|
اعارة العتيبي خلل اداري واضح...تعالوا نتناقش بموضوعية بسم الله الرحمن الرحيم اولا..ابارك للجميع حصول الكابتن ياسر القحطاني على افضل لاعب في اسياء وان كان من وجهة نظري هو اكبر من هذه الجائزة..ولا زلت عند رائيي بهذه الجائزة منذ ان تدخلت(الحريم) وفاز بها(الطفل) خلفان...من يومها قلت...الله يخلف على كرة اسياء طالما نجمها خلفان(خليف خلف الله المحامي).... لكن يبدو ان ابن همام وزمرته ارادوا انقاذ اسياء وكرة اسياء وكان قناصنا هو طوق النجاة كي يعود الاتحاد باكمله وليست هذه الجائزة فقط الى ساحة الشرف بعد ان ازكمت رائحة الفساد انوف الشرفاء وان كنت لا اخفيكم...ان مرارة خروجنا الخليجي اتذوقها مع كل طاري للكورة..لكن هذا حال الكرة...ونتأمل ان يكون القادم احلى ثانيا وهو الموضوع المراد النقاش به ومن وجهة نظري انه خلل اداري او قد يكون فني او اننا نحتاج لتفسير...المهم من حقنا ان نفهم اعارة حسن العتيبي او(الشاطر حسن)...كيف تمت وعلى اي اساس اوضح لكم اللي في خاطري عندما تغيب سيد حراس اسياء لظروف وفاة والدته(رحمها الله)..كان البديل هو حسن العتيبي بمعنى ان حسن هو الحارس الثاني بالهلال ..من هم خلفه هم احتياط له؟؟؟!!! هل هالكلام منطقي او لا...طيب فيه شوية منطقية او لا!!! اذا مو منطقي اكون انا غلطان واذا فيه لو شوية منطقية معنى كذا لابد ان نقول ان انتقل حسن خلل اداري وفني واضح..ونضع حوله اكثر من مليون علامة تعجب عندما يلعب حسن العتيبي في مباراة هامة ومصيرية ومؤهلة لمباراة نهائية معنى ذلك انه الحارس الثاني في النادي... وان كان ليس كذلك معنى ذلك ان العتيبي تم اشراكه وهو غير مؤهل للعب في هذه المباراة مع العلم اني اشوف انه افضل من الشمري(وجة نظر) ان كان الشمري او غيره افضل من حسن العتيبي لماذا لم يتم اشراكهم وتكون اعارة حسن منطقية اما الان فالاعارة غريبة جدا!!!! اعارة حسن للقادسية لا اعتقد انها في محلها...ولكن اتمنى له التوفيق واخشى ان نبحث عن حسن اثناء الدوري...واتمنى لجميع لاعبي الهلال السلامة والصحة. باختصار: *تخيلوا لو لاسمح الله واصيب تفاريس...ماهو حالنا وقتها!!!!! نصر دائما على البحث عن لاعب بالوسط والمقدمة وننسى ان منطقة الدفاع على شفاء جرف هار. *العنبر لم يكن اللاعب المناسب في مباراة الاتفاق ..على الاقل كان يجب ان يستبدل بالشوط الثاني..ولكن للمدرب وجهة نظر نحترمها. *مهما حدث للادارة من اخطاء فاطالما هي متواجده على كرسي رئاسة النادي فلا بد ان نقدمها لها كل الدعم والتشجيع. *مباراة الهلال مع الاتحاد 3 نقاط مهمة جدا في الدوري..ولابد من اللعب على هذا الاساس دون النظر لما حدث قبلها من احداث. وفقكم الله احبتي زعماء اسيا |
عدم رد اي عضو اعتقد انه دليل على ان نظرتي كانت خاطئة وان الموضوع لايهم بنو هلال وقد تكون مباراة الغد هي شاغل الجميع نسال الله التوفيق للازرق |
من وجهة نظري اقولك ما اشركوا العتيبي لانه مو الحارس الثاني يمكن علشان الخبره لان حسن عنده خبره بمثل هالمباريات مو مثل فهد اللي له مده ماشارك بمباريات قويه وحساسه مثل المباريات هذي حتى البطوله الوديه اللي شارك فيها الحارس فهد الشمري ما اضافتله شي لانه لعب ولا جته هجمات خطير ولا اختبر الاختبار الحقيقي وتقبل مروري واشكرك على الموضوع الهام الذي لابد ان يناقش وشكرا |
