أقولها للمره الثالثه:::أتمنى ان لا أشاهد رابطه - صفحة رقم 19 - نادي الهلال السعودي - شبكة الزعيم

MY Hilali · #1 15/03/2008, 04:37 PM

والله معاك حق وجمهور الهلال مايحتاج رابطة في الرياض خصوصا وتفاعل الجمهور والاسلوب القديم لجمهور الهلال افضل من الان واخص بالذكر الرياض فقط لأن بعض المدن الاخرى تحتاج رابطة ؛؛
.
.
ودمت بود؛؛

حبك حلو يا هلال · #2 15/03/2008, 06:02 PM

كلام منطقي منك اسامه

دائمآ انت من المبدعين في شبكة الزعيم

اخوي بخصوص الرابطه

يطول العمر الرابطه حكايتها حكايه والله قبل اشوف افضل بكثير من الحين

قبل كان فيه واحد من الجماهير يغنى بدون ماك

ياهلال عزك عزنا

والله كانت روعه

والا كلمة

هلال هلال اوه اوه

كانت روعه

الحين نسمع صوت الرابطه بس كنها سواليف عاديه

كنه قاعد يسولف الحقوي !!

والله لازم نوقف وقفه صادقه و نغير اشياء فيهاا

و بالتوفيق للهلال

الهـلال · #3 15/03/2008, 06:23 PM

إقتباس


	والله أنا ألقي اللوم على حقوي صراحتا أحس جاي يقول كلمتين قبل المباراة وفي المباراة الرجال ساكت !!!!!

,,,,,,,,,,,,,,,,,,,,,,,,,,, صـدقـــت ,,,,,,,,,,,,,,,,,,,,,,,,,,,

مش مشكل(15) · #4 15/03/2008, 06:49 PM

إقتباس


	كل ماكان يحتاجه الهلال هو جمهور يبث الرعب في صفوف المنافس والحماس في صفوف الفريق شوفوا جماهير وفاق سطيف هل يملكون طبل ودف ومكرفونات؟؟؟؟؟ شاهدوا كيف يشجعون وحتما يؤثرون في نتائج المباريات بطريقة تشجيعهم جماهير مانشستر او ليفربول او ريال مدريد هل سبق ان سمعتم شخصا يغني والاخرين يرددوا وراءه وهل سبق وان شاهدتم دف وطبل في مدرجاتهم

فعلا كلامك في محله

وبصراحه الرابطه صارت تفشل وما تحمس

قبل لاتجي الرابطه كنا نشوف الامواج المكسيكيه طول المباراه

وكنا نتحمس نحضر

الضرغام الازرق · #5 15/03/2008, 07:10 PM

يا اخ ااسامه

والله بصراحه الرابطه ما تقصر

بس يا خوي الجمهور ما يتفاعل

ممكن تقول وش لزوم الرابطة اذا

الجمهور ما يتفاعل

انا ارد عليك واقول شي احسن من شي ( حلوه الجمله هذي)

يعني يكون فيه ثلة تشجع احسن من الا يكون

هناك من يتفاعل

يا اخ ااسامه وش يفرق بين الجمهور في الغربية وبين جمهور الرياض مثلا

الفرق هو التفاعل

مسكين حقوي ينبح صوته وما احد يعطيه ويه

يعنني الخلل من الجمهور مو من الرابطة

عموما اخوي موضوعك رائع

بس

ما كان له داعي تجيب طاري المفرج ( وجهة نظر )

يعني الموضوع كان عن تفاعل الجمهور وش دخل المفرج

تقبل مروووري الضرغام الازرق

شهــــاب11 · #6 15/03/2008, 07:40 PM

كلااااااااامك سليم واتفق معك 100%

تشجيع زمان كان يهز الحضور اجل وشلون الاعبين

مشكووور اخوي ااسامه يامبدع

أمير الأساطير · #7 15/03/2008, 08:40 PM

والله أنا ألقي اللوم على حقوي صراحتا أحس جاي يقول كلمتين قبل المباراة وفي المباراة الرجال ساكت !!!!!

يا(20)سر · #8 15/03/2008, 08:53 PM

حقوي مآيغني في المبارآة ؟! طيب مآقد سمعنآ الجمهور يغني لحظة سكوت إبرآهيم حقوي ..!!

هذا الجمهور اللي مآيبغى الرآبطة .. ماشفنآه يشد من أزر الجمآهير المتبقية عشآن يغنوآ إذا سكت حقوي ..!!

الهلال اللامع · #9 15/03/2008, 09:26 PM

الا ان طريقة تشجيع في مدرجات الهلال اصبحت سلبيه جدا منذ ظهور الرابطه

لماذا نصر على تقليد جماهير الغربيه

كل جمهور له طريقته في التشجيع

ويش قصدك يعني احنا ال في الغربيه منعرف نشع الهلال

كوبري القحطاني · #10 15/03/2008, 09:31 PM

بالفعل وجهة نظرك في محلها بصراحه جمهور الهلال يفتر مع مجريات المباراة بدلا من ان نكون شعلة نوقد بها روح اللاعبين نزيدهم فتورا والرابطة اهازيجهم تجيب النوم نبي نرعب الخصم بدل الزعامة ترا ملك الهلالي والكاس يلمع والعين تدمع نبي نسمع الخصم هلاااااااااااااااااال اسم يهز ويرهب

fslhggi · #11 15/03/2008, 09:37 PM

مشكووووووووووووووور على التنبييييييييييه

و إنشاء الله مثل ما خذنا كأس ولي العهد ناخذ الدوررررررري

و تسلممممممممممممممم

ملينا البعد · #12 15/03/2008, 09:42 PM

كلامك عين العقل الرابطة اللي موجوده تدور الفلووووووووووووووس بالعربي

يعني لازم ادارة الهلال تشوف ناس يعشقون الزعيم من قلب وصدقني فيه ناس ماعندها مشكله تتطوع وتدخل الرابطه بدون اي مقابل

