخير قبل الزحمه .. وللي بيحج نقول له مقدما .. حج مبرور وسعي مشكور وتقبل الله .. ان شاء الله ..

فكرة هـ الموضوع جت بدون سابق انذار صراحة .. لكن الاوضاع داخل البيت الكتلوني ماهيش مزبوطه للأسف .. الي أقصده طبعا الإصابات وما أدراك ما الإصابات .. كل ماقلت هانت .. جد علمن جديد .. اي والله .. سلمولي على الي قال هالحكمه .. انا أشهد انه حكيم ..

كل ماقلنا هانت .. وبيرجع ذا .. أصيب هذا وهذاك وذاك وذولاك !!! .. رجع فلان وأصيبوا فلانين .. وعلى هالحاله .. وش سبب إصابات الفريق المتكررهـ !! .. هذا غير الاعبين الي أصيبوا في فترات سابقه طبعا لكن رجعوا مع الوقت .. سواء تورام او توريه او ميسي ..

الاعبين الي ماراح يلعبون في مباراة اليوم هم .. : إيتو .. ديكو .. هنري .. ألقوير .. سيلفينهو .. ايدميلسون .. دوسانتوس .. تورام ..

في كل موسم لازم تحصل اصابة مزمنه .. السؤال هنا ليش طيب !! .. هل السبب في الاعبين .. او في الجهاز الطبي .. مع انه تم تغييره بداية هالموسم .. !! ..

ننتظر آرائكم .. بعيدا عن ردود الشكر والتي لاتخدم الموضوع والزائر في شيء ..

..

وليد القحطاني · #2 01/12/2007, 12:14 PM

هلا سليمان . .

الأصابات اسبابها كثيرة ومنها :

- لعب المباريات بكثرة .. يعني كل 3 ايام مباراة وبذلك يسبب إرهاق للاعب

- في التمرين وخاصة لو كان اللاعب من زمان مالعب . .

- في أثناء المباراة . يجيك واحد يحش رجلك وتروح فيها . .

....

وأشكرك ع الموضوع الرائع

ورده

.::.DREAM TEAM.::. · #3 01/12/2007, 12:48 PM

وعليكم السلام...

آآه يالاصابات وش اقول وش اخلي يالسلمي الاصابات لاعبة بحسبة الفريق بشكل مو طبيعي لدرجة ان المباريات اللي لعبها الفريق وهو كامل (والكامل وجهه سبحانه) ماتتعدى وحده ثنتين بكل اسف...

من قبل بداية الموسم واحنا نحلم بالرباعي الناري مابدأ الموسم الا ايتو مصاب وكملها هنري بها الفتره المهمة من الموسم يعني الديربي راح يلعبه الفريق دون راس حربه فعلي الا وجود بوجود بوجان اللي ماتعدى عمره 17 عام والله يعينه على الضغط الكبير الملقى عليه...

وضع الفريق جداً محير لازم الادارة تلقى حل وان كنت القي بعض اللوم على ريكارد ونوعية تدريباته المهاريه وما اقول اغفاله للجانب اللياقي لكن قد لايكون بمثل حرصه على الجانب المهاري...

سمعنا ان الفريق يفاوض الفترة الماضيه مدرب اللياقة لفريق ليفربول وما ادري عن تقدم المفاوضات حالياً ربما يكون هذا حل وضع من الادارة لمحاوله انقاذ مايمكن انقاذه

( إيتو .. ديكو .. هنري .. ألقوير .. سيلفينهو .. ايدميلسون .. دوسانتوس .. تورام .. )
وربي كثير

الله يعطيك العافيه يالسلمي على الموضوع ومشكور يالغالي ورده

تقبل مروري

دنـيـدل · #4 01/12/2007, 01:02 PM

أزيـن ذوقـوا اللـي ذقنـاه

مرحبـا يالسلمـي

الإصابـات مشكلـه صراحـه وفـي الموسميـن هـذا واللـي قبلـه ألاحـظ أنهـا كثرانـه وبقـوة خاصـة فـي النجـوم اللـي عليهـم العلـم