بالعكس عدم الرد من كثرة التعجب لما قامت به الأدارة 00 حارس يلعب اساسي في غياب الحارس الأساسي يعار !! فعلآ شي يحير ويبعث على الصمت المطبق من الأعضاء 000 نعم ليس وقت الأنتقاد !! بحكم أهمية المباراة المقبله 00 ولآكن بما انك أثرت الموضوع فأنا معك وكلي عجب 0 دمت على موضوعك المفيد جدآ 0 |
إقتباس:
هلا وغلا فيك..تصدق توقعت اني كنت مخطئ حتى مجرد التفكير بموضوع كهذاء طيب اذا حسن خبرة نحن نحتاجه واللاعب في كرة القدم معرض لاي اصابة.. طالما حسن خبره نحن اولى به....وماهو المردود اللي بناخذ في اعارتنا للاعبنا ولنادي القادسية... شكرا لك على ردك الراقي وتبي الصراحة اشكرك لانك جبرت بخاطري ورديت تحيتي لك |
إقتباس:
هلا بك اخوي تركوازي...وان شاء الله اثارة الموضوع للفائدة والاعضاء ان كان اشغلهم شي يخص الهلال فنحن ايضا اشغلنا موضوع اخر ويهم الهلال واشكرك على ردك الراقي وفعلا امر محير...وياليت نسمع من احد رد يزيل بعض علامات التعجب شكرا لك |
عندك الجمهووور هنا ظااااالم <<< على فكرة حسن هو اللي طلب .. انه يرووووح |
إقتباس:
لكن اخوي هلالي هل انت متاكد من انه هو من طلب ذلك بانتظار جوابك يالغالي |
اعتقد انه كان قرار خاطئ وبعدين تعير لاعب لفريق يعتبر ناكر جميل وفرع من فروع الاتحاد ياحبيبي الياقوت يعتبر البلوي تاج راسه وسمساره شوف وشلون يعذب بالهلال لما يبي لاعب قدساوي حكمي رفض طلب اعارته للهلال وبعدها قدمه هديه للبلوي عشان يرضيه بعد فشل صفقة ياسر والطريدي من سابع المستحيلات انك تاخذه كفانا رومنسيه وطيبه زائده هي كلمه وحده ودي اقولها جميع الانديه السعوديه حاقده وكاره للهلال فلماذا نتقرب منهم |
إقتباس:
ولافض فوك مشكلة خصوصا في الادارة اننا ننتهج المثالية في زمن تغيب فيه النزاهة والصدق والمثالية ياترى ادارتنا مثلا هل ستترك ماقالة (الزول) صالح(بشير) دون ان ترفع شكوى ضده اما ان المثالية ستستمر شكرا لك يالغالي |
لا ابشرك يا بعد حيي حراسه العرين الازرق بخير ولله الحمد وتفائل بالخير ان شاء الله وبصراحه يعني وبدون اي مجاملات فهد الشمري ابرك من الدعيع ومن العتيبي بصراحه ومهضوم حقه اكثر من الازم الحارس فهد وبالنسبه لانك تقول من زمان له مده ما لعب بالعكس البطوله الهلال الرباعيه حارسها كل في جميع مبارياته حارسها فهد الشمري وقدم احلىىىى المستويات . وبالتوفيق لفهدالشمري غدا وبالتوفيق للازرق وان شاء الله نحصد الثلاث نقاط باذن الله امين يا كريم |
إقتباس:
وان كانت العتيبي هو الحارس الثاني حسب مشاركته بالمباراة لماذا يعار للقادسية صدقيني هذه الحادثه لها اكثر من طريق ودرب وقد تكون سقطة من الادارة شكرا لك والله يوفق فهد والدعيع الكبير والصغير تحيتي |
الهلال يوجد عنده البديل للدعيع وهو فهد الشمري لكن الاهم لماذا لاتعامل ادارة الهلال ادارة القادسية بالمثل عندما تقدم الهلال بطلب اعارة الطريدي طلب القادسية 4 مليون والهلال يطلب 300 الف هنا الفرق ومواقف القادسية مع الهلال بالمفوضات غير جيده |
ياناس ليش معطين الموضوع اكبر من حجمه كل السالفه ان القادسية طلب حسن العتيبي بالإسم وحسن وافق على الإعاره وبعدين من زمان ومحمد الدعيع مالي مركز الحراسه الله يدوم عليه وفرصه للعتيبي ياخذ فرصته ويرجع اقوىمن أول كلها تقريبا 6 شهور فقط |
إقتباس:
والأهم انه لايقف في طريق رزق اي لاعب ويلوموني فيك يازعيمنا |
| الوقت المعتمد في المنتدى بتوقيت جرينتش +3.
الوقت الان » 02:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd