نادي الهلال السعودي - شبكة الزعيم - الموقع الرسمي - أبي أقولك وأنت ركز أبي أوصفلك سهرة الأستاد .. !!

أبي أقولك وأنت ركز أبي أوصفلك سهرة الأستاد .. !!

ابي ألقاك بكرة بعد المغرب في أرض الرياض .. لا تلف وتدور وتتعب حالك ابيك تتجه صوب ملعب فيصل يا جنة الغفران .
أبيك تصفط ولا عليك امر مع ربعك جمهورنا الفرسان .. وتوكل على الله ودخل لا تحاول تستغل غفلة الحراس .
ترى الدخل لنـــا يا شريف الأخلاق ..!!

تقدم خطوات ولا تلف يمين أو يسار .. خلك ماشي على طول بتلقى سور مثل فتحة البركان .
سم بالله يا زعيم ودش مع بوابة الأبطال .
وإن كنت تحب النفاه الله يعينك اصعد لين تقطع بك الانفاس .
ولا دخلت اختر مكان يجيب لك فنون الازرق الفتان ..!!

http://upload.alhilal.com/img/005/hvt21.JPG

وانتبه الله يخليك لا تروح يسار هناك جنب جمهور الاتحاد .
خلك اصيل ورفرف بشالك وسط لمة الاحباب .
وإذا معك علك أو لب ملكي ليتك تترك عنك عادة الطرمان .. نبي صوتك يلعلع ويصج كل من حضر سهرة الاستاد .
نبي صوتك العذب يغني ويحفز كل أزرق أخاذ . نبي نكتم بروعة الأحان صوت غنوة المزمار .
نبي نردد .. نبي ناقف .. نبي نجلس .. نبي نسمر .. نبيها سهرة الطربان ..!!

http://www.alzaeem.com/gallery/data/...2/DSC_0037.JPG

أبيك يالغالي تصف جنبي مثل سامري الأيقاع . نبيها مرة يمين ومرة نرده يسار .
أبي كل لاعب نزل يندهش من موجك الهادر .
وإذا معك علم أزرق بالله عليك خله يرفرف مثل جمهور انجلترى او الأسبان .
أبيك واقف تأزر مع كل هجمة تربك الغلمان .. أبيك تصفق لتيفا أذا خلص كورة الخسران .
ابيك موج أزرق يمزق حضرة المسيار ..!!

http://upload.alhilal.com/img/005/YO0033.jpg

تكف يا أسد أزرق لا تنسى تكمل موجنا العاتي .
أبي ندندن العرضة رقصة الفرسان .. نبي نهيجن نشد همة الأبطال .
نبي كل من جلس هناك خلف اشاشة والتلفاز يردد بحسرة والله فاتتني زفة العرسان .
ابي كل معلق يسرح ويترك الكورة ويردد معنــا انشودة الولهان . تدري أبي المخرج ينسى الكورة وشدة الأعصاب .
أبي ينقل منظر اللمة وقرعة الطيران ..!!

http://www.alzaeem.com/gallery/data/.../uDSC_0063.jpg

ابي الأصفر يصرخ مقدر اتحمل هزة الأركان .
ابي نمرهم يسد أذنه يبي فكة الأستاد .. ابي نمورهم تتصافق رجلينه خوف وقلق تعيد سحبت الاسد شلهوب .
ابي نمرهم يبكي هدف الكاسر الفنان .
ابي نمرهم يتعلق نشنقه مثل قلعة الجيران ..!!

http://upload.alhilal.com/img/005/Picture-006.jpg

يا زعيم يا منبت الأبداع تكفى لا تنسى قبل زحمة الجمهــور تأدي فرض الرحمان .
ابيك ترفع ايدينك تردد تكفى ياربي لا تردني خسران .. ابيك تتذكر بعد الفوز حق الجار .
لا تزعج ولا تدوش من رقد تعب وارهاق .
ابي نسمو بخلق نبينا المختار .

http://www.alzaeem.com/gallery/data/...2/DSC_0017.JPG

انا بكرة ابنتظر كل مسافر ورحال .
ابي اطوقهم بورد وأجمل الريحان .. أبي اشكر كل من شجع وبحت الأوتار .
ابي اودعهم ورد جميلة الركبان .. !!

انا بكرة على وعدي معكم في ساحة الاستاد .