مع احترامي لحقوي مايصلح قائد للرابطه لانه يجيب النوم باهازيجه اللي ما ادري من وين يجيبها

Abu Nouf · #13 15/03/2008, 09:56 PM

اسامه يعطيك الف الف الف عافيه والله كلامك صح 100%
انا معك بكل كلمه قلتها....حتى ارسلت رساله شخصيه الى الاخ ابراهيم حقوي وقلتله عن هذي النقطه
جمهور الزعيم لا تناسبه الطبول والدفوف...جمهور الزعيم تناسبه اهازيك فقط ومحتاجه صوت من غير طبول
وبالنسبه للصوت من غير طبول بالعكس يكون اقوى صوته ومفعوله اكبر...زي اذا قال الجمهور بصوت واحد ياهلال هذي لحالها تكفي تهز الملعب وتهز قلوب الخصوم...انا معك اسامه واهنيك عالموضوع

يعطيك الف الف عاافيه

yosef__15 · #14 15/03/2008, 10:51 PM

يا اخواني اصلا حالة الكره السعوديه ما تشجع على الحضور فما بالك بالتشجيع!!
يعني بالله عليكم الى متى احضر قبل المباراة بأربع بثلاث ساعات !!!عشان اجلس في الواجهه!!
ليش ما يهتمون بالجمهور ؟! يعني اضيع يومي كله لأجل مباراة!!
المفروض احضر قبل المباراة بنص او ربع ساعه واجلس في الكرسي اللي حجزته !!
اما احضر لي قبل بثلاث ساعات والله والله اتعب قبل تبدأ المباراة!!
يعني الوقت اللي تجلسه قبل المباراة اكثر من وقت المباراة مرتين

ثانيا : الامن المتخلف في الخارج!! والله قمت التخلف في كورتنا ما صار ولا استوا!!
يعني كيف تمنعني من التشجييع حتى العلم ممنوع !! يا شباب عارفين وش معنى العلم ممنوع!!
يعني ادخل بثوبك واحمد ربك دخلناك بعد !! وصفق بيدك وصارخ صرااخ ولا ممنوع الماء

والله يا شباب انهم مانعيني ادخل بسبب شال مكتوب عليه برشلونا العرب ورقم سامي .. االخ
شال صغير وقالي ممنوع !! والله قمت القهر!! مزاج العسكري ما يدخل الشال اللي معي وش اسوي انا؟!
والله يا شباب في مباراة النهائي ان احد العساكر يجلس الواقفين كأنه عريف فصل في اولى ابتدائي!!!
والله يا شباب انه يصارخ على الجمهور: اجلس يا ولد اجلس يا ولد>>>>لا تعليق نهائيا!!

ثالثا الحضور للملعب غثى وهم ووجع راس !! في الحقيقه!!
ويفتقد لأي ترفيه عن النفس وسعة صدر بشكل نهائي!!
اذا طلعت من الملعب راسك منتفخ من ازعاج الرابطه !!

رابعا: انت سلبت حق الجمهور في التشجييع والتفاعل مع المباراة بإحضار رابطه تشجع وتتفاعل عوض عنهم!!
النقص واضح في اعضاء الرابطه عكس الانديه الاخرى
حتى ان الرابطه اساسا مكانها خطأ !! تجد الجمهور متقسم ومتفرق
ولو كان كل الحضور في واجهة المدرج مع الرابطه لزاد من شكل الحضور وتفاعله.

خامسا: الاهازيج لا تناسبنا لا تناسبا لا تناسبا لا تناسبا خصوصا اللهجه !! واعتقد ان الحقوي صار عنده علم بذلك !!

سادسا: اللي مزعجنا بقصة فوز الهلال في خارج ارضه وخسارته داخل ارضه وش دخل الجمهور في الموضوع!!
الجمهورا اللي مضيع البلنتي او ياسر امام الاتحاد !!
او الجمهور راشي الحكم يوم ظلمنا في بلنتي الاسلكي او البلوتوث !!
او حنا اللي قلنا للمدرب لا تلعب ياسر وطارق !!

سابعا: وش قدم لنا مجلس الجمهور غير الفنايل البلاستيكيه اللي صرنا نجلس عليها الان كراسي الملعب غبار في غبار.

واخيرا سؤال اتمنى الاجابه عليه:
وش بيد الجمهور يتفاعل بغير الصراخ؟؟
وش اعطيت الجمهور من ادوات تساعده على الحضور والتفاعل؟؟

وشكرا

مجنون الفريدي · #15 16/03/2008, 01:40 PM

يمدحون ايام اول ابوعلي والناس الي تعرف تحرك الجمهور والملعب يرج رج مو الحين