وأعتقـد أن السبـب الأول هـو الإرهـاق وعـدم الحصـول علـى راحـة كافيـه للاعـب بالإضافـة إلـى إمكانيـة تواضـع الجهـاز الطبـي فـي الفريـق

اللاعبيـن اللـي ذكرتهـم ماأعتقـد راح يؤثـرون علـى البرشـا كثيـر فـي غياباتهـم عـدا خـط الهجـوم اللـي راح يفتقـد لإيتـو وهنـري دفعـه واحـده

أمـا بقيـة الأسمـاء أعتقـد أن البديـل أفضـل منهـم لذلـك لا أعتقـد هنـاك تأثـر كبيـر راح يحـدث علـى مستـوى البرشـا فـي غياباتهـم

ينطيـك ألـف عافيـة

فـي أمــان اللـه

S U L A I M A N · #5 01/12/2007, 01:27 PM

^^

الأسهم لنواف بس هالبثر خش عرض

ناااااااظر

يانواف أبي موسم ماجتنا فيه اصابه أحد الاعبين .. اصابه مزمنه سواء الركبه ولا غيرها .. مالقيت !! .. من أربع مدري خمس مواسم .. وفي كل موسم نحصل اصابة لاعب مهم في الفريق .. ومهم جدا .. هالموسم ايتو والباقين على اسبوعين الى شهر .. العام ايتو وميسي .. الاول خمس شهور والثاني ثلاث .. قبل العام كزكز اصيب ثلاث أرباع الموسم .. والي قبله أصيب لارسون ثلاث أرباع الموسم .. والي قبله موتا وقابري وايدمي وناسي مين الرابع .. هذولا الاصابات الطويله ترى .. الي من 4 شهور وفوق .. غير المقبلات أمهات شهرين وانتي جاي .. زي ماقال اخوي بارسا10 .. حاول تتذكر آخر مباراة لعبها الفريق جميع مافيه !! ..

كل هالرد على كلمة ذوقوا الي ذقناه

فـ انغثيت شوي لاننا بكل موسم نذوق أضعاف الي تذوقونه

شاكر للجميع الردود والتعقيب

..

Hala Madrid · #6 01/12/2007, 01:49 PM

بصراحه نتمنى ان الاصابات تلعب بفريقكم وحتى ريكارد نبي تجيه اصابه بمخه او شد عضلي بعينه

ما دام انها من صالحنا

المهم عندنا وعندكم خير

برأيي ان اصابات لاعبين برشلونه هي من الاعبين انفسهم واستهتارهم , يعني بالملعب اذا مسك الاعب الكوره لازم يعدي من الفريق الثاني كله وما يحسب حساب الاصابه , يعني لاعبين برشلونه استعراضيين اكثر من الازم

تقبل مروري .

* قفله :

سليمان بشرط ما يجي المغرب الى انت مقفل الموضوع

Barca10 · #7 01/12/2007, 12:36 PM

أنا أقول لاجديد النحس لازال يلازم برشلونة وهذا شيئ معتاد سماعه ..

سليمان اذكر لي متى آخر مرة شفت برشلونة متكامل .. بعدها ستعرف أنها عقدة قديمة الى الآن لم نستطع التخلص منها وأتوقع خير دليل تغيير الجهاز الطبي ومع ذلك تواصل الإصابات ..

أسيــ الزعيم ــر · #8 01/12/2007, 01:20 PM

السلام عليكم

نتشكروك سليمان على هذايا الموضوع الحلو بزاف بزاف

لن أطيل في الرد إن شاءالله .. لكم الزبدة اللي أشوفها من وجهة نظري .. لما تجد هذه المشكلة موجودة في أكثر من فريق يمتلك نجوم على مستوى عالي .. فإنك ترجع هذا الأمر أولا ً للجهاز الطبي .. ولكن تغيرت الأجهزة الطبية في هذه الفرق والمشكلة لا زالت موجودة

إذا ً تأتي للسبب الآخر وهو الإرهاق وأعتقد أنه هو السبب الحقيقي .. مباريات مضغوطة .. اللاعب يلعب مباراتين كل اسبوع وهذا شيء غير معقول .. نجد مثلا ً الفرق الإنجليزية تلعب مباراتين في الأسبوع دوري ودوري أبطال وكأسين لإنجلترا ومنتخب .. وأعتقد أن الأمر سيان مع بقية فرق الدوريات الأخرى

هنا يأتي دور المدرب وهو مهم جدا ً ولكن يجب أن يمتلك دكة بدلاء .. وتكون بـ مبدأ المداورة بين اللاعبين .. مثلا ً في برشلونة إكسافي وانييستا ويحيى توريه يداور بينهم في المحور ما عدا يحيى اللي بيكرف ولاهمه

طبعا ً هذا مثال فقط يطبق على بقية المراكز

تكلمت عن المشكلة بشكل عام .. وبالنسبة لبرشلونة فـ الله يعينكم تهون جميع الإصابات في الفريق إلا إصابات المهاجمين إيتو وهنري

إقتباس


	الاعبين الي ماراح يلعبون في مباراة اليوم هم .. : إيتو .. ديكو .. هنري .. ألقوير .. سيلفينهو .. ايدميلسون .. دوسانتوس .. تورام ..

و ألقوير

تحيتي للجميع ؛ ؛ ؛

Blue Shirt · #9 01/12/2007, 02:16 PM

^
^
خلهم يستعرضــون مدام فيهم واحــدِ اسمه ليونيــل ..

..

ماحنا بعيدين منكم ..؟!
فيجــو وفييرا

.. وانظم لهم العقرب كل اسبوعين متلحطِ بالعناية ..

و إصابة ماترازي ثلاث شهور وإصابــة تشيفو المتكــررة ..

لــ درجــة إن التشكيلــة الاساسيّة ماثبتت اسبوعين ورا بعض .. !

انـا مادري عن لعيبتكم .. ووين كانت اصاباتهم بالضبط في النادي او مع المنتخباات ..؟!
عشان تقدر تقيّم الغلــط من وين بالجهاز الطبي بـ النادي او المنتخب ومشاركة اللاعب مع منتخب بلده ..,

احياناً يكون الاطباء بالنادي غير مسئولين مسئوليــة مباشرة باللي يصير للاعبين .. !
وتكون الاصابة حصلت للاعب مع منتخب بلده وفي التمرين ..؟!
هينا ممكن نلقي باللوم على الجهاز الطبّــي للمنتخب ..,

امّا إذا كانت الاصابة حدثت من غيــر تدخل مباشر من لاعب او التواء صار للاعب من دون تدخل
هينا نقدر نقول لعب فيه الحظ بشكـــل كبيـــر .. ,

المهم هو من بعد اصابة اللاعب .. ومقدرة الجهاز الطبّــي على إعــادته بشكل لائق وبســرعة للركض من جديــد
لانه لاحظنا تأخــر عوده بعض اللاعبين بالمقارنــة مع لاعبين عادوا بــ اقل وقــت مع إن الاصابــة واحدة .. !

ولكن اكثر سببين مُقنعين هو زيادة ( اللود ) في التمارين على اللاعبين واعطائهم جرعات زياده
و كثــرة مشاركات اللاعبين بمباريات التصفيــات مع منتخبــاتهم ..,

عمومـــا ً الله يشفيهم كلــهم الاّ اولقوير

سليمان حاس فيك ورده

‎βαƦ¢α 4 ξνξƦ · #10 03/12/2007, 01:42 AM

السلام عليكم ورحمة الله وبركاته

اي والله صدقت سليمان ,,,

قسم بالله حالة مدري وش تبي ولاتبي تروح ,,,

انا برايي ان المشكلة حظ X حظ

يعني بصراحة ما امدانا نفرح برجوع ايتو ,, تحس انه على طول خش بالملعب يتدرب هنري طاح وجته اصابة

غصب ما يكون الهجوم كامل .

عموما اذا هالحالة موجودة والفريق الوصيف بالدوري ومتصدر بالابطال ,, هذا شرف للكلتونين ,,,

مشكور على الموضوع والفضفة اللي بوقتها ...

إقتباس

الرسالة الأصلية كتبت بواسطة Blue Shirt


	ماحنا بعيدين منكم ..؟!

ومع ذلك ماتبون تفكون الصدارة

ٍS7EVA · #11 01/12/2007, 02:46 PM

اسبابة كثير ماتنعد

1/ عدم استعداد اللاعب بدنيا و نفسيا ..

2/ لعب مبارة ودية بللاعبين كبارة قبل بداية الدوري

وأكبر دليل الخماسية حقت البرشا بالانتر ..
يمكن يكون هذي سبب مباشر باصابة ايتو

إقتباس


	* قفله : سليمان بشرط ما يجي المغرب الى انت مقفل الموضوع

وما ظنتي ميسي يجي يشارك تدرون عنده اختبارات

المصروع · #12 01/12/2007, 03:43 PM

اعتقد ان السبب في الاصابات

اولاً: هو كثرة المباريات وخصوصاً مع المنتخب

ثانياً: هو تنافس اللاعبين في برشلونة على المراكز يدفع بهم لبذل مجهود اكبر وبالتالي تكثر الاصابات

MaJeD · #13 01/12/2007, 08:05 PM

السلام عليكم

هلا سليمان اخبارك طيب

بصراحة

الإصابات صارت ملازمة لـ برشلونة كل موسم ربما أيضاً كل موسم أشد و أكثر من اللي قبله.

يعني هالشيء غير معقول بصراحة الإدارة تتفرج يعني؟! لازم يشوفون حل.

ماهو برشلونة لحاله اللي يشارك في أكثر من بطولة ومع ذلك تقريباً هو أكثر فريق في الإصابات. وكلها إصابات قوية يعني أقل إصابة شهر تقريباً <== جيوفاني هذا إذا مازادت المدة بعد.

أعتقد السبب هو من الجهاز الطبي ومدربين اللياقة أيضاً.

أتذكر الموسم الماضي أو اللي قبله قالوا السبب أرضية الكامب نو وغيروها بالكامل <== وش اللي تغير زادت الإصابات أكثر من اول.

أعتقد زي ماقلت السبب هو الجهاز الطبي ومدربين اللياقة.

بالإضافة لطريقة المدرب ريكارد يمكن لأنها طريقة مرهقة وتعتمد على المجهود البدني الكبير من كل اللاعبين بلا إستثناء.

Fo0oRzA JuVe · #14 01/12/2007, 08:20 PM

أتوقع الاصابات منتشرة بشكل غريب في جميع أنحاء العالم ..

السبب هو تعدد المشاركات .. يعني تلقى بعض اللاعبين يلعب 9 مباريات في شهر و90 دقيقه ..!!

متى يلحق سفر على تدريب على مباراة .. ومتى يعيش حياته

؟؟؟

خصوصاً إذا كان اللاعب دولي .. يعني عندكم هجومكم كلهم اجانب ..

يعني رونالدينيو و ميسي في أمريكا الجنوبية .. ومشاركات دولية .. وتشامبيونز ودوري ..!!

وهنري مع منتخب فرنسا .. وديكو مع البرتغال ..

وتورام و ميلليتو .. وزامبروتا ..!!!!

كلهم مشاركات دولية ويلعبون 90 دقيقه .. سواء مع المنتخب او مع النادي ..!!

وأيضاً أكيد الجهاز الطبي له دور ..!!

ومشكور على الموضوع الرائع ..!!

C A M P - N O U · #15 01/12/2007, 10:17 PM

ارحب سليمان

انا اشـهد ان الموضوع على الجرح ورده

برشلونة اتوقع انه اكثر الفرق المتضررة من الاصـابة ، ومع ذلك فيه اداء ورده

اتوقع ومثل ماقالوا الاخوان ~
البلى في كثرة المباريات ، من يد نشيط في يد نشيط وعليك الحساب

واحد يراكض لك في مباراة ومايمديه يرتاح تجيه مباراة ثانية ورده

يعطيـك العافية عزيزي ورده